Biblia/Nove Testamento/Jacobo/Jacobo 4

From Wikisource
Jump to navigation Jump to search
Le Biblia in Interlingua
Epistola de Jacobo

Epistola de Jacobo[edit]

Capitulo 4[edit]

Passiones e orgolio[edit]

1Unde veni le conflictos e le lites que il ha inter vos? Nonne hinc: ex vostre concupiscentia que battalia intra vos[1]? 2Vos concupisce e vos non pote haber; vos assassina e invidia e non pote obtener; vos litiga e combatte. Vos non ha proque vos non quere; 3Vos quere e non recipe proque vos quere malmente[2], tanto que vos pote dispender lo in vostre placeres[3].

4Adulteros! Esque vos non sape que le amicitate con iste mundo es inimicitate con Deo? Quicunque, ergo, vole esser amico de iste mundo, se face inimico de Deo. 5Pensa vos que il es invan que le Scriptura dice: “Le spirito que Deo faceva habitar in nos ha un desiro ardente[4]”? 6Ma ille da un gratia major, propter que ille dice: “Deo resiste al superbo, ma al humiles ille accorda su gratia[5]”. 7Submitte vos ergo a Deo, ma oppone resistentia al diabolo e ille fugira de vos. 8Approxima vos, igitur, a Deo e ille se approximara a vos. Mundifica vostre manos, vos peccatores! Purifica vostre cordes, vos de animo duplice! 9Senti vostre miseria, luge e plora! Que vostre rider se converte in lucto e vostre gaudio in tristessa. 10Humilia vos coram Deo, e ille exaltara vos!

11Fratres, non parla mal le un del alteres. Ille qui parla contra un confratre o judica un confratre parla contra le Lege e judica le Lege. Ma si tu judica le Lege, tu non es un complitor del Lege, ma su judice. 12Uno solmente es le legislator e judice - ille qui ha le poter de salvar e de facer perir - del altere latere, qui es tu pro judicar tu proximo?

13Audi nunc, vos qui dice: “Hodie o deman nos vadera in ille citate, nos remanera ibi un anno, nos commerciara e facera profitos”. 14Vos ignora como potera esser deman vostre vita! Vos es solmente un sufflo de vapor que appare per breve tempore e pois evanesce. 15Vos deberea dicer, in vice: “Si le Senior vole, alora nos vivera e facera isto o illo”. 16Ma ora vos vangloria vos in vostre superbia. Omne vangloria es mal. 17Assi, dunque, quicunque sape como facer le ben e non lo face, es culpabile de peccato.

Notas[edit]

  1. O “in le membros de vostre corpore”.
  2. Sovente on quere a Deo lo que solmente satisface nostre deriros egoistic. Per exemplo, on quere plus de tempore, plus de moneta, plus de energia pro facer le cosas que nos desira, ma que Deo non desira pro nos. Quid nos le necessita peter es plus de desiro pro lo que ille promitte e commanda. Nos necessita alsi minus desiro pro lo que es contrari a su voluntate pro nos (cfr. Mattheo 7:7-11).
  3. o “passiones”.
  4. Nulle cognite texto biblic es phrasate exactemente assi. Illo poterea esser un inseniamento general del Scriptura o un citation da un antique traduction del texto hebraic que hodie non existe plus.
  5. Un citation de Proverbios 3:34.