Malachia

3

¹Ecce! Io es sur le puncto de inviar mi messagero, qui preparara le via ante me. Pois subito le Senior, que vos cerca, entrara in su templo. Le Messagero^[1] del pacto que vos desira - ecce, ille veni!” dice le Senior del Armeas. ²Ma qui potera resister le al die de su venita? Qui potera remaner sur su pedes quando ille apparera? Nam ille essera como le foco del aurifice, como le sapon del lavatores. ³Ille se sedera como un raffinator e purificator de argento e purificara le filios de Levi e los raffinara como on face con auro e argento. Pois, con justitia, illes offerera al Senior sacrificios. 3⁴Alora le sacrificios de Juda e de Jerusalem sera agradate al Senior, como in dies e in annos passate.

⁵“Io venira e vos judicara e io essera preste a testificar contra magos, adulteros e perjuratores, contra illes qui priva laboratores de lor salario, contra illes qui opprime viduas e orphanes, qui depriva le estranieros de justitia e non me time”, dice le Senior del Armeas. ⁶Io, le Senior, non cambia. Dunque vos, filios de Jacob, ancora non es destruite.

Furar a Deo

⁷Desde le tempore de vostre ancestres vos deviava de mi statutos e non los ha observate. Retorna a me, e io retornera a vos”, dice le Senior del Armeas. ‘Ma vos dice: in qual maniera nos debe retornar?’ ⁸An un homine pote furar da Deo? Ma vos fura da me! Ma vos dice: ‘De que te ha furate?’ Del pagamento del decimas e del sacrificios! ⁹Vos es colpate de un malediction, tamen - le nation integre - ancora vos fura da me’. ¹⁰Que vos porta tote le plen decima al deposito, de maniera que sia cibo in mi domo. Postea pone me a la proba in isto”, dice le Senior del Armeas, vos videra si io non aperira le portas del celo e versara tante benedictiones a vos que il non habera bastante spatio pro conservar los! ¹¹o reprimendera le verminas de maniera que illos non ruinera plus vostre recolta, e le vites non plus essera infructuose in le campos”, dice le Senior del armeas. ¹²Alora tute le nationes proclamara vos beate, proque vos essera un pais delectabile”, dice le Senior del Armeas.

Le juste e le impie

¹³“Vos ha usate parolas dur contra me”, dice le Senior, “totevia vos dice: ‘Que ha nos ha dicite contra te?’ ¹⁴Vos ha dicite: ‘Il es inutile servir Deo’, e: ‘Que avantage veni del observar su preceptos, e vestir se in lucto avante le Senior del Armeas?’ ¹⁵Assi nos proclama beate le arrogante. Si, le malfactores prospera, e mesmo quando illes tenta Deo illos resta impunite. ¹⁶Alora illes que habeva timor del Senior parlava le un con le alteres. Le Senior era attente e les ascoltava. Un libro era scribite avante ille, pro conservar le memoria de illes que time le Senior e respecta su nomine. ¹⁷“In le die que io prepara, illes sera mi proprietate preciose”, dice le Senior del Armeas. “Io habera compassion de illes, como un patre ha compassion del filio qui le servi. ¹⁸Assi vos videra de novo le differentia inter le juste e le impio, inter illes qui servi Deo e illes qui non le servi.

Notas

↑ O “angelo”

[1] O “angelo”

[1]