Biblia/Nove Testamento/Thessalonicenses/2Thessalonicenses 1
| ←1 Thessalonicenses 5 | Le Biblia in Interlingua Secunde Epistola al Thessalonicenses |
2 Thessalonicenses 2→ |
Secunde epistola al Thessalonicenses[edit]
Capitulo 1[edit]
Salutation[edit]
1Paulo, Sylvano, e Timotheo, al ecclesia del Thessalonicenses que es in Deo nostre Patre e in le Senior Jesus Christo. 2Gratia e pace a vos de Deo le Patre e le Senior Jesus Christo!
Action de gratias[edit]
3Nos debe semper regratiar Deo pro vos, fratres e sorores, como il es juste, proque vostre fide floresce grandemente e le amor de cata uno de vos pro le alteres abunda semper plus. 4Isto es le ration pro le qual nos semper vanta[1] nos de vos inter le ecclesias de Deo a causa de vostre perseverantia e fide in tote le persecutiones e afflictiones que vos suffre.
Incoragiamento in le persecutiones[edit]
5Isto es un proba del juste judicio de Deo, a que vos sia recognoscite digne del regno de Deo, pro le qual de facto vos suffre. 6Pois que il es juste pro Deo retribuer con afflictiones illes qui afflige vos, 7e a vos qui es affligite dar reposo insimul a nos quando le Senior Jesus apparera ab le celo con su potente angelos. 8Con flammas de foco ille se vindicara de illes qui non recognosce Deo[2] e non obedi al evangelio de nostre Senior Jesus. 9Illes essera punite con le destruction eterne, bannite ex le presentia del Senior e del gloria de su potentia, 10quando ille venira pro esser glorificate inter su sanctos e admirate de tote illes qui ha credite in ille - e de facto vos credeva a nostre testimonio. 11Isto es le ration pro le qual nos semper preca pro vos, a que nostre Deo face vos digne de su vocation e exaudi con potentia omne vostre bon desiro e omne obra del fide; 12a fin que le nomine de nostre Senior Jesus sia glorificate in vos, e vos in ille, secundo le gratia de nostre Deo e le Senior Jesus Christo.