Biblia/Vetule Testamento/Psalmos/Psalmos 87

From Wikisource
Jump to navigation Jump to search
Le Biblia in Interlingua
Psalmos

Psalmos[edit]

87. Sur le monte sancte se trova le citate fundate per le Senior[edit]

Le psalmista celebra le presentia del Senior in Sion e le stato special de su citatanos.

1Un psalmo del korahitas, un cantico. Sur le monte sancte se trova le citate fundate per le Senior. 2Ille ama le citate[1] de Jerusalem plus que ulle altere citate in Israel[2]. 3Oh citate de Deo: qual cosas gloriose es dicite de te! [Interludio].

4Inter illes qui me cognosce io mentionara le gente de Egypto e Babylonia, includite illes de Philistia e Tyro, e mesmo illes del distante Ethiopia. Omnes deveniva citatanos de Jerusalem como si illes habeva nascite hic! 5Concernente Jerusalem on dicera: “Hic omnes potera gauder le derectos de citatano”, e le Altissime benedicera personalmente iste citate. 1Quando le Senior compilara le registro del nationes, ille dicera: “Omne illes deveniva le citatanos de Jerusalem”. [Interludio]

1Le populo sonara flautas[3] e cantara in choro dicente: “Le fonte de mi vita se trova in Jerusalem”.

Notas[edit]

  1. O “Le Senior ama le portas de Sion”.
  2. O “de Jacobo”.
  3. O “dansara”.