Biblia/Vetule Testamento/Isaia/Isaia 20

Isaia

20

Un message in re Egypto e Ethiopia

¹Le Senior revelava le sequente message durante le anno in le qual Rege Sargon de Assyria mandava su commandante general a Ashdod, e ille pugnava contra illo e lo capeva. ²In ille tempore Nosgnor diceva a Isaia, filio de Amos: “Va, disveste te del roba de sacco e discalcea te de tu sandalia”. Io faceva assi e comenciava camminar nude e discalceate.

³Inde, le Senior diceva: “Sicut ambulava mi serviente Isaia nude e discalceate per tres annos. Isto es un signo - un symbolo del disgratias que io mandera super Egypto e Ethiopia. ⁴Assi le Rege de Assyria portara via le Egyptianos e le exiliatos ethiope^[1] como captivos. Ille les facera ambular nude e discalceate, tanto le juvenes quanto le vetules, con le culo discoperite pro le ignominia del Egypto. ⁵Tote^[2] illes que confideva in le Ethiopia e se gloriava del Egypto essera espaventate e embarassate. ⁶In ille tempore, illes qui vive in iste costas dicera: “Ecce lo que eveniva a nostre fonte de sperantia al quales nos fugiva pro reciper adjuta expectante de esser liberate del rege de Assyria! Como poterea nunc fugir?”.

Notas

1. O “de Cush”.
2. Probabilemente isto se refere al habitantes del litore, le Philisteos.