Biblia/Vetule Testamento/Psalmos/Psalmos 86

←Psalmos 85

Le Biblia in Interlingua Psalmos

Psalmos 87→

Psalmos

86. Inclina, oh Senior, tu aures e exaudi me

Le Psalmista se appella al misericordia de Deo, e preca ut ille sia liberate de su inimicos.

¹Un precaria de David. Inclina, oh Senior, tu aures e exaudi me, quia io es inope e paupere^[1]. ²Custodia mi anima, quia io me consecrava^[2] a te. Deo mie, salva tu servitor, qui confide in te. ³Sia misericorde de me, oh Senior, quia a te io clama^[3] tote le die. ⁵Allegra le anima de tu servitor, qui a te, oh Senior, io elevava mi anima. ⁵Quia tu, oh Senior, es bon e prestea pardonar. Tu manifesta grande misericordia verso tote les qui te invoca. ⁶Oh Senior, audi mi oration; presta attention a mi deprecation. ⁷In le die de mi tribulation io clamava a te, quia tu me exaudi. ⁸Nemo inter le dios es simile a te, oh Senior, e nemo pote facer le obras que tu face. ⁹Tote le gentes, que tu faceva, venira e adorara coram te, oh Senior, e glorificara tu nomine, ¹⁰Quia tu es magne e face meravilia: solmente tu es Deo. ¹¹Oh Senior, doce me tu vias, ut io pote viver secundo tu veritate. Rende mi corde pur, ut io tie tu nomine. ¹²Io va confidar in te, Senior mi Deo, con tote mi corde, e io glorificara tu nomine in eterno. ¹³Quia tu misericordia es grande super me. Tu me liberava ex le profunditates del inferno^[4].

¹⁴Oh Deo, homines superbe insurgeva contra me: un banda de homines violente essaya de occider me: illes ha nulle consideration pro te. ¹⁵Ma tu, oh Senior, es un Deo de compassion e de misericordia. Tu es patiente e plen de compassion e veritate^[5]. ¹⁶Respice in me e sia misericordiose verso me. Da a tu servitor tu fortia. Libera iste filio de tu serviente. ¹⁷Manda me un signo de tu favor, ut illesqui me odia lo vide e sia avergoniate, quia tu, oh Senior, me adjutava e me consolava.

Notas

1. O “io necessita tu adjuta”.
2. O “me sanctificava”, “me ha ponite a parte”.
3. O “io preca”.
4. O “Sheol”, le mundo del mortos.
5. O “fidelitate”.