Biblia/Vetule Testamento/Malachia/Malachia 4

From Wikisource
Jump to navigation Jump to search
Le Biblia in Interlingua
Malachia

Malachia[edit]

4[edit]

Le Die del Senior[edit]

1“Mira, certemente venira le die que arde como un furno, quando tote le arrogantes e malfactores essera como palea. Venira le die que io les comburera”, dice le Senior del Armeas, “e non remanera de illes ni radice, ni ramo. 2Sed pro vos que ha timor de mi nomine se levara le sol del justitia, le resanamento essera sub su alas. E vos exira e saltara, como vitellos lassate venir fora del stabulo. 3Vos calcara sur illes que es malevole. Illes sera como cinere sub le soleas de vostre pedes, in le die que io prepara”, dice le Senior del Armeas.

Admonition final[edit]

4Que vos memora le instructiones de Moses, mi servitor, e le leges e preceptos que io le dava in Horeb, pro tote Israel. 5Mira, io vos inviara le propheta Elia, ante que veni le die del Senior, un die grande e terribile. 6lle tornara le cordes del patres verso le filios, e le cordes del filios verso le patres, assi que io non debera venir e colpar le pais con un malediction.