Biblia/Vetule Testamento/Psalmos/Psalmos 85

From Wikisource
Jump to navigation Jump to search
Le Biblia in Interlingua
Psalmos

Psalmos[edit]

85. Tu te complaceva effunder benedictiones super tu terra![edit]

Le populo de Deo memora quomodo Ille pardonava lor peccatos in le passato, prega ut ille les restabli in su favor, e gaude in le anticipation de su renovate benedictiones.

1Pro le director del choro, scribite del Korahitas, un psalmo. Oh Senior! Tu te complaceva effunder benedictiones super tu terra! Tu restabliva le ben-esser de Israel[1]. 2Tu remitteva le iniquitates de tu populo; tu pardonava omne su peccatos. (Interludio) 3Tu reteneva tote tu furia; tu desisteva de tu rabide indignation.

4Ora restabli nos, oh Deo de nostre salvation. Non esser displacite de nos. 5Esque tu remanera irascite contra nos in eterno? Esque tu extendera tu ira de generation a generation? 6Nonne tu reviviscera nos de novo? Alora tu populo se allegrara in te. 7Ostende a nos, oh Senior, tu misericordia. Imparti a nos tu salvation.

8Io audira quid Deo, le Senior, dice, quia ille parlara de pace a su populo, su sanctos. Non permitte que illes retorna a lor previe comportamento folle. 9Certemente qui le time tosto facera le experientia de su liberation; tunc su gloria habitera de novo in nostre terra. 10Misericordia e veritate se ha incontrate; justitia e pace se ha salutate con un basio. 11Le veritate arboresce del terra e le justitia prospice del celo. 12Si, le Senior impartira su bon benedictiones, e nostre terra dara su fructo. 13Le justitia ambulara ante ille e preparara le via pro su ingresso.

Notas[edit]

  1. O “de Jacobo”.