Dat grote Höög- und Häwel-Book/De Minschenfründ

(Naa dem Oolddüdschen van Ign. Felner.)

   Dee still för sick in Andachd lävt,
Naa Tuchd un framem Wanndel strävt,
Up God sun Dohn un Hapen bowt,
Dee meent't mit God in'm Häwen good.

   Dee nich up Weldlust-Lockung hört,
Sick sülvst nich lockt, nich drügt, nich döhrt,
Den Bösen van sick bannt mit Mood,
Dee meent et mit sick sülvst woll good.

   Dee mit dem Fründ as recht is, deiht,
Up goden Wegen mit äm geiht,
Un för am strävt mit Good un Blood,
Dee meent et mit dem Fründ woll good.

   Dee kristlich synem Feend vergivt,
Nich Gall un Gifd in't Hart sick schrivt;
Äm bystahn deiht in Nooo un Dood,
Dee meent et mit dem Feend woll good.

   Dee an syn' Leevst vull Ehrbarkeid
Nicks as wat fraam un recht is, deiht;
Sick spegeln mag in Unschuldglood,
Dee meent et mit syn' Leevst woll good.

   Dee, wat äm höögt, an Annern övt,
Un lyks sick sülvst de Annern leevt,
Up Ann'rer Glüek syn Glück sick bow't,
Dee meent't mit allen Minschen good.