Michea

I

Introduction

¹Isto es le message prophetic que le Senior dava a Michea de Moreshet. Ille livrava iste message durante le regno de Jotham, Ahaz, e Hezekiah, reges de Judah. Le prophetias concerne Samaria e Jerusalem.

Le judice es preste a arrivar

²Vos, omne populos, audi lo que io va dicer; vos, omne habitantes del terra, presta attention a mi parolas! Le Senior Deo testificara contra vos; le Senior accusara vos ab su palatio majestose! ³Reguarda! Le Senior sorti de su sancte templo. Ille descendera e marchara sur le culmine del montes del Terra! ⁴Subtus ille, le montes devenira clasmas, e le valleas se scindera. Le montes se fundera como cera in un foco, le roccas labera como aqua que cade ab un precipitio. ⁵Tote isto evenira a causa del rebellion de Jacobo e del peccatos del nation de Israel. Como eveniva que Jacob se rebellava? Esque illo non es Samaria? Ubi es le centros de culto pagan de Juda? Esque illos non es in Jerusalem? ⁶Io rendera Samaria un cumulo de ruinas in un campo aperte tanto que on potera plantar ibi vinias. Io facera cader le ruinas de su lapides in le vallea, io demolira su fortificationes usque al fundamentos. ⁷Omne su idolos sculpite essera fracassate; omne su statuas metallic essera destruite per le foco^[1]. Io rendera un cumulo de immunditias tote su imagines religiose. Durante que illo colligeva le metallo como un prostituita collige su gages, le idolos devenira ancora un gage de prostitution.

⁸Pro iste ration io lugera e me lamentara; io camminara a pedes nude e sin mi vestimentos. Io ululara como un can silvatic e stridera como un uluco. ⁹Proque le maladia de Samaria es incurabile. Illo ha infectate Juda; illo se ha extendite usque al capites de mi populo, e illo contaminava Jerusalem mesme! ¹⁰Non diffunde iste nova in Gath! Versa non mesmo un sol lacrima! In Beth Leaphra sede in le pulvere! ¹¹Le residentes de Shaphir passa longe de illo in nuditate e humiliation! Le residentes de Zaanan non pote quitar lor citate. Beth Ezel es in lucto. Ille prende de te lo que desira. ¹²Sin dubita le residentes de Maroth spera que il potera evenir qualcosa de bon, benque le Senior mandava un disastro contra le citate de Jerusalem. ¹³Le residentes de Lachish attacca le cavallos al carros! Tu influentiava le Filia de Sion a peccar, proque le actos rebelle de Israel pote esser retraciate usque a te! ¹⁴Ergo tu debera dicer adeo a Moreshet Gath. Le residentes de Achzib essera tanto disappunctante quanto un puteo desiccate pro le reges de Israel. ¹⁵Residentes de Mareshah! Un conquisitor vos attaccara; le capites de Israel fugira a Adullam. ¹⁶Rasa tu capite durante que tu luge pro le filios que tu ama; rasa tu fronte calve quanto un aquila; proque illes es facite prisioneros e portate via de te.

Notas

↑ Let. “Tote le retributiones de su prostitutiones”.

[1] Let. “Tote le retributiones de su prostitutiones”.

[1]