Ban/Dasa Wikara

From Wikisource
Jump to navigation Jump to search

Deskripsi[edit]

Bahasa Indonesia[edit]

Bahasa Inggris[edit]

Naskah[edit]

[ 1 ]Page:Bali-lontar-dasa-wikara-400ppi.pdf/1 [ 2 ][᭑ 1B]

᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬇᬢᬶᬤᬰᬯᬶᬓᬭ᭛᭜᭛ᬳᬦᬓ᭄ᬘᭂᬭᬶᬓ᭄ᬳᬦᬾᬧᭀᬮᭀᬲ᭄᭟ᬓᬸᬫᬫ᭄ᬩᬂ᭟ᬓᭀ᭠
ᬘᬧ᭄ᬳᬤ᭞ᬳᬦᬓ᭄ᬳᬮᬶᬢ᭄ᬮᬶᬯᬢᬶᬲ᭄ᬓᬶᬦ᭄᭞ᬳᬸᬩᬸᬄᬫᬾᬫᬾᬩᬧ᭞ᬜᬩ᭄ᬭᬦ᭄ᬤᬶᬦᬗᬶᬤᬶᬄᬳᬶᬤᬶᬄ᭞ᬫᬗᬸᬫ᭄ᬩᬂᬲᬧᬭᬦ᭄ᬧᬭᬦ᭄᭟ᬦᬸᬚᬸᬤᬶ
ᬦ᭞ᬋᬤᬶᬢᬾᬉᬫᬦᬶᬲ᭄ᬳᬸᬓᬶᬃ᭞ᬳᬶᬮᬭᬗ᭄ᬮᬮᬦ᭞ᬗᬕᬾᬦ᭄ᬤᭀᬂᬲᬫᬃᬕ᭄ᬕᬶᬫᬃᬕ᭄ᬕᬶ᭞ᬓᬧᬗ᭄ᬕᬶᬄᬭᬶᬂᬲᬂᬩ᭄ᬭᬳ᭄ᬫᬡ᭟ᬓᭀᬘᬧ᭄ᬳᬶᬤ᭞ᬫᬗ᭄ᬓᬶ
ᬦ᭄ᬲᬦᬾᬓᬢᬸᬦᬲᬶᬦ᭄᭞ᬓᬶᬘᬾᬜ᭄ᬚᬶᬦᬄᬭᬸᬧ᭄ᬬᬄ᭞ᬤᬾᬦᬶᬂᬳᬶᬤᬫᬦᬸᬚᭀᬦᬶᬦ᭄᭞ᬳᬦ᭄ᬫᬓ᭄ᬳᬚᬶᬦᬄᬢᭂᬫ᭄ᬩᬕ᭟ᬫᬓᬤᬶᬦ᭄ᬜ᭞
[᭒ 2A]
ᬲᬾᬦ᭄ᬩᬾᬗ᭄ᬕᬾᬮ᭄ᬫᬓᬫᬶᬯᬄᬤ᭄ᬯᬶᬢ᭄᭞ᬧᬸᬦᬶᬓᬳᬯᬶᬦᬦ᭄᭞ᬭᬸᬧ᭄ᬬᬄᬳᬩᬶᬤᬂᬓᬶᬘᬾᬦᬶᬦ᭄᭞ᬳᬶᬲᬗ᭄ᬲᬭᬲᬸᬓᬩᬸᬗᬄ᭟ᬧᬫᬃᬡ᭄ᬦᬦ᭄ᬜ᭞
ᬳᬧᬸᬦ᭄ᬓᬧᬗᬦ᭄ᬤᬶᬓᬳᬶᬦ᭄᭞ᬫᬜᬶᬮᬸᬭᬂᬭᬸᬧ᭄ᬬᬄ᭞ᬳᬦ᭄ᬢᬸᬓ᭄ᬚᬶᬦᬄᬳᬮᬶᬢ᭄ᬳᬮᬶᬢ᭄᭞ᬢᬸᬫᬸᬮᬶᬳᬶᬧᬸᬦ᭄ᬓᬧᬲᬃ᭟ᬲᬧᭀᬮᬶᬄᬜ᭞ᬚᬶᬦᬄ
ᬲᬦᬾᬳᬮᬶᬢ᭄ᬳᬮᬶᬢ᭄᭞ᬭᬭᬶᬲ᭄ᬳᬶᬧᬸᬦ᭄ᬢᬸᬮᬓ᭄᭞ᬭᬶᬂᬕᭂᬦᬳᬾᬓᬧᬶᬦᬳᬶᬦ᭄᭞ᬓᬗᬶᬂᬳᬶᬤᬲᬫ᭄ᬧᬸᬦ᭄ᬮᬸᬗ᭄ᬕᬵ᭟ᬲᬗᬄᬚᬗᬄ᭞ᬢᬶᬗ᭄ᬳᬮ᭄ᬜᬦᬾ
ᬫᬗᬸᬮᬧᬦ᭄᭞ᬳᬶᬤᬲᬂᬩ᭄ᬭᬳ᭄ᬫᬡᬤᬾᬦᬶᬂᬲᬫ᭄ᬧᬸᬦ᭄ᬤᭀᬄᬫᬫᬃᬕ᭄ᬕᬶ᭞ᬳᬶᬮᬭᬮᬳᬸᬢ᭄ᬗᬦ᭄ᬢᭀᬲᬂ᭟ᬢᬸᬮᬓ᭄ᬳᬶᬤᬄᬲᬂᬩ᭄ᬭᬳ᭄ᬫᬡᬲ [ 3 ][᭒ 2B]

ᬦᬾᬫᬗ᭄ᬓᬶᬦ᭄᭞ᬭᬶᬂᬕᭂᬦᬄᬳᬶᬮᬭ᭞ᬧᬕᭂᬄᬧᬸᬕᬸᬄᬫᬜᬦ᭄ᬢᭀᬲᬶᬦ᭄᭞ᬚᬶᬦᬳᬾᬭᬭᬶᬲ᭄ᬓᬢᬸᬭᬂ᭟ᬲᬂᬩ᭄ᬭᬳ᭄ᬫᬡ᭞ᬕᬯᭀᬓ᭄ᬲᬃᬯ᭄ᬯᬶᬳᬶᬤ
ᬦᬫ᭄ᬧᬶ᭞ᬚᬶᬦᬳᬾᬧᬸᬦᬶᬓ᭞ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬓᭂᬜᬶᬂ᭞ᬓᬢᬄᬜᬦᬾᬢᬶᬕᬂᬭᬸᬧ᭄ᬬᬄ᭟ᬦᬾᬳᬭᬸᬧ᭄ᬬᬄ᭞ᬓᬳᬶᬘᬾᬦ᭄ᬳᬶᬮᬭᬳᬮᬶᬢ᭄
᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬓᬚᬓᬶᬦ᭄ᬓᬕ᭄ᬭᬶᬬᬓᬗᬶᬦ᭄᭞ᬓᬧ᭄ᬬᬭᬳᬗ᭄ᬕᬾᬦ᭄‌ᬧᬸᬢ᭄ᬭ᭟ᬲᬳᬮᬶᬄᬜ᭞ᬓᬭᬜ᭄ᬚᬶᬗᬂᬤᬤᭀᬲᬸᬭᬶᬤ᭄᭞ᬭᬶᬂᬧᬲᭂᬓᭀ
ᬮᬳᬦ᭄᭞ᬫᬗ᭄ᬤᬾᬤᬤᭀᬲ᭄ᬳᬦᬓ᭄ᬭᬶᬭᬶᬄ᭞ᬳᬸᬦᬶᬂᬗᬺᬋᬄᬧᬩᬸᬓ᭄ᬢᬶᬳᬦ᭄᭟ᬲᬧᬸᬦᬶᬓ᭞ᬓᬢᬸᬢᬸᬭᬦ᭄ᬜᬳᬶᬫᬶᬲ᭄ᬓᬶᬦ᭄᭞ᬫᬦᬳᬾᬉ
[᭓ 3A]
ᬢ᭄ᬢᬫ᭞ᬲᬶᬦᬄᬫᬫᬗ᭄ᬕᬸᬄᬦᬾᬍᬯᬶᬄ᭞ᬓᬯᬶᬘᬮ᭄ᬱᬦᬦ᭄ᬭᬶᬂᬕᬵᬲ᭄ᬢ᭄ᬭ᭟ᬳᭂᬦ᭄ᬢᭀᬜᬦ᭄ᬤᬂ᭞ᬳᬗ᭄ᬕᭀᬦ᭄ᬢᬸᬮᬤ᭄ᬘᭀᬩᭂᬘᬶᬓ᭄᭞ᬢᭂᬍᬩ᭄ᬭᬶᬂᬧᬯᬭᬄ
᭞ᬫᬓᬫᬶᬯᬄᬢᬸᬢᬸᬃᬅᬚᬶ᭞ᬲᬢᬢᬫᬗ᭄ᬕᬶᬄᬭᬳᬵᬃᬭ᭄ᬚ᭟ᬜᬩ᭄ᬭᬦ᭄ᬤᬶᬦ᭞ᬰᬵᬲ᭄ᬢ᭄ᬭᬦᬾᬲᬳᬶᬓᬕᬸᬮᬶᬲ᭄᭞ᬳᬶᬮᬭᬫᬮᬚᬄ᭞ᬫᬘᬗᬶᬢᬸᬂ
ᬫᬶᬯᬄᬦᬸᬮᬶᬲ᭄᭞ᬳᬧᬩ᭄ᬯᬶᬦ᭄ᬫᬕᬕᬫ᭄ᬩᬭᬦ᭄᭟ᬓᬲᬸᬩ᭄ᬫᭂᬮᬄ᭞ᬓᬲᬬᬗᬂᬕᬸᬭᬸᬳᬚᬶ᭞ᬗᬲᬾᬦ᭄ᬤᬾᬯᬾᬓ᭄ᬦᬶᬲ᭄ᬢ᭞ᬳᬸᬩᬸᬄᬮᬸᬤᬶᬦ᭄ᬢᬦ᭄ᬧᬩᬶᬩᬶ᭞
ᬫᬢᬶᬍᬲᬂᬤᬾᬯᬾᬓ᭄ᬮᬭ᭟ᬧᬦ᭄ᬧᬸᬘᬸᬂᬢᭂᬓᬾᬦ᭄ᬳᬶᬮᬸᬢᬸᬂᬧᬸᬘᬸᬂ᭟ᬳᬤᬢᬸᬢᬸᬃ᭐ᬮᬸᬢᬸᬂᬫᬫᬮᬶᬂᬓᬢᬶᬫᬸᬦ᭄᭞ᬤᬶᬢᭂᬕᬮ᭄ᬧ [ 4 ][᭓ 3B]

ᬩ᭄ᬬᬦᬦ᭄᭞ᬤᬶᬲᬫ᭄ᬧᬶᬂᬳᬮᬲᬾᬳᬰ᭄ᬭᬶ᭞ᬢᭂᬕᭂᬲ᭄ᬳᬶᬧᬸᬦ᭄᭞ᬳᬮᬲᬾᬦᬾᬳᬦᬾᬚᬫ᭄ᬩᬢ᭄᭟ᬳᬤᬓᬸᬩᬸ᭞ᬳᬤᬾᬄᬧᬕᭂᬦᬳᬦ᭄ᬳᬶᬧᬸ
ᬦ᭄᭞ᬫᬗ᭄ᬕᬶᬳᬶᬦ᭄ᬧᬩ᭄ᬬᬦᬦ᭄᭞ᬫᬤᬕᬶᬂᬓᬢᬶᬫᬸᬦ᭄ᬲᬫᬶ᭞ᬲᬫ᭄ᬧᬸᬦ᭄ᬳᬩᬸᬓ᭄᭞ᬲᭂᬤᭂᬂᬧᬶᬲᬦ᭄ᬲᬫ᭄ᬧᬸᬦ᭄ᬓᬮᬧ᭄᭟ᬓᬶᬢᬓ᭄ᬓᬶᬢᬸᬓ᭄᭞ᬳᬶᬮᬸᬢᬸᬂ
ᬗᬮᬧ᭄ᬓᬢᬶᬫᬸᬦ᭄᭞ᬓᬲᭂᬧᬄᬓᬳᬫᬄ᭞ᬯᬶᬭᬾᬄᬢᭂᬫ᭄ᬩᬾᬫᬦᭂᬧᬸᬦᬶᬦ᭄᭞ᬕᬾᬗᬶᬦ᭄ᬳᬶᬧᬸᬦ᭄᭞ᬩᬵᬩ᭄ᬭᬦ᭄ᬫᬫᬮᬶᬂᬳᬶᬭᬶᬓ᭟ᬩᬸᬳᬶᬮᬸᬢᬸᬂ
᭞ᬫᬶᬮᬶᬳᬶᬦ᭄ᬲᬓᭂᬦᭂᬄᬳᬶᬧᬸᬦ᭄᭞ᬋᬦᬜᭂᬧᬄᬜᭂᬧᬄ᭞ᬓᬢᬶᬫᬸᬦ᭄ᬲᭂᬤᭂᬓ᭄ᬫᬦᬤᬶ᭞ᬲᬤ᭄ᬬᬦ᭄ᬳᬶᬧᬸᬦ᭄᭞ᬳᬶᬮᬸᬢᬸᬂᬗᬸᬮᬸᬭᬶᬦ᭄ᬓᬶᬢ᭟᭠
[᭔ 4A]
ᬯᭀᬄᬓᬢᬶᬫᬸᬦ᭄᭞ᬯᬦ᭄ᬢᬄᬳᬓᬶᬤᬶᬓ᭄ᬓᬧᬸᬗᬸᬢ᭄᭞ᬢᬸᬃᬓᬲᭂᬧᬄᬲᭂᬧᬄ᭞ᬓᬓᭂᬫ᭄ᬢᭂᬫ᭄ᬬᬾᬄᬜᬦᬾᬲᬫᬶ᭞ᬤᬸᬭᬸᬂᬢᬸᬢᬸᬕ᭄᭞ᬲᬮᬲ᭄ᬲᬫᬶ
ᬓᬲᬩᬢᬂ᭟ᬲᬶᬲᬦ᭄ᬳᬶᬧᬸᬦ᭄᭞ᬲᬦᬾᬓᬓᬸᬢᬂᬫᬤᬸᬕ᭄ᬤᬸᬕ᭄᭞ᬩᭀᬬᬗᭂᬫᭂᬦ᭄ᬳᬾᬫᬦ᭄᭞ᬫᬸᬂᬧᬸᬂᬳᬓᬾᬄᬦᬾᬓᬧᬗ᭄ᬕᬶᬄ᭞ᬯᭀᬓ
ᬢᬶᬫᬸᬦ᭄᭞ᬓᬾᬯᬮᬢᬸᬬᬸᬄᬫᬗᬫᬄ᭟ᬦᬾᬦ᭄ᬢᭂᬦ᭄ᬦᬦ᭄ᬤᬸᬃ᭞ᬓᬮᬶᬄᬢ᭄ᬯᬭᬬᬫᬩᬸᬮᬸᬂ᭞ᬯᭀᬄᬓᬢᬶᬫᬸᬦ᭄ᬲᬫᬄ᭞ᬳᬶᬮᬸᬢᬸᬂᬢᬳᬸᬗᬮ
ᬧᬶᬦ᭄᭞ᬢᬸᬲᬶᬂᬢᬸᬬᬸᬄ᭞ᬚᬯᬦᬶᬂᬗ᭄ᬭᬸᬲᬓ᭄ᬧᬕᭂᬳᬦ᭄᭟ᬲᬦᬾᬦᬦ᭄ᬤᬸᬃ᭞ᬩᬧᬧᬸᬘᬸᬯᬸᬂᬯᬳᬸᬭᬯᬸᬄ᭞ᬗᬸᬗ᭄ᬲᬶᬧᬩ᭄ᬬᬦᬦ᭄ᬜ᭞ᬓᬢᬶᬫᬸ [ 5 ][᭔ 4B]

ᬦ᭄‌ᬍᬲᬕ᭄ᬓᬧᬗ᭄ᬕᬶᬄ᭞ᬩᬶᬗᬄᬩᬶᬗᬸᬄ᭞ᬢᭂᬕᬮᬾᬫᬶᬍᬄᬓᬢᬢᬲ᭄᭟ᬯᭀᬓᬢᬶᬫᬸᬦ᭄᭞ᬫᬩ᭄ᬭᬭᬓᬦ᭄ᬧᬕᬮᬸᬮᬸᬓ᭄᭞ᬢᬸᬃᬫᬲᭂᬧᬄᬲᭂᬧᬄ
᭞ᬤᬶᬢᭂᬗᬄᬓᬮᬶᬄᬤᬶᬲᬶᬲᬶ᭞ᬢᬦ᭄ᬧᬳᬸᬦ᭄ᬤᬸᬓ᭄᭞ᬢᬶᬗ᭄ᬓᬄᬜᬦᬾᬲᬂᬫᬗᬮᬧ᭄᭟ᬳᬶᬩᬮᬸᬢᬸᬂ᭞ᬳᬦ᭄ᬢᬶᬫᬮᬸᬓᭂᬦᭂᬄᬳᬓᬸ᭞ᬢᬸ
ᬲᬶᬂᬚᬩᬸᬳᬸᬗᬦ᭄᭞ᬳᬶᬩᬮᬸᬢᬸᬂᬮᬓᬃᬫᬢᬶ᭞ᬩᬧᬧᬸᬘᬸᬂ᭞ᬓᬸᬮᬶᬩᬸᬲᬮ᭄ᬕᬕᬜ᭄ᬘᬗᬦ᭄᭟ᬓᬕᬾᬢ᭄ᬭᬯᬸᬄ᭞ᬓᬕᭂᬮᬸᬭᬶᬦ᭄ᬧ᭄ᬬᬦᬓ᭄ᬦᬾᬮᬸᬄ
᭞ᬲᬦᬾᬲᬫ᭄ᬧᬸᬦ᭄ᬤᬢ᭞ᬓᬓᬾᬦ᭄ᬢᬾᬦ᭄ᬩᬫ᭄ᬩᬶᬗ᭄ᬓᭂᬢ᭄ᬕᭂᬮᬶᬲ᭄᭞ᬳᭂᬗ᭄ᬓᭂᬢ᭄ᬢᬶᬫ᭄ᬩᬸᬮ᭄᭞ᬫᬦᬦ᭄ᬢᬸᬤᬸᬳᬸᬃᬚᭂᬮᬦᬦ᭄᭟ᬲᬸᬩᬧᬸᬧᬸᬢ᭄᭞ᬓᬢᬸ
[᭕ 5A]
ᬭᬂᬭᬶᬂᬩᬧᬧᬸᬘᬸᬂ᭞ᬫᬗ᭄ᬕᬯᬾᬧᬧᬶᬦ᭄ᬤᬦ᭄᭞ᬓᬤᬶᬫᬦᬸᬱᬦᬾᬫ᭄ᬯᬦᬶ᭞ᬓᬗ᭄ᬕᭀᬦ᭄ᬧ᭄ᬢᬓᬸᬢ᭄᭞ᬤᬶᬧᬩ᭄ᬬᬦᬦᬾᬮᬶᬗ᭄ᬕᬄ᭟ᬓᭀᬘᬧ᭄ᬲᬵ
ᬫ᭄ᬧᬸᬦ᭄᭞ᬓᬓᬧᬸᬢ᭄ᬩᬦ᭄ᬢᭂᬗ᭄ᬳᭂᬫ᭄ᬩᬸᬮ᭄᭞ᬮᬳᬸᬢ᭄ᬓᬚᬸᬚᬸᬓᬂ᭞ᬲᬶᬕ᭄ᬧᬩ᭄ᬬᬦᬦ᭄ᬜᬦᬾᬕᭂᬮᬶᬲ᭄᭞ᬢᬸᬯᬄᬳᬢᬸᬢᬸᬢ᭄᭞ᬕᭀᬩᬦ᭄ᬦᬾᬓᬤᬶᬫᬦᬸᬱ᭞
᭟ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬭᬭᬶᬲ᭄ᬩᬸᬤᬮ᭄ᬩᬧᬧᬸᬘᬸᬂ᭞ᬲᬓᬶᬂᬧᬩ᭄ᬬᬦᬦ᭄ᬜ᭞ᬧᬦ᭄ᬧᬸᬘᬸᬂᬲᬸᬯᬾᬦᬶᬗ᭄ᬕᬮᬶᬦ᭄᭞ᬫᬗ᭄ᬓᬶᬦ᭄ᬯᬳᬸ᭞ᬳᬶᬮᬸᬢᬸᬂᬦᬾᬓᬘᬭᬶᬢ᭠
᭟ᬤᬯᬸᬄᬧᬶᬢᬸ᭞ᬳᬶᬮᬸᬢᬸᬂᬳᬕᬾᬮᬸᬫᬓᬸ᭞ᬲᬓᬶᬂᬕᬸᬦᬸᬂᬳᬮᬲ᭄᭞ᬫᬶᬍᬳᬦ᭄ᬫᬗᬮᬶᬄᬫᬃᬕ᭄ᬕᬶ᭞ᬗᬗᬶᬦ᭄ᬓᬳᬸᬄ᭞ᬭᬶᬂᬳᬩ᭄ᬬᬦ᭄ᬓᬢᬶᬫᬸ [ 6 ][᭕ 5B]

ᬦ᭄ᬳᬶᬓ᭟ᬓᬕ᭄ᬬᬢ᭄ᬳᬶᬧᬸᬦ᭄᭞ᬫᬗᬢᭀᬦᬂᬳᬶᬧᬢᬓᬸᬢ᭄᭞ᬲᬶᬦᭂᬗ᭄ᬕᬸᬄᬫᬦᬸᬱ᭞ᬲᬓᬶᬂᬤᭀᬄᬳᬶᬧᬸᬦ᭄ᬗᬦ᭄ᬢᭂᬦᬶᬦ᭄᭞ᬲᬫᬃᬲᬭᬸ᭞ᬫᬶ
ᬭᬶᬩ᭄ᬲᬚᬫᬶᬭᬶᬩ᭄ᬩᭀᬬ᭟ᬫᬦ᭄ᬤᭂᬕ᭄ᬫᬗᬸ᭞ᬧᬚᬮᬦ᭄ᬜᬦᬾᬳᬶᬮᬸᬢᬸᬂ᭞ᬲᬩᬶᬮᬂᬳᬢᬶᬦ᭄ᬤᬓ᭄᭞ᬳᬶᬧᬢᬓᬸᬢ᭄ᬢᭀᬓᬮᬶᬂᬮᬶᬂ᭞ᬮᬶᬫᬦ᭄ᬳᬶᬧᬸᬦ᭄
᭞ᬢᬦ᭄ᬫᬭᬶᬬᬳᬸᬮᬧ᭄ᬳᬸᬮᬧ᭄᭟ᬕᭂᬤᬕ᭄ᬓᭂᬤᬸᬢ᭄᭞ᬳᬶᬮᬸᬢᬸᬂᬫᬭᬃᬬ᭄ᬬᬦ᭄ᬤᬗᬸ᭞ᬫᬗᭂᬦᭂᬄᬗᭂᬦᭂᬳᬂ᭞ᬬᬾᬦᬶᬂᬲᬚᬚᬦ᭄ᬫᬚᬢᬶ᭞ᬲᬶ
ᬦᬄᬳᬶᬧᬸᬦ᭄᭞ᬢᬶ᭞ᬫᬕᬶᬦ᭄ᬲᬶᬃᬲᬓᬶᬂᬳᬶᬭᬶᬓ᭟ᬢᭀᬧᬢᬓᬸᬢ᭄᭞ᬯᬶᬭᬾᬄᬢᬸᬲᬶᬂᬗᭂᬮᬄᬩᬬᬸ᭞ᬫᬚᬸᬚᬸᬓ᭄ᬫᬩᭃᬗ᭄ᬓᬵᬂᬦᬸᬮᬶᬳ
[᭖ 6A]
ᬤᬳᬗᬶᬦ᭄ᬜᬶᬃᬲᬶᬃ᭞ᬢᬬᬸᬂᬢᬬᬸᬂ᭞ᬮᬶᬫᬦ᭄ᬧᬢᬓᬸᬢ᭄ᬧᬸᬦᬶᬓ᭟ᬫᭂᬳᬸᬩᬶᬗᬸᬂ᭞ᬳᬶᬮᬸᬢᬸᬂᬢᬓᬸᬢ᭄ᬫᬮᬗ᭄ᬓᬸᬂ᭞ᬲ᭄ᬯᬾᬳᬶᬧᬸᬦ᭄ᬗᬦ᭄ᬢᭀᬲᬂ᭞ᬮᬶᬗ
ᬓ᭄ᬮᬶᬗᬸᬓ᭄ᬢᬦ᭄ᬫᬫᬃᬕ᭄ᬕᬶ᭞ᬳᬗᬶᬦ᭄ᬜᬃᬲᬸᬃ᭞ᬗᬫ᭄ᬧᭂᬳᬂᬕᬦ᭄ᬤᬦᬶᬂᬲᭂᬓᬃ᭟ᬫᬦᬄᬳᬶᬧᬸᬦ᭄᭞ᬓᬤᬶᬯᭂᬯᭂᬳᬶᬦ᭄ᬩᬬᬸ᭞ᬳᬸᬭᬶᬧᬶᬂᬩᬧᬦ᭞ᬳᬶᬮᬸᬢᬸᬂᬍᬕ
ᬤᬶᬳᬢᬶ᭞ᬢᬦ᭄ᬧᬕᬦ᭄ᬢᬸᬮ᭄᭞ᬫᬦᬄᬜᬦᬾᬓᬓᬶᬗ᭄ᬓᬶᬗᬦ᭄᭟ᬭᬾᬄᬓᬲᬸᬃᬲᬸᬃ᭞ᬳᬦ᭄ᬢᬸᬓ᭄ᬳᬫ᭄ᬩᬸᬦ᭄ᬲᭂᬓᬃᬕᬥᬸᬂ᭞ᬓᬤᬶᬫᬗ᭄ᬕᬶᬄᬭᬢ᭄ᬦ᭞ᬳᬸᬓᬶᬃ
ᬓᬜ᭄ᬘᬦᬫᬡᬶᬓ᭄᭞ᬳᬗ᭄ᬕᬸᬢ᭄ᬳᬗ᭄ᬕᬸᬢ᭄᭞ᬳᬶᬮᬸᬢᬸᬂᬕᭂᬮᬶᬲ᭄ᬫᬜᬕ᭄ᬚᬕ᭄᭟ᬬᬫᬦᬸᬚᬸ᭞ᬫᬧᬦ᭄ᬤᬦᬾᬫᭂᬗ᭄ᬓᭂᬢ᭄ᬢᬶᬫ᭄ᬩᬸᬮ᭄᭞ᬦᬾᬓᬤᬶᬫ [ 7 ][᭖ 6B]

ᬦᬸᬱ᭟ᬲᬯᬸᬲᬦ᭄ᬜᬢᬫ᭄ᬧᭂᬓ᭄ᬓᬮᬶᬂᬮᬶᬂ᭞ᬲᬚᬮᬫᬸᬦ᭄᭞ᬧᬢᬓᬸᬢ᭄ᬢᬶᬤᭀᬂᬫᬦᬸᬱ᭟᭜᭟ᬯᬸᬲ᭄ᬳᬶᬮᬸᬢᬸᬂ᭞ᬮᭀᬦ᭄ᬢᭀᬫᬦᬸᬱᬫᬚᬸᬚᬸᬓ᭄᭞ᬫ
ᬚᭂᬚᭂᬳᬶᬦ᭄ᬳᬦᬓ᭄᭞ᬢᬸᬃᬫᬢᬓᬸᬢ᭄ᬢᬓᬸᬢ᭄ᬲᬳᬶ᭞ᬲᬮᬄᬲᭂᬗ᭄ᬕᬸᬄ᭞ᬓᬓᬤᬾᬦ᭄ᬲᬚᬫᬦᬸᬱ᭟ᬳᬶᬧᬢᬓᬸᬧ᭄᭞ᬳᬸᬮᬶᬚᭀᬄᬫᬓᬤᬢᬓᬸ
ᬢ᭄᭞ᬫᬚᬸᬚᬸᬓ᭄ᬫᬜᭂᬗ᭄ᬓᬂ᭞ᬚᭂᬗ᭄ᬓᬂᬚᭂᬚᭂᬳᬶᬦ᭄᭞ᬳᬶᬩᬮᬸᬢᬸᬂ᭞ᬚᬦᬶᬧᬗ᭄ᬢᬧᬵᬦᬂᬳᬶᬩ᭞ᬳᬾᬕᬃᬮᬗ᭄ᬓᬸᬂ᭞ᬳᬶᬮᬸᬢᬸᬂᬜᬕᬸᬃᬧ
ᬢᬓᬸᬢ᭄᭞ᬓᬚᬕᬸᬃᬩᬲᬂᬜ᭞ᬮᬶᬫᬦᬾᬓᬤᬶᬢᬮᬶᬦᬶᬦ᭄᭞ᬦᬸᬮᬶᬫᬸᬯᬸᬲ᭄᭞ᬮᬶᬫᬦ᭄ᬓᬳᬶᬦᬾᬓᭂᬮᬾᬲᬂ᭟ᬳᬶᬄᬧᬢᬓᬸᬢ᭄᭞
[᭗ 7A]
ᬫᬲᬂᬳᬶᬩᬦᬾᬓᬘᬸᬘᬸᬮ᭄᭞ᬯᬦᬾᬦ᭄ᬗᬶᬲᬶᬮᬶᬫ᭞ᬜᭂᬦ᭄ᬩᬸᬯᬶᬦ᭄ᬓᬚᬕᬸᬃᬓᬳᬶ᭞ᬩᬲᬂᬓᭂᬫ᭄ᬩᬸᬂ᭞ᬮᬓᬃᬳᬗ᭄ᬕᭀᬦ᭄ᬓᬓᭂᬦ᭄ᬤᬗᬦ᭄᭟ᬮᬶᬫᬦ᭄ᬳᬶᬧᬸ
ᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬓᬤᬸᬢ᭄ᬤᬸᬢ᭄᭞ᬲᭂᬗᬶᬢᬦ᭄ᬫᬦᬄᬜ᭞ᬮᬫᬓᬾᬩᭀᬢ᭄ᬦᬾᬜᬕᬸᬭᬶᬦ᭄᭞ᬗᬲᬂᬜᬦ᭄ᬤᬸᬂ᭞ᬲᬫᬶᬓᬶᬳᭂᬗ᭄ᬓᭂᬫᬦ᭄ᬜ
᭟ᬩᬸᬓᬢᭂᬕᬸᬮ᭄᭞ᬩᬳᬦ᭄ᬢᬮᬶᬮᬶᬯᬢ᭄ᬓᬸᬓᬸᬄ᭞ᬲᬶᬂᬲᬤᬶᬓᭂᬮᬾᬲᬂ᭞ᬮᬶᬫᬦ᭄ᬜᬦᬾᬫᬓᬓᬮᬶᬄ᭞ᬗᬶᬗᬄᬗᬶᬗᬸᬄ᭞ᬳᬶᬮᬸᬢᬸᬂᬭᬭᭀᬲ᭄ᬫ
ᬦᬶᬜ᭄ᬚᬓ᭄᭟ᬩᬸᬦ᭄ᬢᬸᬢ᭄ᬳᬶᬧᬸᬦ᭄᭞ᬓᬓᬮᬶᬄᬢᬶᬜ᭄ᬚᬓᬂᬳᬶᬧᬸᬦ᭄᭞ᬓᭂᬦᬶᬳᭂᬗ᭄ᬓᭂᬢᬸᬧᬫ᭄ᬬᬦ᭄᭞ᬲᭂᬗᬶᬢᬦ᭄ᬳᬶᬮᬸᬢᬸᬂᬗᭂᬭᬶᬓ᭄᭞ᬲᬬ [ 8 ][᭗ 7B]

ᬓ᭄ᬓᬸᬓᬸᬄ᭞ᬮᬶᬫᬩᬢᬶᬲ᭄ᬓᬪᬶᬩᬦ᭄ᬤ᭟ᬓᬶᬬᬤ᭄ᬓᬶᬬᬸᬤ᭄᭞ᬓᬚᭂᬗᬢ᭄ᬝᭂᬗᬶᬢ᭄ᬫᬬᭃᬕᬸᬢ᭄᭞ᬫᬢᬓᬶᬚᬧ᭄ᬓᬶᬚᬧ᭄᭞ᬫᬜᭂᬕᬸᬢ᭄ᬗᬸᬗᬸᬢ᭄ᬦᬾᬓᭂᬦᬶ᭞ᬳᬗ᭄ᬓᭂ
ᬢ᭄ᬢᬶᬫ᭄ᬩᬸᬮ᭄᭞ᬳᬶᬮᬸᬢᬸᬂᬲᬸᬫᬶᬗ᭄ᬓᬶᬦ᭄ᬮᬫᬄ᭟ᬤᬳᬄᬤᬸᬳᬸᬄ᭞ᬮᬸᬢᬸᬂᬮᬸᬢᬸᬂᬕᭂᬮᬃᬕᭂᬮᬸᬃ᭞ᬫᬦᬸᬦᬲ᭄ᬭᬶᬂᬲᬂᬳ᭄ᬬᬂ᭞ᬲᭂᬤᬶᬄᬓᬶᬗ᭄ᬓᬶᬂᬗᭂᬲᭂᬗᬶ᭞ᬭᬤᬯ
ᬭᬢᬸ᭞ᬓᭂᬮᬾᬲᬂᬚ᭄ᬯᬫᬗ᭄ᬓᬶᬦ᭄ᬢᬶᬢ᭄ᬬᬂ᭟ᬘᭂᬕᬲᭂᬕᬸ᭞ᬗᭂᬮᬶᬂᬲᬍᬕᬵᬮ᭄ᬲᬍᬳᬶᬓ᭄᭞ᬬᬾᬄᬫᬢᬦ᭄ᬜᬫᭂᬲᬢ᭄᭞ᬢᬦ᭄ᬧᬧᭂᬕᬢᬦ᭄ᬫᬗᭂᬮᬶᬂ
ᬮᬶᬯᬢ᭄ᬳᬶᬩᬸᬓ᭄᭞ᬲᬲᬫ᭄ᬩᬢᬾᬗᬮᬤ᭄ᬳᬮᬤ᭄᭟ᬳᬶᬗ᭄ᬕᬶᬄᬭᬢᬸ᭞ᬦᬸᬦᬲ᭄ᬳᬶᬘᬢᬶᬢ᭄ᬬᬂᬮᬸᬢᬸᬂ᭞ᬢᬶᬢ᭄ᬬᬂᬓᬘᭂᬗ᭄ᬲᬭᬦ᭄᭞ᬲᬓᬶᬢ᭄ᬢᬶᬢ᭄ᬬ
[᭘ 8A]
ᬗᬾᬢᬦ᭄ᬲᬶᬧᬶ᭞ᬓᬩᬍᬗ᭄ᬕᬸ᭞ᬢᬦ᭄ᬤᬤᬾᬲ᭄ᬳᬦ᭄ᬢᬸᬓ᭄ᬫᬓᬶᬩ᭟ᬫᬾᬄᬫᬾᬄᬮᬫ᭄ᬧᬸᬲ᭄᭞ᬲᬶᬲᬶᬧ᭄ᬢᬶᬢ᭄ᬬᬗᬤᬸᬕ᭄ᬳᬤᬸᬕ᭄᭞ᬫᬗ᭄ᬭᬸᬲᬓ᭄ᬧᬩ᭄ᬬᬦᬦ᭄
᭞ᬮᬓ᭄ᬱᬡᬢᬶᬢ᭄ᬬᬂᬫᬫᬮᬶᬂ᭞ᬢᬾᬦᬾᬢᭂᬧᬸᬓ᭄᭞ᬲᬓᬶᬢᬾᬳᬗ᭄ᬕᭀᬤᬤᬮᬦ᭄᭟ᬓᬕᬾᬢ᭄ᬭᬢᬸᬄ᭞ᬗᬩᬢᬸᬗ᭄ᬓᬤ᭄ᬩᬧᬧᬸᬘᬸᬂ᭞ᬳᬶᬮᬸᬢᬸᬂ
ᬫᬗᬶᬭᬓ᭄᭞ᬚᬭᬢ᭄ᬚᭂᬭᬶᬢ᭄ᬓᬢᬶᬕ᭄ᬢᬶᬕᬶᬦ᭄᭞ᬦᬸᬦᬲ᭄ᬳᬫ᭄ᬧᬸᬦ᭄᭞ᬦᬸᬦᬲ᭄ᬳᬸᬭᬶᬧ᭄ᬓᬧᭀᬓ᭄ᬧᬶᬲᬦ᭄᭟ᬢᬸᬃᬫᬲᬳᬸᬃ᭞ᬧᬦ᭄ᬧᬸᬘᬸᬂᬫᬸᬜᬶᬦᬾᬕᬗ᭄ᬲᬸ
ᬮ᭄᭞ᬢᬳᬦᬂᬤᭀᬱᬦ᭄ᬜ᭞ᬲᬮᬄᬳᬶᬩᬦᬾᬫᬫᬮᬶᬂ᭞ᬇᬯᬾᬍᬢᬸᬄ᭞ᬫᬗ᭄ᬭᬸᬲᬓ᭄ᬳᬩ᭄ᬬᬦᬦ᭄᭟ᬮᬦ᭄ᬢᬲ᭄ᬤᬶᬢᬸ᭞ᬳᬶᬮᬸᬢᬸᬂ [ 9 ][᭘ 8B]

ᬓᬫ᭄ᬧᭂᬕᬂᬮᬳᬸᬢ᭄᭞ᬓᬢᬮ᭄ᬢᬮ᭄ᬢᭂᬦ᭄ᬤᬲ᭄ᬜ᭞ᬢᬗᬦ᭄ᬲᬸᬓᬸᬓᬢᬮᬶᬦᬶᬦ᭄᭞ᬓᬩᬍᬗ᭄ᬕ᭞ᬫᬸᬜᬶᬦᬾᬗᭀᬮᬲᬂᬫᬦᬄ᭟ᬳᬶᬩᬮᬸᬢᬸᬂ᭞ᬮ
ᬜᬂᬧᭀᬗᬄᬳᬶᬩᬗᬤᬸᬓ᭄᭞ᬫᬮᬓ᭄ᬱᬦᬘᭀᬭᬄ᭞ᬲᬮᬄᬳᬶᬩᬦᬾᬕᬸᬂᬲᬶᬧᬶ᭞ᬗᬤᬸᬕ᭄ᬳᬤᬸᬕ᭄᭞ᬩᬶᬓᬲ᭄ᬳᬶᬩᬦᬾᬤᬸᬃᬚᬦ᭟
ᬩᬧᬧᬸᬘᬸᬂ᭞ᬕᬮ᭟ᬓ᭄ᬦᬦᬕᬶᬄᬫᬦᬸᬲᬸᬓ᭄᭞ᬫᬗᬶᬗ᭄ᬕᬭᬂᬧᬤᬂ᭞ᬫᬦᬸᬯᭂᬓ᭄ᬫᬗᬸᬦᬸᬲ᭄ᬓᭂᬭᬶᬲ᭄᭞ᬜᬫᬓ᭄ᬲᬤᬸ᭞ᬫᬫᬸᬗ᭄ᬕᬮ᭄ᬫᬫᬸᬓᬂ᭟᭠
ᬢᬕᬾᬮᬳᬸᬢ᭄᭞ᬳᬶᬮᬸᬢᬸᬂᬮᬦ᭄ᬢᬲ᭄ᬓᬳᬶᬫ᭄ᬧᬸᬲ᭄᭞ᬧᬢᭀᬓᬂᬤᬶᬦᬢᬃᬫᬦᬸᬚᬸᬲᬸᬃᬬ᭄ᬬᬦᬾᬲᬶᬗᬶᬢ᭄᭞ᬓᬶᬢᬓ᭄ᬓᬶᬢᬸᬓ᭄᭞ᬗᬚ᭄ᬗᬶᬢ᭄ᬗᭂ
[᭙ 9A]
ᬤᬶᬮ᭄ᬓᬚᬧᬦ᭄ᬜ᭟ᬓᬾᬢᭀᬮᬸᬢᬸᬂ᭞ᬗᬶᬓᬘᬾᬢ᭄ᬯᬭᬭᬳᬬᬸ᭞ᬳᬮᬓᬧᬗ᭄ᬕᬸᬳ᭞ᬘᬸᬩᬸᬬᬸᬢ᭄ᬫᭀᬓᬂᬦᬦᬶ᭞ᬩᬾᬜ᭄ᬚᬂᬳᬾᬲᬸᬓ᭄᭞
ᬢᬦ᭄ᬤᬤᬶᬚᬍᬫᬫ᭄ᬯᬄ᭟ᬬᬾᬦᬶᬂᬳᬬᬸ᭞ᬲᬢᬶᬗ᭄ᬓᬄᬳᬶᬩᬦᬾᬮᬦ᭄ᬢᬸᬃ᭞ᬲᬶᬂᬳᬤᬗᬸᬘᬧᬂ᭞ᬫᬗᭀᬫᭀᬗᬂᬳᬶᬩᬯᬾᬘᬶ᭞ᬢ᭄ᬯᬭᬧᬸᬢᬸ
ᬦ᭄᭞ᬳᬕᬸᬂᬳᬮᬶᬢ᭄‌ᬫ᭄ᬯᬗ᭄ᬰᬫᬾᬦᬓ᭄᭞᭛᭜᭛ᬳᬶᬓᬲᬸᬘᬢᭂᬓᬾᬦ᭄ᬳᬶᬩᬯᬂ᭛᭜᭛ᬕᬶᬦᬦ᭄ᬢᬶ᭟ᬧᬶᬋᬗᬂᬲᬦᬾᬓᬘᬢᬸᬃ
᭞ᬭᭀᬦ᭄ᬢᭂᬦ᭄ᬫᭀᬂᬳᬮᬓᬶᬭᬩᬶ᭞ᬫᬤᬸᬯᬾᬧ᭄ᬬᬦᬓ᭄ᬤᬤ᭄ᬯ᭞ᬫᬓᬓᬮᬶᬄᬳᬶᬲ᭄ᬢ᭄ᬭᬶᬳᬶᬲ᭄ᬢ᭄ᬭᬶ᭞ᬳᬶᬓᬲᬸᬦᬮᬦ᭄ᬳᬶᬩᬯᬂ᭞ᬲᬫᬶᬲᬫ᭄ᬧᬸᬦ᭄ᬧᬤᬢ᭄ᬭᬸᬦᬶ [ 10 ][᭙ 9B]

᭟ᬦᬶᬩᬯᬂᬩᭂᬘᭂᬓᬶᬂᬓᬬᬸᬦ᭄᭞ᬦᬗᬶᬂᬳᬶᬓᭂᬲᬸᬦᬍᬗᬶᬢ᭄᭞ᬦᬸᬚᬸᬫᬾᬫᬾᬦ᭄ᬜᬓᬧᬲᬃ᭞ᬩᬧᬦᬾᬮ᭄ᬯᬲ᭄ᬓᬘᬭᬶᬓ᭄᭞ᬲᬫᬶᬧᬥᬗᬸᬧᬚᬶᬯ᭞
ᬓᭀᬘᬧ᭄ᬧ᭄ᬬᬦᬓ᭄ᬜᬓᬓᬮᬶᬄ᭟ᬢᬸᬦ᭄ᬤᬾᬦ᭄ᬦᭂᬩᬸᬓ᭄ᬮᬶᬫᬂᬤᭂᬧᬸᬓ᭄᭞ᬳᬶᬩᬯᬂᬮᬳᬸᬢ᭄ᬫᬫᬸᬜᬶ᭞ᬓᭂᬲᬸᬦᬚᬮᬦ᭄ᬳᬶᬥᭂᬧᬂ᭞ᬫᬸᬜᬶᬦ᭄ᬦᬾᬦᬸᬳᬸᬦᬂᬧᬤᬶ᭞
ᬚᭂᬫᬸᬄᬢᭂᬩᬸᬓ᭄ᬢᬸᬃᬤᬤᬶᬢᬂ᭞ᬳᬧᬂᬓᬦ᭄ᬢᬶᬤᬤᬶᬦᬲᬶ᭟ᬳᬶᬓᭂᬲᬸᬦᬫᬸᬮᬧᭂᬗ᭄ᬓᬸᬂ᭞ᬢᭂᬦ᭄ᬤᬢᬸᬮᬤ᭄ᬗᬚᬓ᭄ᬳᬤᬶ᭞ᬳᬶᬩᬯᬂᬗᬭᬧ᭄ᬫᬓᭂᬚᬂ᭞ᬚᬦ᭄ᬢᭀ
ᬲ᭄ᬧ᭄ᬭᬕᬢ᭄ᬤᬤᬶᬦᬲᬶ᭞ᬳᬶᬓᭂᬲᬸᬦᬕᬦ᭄ᬤᬂᬕᬦ᭄ᬤᬂ᭞ᬤᬶᬧᭂᬤᭂᬫᬗᬸᬮᬓ᭄ᬕᬸᬮᬶᬓ᭄᭟ᬲᬳᬶᬲᬳᬶᬢᬸᬦ᭄ᬤᬢᬸᬮᬤ᭄᭞ᬳᬶᬓᭂᬲᬸᬦᬮᬶᬯᬢ᭄ᬘᬗ᭄ᬕᬶᬄ᭞
[᭑᭐ 10A]
ᬳᬶᬩᬯᬂᬲᬳᬶᬬᬗᬮᬄ᭞ᬢᬳᬸᬢᭂᬓᬾᬦ᭄ᬤᬾᬯᬾᬮ᭄ᬘᭂᬭᬶᬓ᭄᭞ᬳᬶᬓᭂᬲᬸᬦᬮᬶᬯᬢ᭄ᬤᬬ᭞ᬇᬯᬾᬢᬫ᭄ᬩᭂᬢ᭄ᬭᬶᬂᬧᬓᬃᬤ᭄ᬥᬶ᭟ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭ
ᬢᬸᬄ᭞ᬲᬓᬶᬂᬧᬲᬃᬲᬓᬶᬂᬘᬭᬶᬓ᭄᭞ᬳᬶᬩᬯᬂᬦᬸᬚᬸᬓᬢᬸᬓᬤ᭄᭞ᬫᬜ᭄ᬚᬸᬲ᭄ᬲᬶᬦᬫ᭄ᬩᬶᬮᬫᬦ᭄ᬢᬶᬂ᭞ᬤᬾᬦᬶᬂᬯᬳᬸᬳᬸᬲᬦ᭄ᬜᬓᬦ᭄᭞ᬳᬯᬓ᭄ᬜᬦᬾ
ᬢᭂᬮᬄᬕᭂᬦᬶᬢ᭄᭟ᬕ᭄ᬮᬶᬲ᭄ᬳᬶᬓᭂᬲᬸᬦᬫᬲᬤᬸ᭞ᬜᬤᬸᬯᬂᬳᬤᬶᬦ᭄ᬦᬾᬍᬗᬶᬢ᭄᭞ᬢ᭄ᬯᬭᬬᬜᬓ᭄ᬫᬕᬭᬧᬦ᭄᭞ᬫᭂᬤᭂᬫ᭄ᬩᬗᬸᬗᬸᬮᬓ᭄ᬕᬸᬮᬶᬓ᭄᭞
ᬓᬢᬸᬢᬸᬭᬂᬲᬫᬶᬳᬮ᭞ᬫᬾᬫᬾᬩᬧᬦ᭄ᬦᬾᬧᬂᬲᭂᬗᬶᬢ᭄᭟ᬧᬶᬲᬸᬦᬦᬾᬓᬕᬸᬕᬸ᭞᭞ᬧᬶᬲᬸᬦᬦᬾᬦᬾᬓᬕᬸᬕᬸ᭞ᬧᬲᬤᬸᬦ᭄ᬧ᭄ᬬᬦᬓᬾᬫᬦᬶᬲ᭄᭞ᬓᭀᬘᬧᬦ᭄ᬭᬯᬸᬄ [ 11 ][᭑᭐ 10B]
᭑᭐
ᬳᬶᬩᬯᬂ᭞ᬫᬓᬫ᭄ᬩᭂᬦ᭄ᬩᭂᬮᬸᬲ᭄ᬫᬗᬶᬮ᭄ᬕᬶᬮ᭄᭞ᬯᬳᬸᬫᬜᭂᬫᬸᬳᬂᬯᬲ᭄ᬢ᭄ᬭ᭞ᬜᬕ᭄ᬚᬕ᭄ᬩᬧᬦᬾᬫᬦᬶᬕ᭄ᬢᬶᬕ᭄᭟ᬳᬶᬩᬯᬢ᭄ᬮᬄᬩᬩᬓ᭄ᬩᭂᬮᬸᬃ᭞ᬫᬘ᭄ᬯᬩ᭄ᬘ᭄ᬯ
ᬩ᭄ᬧᭂᬲᬸᬕᭂᬢᬶ᭞ᬳᭂᬗ᭄ᬲᬧ᭄ᬩᬄᬧᬧᭂᬢᭂᬗᬦ᭄᭞ᬤᬶᬢᬸᬫᬭᬓᬭᬾᬭᬾᬦᬶᬦ᭄᭞ᬦᬶᬕ᭄ᬢᬶᬕ᭄ᬧᬦᬓ᭄ᬦᬾᬳᬶᬩᬯᬂ᭞ᬦᬶᬓᭂᬲᬸᬦᬦᬸᬤᬶᬂᬦᬸᬤᬶᬂ᭟ᬫᬾ
ᬫᬾᬦ᭄ᬜᬦᬾᬗᬫ᭄ᬩᬶᬮ᭄ᬓᬬᬸ᭞ᬗᭀᬧᬓ᭄ᬢᬸᬫᬸᬮᬶᬫᬦᬶᬕ᭄ᬢᬶᬕ᭄᭞ᬲᬸᬫᬶᬗ᭄ᬓᬶ᭠ᬦ᭄ᬧᭂᬓᭀᬦᬶᬩᬯᬂ᭞ᬜᭂᬮᬾᬳᬢᬶᬭᬲᬫᬢᬶ᭞ᬦᬶᬓᭂᬲᬸᬦᬩᬋᬂ
ᬯᬶᬭᬂ᭞ᬫᬦᬶᬜ᭄ᬚᬓ᭄ᬢᬸᬃᬳᬦᬶᬕ᭄ᬢᬶᬕᬶᬦ᭄᭟ᬦᬶᬩᬯᬂᬕ᭄ᬮᬮᬓ᭄ᬕᭂᬮᬸᬮᬸᬓ᭄᭞ᬩᬗᬸᬦ᭄ᬲᭂᬗᬶᬲᭂᬗᬶᬫᬗ᭄ᬮᬶᬂ᭞ᬢᬳᬸᬢ᭄ᬓᬾᬦ᭄ᬓᬧᬶᬲᬸᬦᬬᬂ᭞ᬩᬳ᭠
[᭑᭑ 11A]
ᬦ᭄ᬦᬶᬓᭂᬲᬸᬦᬘᬗ᭄ᬕᬶᬄ᭞ᬦᬶᬩᬯᬂᬫᬗᬸᬘᬧ᭄ᬳᬸᬘᬧ᭄᭞ᬩᬗᬸᬦ᭄ᬩᬮᬯᬦ᭄ᬮᬯᬦᬶᬦ᭄᭟ᬫᬾᬫᬾᬩᬧᬦ᭄ᬜᬓᬚᬸᬚᬸᬃ᭞ᬫᬓᭂᬚᬂᬕᬮᬓ᭄ᬦᬶᬕ᭄ᬢᬶᬕᬶᬦ᭄
᭞ᬦᬶᬓᭂᬲᬸᬦᬦᬕᬶᬄᬜᬓ᭄ᬘᬓ᭄᭞ᬦᬶᬩᬯᬂᬓᬯᭂᬮᬲ᭄ᬳᬲᬶᬄ᭞ᬮᬳᬸᬢ᭄ᬫᬘᬭᬗᬸᬫ᭄ᬩᬭ᭞ᬫᬕᬾᬗ᭄ᬭᭀᬲ᭄ᬮᬳᬸᬢ᭄ᬫᬫᬃᬕ᭄ᬕᬶ᭟ᬗᬮᬶᬦ᭄ᬢᬗᬶᬜ᭄ᬚᬸᬭᬂ
ᬧᬗ᭄ᬓᬸᬂ᭞ᬦᬧᬓ᭄ᬭᬶᬂᬳᬮᬲᬾᬧᬶᬗᬶᬢ᭄᭞ᬦᭂᬧᬸᬓᬶᬦ᭄ᬓᭂᬤᬶᬲ᭄ᬓᬧᭀᬤᬂ᭞ᬧᬓ᭄ᬱᬶᬳᬸᬢᬸᬲᬦᬶᬂᬓᬯᬶ᭞ᬗᬶᬘᬾᬦ᭄ᬦᬶᬩᬯᬂᬭᬦ᭞ᬧ᭄ᬭᬫᬗ᭄ᬓᬶᬦ᭄ᬫᬦ
ᬤᬶᬲᬸᬕᬶᬄ᭟ᬯᬸᬲ᭄ᬧᬸᬦᬶᬓᬳᬶᬘᭂᬭᬸᬓ᭄ᬘᬸᬓ᭄᭞ᬳᬶᬘᬮ᭄ᬧᭂᬓᬾᬧᬭᬫᬗ᭄ᬓᬶᬦ᭄᭞ᬦᬶᬩᬯᬂᬕᬯᭀᬓ᭄ᬗᬦ᭄ᬢᭂᬦᬂ᭞ᬢᬸᬫᬸᬮᬶᬳᬶᬧᬸᬦ᭄ᬫᬫᬃᬕ᭄ᬕᬶ᭞ᬫ [ 12 ][᭑᭑ 11B]
᭑᭑
ᬗᬸᬗ᭄ᬲᬶᬳᬸᬫᬄᬤᬤᬾᬂᬜ᭞ᬭᬯᬸᬄᬜᬦᬾᬲᬫ᭄ᬧᬸᬦ᭄ᬯᭂᬗᬶ᭟ᬓᬘ᭄ᬭᬶᬢᬤᬤᭀᬂᬜᬯᬳᬸ᭞ᬫᬭᬫᬗᬸᬩᭂᬢᬂᬓᭀᬭᬶ᭞ᬕᭂᬮᬶᬲᬦ᭄ᬭᬯᬸᬄ
ᬦᬶᬩᬯᬂ᭞ᬳᬕᬾᬮᬳᬸᬢ᭄ᬫᬗᬫ᭄ᬧᬓᬶᬦ᭄᭞ᬤᬸᬄᬘᬸᬘᬸᬦ᭄ᬤᬤᬾᬂᬳᬶᬤᬾᬯ᭞ᬫᬳᭀᬂᬣᬳᬶᬤᬾᬯᬷᬫᬳᬶ᭟ᬢᬶᬕ᭄ᬢᬶᬕᬜᬳᬶᬩᬦ᭄ᬓ
ᬬᬸ᭞ᬢᭂᬓᬾᬦ᭄ᬫᬾᬫᬾᬩᬧᬦ᭄ᬜᬳᬶ᭞ᬦᬶᬓᭂᬲᬸᬦᬓᭀᬦᬾᬦᬶᬜ᭄ᬚᬓ᭄᭞ᬓᬕ᭄ᬬᬢ᭄ᬤᬤᭀᬂᬦᬚᬦᬶ᭞ᬓᬢᬸᬗ᭄ᬕᬸᬩᬳᬦ᭄ᬳᬶᬤᬾᬯ᭞ᬳᭂᬦ᭄ᬢᭀ
ᬳᬧᬩᭀᬗ᭄ᬓᭀᬲ᭄ᬜᬳᬶ᭟ᬫᬓᬧᬸᬢ᭄ᬩᬳᬦ᭄ᬢᭂᬂᬓᬮᬸᬂ᭞ᬦᬶᬩᬯᬂᬗᬾᬤᬾᬗᬂᬲᬫᬶ᭞ᬤᬤᭀᬂᬦᬾᬩᭂᬗᭀᬂᬗᬢᭀᬦᬂ᭞ᬤᬸᬱᬭ᭠
[᭑᭒ 12A]
ᬲᬃᬯ᭄ᬯᬫᬲ᭄ᬫᬭᬶᬓ᭄᭞ᬲᬸᬩᭂᬂᬩᬩᬤᭀᬂᬮᬦ᭄ᬕᭂᬮᬂ᭞ᬩᬍᬗ᭄ᬓᭂᬃᬩᬸᬗ᭄ᬓᬸᬂᬮᬦ᭄‌ᬧᭂᬦ᭄ᬤᬶᬂ᭟ᬫᬲᬲᭀᬘᬦ᭄ᬳᬶᬦ᭄ᬢᭂᬦ᭄ᬚᬫ᭄ᬩ᭄ᬭᬸᬢ᭄᭞ᬫᬶᬭᬄᬩᬺᬮ᭄ᬬᬦᬾᬗᭂᬦ᭄ᬤᬶᬄ᭞
ᬳᬓᬤᬾᬧ᭄ᬤᬾᬧ᭄ᬓᬤᬶᬩᬶᬦ᭄ᬢᬂ᭞ᬧᬓ᭄ᬭᭀᬜᭀᬄᬳᬸᬬᬧ᭄ᬓᬳᬓ᭄ᬱᬶ᭞ᬧᬸᬧᬸᬢᬂᬫᬗ᭄ᬓᬶᬦ᭄ᬜᬢ᭄ᬯᬬᬂ᭞ᬓᭀᬘᬧᬦ᭄ᬦᬶᬩᬯᬂᬫᬗ᭄ᬓᬶᬦ᭄᭟ᬓᬚᬓ᭄ᬳᬦ᭄ᬢᬸᬓ᭄ᬤ
ᬤᭀᬂᬳᬶᬧᬸᬦ᭄᭞ᬳᬶᬭᬶᬓᬭᬳᬶᬦᬯᭂᬗᬶ᭞ᬢᬸᬢᬸᬕ᭄ᬲᬫ᭄ᬧᬸᬦ᭄ᬧᬶᬢᬸᬂᬤᬶᬦ᭞ᬦᬶᬩᬯᬂᬫᬦᬕᬶᬄᬫᬸᬮᬶᬄ᭞ᬫᬗᬮᬶᬄᬫᬾᬫᬾᬩᬧᬦ᭄ᬜ᭞ᬫᬶᬯᬄ
ᬦᬶᬓᭂᬲᬸᬦᬘᬗ᭄ᬕᬶᬄ᭟ᬫᭀᬭᬳᬦ᭄ᬭᬶᬂᬤᬤᭀᬂᬳᬶᬧᬸᬦ᭄᭞ᬲᬫ᭄ᬧᬦ᭄‌ᬋᬓᬾᬓᬓᬚᬸᬭᬸᬗᬶᬦ᭄᭞ᬓᬤᬸᬭᬸᬲ᭄ᬦᬶᬩᬯᬂᬩᬸᬤᬮ᭄᭞ᬭᬯᬸᬄᬚᬸᬫᬄ [ 13 ][᭑᭒ 12B]
᭑᭒
ᬜᬳᬫᭂᬤᬶᬦ᭄᭞ᬓᬧᬶᬂᬓᬮᬶᬄᬓᬸᬫᬦ᭄ᬳᬸᬫᬦ᭄‌ᬫᬸᬜᬶᬦ᭄ᬦᬾᬜᬓᬶᬢᬶᬦ᭄ᬓᬸᬧᬶᬂ᭟ᬦᬶᬩᬯᬂᬲᭂᬩᭂᬢ᭄ᬓᬤᬸᬭᬸᬲ᭄᭞ᬫᬸᬮᬶᬄᬓᬸᬫᬄᬤᬤᭀᬂᬜ
ᬕ᭄ᬮᬶᬲ᭄᭞ᬓᬢᬸᬢᬸᬭᬂᬲᬳᬶᬦ᭄ᬤᬶᬓ᭄ᬜ᭞ᬤᬤᭀᬂᬜᬓᬯᭂᬮᬲ᭄ᬳᬲᬶᬄ᭞ᬫᬶᬭᬕᬶᬢᬸᬢᬸᬃᬘᬸᬘᬸᬦ᭄ᬜ᭟᭜᭟ᬭᬶᬓᬮᬦᬶᬂᬤᬶᬦᬳᬦᬸ᭞ᬳᬶᬓᬲᬸ
ᬦᬚᬸᬫᬄᬫᬦ᭄ᬤᬶᬭᬶ᭞ᬓᬢᬸᬦ᭄ᬤᬾᬦ᭄ᬫᬮᬍᬩᭂᬗᬦ᭄᭞ᬜᬓᬦ᭄ᬗᬯᬾᬤᬭᬂᬦᬲᬶ᭞ᬘᬶᬮᭀᬓ᭄‌ᬢ᭄ᬯᬭᬳᬸᬯᬫᬗᭂᬮᬄ᭞ᬓᬧᬶᬲᬕᬗᬶᬤᬶᬄᬳ
ᬧᬶ᭟ᬭᬭᬶᬲ᭄ᬓᬸᬫᬄᬤᬤᭀᬂᬳᬶᬧᬸᬦ᭄᭞ᬜᬭᬸᬜᬭᬸᬗᬶᬤᬶᬄᬳᬧᬸ᭞ᬓᬮᬶᬄᬲᬳᬂᬓᬢᬫ᭄ᬧᬮᬦ᭄᭞ᬓᬗ᭄ᬕᬾᬦ᭄ᬫᬗᭂᬦ᭄ᬤᬶᬳᬂᬳᬧᬶ᭞ᬓᬧ
[᭑᭓ 13A]
ᬗ᭄ᬕᬶᬄᬤᬶᬢᬸᬳᬤᬶᬦ᭄ᬜ᭞ᬫᬗᬗ᭄ᬕᬾᬲᬃᬯ᭄ᬯᬫᬲ᭄ᬫᬭᬶᬓ᭄᭟ᬳᬶᬩᬯᬂᬢᬓᬾᬦᬶᬦ᭄ᬳᬶᬧᬸᬦ᭄᭞ᬲᬗ᭄ᬓᬦᬾᬗᬗ᭄ᬕᭀᬫᬲ᭄ᬫᬡᬶᬓ᭄᭞ᬳᬶᬩᬯᬂᬮᬳᬸᬢ᭄ᬦᬸ
ᬢᬸᬭᬂ᭞ᬓᭂᬳᬦᬬᬗᬗ᭄ᬕᭀᬫᬲ᭄ᬫᬡᬶᬓ᭄᭞ᬧᬳᬶᬘᬦ᭄ᬧᬓ᭄ᬱᬶᬓᬧᭀᬤᬂ᭞ᬤᬯᭂᬕ᭄ᬳᬶᬧᬸᬦ᭄ᬜᬓᬶᬢ᭄ᬳᬢᬶ᭟ᬳᬶᬓᭂᬲᬸᬦᬦᬮᬶᬦ᭄ᬢᬂᬗᬸᬦ᭄ᬗᬸᬦ᭄᭞ᬢᬸᬫᬸᬮᬶᬗᬾ
ᬗ᭄ᬕᬮᬂᬫᬸᬮᬶᬄ᭞ᬓᬘᬭᬶᬢᬢᭂᬓᭂᬤ᭄ᬚᬸᬫᬄ᭞ᬳᬶᬓᭂᬲᬸᬦᬮᬳᬸᬢ᭄ᬗᭂᬮᬶᬂ᭞᭠ᬓᬢᬸᬦ᭄ᬤᬾᬦ᭄ᬫᬾᬫᬾᬩᬦ᭄ᬜ᭞ᬗᬶᬤᬶᬳᬂᬩᬭᬂᬫᬲ᭄ᬫᬡᬶᬓ᭄᭟ᬫᬾ
ᬫᬾᬩᬧᬦ᭄ᬜᬫᬲᬳᬸᬃ᭞ᬦᬄᬫᭂᬦ᭄ᬤᭂᬧ᭄ᬳᭂᬤᬫᬗ᭄ᬮᬶᬂ᭞ᬚᬮᬦ᭄ᬳᬮᬶᬄᬚᬦᬶᬮᬸᬯᬲ᭄᭞ᬢᬸᬫᬸᬮᬶᬧᬥᬫᬫᬃᬕ᭄ᬕᬶ᭞ᬗᬮᬶᬄᬳᬶᬩᬯᬂᬫᬘᬭ᭞ [ 14 ][᭑᭓ 13B]
᭑᭓
ᬳᬶᬤᬶᬳᬶᬦ᭄ᬩᬭᬂᬫᬲ᭄ᬫᬡᬶᬓ᭄᭟ᬳᬶᬩᬯᬂᬢᬦ᭄ᬯᬾᬦ᭄ᬢᭂᬦ᭄ᬳᬲᬸᬂ᭞ᬗᬯᬾᬳᬶᬦ᭄ᬩᬭᬂᬫᬲ᭄ᬫᬡᬶᬓ᭄᭞ᬤᬾᬦᬶᬂᬦᬳᬦ᭄ᬢᭂᬓᬾᬦ᭄ᬳᬯᬓ᭄᭞ᬓᬢᬶᬕ᭄ᬢᬶᬕ᭄
ᬲᬢᭂᬗᬄᬫᬢᬶ᭞ᬫᬾᬫᬾᬩᬧᬦ᭄ᬜᬦᬾᬩᬸᬤᬮ᭄᭞ᬧ᭄ᬬᬦᬓ᭄ᬜᬦᬾᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭟ᬳᬶᬓᭂᬲᬸᬦᬧᬢᬶᬓᬘᬸᬄ᭞ᬓᬓᬾᬦ᭄ᬓᬾᬦ᭄ᬤᬾ
ᬯᬾᬓ᭄ᬦᬾᬦᬶᬕ᭄ᬢᬶᬕ᭄᭞ᬓᬤᬶᬦᬶᬕ᭄ᬢᬶᬕᬶᬦ᭄ᬦᬶᬩᬯᬂ᭞ᬲᬳᬸᬲᬦ᭄ᬳᬶᬧᬸᬦ᭄ᬫᬢᬶᬕ᭄ᬢᬶᬕ᭄᭞ᬧᬘᬂᬗᬸᬢᬂᬗᬸᬢᬂᬳᬯᬓ᭄᭞ᬫᬗ᭄ᬤᬾᬦᬾᬧᭀᬮᬶᬄᬫᬲ᭄ᬫᬡᬶᬓ᭄
᭟ᬦᬶᬓᭂᬲᬸᬦᬤᬳᬄᬤᬸᬳᬸᬄ᭞ᬳᬦ᭄ᬢᬸᬓ᭄ᬲᬓᬶᬢ᭄ᬦᬾᬢᬦ᭄ᬲᬶᬧᬶ᭞ᬗᬦ᭄ᬢᭀᬲ᭄ᬳᬶᬧᬸᬦ᭄ᬧᬧᭂᬢᭂᬗᬦ᭄᭞ᬢ᭄ᬯᬭᬳᬾᬳᬶᬂᬭᬶᬂᬧᬸᬦᬧᬶ᭞ᬲᬢᬢᬤ
[᭑᭔ 14A]
ᬤᬶᬳᬸᬘᬧᬦ᭄᭞ᬳᬶᬓᭂᬲᬸᬦᬤᬳᬢ᭄ᬘᬗ᭄ᬕᬶᬄ᭟ᬫᬜᬶᬲᬸᬧ᭄ᬲᬸᬓᬸᬦᬶᬂᬕᬸᬦᬸᬂ᭞ᬳᬮᬲᬾᬯᬬᬄᬓᬳᬸᬗ᭄ᬲᬶ᭞ᬳᬦᬸᬢ᭄ᬢᬶᬗ᭄ᬓᬳᬶᬂᬦᬶᬩᬯᬂ᭞ᬫ
ᬚᬮᬦ᭄ᬲᬫ᭄ᬩᬶᬮ᭄ᬫᬗ᭄ᬮᬶᬂ᭞ᬫᭂᬦᬾᬓ᭄ᬢᬸᬳᬶᬳᬶᬸᬓ᭄ᬕᬸᬦᬸᬂᬢᬸᬳᬸᬜᬦ᭄ᬚᬸᬭᬂ᭞ᬢᭀᬦ᭄ᬤᬾᬦ᭄ᬫᬲᬶᬄᬫᬦᭂᬧᬸᬓᬶᬦ᭄᭟ᬧᬓᬮᬦᬾᬤᬳᬢ᭄ᬓᬾᬭᬄ᭞ᬳᬯᬓ᭄ᬩᬢᬶᬲ᭄ᬜ
ᬦᬾᬲᬓᬶᬢ᭄᭞ᬢ᭄ᬯᬭᬚᬫᬤᬳᬃᬤᬳᬃ᭞ᬬᬦ᭄ᬢ᭄ᬯᬭᬧᭀᬮᬶᬄᬫᬲ᭄ᬫᬡᬶᬓ᭄᭞ᬩᬸᬓᬧᬳᬶᬘᬦ᭄ᬦᬶᬩᬯᬂ᭞ᬢ᭄ᬯᬭᬮᬓᬃᬫᬸᬮᬶᬄᬫᬸᬮᬶᬄ᭟ᬧ
ᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄‌ᬍᬲᬸ᭞ᬫᬭᬵᬃᬬ᭄ᬬᬩᬢᬦ᭄ᬯᬭᬶᬗᬶᬦ᭄᭞ᬫᬢᬶᬫ᭄ᬧᬸᬄᬫᬦᬸᬦᬲ᭄ᬳᬶᬘ᭞ᬗᬚᬧ᭄ᬳᬚᬧ᭄ᬲᬗ᭄ᬳ᭄ᬬᬂᬢᬯᬶ᭞ᬤᬸᬫᬤᬓ᭄ᬫᬫ [ 15 ][᭑᭔ 14B]
᭑᭔
ᬗ᭄ᬕᬶᬄᬩᬕ᭄ᬯ᭞ᬓᬶᬘᬾᬦ᭄ᬪᬸᬱᬡᬦᬾᬍᬯᬶᬄ᭟ᬮᬳᬸᬢ᭄ᬫᬫᬗ᭄ᬕᬸᬄᬘᭂᬭᬸᬓ᭄ᬘᬸᬓ᭄᭞ᬦᬶᬗ᭄ᬕᬳᬶᬦ᭄ᬘᬭᬂᬯᬭᬶᬗᬶᬦ᭄᭞ᬳᬦᬾᬗᬶᬘᬾᬦᬶᬦ᭄ᬦᬶᬩᬯ᭞
ᬫᬲ᭄ᬫᬶᬭᬄᬦᬾᬲᬃᬯ᭄ᬯᬍᬯᬶᬄ᭞ᬫ᭄ᬯᬄᬪᬸᬱᬡᬦᬾᬳᬾᬦ᭄ᬤᬄ᭞ᬳᭂᬦ᭄ᬢᭀᬮᬳᬸᬢ᭄ᬓᬢᬸᬦᬲᬶᬦ᭄᭟ᬦᬶᬓᭂᬲᬸᬦᬮᬳᬸᬢ᭄ᬫᬢᬸᬃ᭞ᬫᬜᬸᬫ᭄ᬩᬄᬢᬸᬃᬫ
ᬗᬸᬫᬶᬓ᭄ᬫᬶᬓ᭄᭞ᬦᬸᬦᬲ᭄ᬳᬶᬘᬤᬾᬯᬦ᭄ᬢᬶᬢ᭄ᬬᬂ᭞ᬧᬜ᭄ᬚ᭄ᬭᭀᬦᬾᬓᬯ᭄ᬮᬲ᭄ᬳᬲᬶᬄ᭞ᬗᬸᬢᬂᬳᬯᬓ᭄ᬦᬶᬗ᭄ᬕᬮ᭄‌ᬤᬰ᭞ᬜᬸᬲᬸᬧᬶᬦ᭄ᬳᬮᬲᬾᬧᬶᬗᬶᬢ᭄᭟ᬳᬶᬘ᭄ᬭᬸ
ᬓ᭄ᬘᬸᬓ᭄ᬮᬶᬯᬢ᭄ᬳᬲᬸᬂ᭞ᬲᬧᬶᬦᬸᬦᬲ᭄ᬜᬫᬤᬕᬶᬂ᭞ᬓᬩᬤᭀᬗᬶᬦ᭄ᬩᬳᬦ᭄ᬢᬸᬮ᭞ᬓᬮᬸᬂᬜᬮᬮᬶᬧᬶᬚᬮᬶ᭞ᬓᬕ᭄ᬮᬗᬶᬦ᭄ᬩᬳᬦ᭄ᬟᬮᬶᬧᬦ᭄᭞ᬲᬸ
[᭑᭕ 15A]
ᬩᬢᬄᬲᭂᬗ᭄ᬓᬂᬤᬶᬓᬸᬧᬶᬂ᭟᭞ᬳᬦᬸᬗ᭄ᬓᬸᬂᬚᬮᬢᬶᬓᬮᬸᬂ᭞ᬢᬍᬤᬸᬳᬗ᭄ᬕᭀᬦ᭄ᬫᬬᬲᬶᬦ᭄᭞ᬫᬧᭂᬦ᭄ᬤᬶᬂᬫᬕᭂᬮᬂᬓᬦ᭞ᬫᬩ᭄ᬟᭂᬗ᭄ᬓᭂᬃᬩᬦ᭄ᬳᬸᬮᬤ᭄ᬳᬮᬶᬤ᭄᭞ᬲᬸ
ᬫᬢᬢ᭄ᬓᬸᬫᬶᬢᬶᬢ᭄ᬧᬥ᭞ᬕᭂᬮᬶᬫᬗᬺᬲ᭄ᬭᭂᬲᬂᬳᬢᬶ᭟ᬳᬶᬘ᭄ᬭᬸᬓ᭄ᬘᬸᬓ᭄ᬮᬳᬸᬢ᭄ᬟᬫᬩᬸᬃ᭞ᬦᬶᬓ᭄ᬧᬸᬦᬩᬶᬦ᭄ᬢᬶᬢ᭄ᬫᬮᬳᬶᬩ᭄᭞ᬧᬢᬶᬢᭀᬫ᭄ᬧ᭄ᬮᭀᬓ᭄ᬧᬢᬶ
ᬕᬩᬕ᭄᭞ᬦᬕᬶᬲᭂᬄᬓᭂᬘ᭄ᬯᬂᬓᭂᬘ᭄ᬯᬶᬂ᭞ᬧᬮᬶᬂᬫᬗᬮᬶᬄᬘᬸᬘᬸᬗᬦ᭄᭞ᬓᬧᬧᬲ᭄ᬫᬘᬦᬾᬦᭂᬮᬶᬓ᭄᭟ᬲᬶᬗᬩᬭᭀᬂᬮᬯᬦ᭄ᬲᭂᬦᬸᬓ᭄᭞
ᬕᬚᬄᬯᬭᬓᬾᬓᬧᬗ᭄ᬕᬶᬄ᭞ᬳᬶᬲᬶᬦ᭄ᬳᬮᬲ᭄ᬕᬮᬓ᭄ᬫᬗ᭄ᬭᬓ᭄᭞ᬦᬶᬓᭂᬲᬸᬦᬦᬸᬦᬲ᭄ᬫᬢᬶ᭞ᬤᬾᬦ᭄ᬳᬶᬤᬸᬧ᭄ᬲᬸᬓᬬᬦ᭄ᬧ᭄ᬢᬄ᭞ᬫᬦᬦ᭄ᬤᬗᬶᬭ᭄ᬲᬓᬶ [ 16 ][᭑᭕ 15B]
᭑᭕
ᬢ᭄ᬳᬢᬶ᭟ᬚᭂᬭᬢ᭄ᬚᭂᬭᬶᬢ᭄ᬢᬸᬮᬸᬂᬢᬸᬮᬸᬂ᭞ᬕᭂᬮᬃᬕᭂᬮᬸᬃᬓᬳᬶᬓ᭄ᬓᬳᬶᬓ᭄᭞ᬫᬗᭂᬮᬶᬂᬫᬲᬫ᭄ᬩᬢᬦ᭄᭞ᬫᬦ᭄ᬤᬸᬮᬫᬾᬬᬬᬄᬩᬶᬩᬶ᭞ᬦᬸᬦᬲ᭄ᬢᬶᬢ᭄ᬬᬂ
ᬲᬲᬸᬧᬢᬦ᭄᭞ᬓᬰᬃᬬ᭄ᬬᬦ᭄ᬫᬶᬭᬕᬶᬫᬸᬜᬶ᭟ᬩᬸᬭᭀᬦ᭄ᬳᬮᬲᬾᬫᬘᭂᬕᬸᬢ᭄᭞ᬲᬫᬶᬫᬗᬺᬲᬺᬲᬾᬂᬳᬢᬶ᭞ᬦᬶᬓ᭄ᬱᬹᬦᬳᭂᬗ᭄ᬲᭂᬓ᭄ᬤᬶᬫᬦᬄ᭞
ᬫᬲᭂᬮ᭄ᬲᭂᬮᬦ᭄ᬜᬓᬶᬢ᭄ᬳᬢᬶ᭞ᬦᬳᬦ᭄ᬫᬦᬶᬫᬸᬲᬗ᭄ᬲᬭ᭞ᬳᬶᬓ᭄ᬤᬶᬓ᭄ᬘᬭᬸᬓ᭄ᬘᬸᬓ᭄ᬩᬩᬾᬓᬶ᭟ᬦᬶᬓᭂᬲᬸᬦᬮᬶᬯᬢ᭄ᬢᬓᬸᬢ᭄᭞ᬜᭂᬮᬶᬩ᭄ᬲᬶᬩ᭄ᬓᬢ
ᬮᬲ᭄ᬓ᭄ᬭ᭞ᬫᬗᬦ᭄ᬢᬶᬳᬂᬍᬫᬄ᭞ᬕᬲ᭄ᬕᬲ᭄ᬕᬶᬲ᭄ᬕᬶᬲ᭄ᬓᬳᬧ᭄ᬓᬸᬭᬶ᭞ᬓᬸᬫᬢᬢ᭄ᬓᬸᬫᬶᬢᬶᬢᬾᬓ᭄ᬘᬕ᭄᭞ᬧᬕ᭄ᬮᬦ᭄ᬢᭂᬲ᭄ᬧᬩ᭄ᬮᬶᬲᬢ᭄ᬲᬫᬶ᭟᭜᭟
[᭑᭖ 16A]
ᬓᬕᬾᬢ᭄ᬲᬸᬩᬧᬸᬓᬸᬮ᭄ᬧᬶᬢᬸ᭞ᬦᬶᬓᭂᬲᬸᬦᬗᬸᬘᬸᬂᬫᬸᬮᬶᬄ᭞ᬫᬗᭀᬚᭀᬕ᭄ᬳᬸᬫᬄᬤᬤᭀᬂᬜ᭞ᬫᬗᭂᬮᬸᬃᬦᬕᬶᬄᬳᬫ᭄ᬧᬓᬶᬦ᭄᭞ᬤᬤᭀᬂᬜ
ᬫᬲᬳᬸᬢ᭄ᬩᬗ᭄ᬕ᭄ᬭᬲ᭄᭞ᬜᬾᬦ᭄ᬳᭂᬦ᭄ᬢᭀᬦᬕᬶᬄᬳᬫ᭄ᬧᬓᬶᬦ᭄᭟ᬜᬾᬦ᭄ᬲᬶᬄᬳᭂᬦ᭄ᬢᭀᬓᬳᬸᬓ᭄ᬓᬳᬸᬓ᭄᭞ᬦᬶᬓᭂᬲᬸᬦᬲᬳᬸᬃᬳᭂᬮᬶᬂ᭞ᬢ᭄ᬬᬂᬦᬸᬘᬸᬦᬤᭀ
ᬗᬾᬢᭂᬲ᭞ᬦᬶᬓᭂᬲᬸᬦᬦᬧᬸᬢᬸᬦ᭄ᬦᬶᬦᬶ᭞ᬗᬾᬦ᭄ᬓᬾᬦ᭄ᬲᬶᬕᬫᬳᬶᬢᬶᬢ᭞ᬫᬳᬶᬫᬦᬕᬶᬄᬳᬫ᭄ᬧᬓᬶᬦ᭄᭟ᬳᬾᬗ᭄ᬕᬮᬂᬫᬕᭂᬤᬶᬧᭂᬲᬸ᭞ᬳᭂᬤ
ᬲᬶᬕᬓᬸᬫᬄᬦᬶᬦᬶ᭞ᬢᭀᬫ᭄ᬧ᭄ᬮᭀᬓ᭄ᬓᬳᬶᬩᬦ᭄ᬩᬮᬶᬤ᭞ᬦᬶᬓᭂᬲᬸᬦᬜ᭄ᬭᬸᬢ᭄ᬘᬸᬢᬸᬮᬶᬄ᭞ᬫᬚᬮᬦ᭄ᬓᬸᬫᬄᬩᬳᬦ᭄ᬜ᭞ᬫᬾᬫᬾᬦ᭄ᬜᬮᬳᬸᬢ᭄ᬗᭂ [ 17 ][᭑᭖ 16B]
᭑᭖
ᬮᬸᬭᬶᬦ᭄᭟ᬜᬾᬦ᭄ᬲᬶᬄᬳᭂᬦ᭄ᬢᭀᬕᭂᬮᬸᬃᬕᭂᬮᬸᬃ᭞ᬦᬶᬓᬲᬸᬦᬲᬳᬸᬃᬳᭂᬮᬶᬂ᭞ᬢ᭄ᬬᬂᬦᬶᬓᭂᬲᬸᬦᬢᭂᬓ᭞ᬗᬾᬦ᭄ᬓᬾᬦ᭄ᬳᬶᬩᬤᬤᬶᬫᬸᬮᬶᬄ᭞ᬓᬂᬕᭀ
ᬯᬂᬓᭂᬦᭂᬳᬾᬲᬸᬩ᭞ᬫᬕᭂᬤᬶᬲᬶᬕᬤᬫᬳᬶ᭟ᬢ᭄ᬯᬭᬲᭂᬮᬓᬳᬶᬧᭂᬲᬸ᭞ᬫᬗᬫ᭄ᬧᬓᬶᬦ᭄ᬲᬶᬕᬓᭀᬭᬶ᭞ᬲᭂᬧᬮᬬᬦ᭄ᬲᬶᬕᬢᭂᬮᬲ᭄᭞ᬫ
ᬩᬧᬓᬮᬶᬄᬫᬩᬶᬩᬶ᭞ᬲᬸᬳᬸᬤ᭄ᬯᭂᬓᬲ᭄ᬫᬧ᭄ᬬᬦᬓ᭄᭞ᬢᭂᬓᬾᬦ᭄ᬘᬶᬘᬶᬗᬾᬦᬶᬘᬗ᭄ᬕᬶᬄ᭟ᬦᬶᬓᭂᬲᬸᬦᬮᬳᬸᬢ᭄ᬧᭂᬲᬸ᭞ᬫᬚᬮᬦ᭄ᬲᬶᬕ᭄ᬲᬶᬕ
ᬦ᭄ᬗᭂᬮᬶᬲᬶᬂᬚᬮᬦ᭄ᬫᬭᬾᬭᬾᬦ᭄ᬦᭂᬕᬓ᭄᭞ᬫᬧᬗᭂᬦᬦ᭄ᬧᭂᬮᬦ᭄ᬳᬭᬶᬕ᭄᭞ᬬᬾᬦᬶᬂᬢ᭄ᬯᬭᬳᬤᬳᭀᬮᬲ᭄᭞ᬳᬶᬢᬸᬮᬂᬓᬧᬸᬢ᭄ᬳᬶᬓᬸᬮᬶ
[᭑᭗ 17A]
ᬢ᭄᭟ᬢᬦ᭄ᬳᬸᬭᬸᬗᬦ᭄ᬫᬗ᭄ᬓ᭄ᬬᬮᬫ᭄ᬧᬸᬲ᭄᭞ᬫᬢᬶᬦ᭄ᬢ᭄ᬬᬗᬾᬩᬾᬲ᭄ᬩᬾᬲ᭄ᬘᬶᬘᬶᬂ᭞ᬩᬾᬤᬾᬂᬫᬳᬶᬩᬾᬤᬾᬂᬓᭂᬫ᭞ᬜᬾᬦ᭄ᬲᬶᬄᬢᬺᬱ᭄ᬡᬫᬗᭀᬮᬲᬶᬦ᭄᭞
ᬲᬸᬓᬢᬶᬢ᭄ᬬᬂᬚᬸᬭᬸᬲᬫ᭄ᬧᬢ᭄᭞ᬲᬳᬶᬤᬸᬧᬦ᭄ᬓᬧᬜ᭄ᬚᬓᬶᬦ᭄᭟ᬧᭂᬢᭂᬂᬍᬫᬄᬲᭂᬤᬶᬄᬗᬸᬦ᭄ᬗᬸᬦ᭄᭞ᬗᬦ᭄ᬢᬶᬩᭂᬭᬕ᭄ᬜᬓᬶᬢ᭄ᬳᬢᬶ᭞ᬢ᭄ᬯᬭᬚᬫᬤᬳᬃᬤ
ᬳᬃ᭞ᬳᬾᬮᬶᬂᬢᭂᬓᬾᬦ᭄ᬬᬬᬄᬩᬶᬩᬶ᭞ᬓᬮᬶᬄᬳᬶᬳᭂᬫ᭄ᬩᭀᬓ᭄ᬦᬶᬩᬯᬂ᭞ᬫᬓᭂᬚᬂᬢ᭄ᬯᬭᬚᬲᬸᬤᬶ᭟ᬲᬸᬩᬢᬾᬳᬯᬓᬾᬮᬘᬸᬃ᭞ᬳᬧᬲᬶᬄᬢᬸᬳᬸᬦ᭄ᬦᬸ
ᬫᬤᬶ᭞ᬳᬸᬮᬶᬘᭂᬭᬶᬓ᭄ᬦᬫᬯᬶᬭᬂ᭞ᬓᬬᬂᬓᭂᬮᬶᬄᬩᬸᬓᬚᬦᬶ᭞ᬤᬶᬢᬸᬩᬯᬂᬳᬧᬂᬫᭂᬮᬄ᭞ᬤᭂᬧᬂᬲᬸᬩᬳᬯᬓᬾᬫᬢᬶ᭟ᬢᬦ᭄ᬧ᭄ᬭᬦᬢᬦ᭄ᬧᬳᬸ [ 18 ][᭑᭗ 17B]
᭑᭗
ᬦ᭄ᬤᬸᬓ᭄᭞ᬤᬤᬶᬓᬾᬭᬦᬓᬢᭂᬧᬸᬓᬶᬦ᭄᭞ᬲᬓᬶᬢᬾᬳᬗ᭄ᬕᭀᬦ᭄ᬤᬤᬮᬦ᭄᭞ᬫᬭᬫᬭᬲᬤᬶᬳᬢᬶ᭞ᬧᬶᬍᬤᬢᭂᬓᬾᬦ᭄ᬦᬶᬩᬯᬂ᭞ᬤᬤᬶᬓᬾ
ᬦᬾᬫᬲᬶᬦ᭄ᬓᬳᬶ᭟ᬢᭀᬦᬶᬩᬯᬂᬫᬲᬲᬸᬫ᭄ᬩᬸᬂ᭞ᬢᭀᬤᭀᬱᬦ᭄ᬳᬶᬩᬦᬾᬘᬗ᭄ᬕᬶᬄ᭞ᬢᬦ᭄ᬳᬤᬳᬤᬬᬂᬳᬶᬩ᭞ᬫᬶᬲᬸᬦᬬᬂᬳᬯᬓᬾᬮ᭄ᬩᬶᬢ᭄᭞
ᬲᬢᬢᬳᬶᬩᬢᭂᬫᭀᬓᬂ᭞ᬲᬶᬂᬲᬸᬳᬸᬤ᭄ᬫᬜᬓᬶᬢ᭄ᬳᬢᬶ᭟ᬳᬓᬾᬢᭀᬓᭀᬚᬭᬦ᭄ᬳᬶᬧᬸᬦ᭄᭞ᬚᬦ᭄ᬫᬦᬾᬫᬶᬲᬸᬦᬲᬫᬶᬸᬳᬶ᭞ᬲᬶᬦᬄᬧᬘᬂ
ᬫᬗ᭄ᬕᬶᬄᬮᬭ᭞ᬦᬗ᭄ᬳᬶᬲᬦᬾᬓᬲᭂᬗᬶᬢᬶᬦ᭄᭞ᬬᬦ᭄ᬲᬫ᭄ᬧᬸᬦ᭄ᬲᬸᬚᬢᬶᬥᬃᬫ᭄ᬫ᭞ᬚᬦ᭄ᬢᭂᬦ᭄ᬧᬘᬂᬫᬗ᭄ᬕᬶᬄᬍᬯᬶᬄ᭟ᬬᬾᬦᬶᬂᬮᭀᬪᬤᬤᬶᬳ
[᭑᭘ 18A]
ᬕᬸᬂ᭞ᬳᬶᬭᬶᬳᬢᬶᬦᬾᬧᬸᬧᭀᬦᬶᬦ᭄᭞ᬤᭂᬫᭂᬦ᭄ᬢᭂᬓᬾᬦ᭄ᬕᭂᬮᬄᬳᬦᬓ᭄᭞ᬳᬲᬶᬲᬸᬕᬶᬄᬗᬗ᭄ᬕᭀᬍᬯᬶᬄ᭞ᬳᭂᬦ᭄ᬢᭀᬦᬕᬶᬄᬳᬸᬧᬤᬶᬳᬂ᭞ᬳᬧ
ᬦ᭄ᬢᬦ᭄ᬢᬶᬢᬳᬶᬂᬯᬶᬥᬶ᭞᭛᭜᭛ᬳᬦᬓ᭄ᬳᬦᬾᬩᭂᬮᭀᬕ᭄᭛᭜᭛ᬫᬶᬚᬶᬮ᭟᭜᭟ᬓᭀᬘᬧ᭄ᬤᬸᬲᬸᬦ᭄ᬧᬩᬜ᭄ᬚᬭᬦ᭄ᬓᬗᬶᬦ᭄᭞
ᬯᬾᬦ᭄ᬢᭂᬦ᭄ᬚᬦ᭄ᬫᬩᭂᬮᭀᬕ᭄᭞ᬓᬲᬶᬮᬶᬳᬶᬦ᭄ᬧᬗᭂᬤᬗᬦ᭄ᬕᭂᬤᬾ᭞ᬳᬦ᭄ᬢᬸᬓ᭄ᬳᬶᬧᬸᬦ᭄ᬫᬾᬫᬾᬦ᭄ᬫᬸᬤᬭᬦᬶ᭞ᬚᬦ᭄ᬢᭀᬲ᭄ᬢᬶᬕᬂᬯᭂᬗᬶ᭞ᬢᬦ᭄ᬩᬸᬤᬮᬂᬳᬶᬧᬸᬦ᭄
᭟ᬤᬶᬢᬸᬮᬳᬸᬢ᭄ᬳᬶᬩᭂᬮᭀᬕ᭄ᬫᬦᬩᬶᬄ᭞ᬓᬮᬶᬄᬳᬶᬧᬸᬦ᭄ᬗᭀᬚᭀᬕ᭄᭞ᬓᬸᬫᬄᬦᬾᬜᭂᬮᬂᬧᬗᭂᬤᬗᬦᬾ᭞ᬲᬦᬾᬜᭂᬮᬂᬢᬸ [ 19 ][᭑᭘ 18B]
᭑᭘
ᬫᬸᬮᬶᬗᭂᬜ᭄ᬚᬸᬳᬶᬦ᭄᭞ᬧᬬᬸᬓ᭄ᬲᬦᬾᬳᬮᬶᬢ᭄᭞ᬳᬶᬩᭂᬮᭀᬕ᭄ᬢᭂᬗ᭄ᬓᭂᬚᬸᬢ᭄᭟ᬓᬮᬤᬶᬢᬸᬳᬶᬩᭂᬮᭀᬕ᭄ᬫᬫᬸᬜᬶ᭞ᬲᬦᬾᬭᬶᬳᬶᬦ᭄ᬳᭂᬫ᭄ᬩᭀ
ᬓ᭄᭞ᬧᭂᬘᬓ᭄ᬜᬮᬂᬧᬗᭂᬤᬗᬦ᭄ᬕᭂᬤᬾ᭞ᬲᬧᬸᬦᬧᬶᬓᬾᬗᬶᬦ᭄ᬳᭂᬫ᭄ᬩᭀᬓ᭄ᬫᬗ᭄ᬓᬶᬦ᭄᭞ᬧᬬᬸᬓ᭄ᬮᬶᬦ᭄ᬢᬂᬳᬮᬶᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓᬸ᭟ᬤᬶᬚᬧᬬᬸ
ᬓ᭄ᬢᬶᬢ᭄ᬬᬗᬾᬦᬾᬭᬶᬳᬶᬦ᭄᭞ᬧᬲᬳᬸᬃᬜᬳᬮᭀᬦ᭄᭞ᬳᬸᬤᬸᬄᬳᭂᬫ᭄ᬩᭀᬓ᭄ᬫᬾᬦ᭄ᬫᬸᬤᬭᬦᬦᬾ᭞ᬦᬾᬧᬬᬸᬓ᭄ᬜᬳᬶᬦᬾᬳᬦᬾᬭᬶᬳᬶᬦ᭄᭞
ᬫᬦᬓ᭄ᬧᬬᬸᬓ᭄ᬳᬮᬶᬢ᭄᭞ᬧᬦᬓ᭄ᬦᬾᬚᬸᬯᬂᬫᬮᬸ᭟ᬳᬶᬩᭂᬮᭀᬕ᭄ᬩᬸᬕᬸᬧᬬᬸᬓ᭄ᬫᬦᬓ᭄ᬳᬮᬶᬢ᭄᭞ᬢᬸᬫᬸᬮᬶᬫᬫᭀᬩᭀᬲ᭄᭞ᬩᬸᬤᬮ᭄ᬳᬾ
[᭑᭙ 19A]
ᬜ᭄ᬘᭀᬮ᭄ᬗᬫ᭄ᬩᬸᬮ᭄ᬧᬫᬃᬕ᭄ᬕᬶᬦᬾ᭞ᬭᬯᬸᬄᬲᬫ᭄ᬧᬸᬦ᭄ᬭᬶᬂᬳᬸᬫᬄᬜᬫᬗ᭄ᬓᬶᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬮᬫᬶ᭞ᬓᬢᬕᬶᬄᬕ᭄ᬮᬄᬳᬶᬧᬸᬦ᭄᭟ᬲᬦᬾᬜᭂᬮᬂ
ᬢᬸᬃᬫᬲᬳᬸᬃᬳᬭᬶᬲ᭄᭞ᬧᬗ᭄ᬤᬗᬦᬾᬳᭂᬦ᭄ᬢᭀ᭞ᬲᬸᬩᬫᬢᬶᬤᬸᬕᬲ᭄ᬯᬺᬲ᭄ᬧᬢᬶᬦᬾ᭞ᬓᬕ᭄ᬬᬢ᭄ᬫᬾᬦ᭄ᬫᬸᬤᬭᬦᬶᬫᬶᬭᬕᬶ᭞ᬧᬬᬸᬓ᭄ᬩᬶᬲᬫᬢᬶ᭞
ᬢᬸᬫᬸᬮᬶᬫᬲᬳᬸᬢ᭄᭟ᬳᬶᬗ᭄ᬕᬶᬄᬳᭂᬫ᭄ᬩᭀᬓ᭄ᬲᬚᬯᬦᬶᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬮᬶᬦ᭄ᬢᬂᬳᬗᭀᬩ᭄᭞ᬫᬶᬭᬕᬶᬳᬂᬧᬗᭂᬤᬗᬦ᭄ᬕᭂᬤᬾ᭞ᬳᬸᬦᬶᬂᬧ
ᬤᭂᬫ᭄ᬓᬤᬶᬳᬸᬘᬧ᭄ᬩᬶᬩᬶ᭞ᬲᬦᬾᬭᬶᬳᬶᬦ᭄ᬭᬶᬳᬶᬦ᭄᭞ᬢᬦ᭄ᬓᬤᬶᬧᬸᬦᬶᬓᬸ᭟ᬲᬦᬾᬜᭂᬮᬂᬲᬸᬫᬳᬸᬃᬢᬸᬫᬸᬮᬶ᭞ᬓᬾᬦᬾᬫᬸᬜᬶᬦ᭄ᬳᭂᬫ᭄ᬩᭀᬓ [ 20 ][᭑᭙ 19B]
᭑᭙
ᬓ᭄᭞ᬧᬬᬸᬓ᭄ᬘ᭄ᬭᬶᬓ᭄ᬧᬦᬓ᭄ᬧᬗᭂᬤᬗᬦᬾ᭞ᬳᭂᬦ᭄ᬢᭀᬗᬸᬤᬤᬤᬶᬕᬸᬕᬸᬦ᭄ᬜᬳᬶ᭞ᬦᬾᬦᬾᬩᬸᬓᬚᬦᬶᬢᬸᬲᬶᬂᬗᬸᬕᬸᬮᬫ᭄ᬧᬸᬲ᭄᭟ᬤᬶ
ᬢᬸᬮᬳᬸᬢ᭄ᬫᬾᬫᬾᬦ᭄ᬫᬸᬤᬭᬦᬶ᭞ᬮ᭄ᬬᬢ᭄ᬜᬦᬾᬩᭂᬗᭀ᭞ᬩᬲ᭄ᬓᬮᬶᬯᬢ᭄ᬓᬶᬫᬸᬤ᭄ᬳᬶᬤᭂᬧ᭄ᬜᬦᬾ᭞ᬮᬳᬸᬢ᭄ᬫᬸᬮᬶᬄᬫᬗᬫ᭄ᬩᬸᬮ᭄ᬢᬸᬃᬗᭂᬮᬶᬂ᭞ᬫᬧᬶᬦᭂᬄ
ᬤᬶᬳᬢᬶ᭞ᬩ᭄ᬮᭀᬕᬾᬓ᭄ᬭᬦᬮᬘᬸᬃ᭟ᬳᬶᬄᬩᭂᬮᭀᬕ᭄ᬳᭂᬤᬲᭂᬩᭂᬢ᭄ᬤᬶᬳᬢᬶ᭞ᬲᬚᬜᬳᬶᬩᭂᬮᭀᬕ᭄᭞ᬢᬸᬲᬶᬂᬦᬯᬂᬳᬧᬦᬾᬳᬤ
ᬦᬾ᭞ᬩᬶᬩᬶᬚᬦᬶᬫᬗᭀᬭᬳᬶᬦ᭄ᬜᬳᬶ᭞ᬧᬗᭂᬤᬗᬦ᭄ᬘᭂᬭᬶᬓ᭄᭞ᬳᭂᬦ᭄ᬢᭀᬫᬤᬦ᭄ᬧᬬᬸᬓ᭄᭟ᬩᭂᬮᭀᬕ᭄ᬜᬦᬾᬓᬮᬶᬦ᭄ᬢᬂᬲᬶᬦᬶᬧᬶ᭞
[᭒᭐ 20A]
ᬫᬾᬫᬾᬦ᭄ᬜᬦᬾᬩᭂᬗᭀᬂ᭞ᬧᭂᬢᭂᬂᬍᬫᬄᬲᬳᬶᬓᬳᬚᬳᬶᬦ᭄᭞ᬓᬳᬸᬭᬸᬓᬂᬳᬦ᭄ᬢᬸᬓ᭄ᬕᬸᬭᬸᬳᬚᬶ᭞ᬲᬳᬶᬓᬢᬸᬢᬸᬭᬶᬦ᭄᭞ᬳᬧᬂᬳᬶᬬ
ᬢᬳᬸ᭟ᬫᬾᬫᬾᬩᬧᬦ᭄ᬜᬓᬾᬯᭂᬄᬤᬶᬳᬢᬶ᭞ᬗᭂᬮᬄᬧ᭄ᬬᬦᬓ᭄ᬩᭂᬮᭀᬕ᭄᭞ᬫᬲᭂᬮ᭄ᬲᭂᬮᬦ᭄ᬤᬤᬶᬩᬸᬓᬓᬾᬦᬾ᭞ᬫᬦᬸᬫᬤᬶᬢᬸᬫᬸ
ᬭᬸᬦ᭄ᬫᬜᬮ᭄ᬫᬶ᭞ᬦᬦ᭄ᬤᬂᬲᬓᬶᬢ᭄ᬳᬢᬶ᭞ᬮᬘᬸᬭᬾᬓᬤᬸᬭᬸᬲ᭄᭟ᬲᬸᬩᬮᬘᬸᬃᬓᬤᬸᬮᬸᬭᬶᬦ᭄ᬫᬶᬲ᭄ᬓᬶᬦ᭄᭞ᬲᬶᬕᬸᬕᬾᬓᬧᭀᬦ᭄ᬤᬵᬂ᭞ᬢ᭄ᬯᬭᬲᬸᬓ
ᬜᬫᬩ᭄ᬭᬬᬦᬾ᭞ᬓᬮᬶᬂᬩᬾᬢᬺᬱ᭄ᬡᬵᬳᬦᬓ᭄ᬗᭀᬮᬲᬶᬦ᭄᭞ᬦᭀᬮᬶᬄᬢ᭄ᬯᬭᬲᬸᬤᬶ᭞ᬲᬫᬶᬢ᭄ᬯᬭᬮᬶᬗᬸ᭟ᬤᬾᬦᬶᬂᬓᬾᬢᭀᬩ᭄ᬭᬬ [ 21 ][᭒᭐ 20B]
᭒᭐
ᬦ᭄ᬜᬦᬾᬲᬫᬶ᭞ᬫᬦᬄᬜᬦᬾᬕᬯᭀᬓ᭄᭞ᬢᬸᬫᬸᬮᬶᬫᬾᬭᬂᬢᭂᬓᬾᬦ᭄ᬤᬾᬯᬾᬓ᭄ᬦᬾ᭞ᬗᬸᬢᬂᬳᬯᬓ᭄ᬫᬮᬚᬳᬂᬤᬶᬭᬶ᭞ᬮᬗ᭄ᬕᭂᬂᬤᬶᬳᬓᬾᬃᬢ᭄ᬢᬶ
᭞ᬮᬳᬸᬢ᭄ᬧᭀᬮᬶᬄᬮᬸᬗ᭄ᬕᬸᬄ᭟ᬲᬸᬕᬶᬄᬋᬦ᭄ᬤᬄᬧ᭄ᬬᬦᬓ᭄ᬮᬸᬄᬫ᭄ᬯᬦᬶ᭞᭠ᬮ᭄ᬬᬸᬳᬶᬲᬶᬦ᭄ᬓᬤᬢᭀᬦ᭄᭞ᬫᬲ᭄ᬲᭂᬮᬓᬫᬡᬶᬓ᭄ᬲᬃᬯ᭄ᬯᬫᬮᬾ᭞ᬢᬸᬃᬓᬶ
ᬘᬾᬦ᭄ᬫᬡᬶᬓ᭄ᬲᬓᭂᬘᬧ᭄‌ᬍᬯᬶᬄ᭞ᬭᬶᬭᬶᬳᬾᬢᬦ᭄ᬲᬶᬧᬶ᭞ᬳᬬᬸᬦᬾᬫᬦᭂᬭᬸᬲ᭄᭟ᬩᭂᬮᭀᬕ᭄ᬮᬘᬸᬃᬦᬾᬩᬸᬓᬲᬧ᭄ᬲᬧᬶᬦ᭄᭞ᬓ᭄ᬭᬦ
ᬩᬸᬓᬓᬾᬢᭀ᭞ᬮᬸᬄᬫ᭄ᬯᬦᬶᬧᬕᭂᬄᬗᬓᬾᬃᬢ᭄ᬢᬶᬦᬾ᭞ᬤᬶᬳᬮᬲ᭄ᬕᬸᬦᬸᬗᬾᬧᬶᬗᬶᬢ᭄ᬧᬶᬗᬶᬢ᭄᭞ᬦᬾᬦᬾᬓᬲᬸᬲᬸᬧᬶᬦ᭄᭞ᬢ᭄ᬯᬭᬩᬶᬱ
[᭒᭑ 21A]
ᬢᬓᬸᬢ᭄᭟ᬤᬾᬦᬶᬂᬓᬾᬢᭀᬓᬯᬸᬯᬸᬳᬶᬦ᭄ᬓᬯᬶ᭞ᬲᬫᬶᬧᬥᬕᬯᭀᬓ᭄᭞ᬮᬸᬄᬫ᭄ᬯᬦᬶᬜᬫᬩ᭄ᬭᬬᬦᬾ᭞ᬢ᭄ᬯᬘᭂᬭᬶᬓ᭄ᬩᬚᬂᬮᬦ᭄ᬢᬭᬸᬦᬶ᭞ᬲᬫᬧᬥ
ᬳᬲᬶᬄ᭞ᬲᬸᬓᬳᭀᬮᬲ᭄ᬳᬲᬸᬂ᭟ᬓᬾᬢᭀᬢᬸᬢᬸᬭᬦ᭄ᬳᬦᬓᬾᬫᬶᬲ᭄ᬓᬶᬦ᭄᭞ᬮᬘᬸᬃᬢᬸᬃᬬᬩᭂᬮᭀᬕ᭄᭞ᬮᬳᬸᬢ᭄ᬮᬗ᭄ᬕᭂᬂᬢᭂᬓᬾᬦ᭄ᬧᬓᬾᬃᬢ᭄ᬢᬶᬦ᭞᭠
ᬬᬦ᭄ᬢᬸᬦᬬᬦ᭄ᬢᬓᬸᬢ᭄ᬢᭂᬓᬾᬦ᭄ᬯᬾᬘᬶ᭞ᬢ᭄ᬯᬭᬫᬦᭂᬧᬸᬓᬶᬦ᭄᭞ᬳᬦᬾᬮᬓᬃᬳᬬᬸ᭟᭛᭜᭛ᬓᬜ᭄ᬘᬶᬮ᭄ᬢᭂᬓᬾᬦ᭄ᬕᬸᬮᬸᬗᬦ᭄ᬢᬶᬓᭂᬄ᭛᭜
᭛ᬕᬶᬦᬤ᭟᭜᭟ᬳᬶᬓᬜ᭄ᬘᬶᬮ᭄ᬚᬦᬶᬢᬸᬢᬸᬭᬂ᭞ᬗᬚᬶᬦᬂᬲᭀᬭᭀᬄᬧ᭄ᬭᬦᬶ᭞ᬕᬸᬮᬸᬗᬦ᭄ᬢᬶᬓᭂᬄᬳᬤᬦ᭄ᬜ᭞ᬳᬶᬓᬜ᭄ᬘᬶᬮ᭄ᬫᬗᭀᬫᭀᬂ [ 22 ][᭒᭑ 21B]
᭒᭑
ᬲᬸᬫ᭄ᬩᬸᬂ᭞ᬳᬶᬄᬕᬸᬮᬸᬗᬦ᭄ᬢᬶᬓᭂᬄᬳᬶᬩ᭞ᬤᬶᬗᭂᬄᬩᭂᬮᬶ᭞ᬧᬮᬳᬶᬩ᭄ᬳᬶᬩᬦᬾᬩᭂᬘᬢ᭄᭟ᬬᬤᬶᬦ᭄ᬘᬳᬶᬫ᭄ᬮᬳᬶᬩ᭄ᬕᬗ᭄ᬲᬃ᭞ᬲᬶᬂᬳᬶᬘᬶᬓᬮᬳᬂᬘᬳᬶ᭞
ᬬᬾᬦᬶᬂᬗᬤᬸᬓᬩᭂᬘᬢᬘ᭄᭞ᬕᬸᬮᬸᬗᬦ᭄ᬢᬶᬓᭂᬄᬫᬗ᭄ᬭᬸᬗᬸᬲ᭄᭞ᬦ᭄ᬤᬶᬗᭂᬄᬳᬶᬓᬜ᭄ᬘᬶᬮ᭄‌ᬫᬗᬸᬫᬦ᭄᭞ᬫᬦᬗ᭄ᬢᬗᬶᬦ᭄᭞ᬢᬸᬫᬸᬮᬶᬳᬮᭀᬦ᭄ᬲᬳᬸᬃ
ᬜ᭟ᬓᬾᬦ᭄ᬓᬾᬦ᭄ᬫᬸᬜᬶᬦᬾᬳᬶᬩᬸᬘᬦ᭄᭞ᬬᬤᬶᬦ᭄ᬧ᭄ᬮᬳᬶᬩ᭄ᬳᬶᬘᬂᬭᬶᬦ᭄ᬤᬶᬢ᭄᭞ᬲᬶᬂᬚᬳᬶᬘᬂᬮᬓᬃᬓᬲᭀᬃ᭞ᬘᬳᬶᬓᬜ᭄ᬘᬶᬮ᭄ᬮᬶᬯᬢ᭄ᬲᬫ᭄ᬩᬸᬂ
᭞ᬦᬗᬶᬂᬢᭀᬗᭀᬲᬾᬓᬃᬯ᭄ᬯᬦᬂ᭞ᬦᬾᬦᬾᬚᬦᬶ᭞ᬲᬸᬫᬳᬸᬃᬳᬶᬓᬜ᭄ᬘᬶᬮ᭄ᬩᬗ᭄ᬕ᭄ᬭᬲ᭄᭟ᬢ᭄ᬯᬶᬩᬢᬶᬲ᭄ᬳᬶᬘᬗᬾᬧᬢ᭄ᬧᬢ᭄᭞ᬩᬢᬶ
[᭒᭒ 22A]
ᬲ᭄ᬘᬳᬶᬦᬾᬳᬓᭂᬢᬶ᭞ᬲᬶᬦᬄᬘᬳᬶᬮᬓᬃᬓᬯᭀᬦ᭄᭞ᬚᬮᬦ᭄ᬲᬸᬩᬚᬦᬶᬫᬸᬚᬸ᭞ᬫᬢᬦ᭄ᬤᬶᬂᬮᬓᬃᬫᬮᭀᬫ᭄ᬩ᭞ᬳᬶᬘᬂᬫᬶᬮᬶᬄ᭞ᬧᬘᬂ
ᬕᭂᬦᬳᬾᬫᬮᭀᬫ᭄ᬩᬵ᭟ᬳᬤᬕᬸᬦᬸᬂᬢᭂᬕᭂᬄᬧᭂᬲᬦ᭄᭞ᬳᬸᬮᬶᬤᬶᬢᬸᬫᬗᬯᬶᬢᬶᬦ᭄᭞ᬓᬦ᭄ᬢᬶᬦᬧᬓ᭄ᬤᬶᬲᬸᬓᬸᬦ᭄ᬜ᭞ᬳᬶᬕᬸᬮᬸᬗᬦ᭄ᬢᬶᬓᭂᬄᬫ
ᬦᬸᬢ᭄᭞ᬓᭂᬤᬾᬓ᭄ᬓᭂᬤᬾᬓ᭄ᬮᬶᬦ᭄ᬢᬂᬋᬦ᭞ᬢᬦ᭄ᬕᬸᬫᬶᬗ᭄ᬲᬶᬃ᭞ᬢᭂᬓᬾᬦᬶᬂᬧᬲᭀᬩᬬᬦ᭄ᬜ᭟ᬫᬭᬳᬶᬓᬜ᭄ᬘᬶᬮ᭄ᬗᬶᬦ᭄ᬓᬶᬦᬂ᭞ᬮᬓᬃᬗᬾᬗ᭄ᬕᬮᬂᬫ
ᬮᬳᬶᬩ᭄᭞ᬳᬶᬕᬸᬮᬸᬗᬦ᭄ᬢᬶᬓᭂᬄᬩᬸᬗ᭄ᬓᭂᬃ᭞ᬳᬯᬓ᭄ᬦᬾᬩᬸᬦ᭄ᬢᭂᬃᬗᬮᬸᬮᬸᬓ᭄᭞ᬗᬮᬶᬮᬶᬓ᭄ᬓᬮᬶᬯᬢ᭄ᬩᭂᬘᬢ᭄᭞ᬓᬤᬶᬫᬶᬫᬶᬲ᭄᭞ᬲᬦ᭄ᬢᭂᬃᬧ [ 23 ][᭒᭒ 22B]
᭒᭒
ᬮᬳᬶᬩ᭄ᬦᬾᬕᬗ᭄ᬲᬃ᭟ᬳᬶᬓᬜ᭄ᬘᬶᬮ᭄ᬳᬗᭀᬩ᭄ᬗᬢᭀᬦᬂ᭞ᬳᬶᬕᬸᬮᬸᬗᬦ᭄ᬢᬶᬓᭂᬄᬫ᭄ᬮᬳᬶᬩ᭄᭞ᬲᬸᬩᬚᭀᬄᬲᬯᬢ᭄ᬩᭂᬢᬾᬦᬦ᭄᭞ᬧᬮᬳᬶᬩ᭄ᬳᬶ
ᬓᬜ᭄ᬘᬶᬮ᭄ᬦᬸᬢᬸᬕ᭄᭞ᬓᭂᬦᭂᬄᬦᬾᬩᬓᬮ᭄ᬫᬮᬶᬯᬢ᭄᭞ᬓᬤᬶᬳᬗᬶᬦ᭄᭞ᬫᬘᭂᬤᬸᬢ᭄ᬧᬮᬳᬶᬩ᭄ᬜ᭟ᬳᬧ᭄ᬢᬶᬦ᭄ᬜᬦᬾᬢᬦ᭄ᬓᬲᬶᬤᬦ᭄᭞ᬳᬶᬓᬜ᭄ᬘᬶ
ᬮ᭄ᬮᬬᬸᬢ᭄ᬗᬮᬶᬮᬶᬓ᭄᭞ᬳᬯᬓ᭄ᬜᬦᬾᬢᭂᬮᬄᬩᬩᬓ᭄᭞ᬢᭂᬦ᭄ᬤᬲ᭄ᬦᬾᬩᭂᬮᬄᬫᬓᬧ᭄ᬮᬸᬕ᭄᭞ᬧᭀᬮᭀᬮᬦ᭄ᬕᭂᬢᬶᬄᬜᬫᬸᬜ᭄ᬘ᭄ᬭᬢ᭄᭞ᬮᬳᬸ
ᬢ᭄ᬫᬢᬶ᭞ᬩᬳᬦ᭄ᬲᬸᬫ᭄ᬩᬸᬂᬦᬾᬓᬮᬶᬯᬢ᭄᭟ᬳᬶᬕᬸᬬᬸᬗᬦ᭄ᬢᬶᬓᭂᬄᬫᭂᬦᬂ᭞ᬦᬧᬓ᭄ᬤᬶᬲᬸᬓᬸᬦᬶᬂᬩᬸᬓᬶᬢ᭄᭞ᬳᬦᬾᬓᬗ᭄ᬕᭀᬦ᭄ᬧᬯᬗᭂᬦ
[᭒᭓ 23A]
ᬦ᭄᭞ᬗᬦ᭄ᬳᬶᬓᬜ᭄ᬘᬶᬮ᭄ᬮᬶᬯᬢ᭄ᬲᬸᬫ᭄ᬩᬸᬂ᭞ᬦᬧᬓ᭄ᬜᬦᬾᬓᬭᬳᬬ᭄ᬯᬦ᭄᭞ᬳᭂᬦ᭄ᬢᭀᬚᬦᬶ᭞ᬳᬯᬓᬾᬕᭂᬤᬾᬦᬦ᭄ᬢᭂᬦ᭄ᬢᬲ᭄᭟ᬳᭂᬤᬩᬲ᭄ᬲᬸᬫ᭄ᬩᬸᬂᬫᬧᭂ
ᬢ᭞ᬬᬤ᭄ᬬᬦ᭄ᬳᬶᬬᬳᬦᬓ᭄ᬘᭂᬭᬶᬓ᭄᭞ᬕᭀᬩᬦᬶᬲ᭄ᬢᬩᬸᬯᭂᬦ᭄ᬩᭂᬮᭀᬕ᭄᭞ᬢᬢᬲᬂᬫᬗ᭄ᬤᬾᬦ᭄ᬜᬢᬳᬸ᭞ᬳᬧᬂᬳᭂᬤᬲᬮᬄᬧᬃᬡ᭄ᬦ᭞ᬩᭂᬗᬶᬮ᭄ᬘᬸ
ᬯᬶᬮ᭄᭞ᬦ᭄ᬤᬫᬗᬤᬾᬦ᭄ᬳᬦᬓ᭄ᬦᬶᬲ᭄ᬢ᭟ᬳᬤᬕᬕᬄᬳᬳᬾᬂᬢᬶᬦ᭄ᬤᬓ᭄᭞ᬫᬗᬧᬓ᭄ᬳᬧᬓ᭄ᬫᬫᬸᬜᬶ᭞ᬲᬲᬩᬸᬓᬦᬾᬫᬢᭀᬭᭀᬲ᭄᭞
ᬧᭀᬮᬳᬾᬓᬤᬶᬧ᭄ᬭᬭᬢᬸ᭞ᬭᬲᬢ᭄ᬯᬭᬓ᭄ᬯᬂᬳᬧ᭞ᬢᭀᬢᭂᬢᭂᬲᬶᬦ᭄᭞ᬢᬓᭀᬦᬂᬳᬧᬗᬧᭂᬤᬲ᭄᭟ᬲᬶᬂᬜᬬᬫᬯᬗ᭄ᬰᬫᬾᬦᬓ᭄᭞ [ 24 ][᭒᭓ 23B]
᭒᭓
ᬯᬶᬭᬾᬄᬢᬶᬢᬄᬘᬭᬚᬦᬶ᭞ᬫᬗᬓᬸᬳᬯᬓᬾᬲᬸᬓ᭞ᬲᬸᬕᬶᬄᬤᬶᬢᬸᬩᬕᬸᬲ᭄ᬤᬶᬢᬸ᭞ᬢ᭄ᬯᬭᬜᬓ᭄ᬗᬦ᭄ᬤᬂᬳᬶᬩ᭞ᬗᬓᬸᬭᬶᬭᬄ᭞ᬲᬸᬕᬶᬄᬗᭂᬮᬄ
ᬳᬃᬣᬩ᭄ᬭᬦ᭟ᬳᭂᬦ᭄ᬢᭀᬳᬦᬾᬢᬍᬓ᭄ᬢᭂᬓᬂ᭞ᬢᬓᭀᬦᬂᬲᬫ᭄ᬧᬶᬂᬲᬫ᭄ᬧᬶᬗᬶᬦ᭄᭞ᬲᬶᬂᬜᬳᬶᬜᬢᬦ᭄ᬧᬳᭂᬗ᭄ᬕᭀᬦ᭄᭞ᬮᬘᬸᬃᬜᬦᬾ
ᬢᬦ᭄ᬓᬘᬸᬗ᭄ᬓᬸᬩ᭄᭞ᬜᬶᬮᬶᬄᬢᭂᬓᬾᬦ᭄ᬕᭂᬮᬄᬳᬦᬓ᭄᭞ᬫᬫᬮᬶᬗᬶᬦ᭄᭞ᬫᬦ᭄ᬮᭂᬧᬶᬦ᭄ᬕᭂᬮᬄᬧᬶᬲᬕ᭟ᬦᬾᬳᬤᬫᬭᬸᬧᬢᬶᬯᬲ᭄᭞ᬓ
ᬕ᭄ᬓᬕ᭄ᬓᬶᬕ᭄ᬓᬶᬕ᭄ᬧᭂᬲᬸᬫᬸᬮᬶᬄ᭞ᬗᬲᭀᬭᬂᬤᬾᬯᬾᬓ᭄ᬦᬾᬩᭂᬮᭀᬕ᭄᭞ᬫᬜᬮᬦᬂᬓᭂᬦᭂᬄᬧᬢᬸᬢ᭄᭞ᬤᬜᬸᬕᬃᬫᭂᬲᬸᬯᬂᬧᭂᬢ᭞ᬫᬗᬸᬗ᭄ᬓᬸ
[᭒᭔ 24A]
ᬮᬶᬦ᭄᭞ᬫᬗᬓᬸᬳᬯᬓᬾᬧ᭄ᬭᬚ᭄ᬜᬦ᭄᭟ᬢᬸᬲᬶᬂᬳᬤᭀᬄᬧᬧᬶᬦ᭄ᬤᬦ᭄ᬜ᭞ᬢᬦ᭄ᬩᬶᬦᬳᬶᬧᬸᬜᬦ᭄ᬧᬤᬶ᭞ᬦᬾᬫᬳᬶᬲᬶᬫᬗᬸᬬᬸᬓᬂ᭞ᬘᬶᬭᬶᬲᬸᬩᬮᬶ
ᬯᬢᬶᬂᬯ᭄ᬭᬸᬄ᭞ᬢᬳᬸᬢᭂᬓᬾᬦ᭄ᬓᬢᬸᬢᬸᬭᬦ᭄᭞ᬦᬾᬲᬸᬚᬢᬶ᭞ᬘᬢᬸᬃᬚᬦ᭄ᬫᬦᬾᬓᬶᬜ᭄ᬘᭂᬧᬂ᭟ᬳᬶᬧᬥᬶᬧᬸᬬᬸᬂᬢᬸᬢᬸᬭᬂ᭞ᬫᬜᭂᬍᬕ᭄ᬫᬜᬸᬓ᭄ᬘᬸᬓ᭄ᬮᬗᬶ
ᬢ᭄᭞ᬫᬸᬜᬶᬦᬾᬲᬤᬗᬭᭀᬘᭀᬓ᭄᭞ᬩᬸᬓᬬᬾᬳᬾᬳᬢᭂᬗᬄᬚᬸᬦ᭄᭞ᬫᬗᭀᬜ᭄ᬘᬂᬫᬾᬃᬩᬾᬭᬂᬳᬯᬓ᭄᭞ᬧᬶᬭᬶᬭᬶᬄ᭞ᬦᬗᬶᬂ
ᬳᭂᬮᬸᬤ᭄ᬢᭀᬂᬢᬯᬗ᭟ᬳᭂᬤᬗᬤᬸᬓᬩᬾᬢᬓᬦ᭄᭞ᬩᭀᬕ᭄ᬩᭀᬕ᭄ᬲᬳᬶᬤᭂᬫᭂᬦ᭄ᬧᬸᬚᬶ᭞ᬧᬍᬫᭂᬢᬶᬦ᭄ᬩᬦ᭄ᬫᬗ᭄ᬭᬯᭀᬲ᭄᭞ᬢᬸᬲᬶᬂᬍ [ 25 ][᭒᭔ 24B]
᭒᭔
ᬫᭂᬢᬾᬳᬾᬗ᭄ᬕᬮ᭄ᬮᬸᬂ᭞ᬢ᭄ᬯᬄᬓᭂᬓᭂᬳᬾᬮᬓᬃᬳᬮᬄ᭞ᬧᬮᬧᬦᬶᬦ᭄᭞ᬲᬳᬶᬫᬦᬩᬸᬳᬂᬩᬲ᭟ᬬᬦ᭄ᬫᬗᭀᬫᭀᬂᬲᬸᬫ᭄ᬩᬃᬲᬸᬫ᭄ᬩᬃ᭞ᬫᬗᬓᬸᬳ
ᬯᬓᬾᬭᬶᬭᬶᬄ᭞ᬢ᭄ᬯᬭᬜᬓ᭄ᬗᬮᬧ᭄ᬓᬲᭀᬃ᭞ᬧᬤᬲ᭄ᬮᬶᬬᬸᬗᭂᬮᬄᬫᬸᬲᬸᬄ᭞ᬩᬶᬩᬶᬳᬾᬗᭂᬫᬲᬶᬦ᭄ᬤᭀᬱ᭞ᬳᬗ᭄ᬕᭀᬦ᭄ᬧᭂᬮᬶᬄ᭞ᬲᬶᬂᬲᬸᬳᬸ
ᬤ᭄ᬮᬓᬃᬧᬶᬧᬶᬢ᭟ᬬᬤ᭄ᬬᬦ᭄ᬘᭂᬭᬶᬓ᭄ᬩᬸᬯᬶᬦ᭄ᬦᬶᬲ᭄ᬢ᭞ᬢᬦ᭄ᬧᬩᬗ᭄ᬰᬩᭂᬗᬶᬮ᭄ᬘᬸᬓᬶᬮ᭄᭞ᬤᬫᬮᬸᬜᬸᬕᬃᬫᬗᭀᬫᭀᬂ᭞ᬲᬸᬚᬢᬶᬩ᭄ᬭᬳ᭄ᬫᬡᬳ
ᬕᬸᬂ᭞ᬫᬧᬗ᭄ᬓᬢ᭄ᬫᬦᬶᬢᬄᬚᬕᬢ᭄᭞ᬲᬶᬂᬜᬶᬭᬶᬕᬶᬦ᭄᭞ᬩᬦᬶᬫᬗᭂᬢᭀᬳᬂᬚᬶᬯ᭟ᬧᭂᬢᭂᬂᬍᬫᬄᬢᭀᬩᬶᬘᬧᬂ᭞ᬢᬸᬢᬸᬃᬩ
[᭒᭕ 25A]
ᬧᬦᬾᬧᬶᬮᬶᬳᬶᬦ᭄᭞ᬘᬳᬶᬜᬳᬶᬫᬶᬯᬄᬳᭂᬫ᭄ᬩᭀᬓ᭄᭞ᬳᬧᬂᬳᭂᬤᬲᬮᬄᬳᬸᬦ᭄ᬤᬸᬓ᭄᭞ᬲᬸᬩᬮ᭄ᬬᬸᬧ᭄ᬭᬢᬶᬫᬶᬫ᭄ᬩᬦ᭄ᬜ᭞ᬬᬾᬦᬶᬧᭂᬮᬶᬄ
᭞ᬲᬳᬶᬤᬤᬶᬲᬲᬹᬃᬬ᭄ᬬᬦᬦ᭄᭟᭛᭜᭛ᬩᭀᬚᭀᬕ᭄ᬳᬦᬾᬩᭂᬮᭀᬕ᭄᭛᭜᭛ᬧᬗ᭄ᬓᬸᬃ᭟᭜᭟ᬓᬘ᭄ᬭᬶᬢᬤᬶᬕᬸ
ᬦᬸᬂᬳᬮᬲ᭄᭞ᬓᬢᬄᬩᭀᬚᭀᬕ᭄ᬜᬦᬾᬳᬕᭂᬂᬫᬶᬯᬄᬳᬮᬶᬢ᭄᭞ᬫᬦᭀᬗᭀᬲ᭄ᬤᬶᬧᬸᬜᬦ᭄ᬓᬬᬸ᭞ᬧᬥᬫᬦᬫ᭄ᬢᬫᬶᬦ᭄ᬫᬦᬄ᭞
ᬓᭀᬘᬧ᭄ᬦᬸᬚᬸᬢᬶᬍᬫᬶᬂᬰᬰᬶᬄᬓᬯᭀᬮᬸ᭞ᬚᬕᬢᬾᬧᭂᬢᭂᬂᬓᬶᬦ᭄ᬢᬂ᭞ᬫᬤᬸᬮᬸᬭᬶᬦ᭄ᬳᬸᬚᬦ᭄ᬳᬗᬶᬦ᭄᭟ᬤᬶᬢᬸᬳᬶᬩᭀᬚᭀᬕ᭄ᬫ [ 26 ][᭒᭕ 25B]
᭒᭕
ᬓᭂᬚᬂ᭞ᬫᬗᭂᬃᬕᭂᬭᬂᬤᬶᬗᬶᬦ᭄ᬜᬦᬾᬢᬶᬤᭀᬂᬕᬶᬕᬶᬲ᭄᭞ᬕᭂᬚᭂᬃᬕᭂᬚᭂᬃᬓᬤᬶᬮᬶᬦ᭄ᬤᬸ᭞ᬢᬸᬫᬸᬮᬶᬲᬫᬶᬗᬾᬗ᭄ᬕᬮᬂ᭞ᬗᬮᬶᬄᬕ᭄ᬦᬄᬮᬓᬃᬢᭀᬗᭀ
ᬲ᭄ᬜᬳᬗ᭄ᬬᬸᬩ᭄᭞ᬧᭀᬮᬶᬄᬳᬶᬩᭀᬚᭀᬕ᭄ᬧᬕ᭄ᬯᬳᬦ᭄᭞ᬲᬲᭀᬭᬶᬂᬢᬭᬸᬯᬭᬶᬗᬶᬦ᭄᭟ᬲᭂᬤᭂᬓ᭄ᬧᬥᬫᬗᬸᬗ᭄ᬲᬶᬳᬂ᭞ᬤᬶᬢᭀᬗᭀ
ᬲᬾᬳᬦᬾᬮᬓᬃᬓᬲᬬᬸᬩᬶᬦ᭄᭞ᬲ᭄ᬯᬭᬦ᭄ᬜᬧᬥᬕᬸᬫᬸᬭᬸᬄ᭞ᬳᬤᬮᬾᬦ᭄ᬩᭀᬚᭀᬕ᭄ᬗᬢᭀᬦᬂ᭞ᬳᭀᬤᬶᬩᭀᬗ᭄ᬓᭀᬮ᭄ᬓᬬᬸ
ᬦᬾᬢᬸᬫ᭄ᬩᬸᬄᬫᬕᬸᬫ᭄ᬧ᭄ᬮᬸᬓ᭄᭞ᬓᬤᬶᬧᬶᬓᬲᬸᬤᬭᬦ᭄᭞ᬳᬶᬩᭀᬚᭀᬮ᭄ᬫᬜᭂᬗ᭄ᬕᬸᬄᬕᭂᬦᬶ᭟ᬳᬶᬩᭀᬚᭀᬕ᭄ᬧᬥᬗᬾᬗ᭄ᬕᬮᬂ᭞
[᭒᭖ 26A]
ᬫᬗᬮᬶᬄᬭᬭᬾᬜ᭄ᬘᬾᬓ᭄ᬳᬓᬶᬂᬓᬢᬸᬜ᭄ᬚᭂᬮᬶᬦ᭄᭞ᬤᬸᬳᬸᬭᬶᬂᬳᭀᬗᬾᬢᬶᬦᬸᬫ᭄ᬧᬸᬓ᭄᭞ᬓᬸᬧᬶᬦᬶᬦ᭄ᬮᬓᬃᬓᭂᬦ᭄ᬤᬶᬳᬂ᭞ᬓᭂᬦᭂᬄᬜᬦᬾᬳᬶᬩᭀ
ᬚᭀᬕ᭄ᬧᬘᬂᬫᬗᬶᬤᬸ᭞ᬢᬶᬗ᭄ᬓᬄᬦᬾᬓᬾᬢᭀᬓᬚᬶᬦᬂ᭞ᬩᬦ᭄ᬳᬶᬓᭂᬤᬶᬲ᭄ᬤᬸᬳᬸᬃᬩᬸᬓᬶᬢ᭄᭟ᬳᬶᬓᭂᬤᬶᬲ᭄ᬢᬸᬫᬸᬮᬶᬗᬸᬘᬧ᭄᭞ᬳᬶᬄᬩᭀ
ᬚᭀᬕ᭄ᬳᭂᬦ᭄ᬢᭀᬳᭀᬂᬗᬸᬤᬳᬸᬧᬶᬦᬶᬦ᭄᭞ᬘᬳᬶᬮᬶᬯᬢ᭄ᬩᭂᬮᭀᬕ᭄ᬧᬸᬗ᭄ᬕᬸᬂ᭞ᬩᭀᬬᬚᬳᬧᬶᬢᭀᬢᭀᬦᬦ᭄᭞ᬓᭂᬤᬶᬲᬾᬫᬸᬜᬶᬦ᭄ᬦᬾᬲ
ᬦ᭄ᬚᭂᬃᬬᬓᬭᬸᬗᬸ᭞ᬦᬗᬶᬢ᭄ᬯᬭᬓᬮᬶᬗᬸᬳᬂ᭞ᬳᬶᬩᭀᬚᭀᬕ᭄ᬕᬢᬶᬗᬸᬧᬶᬦᬶᬦ᭄᭟ᬓᭀᬘᬧᬦ᭄ᬳᬤᬫᬘᬸᬱ᭞ᬭᬶᬲᭂᬤᭂᬓ᭄ᬳᬶᬩᭀ [ 27 ][᭒᭖ 26B]
᭒᭖
ᬚᬾᬕ᭄ᬫᬗᬸᬧᬶᬦᬶᬦ᭄ᬳᬧᬶ᭞ᬕᬸᬫᬦᬫᬳᬾᬫ᭄ᬩᭀᬦ᭄ᬤᬶᬢᬸ᭞ᬫᬓᭂᬚᬂᬲᬧᬗᬚᬄᬜ᭞ᬳᬶᬓᭂᬤᬶᬲ᭄ᬢᭂᬓᬾᬦᬶᬂᬳᬶᬩᭀᬚᭀᬮ᭄ᬓᬭᬸᬗᬸ᭞ᬳᬶᬚ
ᬦ᭄ᬫᬦᬸᬮᬶᬫᬧᬚᬃ᭞ᬳᬶᬄᬳᬶᬄᬘᬳᬶᬓᭂᬤᬶᬲ᭄ᬭᬶᬭᬶᬄ᭟ᬳᬧᬕᬸᬡᬦᬾᬫᬗᬚᬄ᭞ᬚᬦ᭄ᬫᬢ᭄ᬯᬭᬕᬸᬦᬶᬂᬫᬦᬫ᭄ᬧᬶᬫᬸᬜᬶ᭞ᬳᬶᬓᭂᬤᬶ
ᬲ᭄ᬦᬸᬮᬶᬫᬲᬳᬸᬢ᭄᭞ᬓᬤᬶᬳᬸᬘᬧ᭄ᬲᬂᬯᬶᬤᬕ᭄ᬕ᭞ᬬᬤᬶᬦ᭄ᬫᬲᬸᬄᬓᬶᬦᬳᬮᬧᬢᬸᬢ᭄ᬢᬸᬮᬸᬂ᭞ᬫᬮᬶᬄᬓᬤᬶᬰᬩ᭄ᬥᬦ᭄ᬳᬶᬤ᭞ᬲᬂᬯᬸᬲ᭄ᬮᬶ
ᬫ᭄ᬧᬤ᭄ᬲᬧᬸᬦᬶᬓᬶ᭟ᬮᭀᬮᭀᬳᬾᬧᬳᬶᬢ᭄ᬭᬲᬦ᭄ᬜ᭞ᬬᬦ᭄ᬫᬜᬸᬲᬸᬧ᭄ᬜᬶᬤᬬᬂᬗᬶᬮᬗᬂᬲᬓᬶᬢ᭄᭞ᬳᭂᬦ᭄ᬢᭀᬜᬦ᭄ᬤᬂᬧᬶᬲᬦ᭄ᬧᬸᬧᬸ᭞
[᭒᭗ 27A]
ᬲᬧᬸᬦᬶᬓᬧᬶᬤᬕᬶᬜ᭞ᬳᭀᬫᭀᬗᬾᬳᭂᬦ᭄ᬢᭀᬲᬸᬓ᭄ᬱ᭄ᬫᬦᬾ᭠ᬭᬳᬬᬸ᭞ᬬᬤᬶᬦ᭄ᬧᬧᭂᬲᭀᬦᬾᬓᬲᬃ᭞ᬳᭂᬦ᭄ᬢᭀᬓᬮᬶᬦ᭄ᬢᬂᬳᬸ
ᬢᬫᬶ᭟ᬫᬭᬳᬶᬓᭂᬤᬶᬲ᭄ᬗᬚᬶᬦᬂ᭞ᬳᬶᬩᭀᬚᭀᬕ᭄ᬲᬬᬦ᭄ᬕᬢᬶᬫᬗᬸᬧᬶᬦᬶᬦ᭄᭞ᬤᬶᬢᬸᬮᬳᬸᬢ᭄ᬳᬶᬬᬢᬸᬳᬸᬦ᭄᭞ᬕᬸᬫᬦᬫᬗᬦ᭄ᬤᭂᬮᬶ
ᬕᬂ᭞ᬳᬶᬩᭀᬚᭀᬕ᭄ᬦᬾᬓᬮᬶᬦ᭄ᬢᬂᬩᭂᬮᭀᬕ᭄ᬢᬸᬃᬧᭂᬗ᭄ᬓᬸᬂ᭞ᬢᬸᬲᬶᬂᬦᬯᬂᬧᬳᬸᬦ᭄ᬤᬸᬓᬦ᭄᭞ᬳᭀᬂᬓᬧᬶᬢᬳᭂᬦᬂᬳᬧᬶ᭟ᬓᬾᬢᭀᬢᬢ᭄ᬯᬶ
ᬬᬦ᭄ᬤᬕᬶᬂᬜ᭞ᬳᬦᬓᬾᬗᬚᬳᬶᬦ᭄ᬯᭀᬂᬢᬸᬦᬗᬸᬤᬶ᭞ᬓᬜ᭄ᬘᬦ᭄ᬧᬧᬶᬦᭂᬳᬾᬧᬢᬸᬢ᭄᭞ᬳᭂᬦ᭄ᬢᭀᬮᬦ᭄ᬢᬲ᭄ᬓᬲᭂᬗ᭄ᬕᬸᬳᬂ᭞ᬧᬶᬢᬸᬢᬸᬃ [ 28 ][᭒᭗ 27B]
᭒᭗
ᬫᭂᬮᬄᬓᬲᭂᬗ᭄ᬕᬸᬄᬢᬦ᭄ᬭᬳᬬᬸ᭞ᬦᬾᬫᬦᬶᬲ᭄ᬓᬸᬘᬧ᭄ᬫᭂᬮᬄ᭞ᬭᬗ᭄ᬲᬸᬓᬂᬫᬦ᭄ᬤᬤᬶᬲᬓᬶᬢ᭄᭟ᬳᭂᬤᬫᬮᬸᬫᬗᬶᬜ᭄ᬘᬧᬂ᭞ᬋᬲᭂᬧᬺᬲᭂᬧᬂᬲ
ᬚᭂᬭᭀᬦᬶᬂᬳᬢᬶ᭞ᬫᬸᬜᬶᬫᬦᬶᬲ᭄ᬫᬥᬸᬚᬸᬭᬸᬄ᭞ᬫᬓᭂᬮᭀᬜᬓᬶᬢᬶᬦ᭄ᬩᬲᬂ᭞ᬬᬦ᭄ᬫᬜᬸᬲᬸᬧ᭄ᬲᬸᬩᬧᭂᬤᬲ᭄ᬤᬤᬶᬧᬸᬭᬸᬄ᭞ᬢᬦ᭄ᬳᬸᬭᬸᬂᬫᬦᭂᬫᬸᬳᬮ
᭞ᬧᭂᬢᭂᬂᬍᬫᬄᬜᬓᬶᬢ᭄ᬳᬢᬶ᭟ᬫᭂᬮᬶᬤ᭄ᬕᬸᬭᬸᬫᬗᬸᬭᬸᬓᬂ᭞ᬢᭂᬓᬾᬦ᭄ᬘᬳᬶᬫᬸᬯᬄᬜᬳᬶᬧᬥᬲᬫᬶ᭞ᬲᬶᬂᬜᬳᬤᬳᬦᬓ᭄ᬳᬲᬸᬂ᭞ᬢᬺᬱ᭄ᬡ
ᬳᭀᬮᬲ᭄ᬫᬗᭀᬧᬓᬂ᭞ᬳᭂᬦ᭄ᬢᭀᬳᭂᬤᬜᬳᬶᬘᬳᬶᬲᬮᬄᬲᭂᬗ᭄ᬕᬸᬄ᭞ᬧᬗ᭄ᬮᬾᬫᬾᬓ᭄ᬳᬦᬓᬾᬳᬮ᭞ᬧᬶᬦᭂᬄᬧᬶᬦᭂᬄᬤᬤᬶᬍᬯᬶᬄ
[᭒᭘ 28A]
᭛᭜᭛ᬧᬶᬢᬸᬢᬸᬃᬫᬾᬫᬾᬩᬧᬢᭂᬓᬾᬦ᭄ᬧ᭄ᬬᬦᬓ᭄ᬦᬾ᭞᭛᭜᭛ᬲᭂᬫᬭᬦ᭄ᬤᬦ᭟᭜᭟ᬫᬾᬫᬾᬩᬧᬦ᭄ᬦᬾᬦᬸᬢᬸᬭᬶᬦ᭄
ᬳᬸᬤᬸᬄᬘᭂᬦᬶᬧ᭄ᬬᬦᬓ᭄ᬩᬧ᭞ᬲᬸᬩᬓᭂᬮᬶᬄᬘᬦᬶᬓᬢᭀᬦ᭄᭞ᬜᬦ᭄ᬤᬂᬫᬲᬸᬓ᭄ᬫᬲᭂᬓᭀᬮᬄ᭞ᬫᬢᬸᬯᬸᬄᬲᬸᬩᬧᬶᬢᬸᬂᬢᬶᬩᬦ᭄᭞ᬤᬶᬓ᭄ᬱ
ᬫᬦᬾᬘᭂᬦᬶᬂᬫᬲᬸᬓ᭄᭞ᬤᬶᬲᭂᬓᭀᬮᬄᬲᬶᬗ᭄ᬳᬭᬵᬚ᭟ᬩᬸᬮᬾᬮᬾᬂᬧᬸᬦᬂᬦᬕᬭᬶ᭞ᬓ᭄ᬭᬩ᭄ᬘᭂᬦᬶᬂᬮᬬᬸᬫᬮᬚᬄ᭞ᬲᬭᬢ᭄ᬫᬗᬮᬶᬄᬢᬸ
ᬢᬸᬭᬾ᭞ᬜᬮᬶᬦᬶᬦ᭄ᬩᬶᬓᬲᬾᬳᬮ᭞ᬫᬗᬮᬶᬄᬢᬸᬢᬸᬭᬾᬫᭂᬮᬄ᭞ᬳᬧᬂᬦᬯᬂᬘᭂᬦᬶᬂᬳᬸᬦ᭄ᬤᬸᬓ᭄᭞ᬢᬢᬓ᭄ᬭᬫᬦᬶᬂᬫᬵᬦᬸᬱ᭟ [ 29 ][᭒᭘ 28B]
᭒᭘
ᬕᬸᬭᬸᬦ᭄ᬘᭂᬦᬶᬂᬤᬳᬢ᭄ᬥᬃᬫ᭄ᬫᬶ᭞ᬗ᭄ᬭᬗ᭄ᬲᬸᬓᬂᬥᬃᬫ᭄ᬫᬮᬓ᭄ᬱᬡ᭞ᬓᬮᬶᬄᬧᬸᬢ᭄ᬭᬰᬰᬡᬦᬾ᭞ᬳᭂᬦ᭄ᬢᭀᬳᬦᬾᬓᬳᬶᬜ᭄ᬘᭂᬧᬂ᭞ᬳᬦᬾᬮᬓᬃᬓᬲᬢ᭄ᬯ
ᬬᬂ᭞ᬬᬦ᭄ᬲᬸᬩᬧᬕᭂᬳᬶᬂᬓᬬᬸᬦ᭄᭞ᬤᬶᬓᬧᬦ᭄‌ᬢ᭄ᬯᬭᬜᬶᬤᬬᬂ᭟ᬮᬓᬃᬫᬫᬦᬄᬳᬶᬮᬗᬶᬢ᭄᭞ᬲᬓᬶᬢᬳᬶᬥᭂᬧᬾᬳᬤᬵᬬᬦ᭄ᬲᬸᬩ
ᬮᬗ᭄ᬕᭂᬂᬬᬰᬦᬾ᭞ᬲᭂᬍᬕ᭄ᬫᬮᬚᬳᬂᬳᬯᬓ᭄᭞ᬬᬾᬦᬶᬘᭂᬦᬶᬲᬸᬩᬩᬶᬱ᭞ᬫᬾᬫᬾᬩᬧᬦᬾᬭᬳᬬᬸ᭞ᬓᬾᬢᭀᬳᬦᬓᬾᬗᬸᬘᬧᬂ᭟
ᬭᬸᬫᬲᬢ᭄ᬫᬗᭂᬮᬄᬫᬡᬶᬓ᭄᭞ᬫᬡᬶᬓ᭄ᬲᬓᭂᬘᬧ᭄ᬳᬤᬦ᭄ᬜ᭞ᬢᬸᬫ᭄ᬩᬸᬄᬘᭂᬦᬶᬗᬾᬫᬶᬸᬓᬮᬭᭀᬦ᭄᭞ᬢᬦᬶᬩᬕ᭄ᬬᬦᬾᬓᬮᬶᬦ᭄ᬢᬂ᭞ᬳᬸᬮᬶᬫᬭ
[᭒᭙ 29A]
ᬫᬧᬸᬫᬳᬦ᭄᭞ᬤᬸᬕᬲ᭄ᬩᬧᬦᬾᬫᬢᭂᬫᬸ᭞ᬗᬚᬓ᭄ᬫᬾᬫᬾᬦ᭄ᬘᭂᬦᬶᬂᬚᬸᬫᬄ᭟ᬮᬘᬸᬃᬦᬶᬲ᭄ᬢᬶᬦᬾᬢᬦ᭄ᬲᬶᬧᬶ᭞ᬫᬗᬦ᭄ᬤᭂᬮᬂᬦᬗ᭄ᬕᬧ᭄ᬳᬸᬮᬄ᭞ᬦᭂᬩᬸᬓ᭄ᬗᭂᬍ
ᬲᬸᬂᬕᬯᬾᬦᬾ᭞ᬩᬧᬗᬸᬮᬶᬓᬧᬩᬾᬬᬦ᭄᭞ᬫᬾᬫᬾᬦᬾᬬᬩᬸᬗ᭄ᬓᬸᬢ᭄ᬚᬸᬫᬄ᭞ᬫᬗᭂᬦᬳᬂᬩᬲᬂᬲᭂᬤᬸᬓ᭄᭞ᬤᬸᬓᬾᬲᭂᬤᭂᬂᬧᬗᬦ᭄ᬢᬾᬦᬦ᭄
᭟ᬧᭂᬮᬦ᭄ᬲᬸᬩᬳᬲ᭄ᬬᬤᬶᬭᬶ᭞ᬩᬧᬫᬗᬤᬓᬂᬧ᭄ᬬᬦᬓ᭄᭞ᬳᭂᬦᬸᬧᬢ᭄ᬧᬢ᭄ᬮᬦᬂᬯᬤᭀᬦ᭄᭞ᬮᬸᬄᬤᬤ᭄ᬯᬫ᭄ᬯᬦᬶᬤᬤ᭄ᬯ᭞ᬘᭂᬦᬶᬂᬳ
ᬗ᭄ᬕᭀᬦ᭄ᬧᬮᬶᬂᬘ᭄ᬭᬶᬓ᭄᭞ᬤᬶᬦᬶᬳᬚᬓ᭄ᬩᬧᬮᬘᬸᬃ᭞ᬦᬸᬧ᭄ᬢᬸᬧᬂᬤᬫᬸᬄᬲᬜ᭄ᬚᬦ᭟ᬲᬗ᭄ᬓᬦ᭄ᬲᬗᭂᬢ᭄ᬧᬶᬢᬸᬤᬸᬳᬶᬦ᭄᭞ᬦᬸᬦ᭄ᬤᬾᬦ᭄ᬘᭂᬦᬶᬂᬫᬲᭂ [ 30 ][᭒᭙ 29B]
᭒᭙
ᬓᭀᬮᬄ᭞ᬩᬦ᭄ᬮᬶᬯᬢ᭄ᬩᭂᬮᭀᬕ᭄ᬩᬧᬦᬾ᭞ᬳᬧᬂᬳᬤᬫᬲᬶᬄᬩᬶᬲ᭞ᬫᬦᬯᬂᬢᬢᬸᬦᬶᬂᬭᭀᬦ᭄ᬢᬮ᭄᭞ᬳᬓ᭄ᬱᬭᬩᬮᬶᬳᬧᬂᬯ᭄ᬭᬸᬄ᭞ᬲᬶᬂᬜᬓ
ᬢᬶᬩᬾᬦᬶᬦ᭄ᬳᬸᬭᬓ᭄᭟ᬳᬧᬂᬤᬓᬶᬚᬫᬚᬶᬜ᭄ᬚᬶᬦ᭄᭞ᬜᬭ᭄ᬯᬂᬳᬸᬦ᭄ᬤᬸᬓ᭄ᬓᬤᬸᬲᬸᬦᬦ᭄᭞ᬗᬮᬶᬦ᭄ᬢᬂᬧᭂᬲᬦ᭄ᬫᭀᬫᭀᬦᬾ᭞ᬳᭂᬦ᭄ᬢᭀᬳᬦᬾᬓᬾᬃᬢ᭄ᬬᬂ
ᬩᬧ᭞ᬢᭂᬓᬾᬦᬶᬂᬫᬓᭂᬚᬂ᭞ᬲᬳᭂᬦᬸᬦ᭄ᬩᬧᬦᬾᬳᬶᬥᬸᬧ᭄᭞ᬲᭂᬍᬕᬂᬤᬶᬢᬸᬫᬮᬚᬄ᭟ᬩᬶᬮᬶᬄᬲᬶᬂᬜᬩᬶᬲᬭᬶᬭᬶᬄ᭟ᬢ᭄ᬯᬄᬘᭂᬦᬶᬂ
ᬦᬾᬫᬗᭂᬮᬳᬂ᭞ᬫᬾᬫᬾᬩᬧᬦᬾᬓᬭᬯᭀᬲ᭄᭞ᬩᬶᬲᬗ᭄ᬬᬲᬬᬂᬧ᭄ᬬᬦᬓ᭄ᬜ᭞ᬬᬦ᭄ᬳᬮᬧᬓᬾᬃᬢ᭄ᬢᬶᬦ᭄ᬜ᭞ᬢᬦ᭄ᬳᬸᬭᬸᬂᬫᬦᭂᬫᬸᬮᬘᬸᬃ᭞
[᭓᭐ 30A]
ᬬᬦ᭄ᬳᬬᬸᬫᬫᬗ᭄ᬕᬶᬄᬩᬕ᭄ᬬ᭟ᬓᬾᬢᭀᬓᭀᬚᬭᬦᬘᭂᬦᬶᬂ᭞ᬳᬧᬂᬩᬶᬲᬫᬗᭂᬦᭂᬳᬶ᭞ᬫᬲᬦ᭄ᬤᬶᬂᬳᬮᬳᬬᬸᬦᬾ᭞ᬓᬮᬶᬓᬾᬳᬮ
ᬳᬸᬮᬄᬜ᭞ᬧᭂᬤᬲ᭄ᬳᬮᬓᬧᬗ᭄ᬕᬸᬳ᭞ᬓᬾᬢᭀᬘᭂᬦᬶᬂᬢᬸᬲᬶᬂᬕᬸᬬᬸ᭞ᬓᬾᬯᭂᬄᬩᬧᬦᬾᬫᬦ᭄ᬚᬦ᭄ᬫ᭟ᬓᬮᬶᬂᬓᬾᬘᭂᬦᬶᬂᬳᭂᬦᬸᬘ᭄ᬭᬶᬓ᭄᭞
ᬓᬢᬶᬗ᭄ᬕᬮ᭄ᬩᬦᬫᬾᬫᬾᬩᬧ᭞ᬩᭂᬮᭀᬕ᭄ᬘᭂᬦᬶᬗᬾᬫᬫᭀᬮᭀ᭞᭠ᬲᬶᬂᬫᬢᭂᬫ᭄ᬧᬤᬤᬶᬚᬮ᭄ᬫ᭞ᬲᬳᬶᬥᬸᬧᬾᬦᬫᬯᬶᬭᬂ᭞ᬫᬮᬚᬄᬢ᭄ᬯ
ᬭᬫᬕᬸᬭᬸ᭞ᬗᬦ᭄ᬤᬂᬗᬜ᭄ᬚᬸᬄᬧᬧᭂᬲᬸᬦ᭄ᬜ᭟ᬳ᭄ᬤᬗᭀᬭᬳᬂᬗ᭄ᬕᬶᬲᬶᬕᬸᬫᬶ᭞ᬤᬤᬶᬫᬤ᭄ᬢ᭄ᬭᬶᬫ᭄ᬯᬄᬧᬸᬗ᭄ᬕᬯ᭞ᬍᬧᬲ᭄ᬳᬸᬮᬶᬲ᭄ᬓᭀᬮᬳᬦᬾ [ 31 ][᭓᭐ 30B]
᭓᭐
᭞ᬢᬸᬲᬶᬂᬩᬧᬗᬶᬢᬸᬂᬧᬗ᭄ᬓᬢ᭄᭞ᬲᬓᬾᬯᬮᬫᬤᬦ᭄ᬦᬯᬂ᭞ᬗᬦᬸᬢᬶᬦ᭄ᬢᬶᬢᬄᬲᬂᬭᬢᬸ᭞ᬲᬶᬂᬜᬳᬤᬧᬓᬬᬸᬦᬦ᭄᭟ᬳᬧᬂᬩᬶᬲ
ᬫᬦᬫ᭄ᬧᬦᬶᬦ᭄᭞ᬓᬬᬸᬦ᭄ᬳᬶᬤᬰ᭄ᬭᬶᬩᬕᬶᬦ᭄ᬤᬫᬳᬭᬚᬯᭀᬮᬦ᭄ᬤᬦᬾ᭞ᬭᬾᬄᬕᬸᬫᬶᬲᬸᬩᬓᬢᬶᬢᬄ᭞ᬬᭀᬕ᭄ᬬᬦ᭄ᬦᬯᬂᬲᭀᬮᬄ
ᬳᬶᬤ᭞ᬬᬦ᭄ᬫᬫᬋᬓ᭄ᬭᬶᬂᬲᬂᬧ᭄ᬭᬪᬸ᭞ᬩᬶᬲᬜᬯᬶᬲ᭄ᬧᬗᬦ᭄ᬤᬶᬓ᭟᭜᭟ᬕᬸᬫᬶᬦᬾᬲᬸᬩᬫᬲᬮᬶᬦ᭄᭞ᬓᬯᬾᬦ᭄ᬢᭂᬦᬂᬲᭂᬓᭀᬮᬳ
ᬦ᭄᭞ᬢᬦᬄᬩᬮᬶᬫᬶᬯᬄᬮᭀᬫ᭄ᬩᭀᬓ᭄᭞ᬓᬧᬶᬂᬓᬮᬶᬄᬢᬦᬄᬚᬯ᭞ᬫᬤᬸᬭᬫᬶᬯᬄᬫᬓᬲᬃ᭞ᬲᬮᬾᬩᭂᬲ᭄ᬢᬦᬄᬫᬮᬬᬸ᭞ᬲ
[᭓᭑ 31A]
ᬯᭂᬗ᭄ᬓᭀᬦ᭄ᬳᬶᬦ᭄ᬤ᭄ᬬᬦᬾᬤᭂᬃᬮ᭄ᬮᬦ᭄᭟ᬧ᭄ᬮᬚᬳᬦᬾᬳᬕᬸᬂᬳᬮᬶᬢ᭄᭞ᬳᬓ᭄ᬱᬭᬩᬮᬶᬫ᭄ᬯᬄᬚᬯ᭞ᬳᬭᬩ᭄ᬫᬮᬬᬸᬦᬾᬋᬓᭀ᭞ᬩ᭄ᬮᬦ᭄ᬤ
ᬦᬾᬓᬳᬸᬢᬫᬬᬂ᭞ᬳᬦᬸᬢ᭄ᬲᭀᬮᬳᬶᬂᬲᬂᬦᬣ᭞ᬫᬘᬦᬸᬮᬶᬲ᭄ᬫᬶᬯᬄᬗᬶᬢᬸᬂ᭞ᬳᬮᬳᬬᬸᬦᬾᬓᬸᬭᬸᬓᬂ᭟ᬧᬶᬢᬸᬢᬸᬭᬾᬲᬃᬯ᭄ᬯᬍ
ᬯᬶᬄ᭞ᬳᭂᬦ᭄ᬢᭀᬳᬦᬾᬓᬧᬶᬘᬬᬂ᭞ᬧᬗᬸᬭᬸᬓ᭄ᬕᬸᬭᬸᬦ᭄ᬘᭂᬦᬶᬗᬾ᭞ᬧᬗᬮᬶᬳᬦ᭄ᬲᬃᬯ᭄ᬯᬪᭀᬕ᭞ᬧᬗᬸᬧᬚᬶᬯᬦᬾᬓᬸᬘᬧ᭄᭞ᬓᬘ᭄ᬭᬶᬢᬬᬂᬭᬶᬂ
ᬳᬶᬕᬸᬭᬸ᭞ᬳᬗ᭄ᬕᭀᬦ᭄ᬧᬦᭂᬕᬸᬮᬦ᭄ᬫᬦᬄ᭟ᬫᬶᬢᭂᬢᬶᬦ᭄ᬫᬦᬳᬾᬯᬾᬘᬶ᭞ᬗᬶᬘᬮᬂᬳᬶᬤᭂᬧ᭄ᬤᬸᬃᬚᬦ᭞ᬫᬦᭂᬧ᭄ᬢᭂᬧᬶᬦ᭄ᬳᬦᬾᬲᭀᬫ᭄ᬩᭀᬂ᭞ [ 32 ][᭓᭑ 31B]
᭓᭑
ᬳᬶᬭᬶᬳᬢᬶᬦᬾᬳᭂᬚᭀᬳᬂ᭞ᬳ᭄ᬤᬚᬳᬶᬮ᭄ᬢᭂᬓᬾᬦ᭄ᬳᬦᬓ᭄᭞ᬳᬦᬾᬧᬢᬸᬢ᭄ᬲᭂᬥᭂᬂᬢᬶᬭᬸ᭞ᬳᬦᬸᬢ᭄ᬢᭂᬓᬾᬦ᭄ᬧᬕᬸᬭᬸᬳᬦ᭄᭟ᬳᭂᬤ
ᬩᬗ᭄ᬕᬶᬳᭂᬤᬚᬤᬶᬕ᭄᭞ᬳᬮ᭄ᬧᬓᬢᭂᬓᬾᬦ᭄ᬓᬢᬶᬯᬦ᭄᭞ᬢᬸᬮᬄᬳᬶᬥᬸᬧ᭄ᬮᬶᬯᬢ᭄ᬓᬯᭀᬦ᭄᭞ᬢᬦ᭄ᬤᬤᬶᬚᬍᬫᬫᬸᬯᬄ᭞ᬮᬗ᭄ᬕᬧ᭄ᬜᬦᬾ
ᬩᭂᬲ᭄ᬓᬮᬶᬯᬢ᭄᭞ᬢ᭄ᬯᬭᬮᬓᬃᬦᭂᬫᬸᬳᬬᬸ᭞ᬦᬸᬫᬤᬶᬓᬫᬤ᭄ᬬᬧᬤ᭟ᬫᬾᬫᬾᬩᬧᬦᬾᬪᬓ᭄ᬢᬶᬦᬶᬦ᭄᭞ᬯᭂᬦᬂᬢᬶᬦᬸᬢ᭄ᬲᬳᬶᬲᬸᬗ᭄ᬩᬄ᭞
ᬳᭂᬦ᭄ᬢᭀᬲᬢ᭄ᬪᬝᬭᬓᬢᭀᬦ᭄᭞ᬧᬢᬸᬢ᭄ᬗᬶᬭᬶᬂᬧᬗᬦ᭄ᬤᬶᬓ᭞ᬬᬤ᭄ᬬᬦ᭄ᬧᬘᬂᬦᭂᬫᬸᬳᬮ᭞ᬦᬧᬶᬫᬗ᭄ᬕᬶᬧᬶᬄᬫᬗ᭄ᬕᬸᬄᬳᬬᬸ᭞ᬮ
[᭓᭒ 32A]
ᬫᬸᬦ᭄ᬲᬫ᭄ᬧᬸᬦ᭄ᬓᬢᬸᬤᬸᬳᬂ᭟ᬓᬾᬢᭀᬢᬸᬢᬸᬭᬦ᭄ᬜᬲᬳᬶ᭞ᬕᬸᬭᬸᬦᬾᬤᬶᬲᭂᬓᭀᬮᬳᬦ᭄᭞ᬳᬮᬳᬬᬸᬘᬭᬶᬢᬦᬾ᭞ᬮᬶᬬᬸᬢᭀᬂ
ᬓᭂᬦᬢᬸᬧ᭄ᬢᬸᬧᬂ᭞ᬓᬾᬯᭂᬄᬩᬧᬫᬗ᭄ᬭᬲᬬᬂ᭞ᬩᭂᬮᭀᬕ᭄ᬩᬧᬦᬾᬓᬤᬸᬭᬸᬲ᭄᭞ᬳᬗ᭄ᬕᭀᬦ᭄ᬘᭂᬦᬶᬂᬦᬾᬭᬭᬫᬓ᭄ᬭᬦᬓᬾᬢᭀᬩᬧᬫᭂ
ᬮᬶᬤ᭄᭞ᬲᭂᬓᭂᬦᬂᬘᬦᬶᬂᬫᬮᬚ᭞ᬲᬳᭂᬦᬸᬦ᭄ᬘᭂᬦᬶᬓ᭄ᬓᭂᬦᭂᬳᬾ᭞ᬳᬧᬂᬳᭂᬤᬫᬲᭂᬮ᭄ᬲᭂᬮᬦ᭄᭞ᬲᬮᬄᬢᬫ᭄ᬧᬶᬩᬦ᭄ᬲᬫ᭄ᬩᬤ᭞ᬧᬶᬢᬸᬢᬸᬃ
ᬳᬦᬓᬾᬳᬬᬸ᭞ᬳᬮᬩᬦ᭄ᬘᭂᬦᬶᬦᬭᬶᬫ᭟ᬲᬶᬂᬜᬩᬧᬦᬶᬗ᭄ᬕᬮ᭄ᬫᬢᬶ᭞ᬳᭂᬦ᭄ᬢᭀᬦᬾᬢᬫᬬᬂᬩᬧ᭞ᬓ᭄ᬭᬶᬭᬶᬳᬦᬾᬳᬸᬢᬫ [ 33 ][᭓᭒ 32B]
᭓᭒
ᬦᬾ᭞ᬧᬤᬬᬂᬫᬗᭂᬮᬄᬩ᭄ᬭᬦ᭞ᬳᬃᬣᬳᭂᬫᬲ᭄ᬫᬶᬯᬄᬲ᭄ᬮᬓᬵ᭞ᬫᬓᬸᬢᬶᬢᭀᬂᬓᭂᬦᬾᬂᬳᬶᬢᬸᬂ᭞ᬫᬓᭂᬮᭀᬓᭂᬮᭀᬤᬤᬶᬬᬕ᭄᭟ᬢᭂ
ᬮᬲ᭄ᬜᬦᬾᬤᬤᬶᬳᬧᬶ᭞ᬮᬶᬲᬶᬓ᭄ᬢ᭄ᬯᬭᬫᬕᬦ᭄ᬢᬸᬮᬦ᭄᭞ᬩᬦ᭄ᬮᬶᬯᬢ᭄ᬮᬶᬯᬢ᭄ᬩᬶᬮᭀᬕᬾ᭞ᬢᬸᬲᬶᬂᬩᬶᬲᬫᬗᬸᬦ᭄ᬤᬸᬓᬂ᭞ᬕᭂᬮᬄᬢᭂᬮᬄᬩᬸ
ᬭᬭᬓᬂ᭞ᬢᬦ᭄ᬳᬸᬭᬸᬂᬫᬦᭂᬫᬸᬮᬘᬸᬃ᭞ᬜᬓᬶᬢ᭄ᬳᬢᬶᬫᬲᭂᬮ᭄ᬲᭂᬮᬦ᭄᭟ᬬᬾᬦᬶᬂᬘᭂᬦᬶᬂᬲᬸᬩᬭᬶᬭᬶᬄ᭞ᬧ᭄ᬭᬚ᭄ᬜᬦ᭄ᬲᬮ᭄ᬯᬶᬭᬶᬂᬳᬓ᭄ᬱᬭ᭞᭠
ᬫᬜᬓ᭄ᬭᬯᬃᬢ᭄ᬢᬶᬕᬯᬾᬦᬾ᭞ᬬᬤ᭄ᬬᬧᬶᬦ᭄ᬢᬦ᭄ᬗᭂᬮᬄᬩ᭄ᬭᬦ᭞ᬢ᭄ᬯᬭᬮᬓᬃᬧᬘᬂᬢᭂᬮᬄ᭞ᬫᬲᬩᬸᬳᬸᬂᬢᬦ᭄ᬧᬲᬗᬸ᭞ᬳᬗ᭄ᬕᭀᬦ᭄ᬫᬗᬮᬶᬄ
[᭓᭓ 33A]
ᬧᬩᬸᬓ᭄ᬢ᭄ᬬᬦ᭄᭟ᬳᭂᬦ᭄ᬢᭀᬲᬜ᭄ᬚᬢᬦᬾᬍᬯᬶᬄ᭞ᬢ᭄ᬯᬭᬳᬩᭀᬢ᭄ᬦᬾᬫᬗᬩ᭞ᬫᬦᬸᬭᬤᬾᬰᬮᬫ᭄ᬧᬳᬾ᭞ᬗᬮᬶᬄᬩᬸᬓ᭄ᬢᬶᬜ
ᬫᬩ᭄ᬭᬬ᭞ᬳᬧᬩᬸᬯᬶᬦ᭄ᬫᬲᬓᬬ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬲᬸᬫᬸᬃᬳᬶᬥᬸᬧ᭄᭞ᬘᬸᬘᬸᬩᬸᬬᬸᬢᬾᬢᬫᬬᬂ᭟ᬬᬾᬦ᭄ᬘᭂᬦᬶᬂᬲᬸᬩᬗᬦᬸᬢᬶᬦ᭄
ᬫᬾᬫᬾᬩᬧᬦᬾᬕᬃᬕ᭄ᬕᬶᬢ᭞ᬭᬲᬩᬸᬗᬄᬢᬦ᭄ᬧᬗᬗ᭄ᬕᭀ᭞ᬫᬶᬯᬄᬯᬋᬕ᭄ᬢᬦ᭄ᬧᬦᭂᬤ᭞ᬓᬳᬸᬮᬸᬭᬶᬦ᭄ᬲᬓᬶᬢᬜ᭞ᬓ᭄ᬦᭂᬄᬫᬘ
ᬦ᭄ᬲᬢᬸᬲ᭄ᬳᬓᬸᬲ᭄᭞ᬧ᭄ᬭᬚᬦᬶᬮᬓᬃᬓᬮᬶᬓᬃᬓᬲᬶᬤ᭟ᬧᭂᬢᭂᬂᬍᬫᬄᬓᬢᬸᬢᬸᬭᬶᬦ᭄᭞ᬓᬭᬸᬫ᭄ᬭᬸᬫ᭄ᬬᬤᬶᬧᬫᬺᬫᬦ᭄᭞ᬫᬸᬜᬶᬦ᭄ᬜᬦᬾᬫ [ 34 ][᭓᭓ 33B]
᭓᭓
ᬦᬶᬲ᭄ᬳᬮᭀᬦ᭄᭞ᬳᬤᬸᬄᬘᬦᬶᬂᬧ᭄ᬬᬦᬓ᭄ᬩᬧ᭞ᬳᬾᬮᬶᬗᬂᬧᬶᬢᬸᬢᬸᬃᬩᬧ᭞ᬫᬗᬶᬤᭂᬧᬂᬬᬬᬄᬳᬶᬩᬸ᭞ᬩᬾᬜ᭄ᬚᬂᬳᬾᬲᬸᬓ᭄‌ᬦ᭄ᬫᬸᬭᬳᬃᬚ᭄ᬚ
᭟ᬘᬶᬗᬓ᭄ᬢᬶᬫ᭄ᬧᬮ᭄ᬘᭂᬦᬶᬂᬲᬫᬶ᭞ᬫᬓᭂᬚᬂᬕᬢᬶᬫᬮᬚᬄ᭞ᬤᬶᬲ᭄ᬓᭀᬮᬄᬫᬧᬕᬸᬭᬸᬳᬦ᭄᭞ᬜᬗ᭄ᬓᬶᬮ᭄ᬩᬸᬓᬸᬫᬶᬯᬄᬓᬭᬲ᭄᭞ᬧᬶᬢᬸ
ᬢᬸᬭᬾᬫᬦᬶᬲ᭄ᬳᬮᬸᬲ᭄᭞ᬧ᭄ᬬᬦᬓ᭄ᬦᬾᬫᬗᬸᬘᬧ᭄ᬳᬸᬘᬧ᭄᭟᭜᭟ᬕᬸᬭᬸᬳᬚᬶᬩᬶᬬᬂᬲᬸᬭᬶ᭞ᬢᬶᬢ᭄ᬬᬂᬗᬶᬭᬶᬂᬧᬗᬦ᭄ᬤᬶᬓ᭞ᬤᬾᬦᬶᬂᬓᬾ
ᬢᭀᬧᬶᬢᬸᬢᬸᬭᬾ᭞ᬲᬫᬶᬫᬗᭂᬦ᭄ᬢᬶᬓᬂᬫᬦᬄ᭞ᬲᬶᬂᬜᬳᬸᬮᬶᬤᬶᬢᬸᬩᬕ᭄ᬬ᭞ᬗᬶᬤᭂᬧᬂᬧᬶᬢᬸᬢᬸᬃᬕᬸᬭᬸ᭞ᬫᬜᬸᬧᬢ᭄ᬮᬭᬦᬾᬲᬸ
[᭓᭔ 34A]
ᬩ᭟ᬧᬸᬢ᭄ᬭᬦᬾᬮᬳᬸᬢ᭄ᬫᬗ᭄ᬭᬜ᭄ᬚᬶᬂ᭞ᬫᬲᬸᬓ᭄ᬭᬶᬂᬲᭂᬓᭀᬮᬳᬦ᭄᭞ᬫᬕᭂᬦᭂᬧ᭄ᬳᬾᬦ᭄ᬤᬄᬢᬸᬢᬸᬭᬾ᭞ᬩᭂᬗᭀᬂᬫᬶᬭᬕ᭄ᬬᬘᬭᬶᬢ᭄᭞ᬕ
ᬮᬓ᭄ᬫᬦᬶᬲ᭄ᬧᬗᬸᬘᬧ᭄ᬜ᭞ᬯᬮᬸᬬᬤᬮᬂᬳᬶᬕᬸᬭᬸ᭞ᬗᬶᬘᬾᬦ᭄ᬢᬸᬢᬸᬭᬦ᭄ᬳᬶᬲᬶᬲ᭄ᬯ᭟ᬚᭂᬗ᭄ᬓᬂᬚᭂᬗ᭄ᬓᬶᬂᬤᭂᬮᬓ᭄ᬤᭂᬮᬶᬓ᭄᭞ᬫᭂᬮᬶᬤ᭄ᬘᭀᬫᬾᬮ᭄ᬫᬗᬸᬭᬸ
ᬓᬂ᭞ᬮᬶᬯᬢ᭄ᬤᬩ᭄ᬤᬩ᭄ᬧᬗᬸᬚᬶᬦᬾ᭞ᬳᬲᬶᬂᬧᭂᬮᬶᬄᬓᬩᭂᬦᬳᬂ᭞᭠ᬳᬧᬂᬳ᭄ᬤᬫᬜᬶᬘᬶᬗ᭄ᬲᬶᬗᬮ᭄᭞ᬚᬮᬦᬂᬓᭂᬦᭂᬄᬢᬦ᭄ᬧᬢᬸᬢ᭄᭞
ᬫᬫᬸᬧᭀᬦᬶᬦ᭄ᬓᬤ᭄ᬭᬸᬯᬓᬦ᭄᭟ᬓᬾᬢᭀᬧᬶᬢᬸᬢᬸᬃᬲᬂᬳᬚᬶ᭞ᬳᬮᬳᬬᬸᬦᬾᬓᬸᬘᬧᬂ᭞ᬦᬗ᭄ᬓᭂᬦ᭄ᬦᭂᬫ᭄ᬰᬰᬶᬄᬮᬫᬶᬦᬾ᭞ᬩᬸ᭠ [ 35 ][᭓᭔ 34B]
᭓᭔
ᬫᬭᬫᭂᬦ᭄ᬢᬶᬓ᭄ᬤᬶᬳᬶᬸᬢᬶᬸᬘᬶᬢ᭞ᬲᬓᭂᬩᭂᬤᬶᬓ᭄ᬫᬢᬸᬧ᭄ᬢᬸᬧᬦ᭄᭞ᬳᬮᬦᬾᬫᬦᬤᬶᬳᬬᬸ᭞ᬩᬶᬲᬫᬜᬮᬶᬦᬶᬦ᭄ᬲᭀᬮᬄ᭞ᬢ᭄ᬯᬄᬲ
ᬚᬢᬸᬢᬸᬭᬾᬩᭂᬘᬶᬓ᭄᭞ᬧᬗᬚᬄᬳᬶᬫᬾᬫᬾᬩᬧ᭞ᬧᬦᬧᬶᬮᬶᬄᬕᬸᬭᬸᬦᬾ᭞ᬫᭂᬮᬶᬤ᭄ᬲᬚᬫᬗᬸᬭᬸᬓᬂ᭞ᬗᬲ᭄ᬢᬶᬢ᭄ᬬᬂᬓᬭᬳ
ᬬᬸᬳᬦ᭄᭞ᬫᬗᬸᬭᬸᬓᬂᬳᬦᬾᬧᬢᬸᬢ᭄᭞ᬢᬢᬓ᭄ᬭᬫᬦᬶᬂᬫᬦᬸᬱ᭟ᬧᭂᬢᬂᬢᬳᬸᬦ᭄ᬤᬤᭀᬲ᭄ᬫᬸᬭᬶᬤ᭄᭞ᬮᬫᬶᬦ᭄ᬧᬸᬢ᭄ᬭᬦᬾᬫᬮᬚᬄ
᭞ᬫᬗᬶᬭᬶᬂᬓᬬᬸᬦ᭄ᬕᬸᬭᬸᬦᬾ᭞ᬫᬜᭂᬧᬸᬄᬳᬶᬥᭂᬧ᭄ᬤᬸᬃᬚᬦ᭞ᬫᬫᬸᬗ᭄ᬕᭂᬮᬶᬦ᭄ᬦᬾᬳᬗ᭄ᬓᬭ᭞ᬘᬸᬘᬸᬤ᭄ᬩᬓ᭄ᬢᬶᬦᬾᬫᬕᬸᬭᬸ᭞ᬩᬶᬮᬂᬢ
[᭓᭕ 35A]
ᬳᬸᬦ᭄ᬫᬗ᭄ᬕᬄᬧᬗ᭄ᬓᬢ᭄᭟ᬓᬲᬬᬗᬂᬕᬸᬭᬸᬳᬚᬶ᭞ᬧᬸᬧᬸᬢ᭄ᬫᬗ᭄ᬓᬶᬦ᭄ᬘᬶᬦᬭᬶᬢ᭞ᬕᬸᬭᬸᬦᬾᬳᬗᬸᬘᬧ᭄ᬳᬮᭀᬦ᭄᭞ᬳᬶᬄᬘᭂᬦᬶᬂᬲᬶᬲ᭄ᬫᬓᭂ
ᬚᬂ᭞ᬭᬾᬄᬘᭂᬦᬶᬂᬲᬸᬩᬓᬍᬧᬲ᭄᭞ᬦᬾᬢᬫ᭄ᬧᬶᬧᬳᬶᬘᬦ᭄ᬕᬸᬭᬸ᭞ᬓᬺᬢᬲ᭄ᬫᬢᬸᬮᬶᬲ᭄ᬳᬩᬶᬤᬂ᭟ᬲᬺᬢᬶᬧᬶᬓᬢ᭄ᬳᬤ᭄ᬦᬾᬘᭂᬦᬶᬂ᭞ᬫᬘ
ᬘᬶᬭᬾᬦ᭄ᬳᬶᬢ᭄ᬯᬦ᭄ᬩᭂᬲᬃ᭞ᬋᬲᬶᬤᬾᬦ᭄ᬩᬮᬶᬮᬦ᭄ᬮᭀᬫ᭄ᬩᭀᬓ᭄᭞ᬮᬶᬄᬢ᭄ᬯᬦ᭄ᬓᭀᬢ᭄ᬯᬦ᭄ᬓᭀᬦ᭄ᬢ᭄ᬭᭀᬮᬶᬃᬓᬸᬢᬫᬤᬕᬶᬗᬶᬦ᭄ᬢᬫ᭄ᬧᬓ᭄ᬢᬗᬦ᭄᭞ᬓ᭠
ᬳᬶᬭᬶᬂᬮᬦ᭄ᬢ᭄ᬭᬶᬕᬸᬭᬸ᭞ᬲᬂᬢᬶᬕᬜᬶᬭᬶᬬᬂᬍᬧᬲ᭄᭟ᬓᬶᬦᬜᬶ᭠ᬫ᭄ᬧᭂᬦ᭄ᬳᬧᬂᬩᭂᬘᬶᬓ᭄᭞ᬲᬶᬂᬜᬓᬕᬾᬢ᭄ᬧᬓᬬᬸᬦᬦ᭄᭞ᬫᬦᬸ [ 36 ][᭓᭕ 35B]
᭓᭕
ᬦᬲ᭄ᬓᬃᬬ᭄ᬬᬕᬸᬧᬺᬫᬾᬦ᭄᭞ᬫᬦ᭄ᬤᭀᬃᬢᭀᬓᭀᬤᬤᬶᬤᬕᬂ᭞ᬫ᭄ᬯᬄᬤᬤᬶᬚᬸᬭᬸᬲᬸᬭᬢ᭄᭞ᬢ᭄ᬯᬭᬫᬫᭂᬲᬸᬯᬂᬧᭂᬮᬸᬄ᭞ᬓᬳᬶᬘᬾᬦ᭄ᬕᬚᬶᬄ
ᬩᬸᬮᬦᬦ᭄᭟ᬜᬶᬤᬬᬂᬫᬗᬮᬶᬄᬩᬸᬓ᭄ᬢᬶ᭞ᬧᬶᬢ᭄ᬯᬶᬲᬓᬶᬂᬧᬢᭂᬕᬓᬦ᭄᭞ᬬᬦ᭄ᬮᬶᬯᬢ᭄ᬮᬶᬯᬢ᭄ᬫᭀᬫᭀᬦᬾ᭞ᬫᬕᬯᬾᬜᬓᬶᬢᬂ᭠
ᬳᬯᬓ᭄᭞ᬧᭂᬮᬸᬄᬧᬶᬤᬶᬢ᭄ᬫᬓᬸᬤᬲᬦ᭄᭞ᬮᬶᬫᬩᬳᭀᬂᬩᬩᬓ᭄ᬩᭂᬮᬸᬃ᭞ᬧᬶᬓᭀᬮᬶᬳᬾᬳᬲᬓ᭄ᬱᬦᬦ᭄᭟ᬢᬦ᭄ᬧᬧ᭄ᬯᬭᬲᬦ᭄ᬫᬓᬃ
ᬤᬶ᭞ᬫᬜ᭄ᬘᬶᬩᬦᭀᬳᬜᭂᬕᭂᬢᬦ᭄᭞ᬩᬸᬓᬦ᭄ᬤᬳᬃᬓᬤᭂᬮᬾᬦᬾ᭞ᬮᬶᬬᬸᬧᬓ᭄ᬧᬓ᭄ᬓᬸᬯᬂᬕ᭄ᬮᭂᬓᬂ᭞ᬓᬤᬶᬧᬧᬶᬦ᭄ᬤᭂᬓᬦ᭄ᬳᭂᬦ᭄ᬢᬮ᭄᭞ᬓᬸ
[᭓᭖ 36A]
ᬤᬸᬚᭂᬗᭂᬢ᭄ᬢᬦ᭄ᬧᬘᭂᬤᬸᬢ᭄᭞ᬗ᭄ᬚᬸᬓ᭄ᬩᬮᬂᬗᬩᬳᬮᬸᬢᬦ᭄᭟ᬓᬾᬢᭀᬕᬯᬾᬦ᭄ᬜᬯᭀᬂᬢᬦᬶ᭞ᬢᬸᬬᬸᬳᬾᬓᬮᬶᬯᬢ᭄ᬕᭂᬤᬾ᭞ᬧᭂᬢᭂᬂ
ᬍᬫᬄᬜᬓᬧ᭄ᬓᬃᬬ᭄ᬬ᭞ᬫᬲᬶᬄᬢᬸᬲᬶᬂᬫᬢᬶᬗ᭄ᬕᭂᬦᬦ᭄᭞ᬳᬸᬢᬗᬾᬲᬬᬦ᭄ᬫᬯᬸᬯᬸᬄ᭞ᬧᬲ᭄ᬮᭂᬓᭂᬄᬫᬩᬢᬸᬦ᭄ᬳᬳ᭟ᬦᬗᬶᬂᬮᬫᬸᬦ᭄ᬮᬓᬃᬚᬜ᭄ᬚᬂ
᭞ᬓᬾᬦ᭄ᬓᬾᬦᬂᬩᬳᬦ᭄ᬫᬤᬬ᭞ᬬᬤ᭄ᬬᬦ᭄ᬮᬸᬫ᭄ᬩᬶᬄᬧᬺᬢᬶᬯᬶᬦᬾ᭞ᬫᬲᬶᬄᬢᭀᬦ᭄ᬤᬾᬦ᭄ᬚᬜ᭄ᬚᬶᬩᬕ᭄ᬬ᭞ᬘᬸᬘᭂᬢᬂᬩᬳᬦᬫᬫᬦᬄ᭞ᬳᬧ
ᬦ᭄ᬤᬾᬭᬾᬂᬲᬗ᭄ᬳ᭄ᬬᬂᬢᬸᬤᬸᬄᬲᬾᬂᬓᭀᬓᬾᬫᬩᬳᬦ᭄ᬢᭂᬫ᭄ᬩᬂ᭟᭜᭟ᬕᬸᬭᬸᬦᬾᬫᭂᬮᬶᬤ᭄ᬦᬓᭀᬦᬶᬦ᭄᭞ᬯᬶᬭᬾᬄᬘᭂᬦᬶᬂᬲᬸᬩᬍᬧᬲ᭄ [ 37 ][᭓᭖ 36B]
᭓᭖
᭞ᬓᬾᬦ᭄ᬓᬾᬦ᭄ᬲᬶᬄᬧᬳᬶᬤᭂᬧᬾ᭞ᬳᬶᬦ᭄ᬤᬬᬂᬘᭂᬦᬶᬂᬢᬸᬢᬸᬭᬂ᭞ᬫᬲᬳᬸᬃᬫᬦᬸᬓ᭄ᬫᬓᭂᬚᬂ᭞ᬢᬶᬢ᭄ᬬᬂᬦᬦᬸᬲ᭄ᬤᬤᭀᬲ᭄ᬕᬸᬭᬸ᭞ᬮᬾᬦ᭄ᬳᬤᬦᬕᬶᬄᬓ
ᬚᬯ᭟ᬢᬶᬢ᭄ᬬᬂᬢᬦ᭄ᬓᬶᬘᬾᬦ᭄ᬓᬚᬯᬶ᭞ᬫᬲᭂᬓᭀᬮᬄᬧ᭄ᬭᬩᬸᬮᬶᬗ᭄ᬕ᭞ᬓᬓᬾᬦ᭄ᬓᬾᬦ᭄ᬤ᭄ᬭᬶᬓᬶᬓᬾᬫᬳᭀᬦ᭄᭞ᬫᬦᬸᬢᬸᬕᬂᬧᬧ᭄ᬮᬚᬳᬦ᭄᭞
ᬫᬫᬕᬂᬭᬶᬂᬲᭂᬓᭀᬮᬳᬦ᭄᭞ᬳᭂᬤᬜᭂᬦ᭄ᬘᭂᬦᬶᬂᬗ᭄ᬮᬾᬦ᭄ᬳᬗ᭄ᬓᬸᬄ᭞ᬤᬶᬢᬸᬗᬢᬸᬭᬂᬧᬗᬬᬄ᭟ᬲᬬᬂᬩᬳᬦ᭄ᬩᬧᬘᭂᬦᬶᬂ᭞ᬳᭂᬮᬲ᭄ᬫᬦᬶᬗ᭄ᬕ
ᬮ᭄ᬦᬕᬭᬩᬦ᭄ᬦᬶᬲ᭄ᬢᬤᬫᬦ᭄ᬩᬧᬦᬾ᭞ᬮ᭄ᬯᬲ᭄ᬘᭂᬦᬶᬗᬾᬢᬦ᭄ᬧᬕᭂᬮᬃ᭞ᬢᬦ᭄ᬳᬸᬭᬸᬗᬦ᭄ᬫᬲᭂᬮ᭄ᬱᭂᬮᬦ᭄᭞ᬚᬮᬦ᭄ᬤᬶᬦᬶᬧᬋᬂᬮᬘᬸᬃ᭞ᬓ
[᭓᭗ 37A]
ᬗ᭄ᬕᭀᬳᬂᬳᬶᬘᬦ᭄ᬳ᭄ᬬᬂ᭞ᬓᬯ᭄ᬬ᭟ᬮᬳᬸᬢ᭄ᬳᭀᬓᬦᬾᬫᬗᬶᬭᬶᬂ᭞ᬢᬳᬸᬢᭂᬓᬾᬦ᭄ᬳᬯᬓ᭄ᬦᬶᬲ᭄ᬢ᭞ᬫᬕᬂᬫᬗᬶᬭᬶᬂᬕᬸᬭᬸᬦᬾ᭞ᬫᬮᬚᬄᬗᬸᬭᬸᬓᬂ
ᬲᬶᬲ᭄ᬯ᭞ᬮᬫᬶᬦ᭄ᬜᬲᬸᬩᬳᬢᬶᬩᬦ᭄᭞ᬮᬳᬸᬢ᭄ᬓᬶᬘᬾᬦ᭄ᬧᬗ᭄ᬓᬢ᭄ᬕᬸᬭᬸ᭞ᬓᬧᬶᬦ᭄ᬤᬄᬭᬶᬂᬮ᭄ᬬᬦ᭄ᬦᬕᬭ᭟ᬤᬾᬦᬶᬂᬓᬾᬢᭀᬧᬶᬘᬦ᭄ᬓᬯᬶ᭞
ᬫᬾᬫᬾᬩᬧᬦ᭄ᬦᬾᬲᬸᬓ᭄ᬱᭂᬫ᭞ᬗ᭄ᬳᬶᬂᬳᬗᭂᬦ᭄ᬩᬸᬦ᭄ᬫᬦᭀᬗᭀᬲ᭄ᬚᭀᬄ᭞ᬫᬗᬸᬭᬶᬫᬶᬓ᭄ᬫᬲᭂᬮ᭄ᬱᭂᬮᬦ᭄᭞ᬦᬄᬤᭂᬧᬗᬂᬳᬶᬬᬲᬸᬩ᭞ᬤᬸ᭠
ᬫᬤᬓ᭄ᬳᬧᬂᬭᬳᬬᬸ᭞ᬫᬗᭂᬫ᭄ᬧᬶᬤᬶᬤᬾᬰᬦ᭄ᬳᬦᬓ᭄᭟ᬤᬸᬄᬤᬾᬯᬦ᭄ᬩᬧᬦᬾᬘᭂᬦᬶᬂ᭞ᬚᬮᬦ᭄ᬘᭂᬦᬶᬂᬫᭂᬮᬄᬫᭂᬮᬄ᭞ᬲᭂᬍᬕᬂᬤᬶ [ 38 ][᭓᭗ 37B]
᭓᭗
ᬢᬸᬫᬕᬯᬾ᭞ᬩᬶᬲᬬᬂᬫᬜᬫᬩ᭄ᬭᬬ᭞ᬳᬸᬧᬫᬬᬩᬧᬩᬮ᭄ᬯᬦ᭄᭞ᬤᬶᬚᬦᭀᬗᭀᬲ᭄ᬳᬧᬂᬲᬤᬸ᭞ᬗᬦᬸᬢᬶᬦ᭄ᬯᭀᬂᬧᬤᬾᬰᬬᬦ᭄᭟
ᬳᭂᬤᬫᬕᬸᬳᬸᬦᬶᬦ᭄ᬭᬸᬲᬶᬢ᭄᭞ᬘᬸᬮᬶᬕ᭄ᬢᭂᬓᬾᬦ᭄ᬕᭂᬮᬄᬳᬦᬓ᭄᭞ᬳᭂᬤᬩᭂᬲ᭄ᬩᭀᬕ᭄ᬩᭀᬕ᭄ᬫᬗᭀᬫᭀᬂ᭞ᬫ᭄ᬯᬄᬳᬗᬤᬓ᭄ᬳᬓᭂᬦ᭄ᬦᭀᬭ᭞ᬳᭂ
ᬦ᭄ᬢᭀᬳᬦᬾᬫᬗ᭄ᬭᬦᬬᬂ᭞ᬮᬬᬸᬮᬓᬃᬗᭂᬮᬄᬫᬸᬲᬸᬄ᭞ᬩᬶᬩᬶᬳᬾᬗᭂᬫᬲᬶᬦ᭄ᬤᭀᬱ᭟ᬧᬢᬶᬍᬲᬂᬳᬯᬓ᭄ᬗᭂᬫ᭄ᬧᬶ᭞ᬢᬶᬯᬲ᭄ᬮᬘᬸᬃᬢᬦ᭄ᬧ
ᬓᬤᬂ᭞ᬓᬮᬶᬯᬢ᭄ᬦᬶᬲ᭄ᬢᬤᬫᬦᬾ᭞ᬫᬗᬗ᭄ᬕᭀᬥᬃᬫ᭄ᬫᬮᬓ᭄ᬱᬦ᭞ᬮᬶᬬᬸᬬᬾᬦᬶᬂᬘᬭᬶᬢᬬᬂ᭞ᬫᬲᬘᭂᬦᬶᬂᬢ᭄ᬯᬭᬢᬳᬸ᭞ᬳᬚᬮ
[᭓᭘ 38A]
ᬮᬶᬭᬶᬂᬢᬸᬢᬸᬭᬦ᭄᭟ᬧ᭄ᬬᬦᬓ᭄ᬜᬦᬾᬫᬢᬸᬃᬳᬭᬶᬲ᭄᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬩᬧ᭞ᬦᬲᬭᬶᬦ᭄ᬳᬶᬤᭂᬧ᭄ᬳᬦᬓᬾ᭞ᬦᬾᬳᬬᬸᬓᬮᬯᬦ᭄ᬳᬮ
᭞ᬲᬓᬾᬯᬦ᭄ᬢᭂᬦ᭄ᬫᬗ᭄ᬤᬩᬧ᭞ᬲᬸᬓᬗᬗ᭄ᬕᭀᬦ᭄ᬳᭀᬮᬘᬸᬃ᭞ᬫᬧᬫᬶᬢ᭄ᬢᬶᬢ᭄ᬬᬂᬭᬶᬂᬳᬶᬩ᭄ᬬᬂ᭟ᬘᬳᬶᬜᬳᬶᬧᬥᬲᬫᬶ᭞ᬩᭂᬮᬶᬫᬧᬫᬶᬢ᭄ᬲ
ᬧᬶᬲᬦ᭄᭞ᬓᬮᬶᬄᬩᭂᬮᬶᬫᬶᬯᬄᬳᭂᬫ᭄ᬩᭀᬓ᭄᭞ᬩᭂᬲᬶᬓᬂᬳᬶᬤᭂᬧᬾᬲᬸᬩ᭞ᬳᬧᬲᬸᬓᬗᬫ᭄ᬧᬸᬭᬬᬂ᭞ᬲᬫᬶᬧᬥᬲᬳᬸᬃᬫᬦᬸᬓ᭄᭞ᬚ
ᬮᬦ᭄ᬘᭂᬦᬶᬂᬫᭂᬮᬄᬫᭂᬮᬄ᭟ᬓᬘᬭᬶᬢᬦᬾᬦᬾᬚᬦᬶ᭞ᬫᬾᬫᬾᬩᬧᬦ᭄ᬦᬾᬲᬸᬓ᭄ᬱᭂᬓᬦ᭄᭞ᬓᬲ᭄ᬯᬾᬘᬦ᭄ᬦᬶᬗ᭄ᬕᬮ᭄ᬳᬸᬫᬄᬜᬦᬾ᭞ᬢ᭄ᬯ [ 39 ][᭓᭘ 38B]
᭓᭘
ᬭᬓᬃᬯ᭄ᬯᬦ᭄ᬓᬸᬤᬂᬩᬸᬮᬦ᭄᭞ᬫᬾᬫᬾᬩᬧᬲᬸᬩᬢ᭄ᬯ᭞ᬗᬮᬶᬄᬩᬸᬓ᭄ᬢᬶᬢᬶᬢ᭄ᬯᬭᬫᬫ᭄ᬧᬸᬄ᭞ᬫᬗᬦ᭄ᬤᭂᬮᬂᬦᬗ᭄ᬕᬧ᭄ᬳᬸᬧᬄ᭟ᬳᭀᬓᬦᬾᬚᬦᬶᬗᭀ
ᬮᬲᬶᬦ᭄᭞ᬫᬦᬸᬮᬸᬂᬗᬮᬶᬳᬂᬤᬳᬃ᭞ᬫᬲᭂᬧᬶᬄᬧᬳᬶᬘᬦ᭄ᬜᬦᬾ᭞ᬓᬧᬧᬾᬢᬂᬳᬩ᭄ᬮᬜ᭄ᬚᬳᬦ᭄᭞ᬫᬾᬫᬾᬩᬧᬦ᭄ᬜᬕᬃᬕ᭄ᬕᬶᬢ᭞ᬕᬚᬶᬄ
ᬦᬾᬲᬬᬦ᭄ᬫᬯᬸᬯᬸᬄ᭞ᬧᬗ᭄ᬓᬢ᭄ᬦᬾᬲᬬᬦ᭄ᬗᬕᭂᬬᬂ᭟ᬤᬸᬭᬸᬂᬧᬸᬧᬸᬢ᭄ᬭᬶᬂᬳᬶᬳᬚᬶ᭞ᬫᬗᬢᬸᬭᬂᬓᬧᬶᬢᬺᬱᬡᬦ᭄᭞ᬓᬮᬶᬄᬭᬶᬂᬤᬦᬾᬳᬶᬫᬾ
ᬫᬾ᭞ᬫᬲᬶᬮᬶᬳᬶᬦ᭄ᬳᬶᬤᬦ᭄ᬳᬶᬤ᭞ᬤᬸᬓᬾᬘᭂᬭᬶᬓ᭄ᬓᬕᭂᬤᬾᬦᬂ᭞ᬲᬗ᭄ᬓᬦ᭄ᬫᭂᬢᬸᬚᬦᬶᬢᬸᬳᬸ᭞ᬓᬕᬾᬢ᭄ᬳᬶᬩᬧᬫᬢᬶᬗ᭄ᬕᬮ᭄᭟ᬫᬢᬶᬦ᭄ᬜᬦᬾ
[᭓᭙ 39A]
ᬕᭂᬩᬸᬕ᭄ᬕᭂᬭᬶᬂ᭞ᬓᬸᬤᬂᬩᬮ᭄ᬬᬦ᭄ᬢᭀᬂᬜᬶᬤᬬᬂ᭞ᬤᬸᬓ᭄ᬲᬓᬶᬤ᭄ᬕ᭄ᬭᬸᬩᬸᬕᬾᬋᬓᭀ᭞ᬩᬶᬗᬸᬂᬧᬮᬶᬂᬫᬦᬄᬢᬶᬢ᭄ᬬᬂ᭞ᬓᬤᬶᬕᭂᬤᬳᬾᬧᬦ᭄ᬢᬶᬕᬂ᭞ᬤᭂ
ᬓ᭄ᬤᭂᬓ᭄ᬮᬶᬤᭂᬓ᭄ᬩᬸᬓᬳᬶᬦ᭄ᬢᬸᬓ᭄᭞ᬳᬶᬩ᭄ᬬᬂᬫᬗ᭄ᬓᬶᬦ᭄ᬳᬶᬭᬶᬂᬢᬶᬢ᭄ᬬᬂ᭟ᬦᬸᬚᬸᬳᬂᬢᬶᬢ᭄ᬬᬂᬫᬗᬶᬭᬶᬂᬓᬬᬸᬦ᭄ᬤᬦᬾᬦᬾᬲᬂᬮᬶᬦ᭞ᬧᬓ᭄ᬱᬦᬧᭂᬲᬦ᭄ᬳᬶᬤᭂ
ᬧᬾ᭞ᬳᬧᬂᬫᬸᬲ᭄ᬢᬶᬫᬲᭂᬓᭀᬮᬄ᭞ᬓᬕᬾᬢ᭄ᬚᬦᬶᬓᬤᬕᬶᬗᬦ᭄᭞ᬳᬶᬩᬧᬗᬮᬳᬶᬦ᭄ᬮᬫ᭄ᬧᬸᬲ᭄᭞ᬧᬸᬲᬓᬳᬶᬦᬓᬯ᭄ᬭᬸᬳᬦ᭄᭟ᬓᭂᬦ᭄ᬤᭂ
ᬮ᭄ᬜᬦᬾᬩᬳᬦ᭄ᬭᬶᬭᬶᬄ᭞ᬲᭂᬩᭂᬢᬾᬩᬳᬦ᭄ᬓᬢᬶᬗ᭄ᬕᬮ᭄᭞ᬩᭀᬬᬓᬶᬭᬂᬧᬲᭂᬮ᭄ᬱᭂᬮᬾ᭞ᬢᬦ᭄‌ᬧᬾᬦ᭄ᬤᬄᬲᬓᬤᬶᬳᬬᬫ᭄᭞ᬩᬶ [ 40 ][᭓᭙ 39B]
᭒᭙
ᬲᬫᬗᬾᬳ᭄ᬓᬾᬳᬂᬳᬯᬓ᭄᭞ᬦᬗᬶᬂᬫᬩᭂᬮᬲᬦᬶᬩᬸ᭞ᬢᬦ᭄ᬫᬋᬦ᭄ᬫᬫᬸᬮᬂᬢᬺᬱ᭄ᬡᬵ᭟ᬓᬾᬢᭀᬢᬸᬢᬸᬭᬦ᭄ᬜᬬᬸᬓ᭄ᬢᬶ᭞ᬘᬳᬶᬜᬳᬶᬳᬧᬂ
ᬦᬯᬂ᭞ᬧᬸᬃᬡ᭄ᬦᬬᬂᬢᬸᬢᬸᬭᬾᬓᬳᬵᬦ᭄᭞ᬳᬾᬮᬶᬂᬢᬺᬱ᭄ᬡᬦ᭄ᬫᬾᬫᬾᬩᬧ᭞ᬧᬕᭂᬄᬧᬸᬕᬸᬳᬂᬫᬮᬚᬄ᭞ᬢᭂᬓᬾᬦ᭄ᬲᬮ᭄ᬯᬶᬭᬶᬂᬧᬶᬢᬸᬢᬸᬃ᭞ᬳᭂ
ᬦ᭄ᬢᭀᬳᬦᬾᬉᬢ᭄ᬢᬫᬬᬂ᭟᭛᭜᭛ᬳᬶᬤᭀᬭᬢᭂᬓᬾᬦ᭄ᬳᬶᬯᬬ᭛᭜᭛ᬲᬶᬦᭀᬫ᭄᭟᭜᭟ᬳᬤᬳᬦᬓ᭄ᬫ
ᬲ᭄ᬯᬢ᭄ᬭᬬᬦ᭄᭞ᬫᬤᬦ᭄ᬳᬶᬤᭀᬭᬳᬤᬶᬭᬶ᭞ᬳᬶᬯᬬᬳᬦᬾᬳᬸᬓᬸᬤ᭄᭞ᬩᬋᬂᬩᬋᬂᬬᬦ᭄ᬫᬮᬮᬶ᭞ᬫᬭᬶᬂᬫᬦ᭄ᬢᬭᬦᬕᬭᬶ᭞ᬗᬮᬶ
[᭔᭐ 40A]
ᬮᬬᬂᬓᭂᬦᭂᬳᬶᬗᬸᬄ᭞ᬧᭂᬢᭂᬂᬍᬫᬄᬫᬧᬶᬕᬸᬫᬦ᭄᭞ᬗᬶᬢᬸᬗᬂᬮᬓᬃᬓᬩᬸᬓ᭄ᬢᬶ᭞ᬲᬸᬩᬳᬶᬕᬸᬫ᭄᭞ᬤᬶᬧᭀᬮᬶᬳᬾᬫᬳᭂᬧᬄᬤ᭄ᬯ᭟ᬓᭀᬘ
ᬧ᭄ᬤᬶᬢᭂᬗᬳᬶᬂᬫᬃᬕ᭄ᬕ᭞ᬧᭀᬮᬶᬄᬦᬸᬤᬸᬓ᭄ᬫᬲ᭄ᬗᬸᬮᬶᬦ᭄ᬢᬶᬓ᭄᭞ᬓᬢᬄᬜᬦᬾᬓᬮᬶᬄᬢᬾᬧᬓ᭄᭞ᬳᬶᬯᬬᬫᬓ᭄ᬭᬸᬦᬳᬭᬶᬲ᭄᭞ᬤᭀᬭᬚᬮᬜ᭄ᬚ
ᬦᬾᬚᬦᬶ᭞ᬫᬲᬾᬳᬦᬾᬩᬳᬦ᭄ᬦᬸᬤᬸᬓ᭄᭞ᬩᬕᬶᬤ᭄ᬯᬧᬥᬧᬥᬬᬂ᭞ᬮᬳᬸᬢ᭄ᬚᬮᬦ᭄ᬳᬩᬫᬸᬮᬶᬄ᭞ᬳᬧᬂᬧᬸᬧᬸᬢ᭄᭞ᬢᬸᬲᬶᬂᬳᬤᬩ᭄ᬯᬶᬦ᭄ᬓᭂᬓᭂ
ᬳᬂ᭟ᬳᬶᬤᭀᬭᬲᬸᬫᬳᬸᬃᬩᬗ᭄ᬭᬲ᭄᭞ᬢᬸᬲᬶᬂᬲᭂᬤᭂᬂᬚᬦᬶᬩᬕᬶ᭞ᬯᬶᬭᬾᬄᬤᬶᬦᬦ᭄ᬜᬦᬾᬩᭀᬤᭀ᭞ᬧᬮᬦ᭄ᬜᬫᬓ᭄ᬭᬦᬫᬶᬲ᭄ᬓᬶᬦ᭄᭞ᬲᬶ [ 41 ][᭔᭐ 40B]
᭔᭐
ᬗᬶᬤᬂᬚ᭄ᬯᬲᬸᬩᬤᬶᬦᬶ᭞ᬳᬧᬂᬢ᭄ᬭᬤᬳᬦᬓ᭄ᬢᬳᬸ᭞ᬲᬳᬶᬚᭂᬫᬓ᭄ᬳᬲᬦ᭄ᬤᬦ᭄᭞ᬬᬾᬦᬶᬂᬲᬸᬩᬢᭂᬮᬄᬲᬫᬶ᭞ᬦᬸᬚᬸᬲᬸᬯᬸᬂ᭞ᬚᬮᬦ᭄ᬚᭂᬫᬓ᭄ᬧᬥᬤ᭄ᬯ
ᬦᬦ᭄᭟ᬫᬲᬸᬯᬾᬢᬸᬫᬸᬮᬶᬓᭂᬗ᭄ᬓᭂᬩᬂ᭞ᬓᬧᭂᬦ᭄ᬤᭂᬫ᭄ᬲᭀᬭᬶᬂᬯᬭᬶᬗᬶᬦ᭄᭞ᬭᬭᬶᬲ᭄ᬲᬫᬶᬧᬥᬩᬸᬤᬮ᭄᭞ᬓᬸᬫᬄᬜᬧᬥᬫᬦ᭄ᬤᬶᬭᬶ᭞ᬓᭀᬘ
ᬧᬦ᭄ᬲᬫ᭄ᬧᬸᬦ᭄ᬮᬫᬶ᭞ᬭᬳᬸᬄᬳᬶᬤᭀᬭᬫᬗᬧᬸᬲ᭄᭞ᬫᬗᬫ᭄ᬩᬶᬮ᭄ᬫᬲᬾᬢᭀᬢᭀᬦᬦ᭄᭞ᬓᬩᬓ᭄ᬢᬓᬸᬫᬄᬜᬫᬗ᭄ᬓᬶᬦ᭄᭞ᬢᬶᬫ᭄ᬧᬮ᭄ᬳᬶᬧᬸᬦ᭄᭞
ᬩᭀᬬᬧᬶᬲᬦ᭄ᬧᬶᬢᬳᬸᬦ᭟ᬲᬲᬸᬩᬦ᭄ᬜᬮᬶᬫᬂᬤᬶᬦ᭞ᬳᬶᬤᭀᬭᬫᬩᬶᬓᬲ᭄‌ᬍᬗᬶᬢ᭄᭞ᬓᭀᬘᬧᬦ᭄ᬢᭂᬓᬳᬶᬯᬬ᭞ᬓᬸᬫᬄᬳᬶ
[᭔᭑ 41A]
ᬤᭀᬭᬦᬾᬫᬗ᭄ᬓᬶᬦ᭄᭞ᬫᬧᬚᬂᬳᬶᬧᬸᬦ᭄ᬳᬭᬶᬲ᭄᭞ᬚᬮᬦ᭄ᬓᬸᬤᬚᬦᬶᬮᬳᬸᬢ᭄᭞ᬓᬢᭀᬗᭀᬲ᭄ᬫᬲᬾᬳᬶᬧᬶᬤᬦ᭄᭞ᬯᬶᬭᬾᬄᬫᬲ᭄ᬳᬶᬘᬗᬾ
ᬲᬫᬶ᭞ᬢᬦ᭄ᬧᬕᬦ᭄ᬢᬸᬮ᭄᭞ᬳᬧᬂᬳᬤᬳᬗ᭄ᬕᬾᬦ᭄ᬩᬾᬜ᭄ᬚᬂ᭟ᬘ᭄ᬭᬶᬢᬬᬂᬧᬥᬫᬚᬮᬦ᭄᭞ᬗᭀᬚᭀᬕ᭄ᬢᭀᬗᭀᬲ᭄ᬫᬲᬾᬭᬶᬳᬶᬦ᭄᭞
ᬓᬧᬗ᭄ᬕᬶᬄᬫᬲ᭄ᬜᬦᬾᬢᭂᬮᬲ᭄᭞ᬳᬶᬯᬬᬦᬸᬮᬶᬫᬘᭂᬕᬶᬓ᭄᭞ᬢ᭄ᬯᬭᬳᬤᬳᬦᬓ᭄ᬳᬸᬦᬶᬂ᭞ᬚᬯᬶᬦᬶᬂᬘᬳᬶᬫᬫᬗ᭄ᬕᬸᬄ᭞ᬲᬶᬦᬄᬘᬳᬶᬳᬦᬾ
ᬫᬜ᭄ᬯᬂ᭞ᬗᭂᬗ᭄ᬓᭂᬩᬂᬳᭂᬫᬲᬾᬫᬶ᭞ᬓᬾᬢᭀᬢᬸᬳᬸ᭞ᬯᬶᬯᬾᬄᬮᬾᬦᬦ᭄ᬢ᭄ᬭᬤᬦᬯᬂ᭟ᬳᬶᬯᬬᬮᬳᬸᬢ᭄ᬓᬤᬦ᭄ᬤᬦ᭄᭞ᬓᬚᬓ᭄ᬫ [ 42 ][᭔᭑ 41B]
᭔᭑
ᬦᬗ᭄ᬓᬶᬮ᭄ᬓᬧᬸᬭᬶ᭞ᬫᬦᬸᬦᬲ᭄ᬧᬫᬢᬸᬢ᭄ᬓᬺᬢ᭞ᬓᬮᬶᬄᬫᬗ᭄ᬤᬓᬧᬲᬶᬲᬶᬧ᭄᭞ᬳᬶᬯᬬᬫᬳᬢᬸᬃᬲᬶᬲᬶᬧ᭄᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬳᬶᬧᬸᬦ᭄ᬗᬓᬸ᭞ᬫᬗᬫ᭄ᬩᬶᬮ᭄ᬫ
ᬲᬾᬧᬸᬦᬶᬓ᭞ᬳᬶᬤᭀᬭᬳᬫᬶᬓᬸᬳᬶᬦ᭄᭞ᬦᬮᬶᬄᬳᬶᬧᬸᬦ᭄᭞ᬳᬢᬸᬃᬜᬦᬾᬭᬶᬂᬲᬂᬓᬺᬢ᭟ᬳᬶᬗ᭄ᬕᬶᬄᬭᬢᬸᬳᬶᬤᬓᬺᬢ᭞ᬢᬶᬢ᭄ᬬᬂᬯᬦ᭄ᬢᬄᬲ
ᬋᬂᬓᬮᬶᬄ᭞ᬗᭂᬦᬶᬬᬂᬫᬲᬾᬧᬸᬦᬶᬓ᭞ᬳᬶᬧᬸᬦ᭄ᬓᬮᬶᬄᬢᬶᬢ᭄ᬬᬂᬳᬸᬕᬶ᭞ᬓᬳᭂᬗ᭄ᬓᭂᬩᬂᬭᬶᬂᬯᬦᬤ᭄ᬭᬶ᭞ᬲᬲᭀᬭᬶᬢᬭᬸᬦᬾᬳᬕᬸᬂ᭞ᬳᬶᬭᬶᬓᬢ
ᬦᭂᬫ᭄ᬢᬶᬢ᭄ᬬᬂ᭞ᬤᬕᬶᬂᬜᬲᬓᬤᬶᬫᬗ᭄ᬓᬶᬦ᭄᭞ᬯᬦ᭄ᬢᬄᬳᬶᬧᬸᬦ᭄᭞ᬫᬫᬮᬶᬂᬫᬲᬾᬲᬶᬦᬫ᭄ᬬᬦ᭄᭟᭜᭟ᬧᬗᬦ᭄ᬤᬶᬓᬦ᭄ᬳᬶᬤᬓᬺᬢ᭞
[᭔᭒ 42A]
ᬳᬦᬓᬾᬜᬓ᭄ᬱᬶᬦᬶᬦ᭄ᬘᬳᬶ᭞ᬜᬶᬄᬦᬬᬂᬳᬶᬯᬬᬫᬜ᭄ᬯᬂ᭞ᬳᬢᬸᬃᬜᬳᬶᬤᭀᬭᬳᬭᬶᬲ᭄᭞ᬩᭀᬬᬯᬾᬦ᭄ᬢᭂᬦ᭄ᬚᬦ᭄ᬫᬳᬸᬦᬶᬂ᭞ᬚᬯᬶᬦᬶᬂᬳᬶ
ᬧᬸᬜᬦ᭄ᬓᬬᬸ᭞ᬧᬸᬦᬶᬓᬲᬸᬰᬓ᭄ᬱᬶᬦ᭄ᬢᬶᬢ᭄ᬬᬂ᭞ᬲᬂᬓᬺᬢᬓᬕ᭄ᬬᬢ᭄‌ᬫ᭄ᬬᬃᬱᬶ᭞ᬭᬭᬶᬲ᭄ᬫᬸᬯᬸᬲ᭄᭞ᬩ᭄ᬯᬶᬦ᭄‌ᬫᬦᬶᬲᬸᬩᬧ᭄ᬭᬕᬢᬂ᭟ᬳᬶᬤᭀᬭᬓᬮᬶᬄᬳᬶ
ᬯᬬ᭞ᬧᬥᬬᬫᬚᬮᬦ᭄ᬫᬸᬮᬶᬄ᭞ᬦᬧᬓ᭄ᬳᬶᬤᭀᬭᬦᬾᬚᬸᬫᬄ᭞ᬦᬸᬢᬸᬃᬭᬶᬂᬩᬧᬦᬾᬕᭂᬮᬶᬲ᭄᭞ᬧᬭᬶᬳᬶᬦ᭄ᬤᬶᬓ᭄ᬜᬦᬾᬲᬫᬶ᭞ᬢᬗ᭄ᬓᬶᬮ᭄ᬭᬶᬂ
ᬳᬶᬤᬲᬂᬯᬶᬓᬸ᭞ᬗᬸᬦᬶᬗᬬᬂᬧᬯᬶᬘᬭ᭞ᬳᬋᬧ᭄ᬜᬦᬾᬭᬶᬂᬳᬶᬫᬮᬶᬂ᭞ᬳᬤᬦ᭄ᬳᬶᬧᬸᬦ᭄᭞ᬳᬶᬯᬬᬲᬓᬶᬓᬯᬦᬦ᭄᭟ᬘᭂᬦ᭄ᬤᭂᬓ᭄ᬢᬶᬢ᭄ᬬᬂᬗᬸ [ 43 ][᭔᭒ 42B]
᭔᭒
ᬦᬶᬗᬬᬂ᭞ᬧᬸᬜᬦ᭄ᬓᬬᬸᬫᬓᬰᬓ᭄ᬱᬶ᭞ᬓᬤᬶᬫᬗ᭄ᬓᬶᬦ᭄ᬫᬗ᭄ᬤᬧᬗᬧ᭞ᬓᬕᭀᬳᭀᬓ᭄ᬓᬬᬸᬗ᭄ᬭᬜ᭄ᬚᬶᬂ᭞ᬫᬦᬯᬶᬢᬓᬢᬓᬾᬦᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬲ
ᬗᬯᬶᬓᬸ᭞ᬓᭂᬦᬶᬜᬧᬗᬸᬦᬶᬗᬬᬂ᭞ᬳᬶᬯᬬᬲᬦᬾᬫᬫᬮᬶᬂ᭞ᬓᬾᬢᭀᬳᬦ᭄ᬢᬸᬓ᭄᭞ᬫᬗ᭄ᬤᬓᭂᬦᬶᬫᬲ᭄ᬧᬸᬦᬶᬓ᭟ᬫᬲᬳᬸᬢ᭄ᬳᬮᭀᬦ᭄ᬩᬧᬦ᭄ᬜ
᭞ᬬᬾᬦᬶᬂᬓᬾᬢᭀᬲᬚᬘᭂᬦᬶᬂ᭞ᬤᬸᬲᬶᬂᬦᭂᬫᬸᬓᬭᬳᬬ᭄ᬯᬦ᭄᭞ᬳᬦᬓᬾᬧᬥᬬᬍᬗᬶᬢ᭄᭞ᬗᬗ᭄ᬕᭀᬳᬸᬧᬬᬦᬾᬲᬦ᭄ᬤᬶ᭞ᬮᬓ᭄ᬱᬦᬦᬾ
ᬢᬦ᭄ᬭᬳᬬᬸᬧᭂᬤᬲ᭄ᬳᬮᬦᬾᬢᭂᬫᭀᬓᬂ᭞ᬤᭂᬧᬂᬳᬗ᭄ᬕᭀᬦ᭄ᬤᬾᬯᬦ᭄ᬯᬶᬥᬶ᭞ᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬳᬮᬦ᭄ᬭᬓᬦᬾᬢᬫᬦ᭟ᬗᬸᬘᬧ᭄
[᭔᭓ 43A]
ᬧ᭄ᬬᬦᬓ᭄ᬜᬦᬾᬩᬗ᭄ᬕ᭄ᬭᬲ᭄᭞ᬳᭂᬤᬩᬧᬮ᭄ᬬᬸᬦᬦ᭄ᬫᬸᬜᬶ᭞ᬯᬶᬭᬾᬄᬢᬸᬬᬸᬳᬾᬳᬚᬳᬦ᭄᭞ᬧᬶᬓᭀᬮᬶᬄᬜᬦᬾᬳᬤᬶᬕ᭄ᬤᬶᬕ᭄᭞ᬓᬘ᭄ᬭᬶᬢ
ᬩᬧᬦᬾᬚᬦᬶ᭞ᬲᬸᬩᬋᬓᬾᬓᬲᬮᬶᬫᬸᬃ᭞ᬢᬸᬫᬸᬮᬶᬬᬓᬢᬸᬳᬸᬢᬂ᭞ᬧᬫᬸᬜᬶᬦ᭄ᬧᬦᬓ᭄ᬦᬾᬩ᭄ᬭᬗ᭄ᬢᬶ᭞ᬳᬧᬦ᭄ᬮᬗ᭄ᬓᬸᬂ᭞ᬢᬺᬱ᭄ᬡᬦ᭄ᬜᬦᬾᬢᭂ
ᬓᬾᬦ᭄ᬧ᭄ᬬᬦᬓ᭄᭟ᬩᬾᬜ᭄ᬚᬂᬯᬳᬸᬤᬯᬸᬄᬧᬶᬲᬦ᭄᭞ᬩᬧᬦ᭄ᬜᬦᬾᬦᬸᬮᬶᬗ᭄ᬭᬜ᭄ᬚᬶᬂ᭞ᬓᬲᭀᬂᬓᬬᬸᬦᬾᬢᭀᬢᭀᬦᬦ᭄᭞ᬓᭀᬘ
ᬧ᭄ᬳᬶᬤᬓᬺᬢᬚᬦᬶ᭞ᬭᬯᬸᬄᬧᬘᬂᬫᬦᭂᬢᭂᬲᬶᬦ᭄᭞ᬓᬧᬸᬜᬦ᭄ᬓᬬᬸᬧᬸᬦᬶᬓᬸ᭞ᬗᬦ᭄ᬤᬶᬓᬳᬶᬤᬲᬂᬓᬺᬢ᭞ᬢᭂᬓᬾᬦᬶᬂᬓᬬᬸᬯᬭᬶᬗᬶᬦ᭄᭞ [ 44 ][᭔᭓ 43B]
᭔᭓
ᬘᬳᬶᬓᬬᬸ᭞ᬫᬲᬾᬤᬶᬦᬶᬜᬾᬦ᭄ᬓᬾᬫᬜ᭄ᬯᬂ᭟ᬫᬲᬳᬸᬭᬦ᭄ᬳᬶᬧᬦ᭄ᬤᬾᬭ᭞ᬫᬲᬾᬧᬸᬦᬶᬓᬓᬳᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬜᬳᬶᬧᬸᬦ᭄ᬳᬶᬯᬬ᭞ᬳᬶᬤ
ᬲᬂᬓᬺᬢᬧ᭄ᬭᬫᬗ᭄ᬓᬶᬦ᭄᭞ᬓᬫᭂᬫᭂᬕᬦ᭄ᬳᬶᬤᬫ᭄ᬬᬃᬱᬶ᭞ᬳᬢᬸᬃᬦᬾᬳᬶᬧᬸᬜᬦ᭄ᬓᬬᬸ᭞ᬭᬭᬶᬲ᭄ᬓᬧᬗᬦ᭄ᬤᬶᬓᬬᬂ᭞ᬳᬭᬶᬗᬦ᭄ᬗᭂᬦ᭄ᬤᬶᬳᬂᬳᬧᬶ᭞ᬫᬗ᭄ᬤᬫᬸ
ᬭᬸᬩ᭄᭞ᬳᬦ᭄ᬤᬸᬲ᭄ᬜᬦᬾᬫᬮᬶᬧᬸᬕᬦ᭄᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬗᭂᬦ᭄ᬤᬶᬳᬂ᭞ᬳᬦ᭄ᬤᬸᬲ᭄ᬜᬓᬢᬄᬫᬗ᭄ᬭᬜ᭄ᬚᬶᬂ᭞ᬓᬢᭂᬗᬄᬕᭀᬳᭀᬓᬶᬂᬯᬺᬓ᭄ᬱ᭞
ᬧᬦ᭄ᬤᭀᬭᬓᭀᬘᬧᬦ᭄ᬚᬦᬶ᭞ᬕᭂᬮᬃᬕᭂᬮᬸᬃᬚᭂᬭᬢ᭄ᬚᭂᬭᬶᬢ᭄᭞ᬤᬾᬦᬶᬂᬓᭂᬩᬸᬲᬾᬓᬮᬗ᭄ᬓᬸᬂ᭞ᬧᬮᬶᬂᬤᬶᬢᭂᬗᬄᬩᭂᬓ᭄ᬩᭂᬓᬦ᭄᭞ᬢᬸᬫᬸᬮᬶᬳᬶ
[᭔᭔ 44A]
ᬧᬸᬦ᭄ᬳᬫᬶᬚᬶᬮ᭄᭞ᬳᬸᬮᬶᬤᬶᬢᬸ᭞ᬤᬾᬕᭀᬳᭀᬓ᭄ᬜᬦᬾᬳᬶᬯᬺᬓ᭄ᬱ᭟ᬳᬶᬤᬲᬂᬓᬺᬢᬦᬓᭀᬦᬂ᭞ᬳᬯᬦᬦ᭄ᬜᬓᬤᬶᬫᬗ᭄ᬓᬶᬦ᭄᭞ᬢᬶᬗ᭄ᬓᬳᬾ
ᬓᬤᬶᬯᭀᬂᬳᬾᬤᬦ᭄᭞ᬧᬦ᭄ᬤᭀᬭᬗᬸᬦᬶᬗᬂᬳᬶᬦ᭄ᬤᬶᬓ᭄᭞ᬧ᭄ᬭᬢᬶᬗ᭄ᬓᬄᬧ᭄ᬬᬦᬓᬾᬲᬫᬶ᭞ᬕᬸᬫᬦᬫᬗᬸᬮᬸᬓ᭄ᬳᬸᬮᬸᬓ᭄᭞ᬓᬯᬸᬮᬦ᭄ᬳᬶᬭᬢᬸᬳᬶᬯᬬ
᭞ᬯᬸᬲ᭄ᬫᬢᬸᬃᬧᬦ᭄ᬤᭀᬭᬫᬢᬶ᭞ᬫᬲ᭄ᬧᬸᬦᬶᬓᬸ᭞ᬓᬧᬶᬘᬬᬂᬭᬶᬳᬶᬯᬬ᭟ᬧᬸᬦᬶᬓᬤᬾᬯᬳᬾᬮᬶᬗᬂ᭞ᬲᬯᬶᬭᬾᬄᬳᬶᬤᭀᬭᬤᬺᬗ᭄ᬕᬶ᭞ᬧᬸᬭᬸ
ᬦ᭄ᬫᬫᬓ᭄ᬱᬋᬭᬫ᭞ᬲᬶᬦᬄᬳᬶᬧᬸᬦ᭄ᬫᬫᬗ᭄ᬕᬶᬳᬶᬦ᭄᭞ᬤᬸᬳ᭄ᬓᬶᬢᬦᬶᬂᬳᬢᬶᬯ᭄ᬬᬓ᭄ᬢᬶ᭞ᬓᬢᬶᬗ᭄ᬕᬮ᭄ᬩᬧᬦᬾᬮᬫ᭄ᬧᬸᬲ᭄᭞ᬫᬮᬶᬄᬳᬶᬧᬸᬦ᭄ᬓᬲᬶ [ 45 ][᭔᭔ 44B]
᭔᭔
ᬲᬶᬧᬂ᭞ᬩᬳᬦ᭄ᬲᬮᬄᬜᬓᬓᬮᬶᬄ᭞ᬗᬸᬮᬸᬓ᭄ᬳᬸᬮᬸᬓ᭄᭞ᬗᬗ᭄ᬕᭀᬦ᭄ᬮᬓ᭄ᬱᬦᬤᬸᬃᬚᬦ᭟᭛᭜᭛ᬭᬾᬜ᭄ᬘᬂᬤᬸᬃᬰᬶᬮ᭛᭜
᭛ᬤᬸᬃᬫ᭄ᬫ᭟᭜᭟ᬓᭀᬘᬧ᭄ᬳᬤᬳᬦᬓ᭄ᬫᬤᬦ᭄ᬳᬶᬫᬹᬃᬩᬦ᭄᭞ᬮᬸᬄᬜᬦᬾᬦᬶᬩᬭᭀᬯᬢᬶ᭞ᬳᬬᬸᬦᬾᬓᬮᬶᬦ᭄ᬢᬂ᭞ᬮ᭄ᬯᬶᬃᬤᭂᬤᬭᬶᬫ
ᬭᬶᬓᬾᬦ᭄ᬤ᭄ᬭᬦ᭄᭞ᬗᭂᬮᬄᬭᬾᬜ᭄ᬘᬂᬢ᭄ᬯᬄᬳᬤᬶᬭᬶ᭞ᬚᬸᬭᬸᬗᬗᭀᬦᬂ᭞ᬓᬫ᭄ᬩᬶᬂᬫᬶᬯᬄᬩᬶᬭᬶᬩᬶᬭᬶ᭟ᬭᬾᬜ᭄ᬘᬂᬜᬦᬾᬳᭂᬦ᭄ᬢᭀᬮᬶᬯᬢ᭄ᬓ
ᬲᭂᬫᬭᬦ᭄᭞ᬭᬶᬧᬫᭂᬓᭂᬮ᭄ᬜᬦᬾᬳᬶᬲ᭄ᬢ᭄ᬭᬶ᭞ᬲᬸᬩᬓᬸᬤᬂ᭞ᬳᬸᬧᬬᬧᬗᬶᬦ᭄ᬤ᭄ᬭᬚᬚᬮ᭞ᬳᬗ᭄ᬕᭀᬦᬬᬫᬗᭂᬜ᭄ᬘᬦᬶᬦ᭄᭞ᬦᬗᬶᬧᬫ᭄ᬓᭂ
[᭔᭕ 45A]
ᬮ᭄ᬜ᭞ᬢ᭄ᬯᬭᬓᬬᬸᬦ᭄ᬫᬦᬕᬶᬗᬶᬦ᭄᭟ᬤᬤᬶᬮᬶᬯᬢ᭄ᬮᬶᬯᬢ᭄ᬲᭂᬗᬶᬢ᭄ᬜᬳᬶᬭᬾᬜ᭄ᬘᬂ᭞ᬢᬸᬫᬸᬮᬶᬫᬶᬚᬶᬮ᭄ᬭᬶᬂᬳᬢᬶ᭞ᬫᬦᬄᬜᬤᬸᬃᬰᬶᬮ᭞ᬚᬕᬶ
ᬳᬶᬧᬸᬦ᭄ᬫᬶᬲᬸᬦᬬᬂ᭞ᬧᬫᭂᬓᭂᬮ᭄ᬜᬦᬾᬳᬶᬲ᭄ᬢ᭄ᬭᬶ᭞ᬢᬸᬫᬸᬮᬶᬦᬸᬫ᭄ᬩᬲ᭄᭞ᬓᭂᬤᬶᬲ᭄ᬲ᭄ᬬᬸᬂᬯᬦ᭄ᬢᬄᬓᬓᬮᬶᬄ᭟ᬓᬳᬸᬩᬸᬳᬶᬦ᭄ᬲᬳᬶᬲᬳᬶᬓᬳᬸᬭᬸᬓᬂ᭞
ᬫᬫᬸᬜᬶᬫᬩᬲᬩᬲᬶ᭞ᬧᬥᬫᬮᬾᬦ᭄ᬮᬾᬦᬦ᭄᭞ᬓ᭄ᬤᬶᬲᬾᬦᬾᬳᬸᬓᬸᬤᬦ᭄᭞ᬢᭀᬢᭀᬦᬦ᭄ᬲᬳᬶᬓᬚᬳᬶᬦ᭄᭞ᬫᬫᬸᬜᬶᬳᬮ᭞
ᬧᬋᬓᬦ᭄ᬗᬯᭀᬭᬶᬦ᭄ᬳᬶᬭᬳᬶ᭟ᬫᬮᬶᬄᬧᬓ᭄ᬱᬶᬲ᭄ᬬᬸᬗᬾᬦᬾᬲᬶᬓ᭄ᬬᬦ᭄ᬧᬸᬦᬶᬓ᭞ᬓᬳᬸᬭᬸᬓᬂᬬᬫᬫᬸᬜᬶ᭞ᬦᬗᬶᬂᬯᬾᬦ᭄ᬢᭂᬦ᭄ᬳᬮ᭞ [ 46 ][᭔᭕ 45B]
᭔᭕
ᬓᬾᬦᬾᬋᬓᭀᬧᬶᬤᬃᬢ᭄ᬢᬦ᭄ᬜ᭞ᬳᬸᬤᬸᬄᬧᬫᭂᬓᭂᬮᬾᬳᬶᬲ᭄ᬢ᭄ᬭᬶ᭞ᬳᬬᬸᬓᬮᬶᬦ᭄ᬢᬂᬲᬧᬸᬦᬶᬓᬓᬳᬚᬳᬶᬦ᭄᭟ᬦᬾᬲᬶᬓ᭄ᬬᬦ᭄ᬓᬳᬚᬳᬶ
ᬦ᭄ᬫᬫᬸᬜᬶᬳᬮ᭞ᬧᭂᬢᭂᬂᬍᬫᬄᬲᬳᬶᬲᬳᬶ᭞ᬜᬩ᭄ᬭᬦ᭄ᬓᬳᬸᬭᬸᬓᬂ᭞ᬢᭂᬓᬾᬦ᭄ᬭᬾᬜ᭄ᬘᬗᬾᬤᬸᬃᬰᬶᬮ᭞ᬓᬘᬭᬶᬢᬳᬶᬲ᭄ᬬᬸᬂᬘᬮᬶᬂ᭞
ᬭᬶᬭᬶᬄᬫᬧᭂᬢ᭞ᬦᬸᬳᬸᬢᬂᬫᬫᬸᬜᬶᬯᬾᬘᬶ᭟ᬭᬶᬭᬶᬄᬧᭂᬲᬦ᭄ᬳᬶᬭᬾᬜ᭄ᬘᬂᬗᬸᬭᬸᬓ᭄ᬫᬧᭂᬢ᭞ᬫᬫᬸᬜᬶᬘᬭᬦᬶᬂᬚᬮ᭄ᬫᬶ᭞ᬳᬬᬸᬫᬶᬯᬄ
ᬳᬮ᭞ᬳᬦᬾᬓᬳᬸᬭᬸᬓᬂᬳᬮ᭞ᬫᬸᬜᬶᬦ᭄ᬜᬦᬾᬳᬮᬲᬳᬶ᭞ᬦᬾᬓᬸᬭᬸᬓ᭄ᬫᭂᬮᬄ᭞ᬳᬬᬸᬳᬢᬸᬃᬜᬭᬶᬂᬕᬸᬲ᭄ᬢᬶ᭟ᬚᬯᬫ᭄ᬮᬬᬸ
[᭔᭖ 46A]
ᬫᬓᭂᬚᬂᬧᬥᬢᬯᬗ᭞ᬫᬶᬯᬄᬘᬭᬦᬶᬳᭀᬮᬦ᭄ᬤᬶ᭞ᬩᬮᬶᬳᬭᬩ᭄ᬘᬶᬦ᭞ᬕᬯᭀᬓ᭄ᬧᬥᬲᬂᬫᬶᬋᬗᬂ᭞ᬩᬸᬭᭀᬦ᭄ᬦᬧᬶᬲᬧᬸᬦᬶᬓᬶ᭞
ᬓᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬫᬗᬲᭀᬭᬂᬳᬶᬤᭂᬧ᭄ᬚᬮ᭄ᬫᬶ᭟ᬭᬾᬜ᭄ᬘᬂᬜᬦᬾᬮᬶᬯᬢ᭄ᬕᬃᬕ᭄ᬕᬶᬢᬤᬶᬘᬶᬢ᭞ᬗᭂᬮᬄᬲ᭄ᬬᬸᬂᬭᬶᬭᬶᬄᬫᬫᬸᬜᬶ᭞ᬳ
ᬲᬶᬂᬳᬸᬭᬸᬓᬗ᭞ᬫᬓᭂᬚᬂᬧᬥᬢᬯᬗ᭞ᬳᬮᬳᬬᬸᬫᬶᬯᬄᬯᬾᬘᬶ᭟ᬲᬸᬓᬲᬢᬢ᭞ᬩᬶᬮᬂᬢᭂᬓᬫᬜᬧᬢᬶᬦ᭄᭟ᬤᬸᬄ
ᬫ᭄ᬓᭂᬮᬾᬩᬳᬸᬭᬯᬸᬄᬲᬓᬶᬤᬶᬚᬳ᭞ᬲᬳᬸᬃᬫᬦᬸᬓ᭄ᬬᬫᬫᬸᬜᬶ᭞ᬜᬧᬧᬫᭂᬓᭂᬮ᭄ᬜ᭞ᬳᬯᬓᬾᬤᬸᬫᬭᬧᭂᬭᬦ᭄ [ 47 ][᭔᭖ 46B]
᭔᭖
᭞ᬢᭂᬓᬳᬸᬮᬶᬗᬗᭀᬦ᭄ᬓᬫ᭄ᬩᬶ᭞ᬤᬶᬢᭂᬕᬮ᭄ᬮᬶᬗ᭄ᬕᬄ᭞ᬓᬮᬶᬄᬮᬯᬦ᭄ᬩᬶᬭᬶᬩᬶᬭᬶ᭟ᬲᬫ᭄ᬧᬸᬦᬂᬫᭂᬓᭂᬮᬾᬮᬸᬗ᭄ᬳᬵᬫᬗᬗᭀᬦᬂ᭞
ᬓᬫ᭄ᬩᬶᬂᬮᬯᬦ᭄ᬩᬶᬭᬶᬩᬶᬭᬶ᭞ᬗᬶᬭᬶᬂᬚᭂᬦᭂᬓ᭄ᬚᬸᬫᬄ᭞ᬫᬲᬓ᭄ᬯᬂᬓᬃᬧᬗᬦ᭄᭞ᬫᬶᬯᬄᬓᬶᬦᬸᬫ᭄ᬗᬶᬭᬶᬂᬕᬸᬲ᭄ᬢᬶ᭞ᬦᭀᬭᬓᬶᬭᬗᬦ᭄᭞
ᬳᬦᬓᬾᬢᬺᬱ᭄ᬡᬫ᭄ᬯᬂᬳᬲᬶᬄ᭟ᬦᬾᬗᭀᬮᬲᬶᬦ᭄ᬮᬘᬸᬃᬕᬸᬲ᭄ᬢᬶᬦᬾᬧᬸᬦᬶᬓ᭞ᬳᬕᬾᬦ᭄ᬫᬦᬸᬦᬲ᭄ᬫᬧᬫᬶᬢ᭄᭞ᬭᬶᬂᬕᬸᬲ᭄ᬢᬶᬦ᭄ᬳᬶ
ᬤᬾᬯ᭞ᬓᬫ᭄ᬩᬶᬗᬾᬕᭂᬮᬶᬲ᭄ᬳᬢᬸᬭᬂ᭞ᬫ᭄ᬯᬄᬩᬶᬭᬶᬩᬶᬭᬶᬦᬾᬲᬫᬶ᭞ᬳ᭄ᬤᬫᬗ᭄ᬭᬯᭀᬲᬂ᭞ᬢᬸᬬᬸᬳᬾᬲᬓᬤᬶᬫᬗ᭄ᬓᬶᬦ᭄᭟ᬢᬶ
[᭔᭗ 47A]
ᬢ᭄ᬬᬂᬓᬾᬯᭂᬗᬶᬚᭂᬂᬚᬸᬫᬄᬧᬤᬤ᭄ᬯᬦᬦ᭄᭞ᬮᬶᬬᬸᬳᬦᬓᬾᬩᭂᬩᬾᬓᬶ᭞ᬳᬶᬭᬶᬳᬢᬶᬭᬶᬂᬢ᭄ᬬᬂ᭞ᬜᬩ᭄ᬭᬦ᭄ᬳᬤᬕᬕᭀᬤᬦ᭄᭞ᬳ
ᬓᬾᬄᬧᬶᬲᬸᬦᬦᬾᬧ᭄ᬭᬧ᭄ᬢᬶ᭞ᬭᬯᬸᬄᬭᬶᬳᬶᬤ᭞ᬫᬗ᭄ᬤᬾᬦ᭄ᬜᬕᭂᬮᬶᬲ᭄ᬫᬕᭂᬤᬶ᭟ᬳᬶᬭᬾᬜ᭄ᬘᬂᬲᬃᬯ᭄ᬯᬶᬩᬗ᭄ᬕ᭄ᬭᬲ᭄ᬫᬲᬳᬸᬢ᭄ᬕᬮᬓ᭄᭞ᬳᭂᬤᬳᬶᬩ
ᬮ᭄ᬬᬸᬮ᭄ᬬᬸᬫᬸᬜᬶ᭞ᬫᬲᬓᬸᬭᬂᬦᬬ᭞ᬳᬗ᭄ᬕᭀᬦ᭄ᬮᬓᬃᬫᬗ᭄ᬯᬍᬲᬂ᭞ᬫᬗ᭄ᬤᬾᬦ᭄ᬜᬦᬶᬩᬭᭀᬯᬢᬶ᭞ᬮᬦ᭄ᬳᬶᬫᬸᬃᬱᬶᬩᬦ᭄᭞ᬫᬢᬶᬓᭂᬦᬫᬸ
ᬜᬶᬫᬦᬶᬲ᭄᭟ᬬᬦ᭄ᬢᬦ᭄ᬲᬶᬤᬩᬳᬦ᭄ᬓᬳᬶᬫᬸᬃᬱᬶᬩᬦ᭄᭞ᬫᬦᬬᬦᬂᬦᬾᬦᬾᬚᬦᬶ᭞ᬫᬗ᭄ᬤᬾᬦ᭄ᬜᬦᬾᬫᬗ᭄ᬓᬢ᭄᭞ᬮᬸᬗ᭄ᬳᬓ [ 48 ][᭔᭗ 47B]
᭔᭗
ᬳᬮᬲᬾᬲᬯᬬᬄ᭞ᬳᭀᬃᬢ᭄ᬢᬦᬾᬳᬯᭀᬃᬲᬸᬚᬢᬶ᭞ᬢᬸᬫᬸᬮᬶᬮᬸᬗ᭄ᬳ᭞ᬓᬾᬲᬄᬲᬓᬶᬂᬚ᭄ᬭᭀᬦᬶᬂᬧᬸᬭᬶ᭟ᬓᬘ᭄ᬭᬶᬢᬳᬶᬫᬸᬃᬱᬶᬩ
ᬦ᭄ᬦᬧᬓ᭄ᬤᬶᬳᬮᬲ᭄᭞ᬜᬸᬲᬸᬧ᭄ᬫᬭᬶᬂᬯᬦᬕᬶᬭᬶ᭞ᬳᬓᬾᬄᬓᬧᬗ᭄ᬕᬸᬳ᭞ᬚᬦ᭄ᬫᬢᬶᬧᬚᬮᬶᬫ᭄ᬧᬂ᭞ᬲᬭᬧ᭄ᬫᬘᬦ᭄ᬮᬦ᭄ᬓᬩᭂᬤᬶᬮ᭄᭞ᬫᬬᬸ
ᬢᬬᬸᬤ᭞ᬢ᭄ᬯᬭᬓᭂᬦᬩᬦ᭄ᬗᬶᬢᬸᬗᬶᬦ᭄᭟ᬤᬾᬦᬶᬂᬓᬾᬢᭀᬩᬗ᭄ᬓᬾᬦᬾᬮ᭄ᬬᬸᬫᬲᬄᬲᬳᬦ᭄᭞ᬤᬶᬳᬮᬲᬾᬳᬦᬾᬧᬶᬗᬶ
ᬢ᭄᭞ᬳᬶᬫᬸᬃᬱᬶᬩᬦ᭄ᬓᬕ᭄ᬬᬢ᭄᭞ᬲᭂᬓ᭄ᬱᭂᬓ᭄ᬓᬾᬯᭂᬄᬫᬓᭂᬦᭂᬳᬦ᭄᭞ᬩᬸᬭᭀᬦ᭄ᬳᬮᬲ᭄ᬧᬥᬲᭂᬗᬶᬢ᭄᭞ᬲᬶᬂᬢᬭᬮᬓᬃ᭞ᬫᬦᭂᬧᬸ
[᭔᭘ 48A]
ᬦ᭄ᬩᬬᬧᬢᬶ᭟ᬧᬶᬭᬂᬤᬶᬦᬮᬸᬗ᭄ᬳᬦ᭄ᬳᬶᬤᬫᬲᬸᬲᬸᬧᬦ᭄᭞ᬭᬶᬳᬮᬲᬾᬦᬾᬧᬶᬗᬶᬢ᭄᭞ᬫᬶᬤᭂᬃᬳᬶᬤᭂᬭᬦ᭄᭞ᬧᭂᬢᭂᬂᬍᬫᬄᬢᬦ᭄
ᬧᬭᬵᬃᬬ᭄ᬬᬦ᭄᭞ᬭᬩᬶᬦᬾᬤᬶᬩᬭᭀᬯᬢᬶ᭞ᬳᭀᬲᬄᬫᬸᬮᬶᬲᬄ᭞ᬜᬩ᭄ᬭᬦ᭄ᬤᬶᬦᬲᬳᬶᬲᭂᬤᬶᬄ᭟᭜᭟ᬢᬦ᭄ᬓᭀᬘᬧᬦ᭄ᬭᬾᬜ᭄ᬘ
ᬗᬾᬳᬦᬾᬂᬤᬸᬃᬰᬶᬮ᭞ᬢᬦ᭄ᬫᬋᬦ᭄ᬮᬓᬃᬳᬗ᭄ᬲᬶᬸᬗᬸᬗ᭄ᬲᬶ᭞ᬭᬩᬶᬦ᭄ᬳᬶᬫᬸᬃᬱᬶᬩᬦ᭄ᬗᬾᬓ᭞ᬮᬓᬃᬫᬶᬲᬸᬦᬬᬂ᭞ᬢᭂᬓᬾᬦ᭄ᬭᬓᬦᬾᬦᬾᬮ
ᬓᬶ᭞ᬫᬗ᭄ᬤᬾᬦ᭄ᬜᬍᬧᬲ᭄᭞ᬓᬢᬸᬦ᭄ᬤᬸᬂᬳᭀᬮᬶᬄᬦᬾᬫ᭄ᬯᬦᬶ᭟ᬯᬳᬸᬧ᭄ᬭᬧ᭄ᬢᬳᬶᬫᬸᬃᬱᬶᬩᬦ᭄ᬲᬓᬶᬂᬳᬮᬲ᭄᭞ᬳᬶᬲ᭄ᬬᬸᬂᬘᬮᬶᬂᬫᬜ᭠ [ 49 ][᭔᭘ 48B]
᭔᭘
ᬧᬢᬶᬦ᭄᭞ᬢᬸᬃᬗᬩᬬᬂᬳᭀᬃᬢ᭄ᬢ᭞ᬳᬸᬤᬸᬄᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬩᬶᬦᬾᬦᬶᬩᬭᭀᬯᬢᬶ᭞ᬢᬦ᭄ᬚᬸᬚᬄᬚᬸᬫᬄ᭞ᬧ᭄ᬢᭂᬂᬍᬫᬄᬲᬳᬶᬫ
ᬮᬮᬶ᭟ᬜᬩ᭄ᬭᬦ᭄ᬤᬶᬦᬧᬫᬃᬕ᭄ᬕᬶᬦ᭄ᬜᬫᬗᬸᬫ᭄ᬩᬭ᭞ᬘᬭᬢ᭄ᬘᬸᬭᬸᬢ᭄ᬓᭂᬫᬫᬳᬶ᭞ᬮ᭄ᬯᬲ᭄ᬓᬳᬸᬫᬄᬳᬦᬓ᭄᭞ᬓᬾᬲᬄᬲᭂᬫᭂᬂᬢᭂᬓᬲᬜ᭄ᬚ᭞ᬫᬲᭂᬲ
ᬜ᭄ᬚᬦ᭄ᬓᬯᭀᬂᬮᬓᬶ᭞ᬢ᭄ᬯᬭᬗᬶᬤᭂᬧᬂ᭞ᬧᬫᬸᬗᬸᬦ᭄ᬢᬶᬢ᭄ᬬᬗᬾᬩᭂᬘᬶᬓ᭄᭟ᬲᬧᬸᬦᬶᬓᬫᬗ᭄ᬤᬕᬸᬲ᭄ᬢᬶᬲᬳᬸᬦᬶᬗ᭞ᬧᬭᬶᬳᬶᬦ᭄ᬤᬶᬓ
ᬦ᭄ᬳᬶᬭᬩᬶ᭞ᬮᬫ᭄ᬧᬄᬜᬦᬾᬳᬮ᭞ᬢᬦ᭄ᬳᬦᬸᬢ᭄ᬭᬶᬂᬓᬢᬸᬢᬸᬭᬦ᭄᭞ᬬᬦ᭄ᬳᭂᬦ᭄ᬢᭀᬧᬓ᭄ᬱᬧᬸᬧᭀᬦᬶᬦ᭄᭞ᬫᬜᬶᬘᬶᬂᬲᬶᬗᬮ᭄᭞ᬢ᭄ᬭᬂ
[᭔᭙ 49A]
ᬩᬸᬗᬸᬢᬾᬓᬲᬶᬮᬧᬶᬦ᭄᭟ᬲᬶᬤᬶᬫᬦ᭄ᬤᬶᬧᬶᬲᬸᬦᬦ᭄ᬜᬳᬶᬤᬸᬃᬰᬶᬮ᭞ᬓᬮᬶᬄᬳᬶᬧᬸᬦ᭄ᬳᬶᬲ᭄ᬬᬸᬂᬘᬮᬶᬂ᭞ᬭᬶᬭᬶᬂᬫᬶᬲᬸᬦᬬᬂ᭞ᬢ᭄ᬯᬄᬳᬗᬤ
ᬓ᭄ᬳᬓᭂᬦ᭄ᬦᭀᬭ᭞ᬫᬫᬲᬗᬂᬲ᭄ᬭᬦᬍᬯᬶᬄ᭞ᬫᬗ᭄ᬤᬾᬦ᭄ᬜᬧᬲᬄ᭞ᬭᬩᬶᬦᬾᬤᬶᬩᬭᭀᬯᬢᬶ᭟ᬓᬘ᭄ᬭᬶᬢᬜᬸᬲᬸᬧ᭄‌ᬲ᭄ᬭᬦᬦ᭄ᬜᬳᬶᬤᬸᬃᬰᬶᬮ
᭞ᬫᬲᭂᬲᬸᬫ᭄ᬩᬃᬳᬶᬬᬚᬦᬶ᭞ᬳᬶᬲ᭄ᬬᬸᬂᬘᬮᬶᬂᬗᬸᬘᬧ᭄᭞ᬕᬃᬕ᭄ᬕᬶᬢᬧᭂᬲᬦ᭄ᬭᬶᬂᬫᬦᬄ᭞ᬕᬮᬓ᭄ᬜᬦᬾᬦ᭄ᬤᬢᬦ᭄ᬲᬶᬧᬶ᭞ᬢᬦ᭄ᬲᬸᬫᬗ᭄ᬲᬬ᭞ᬤᬸᬫ
ᬤᬓ᭄ᬳᬾᬗ᭄ᬕᬮ᭄ᬫᬕᭂᬤᬶ᭟ᬳᬶᬫᬸᬃᬱᬶᬩᬦ᭄ᬕᬧᬾᬓ᭄ᬦᬾᬫᬗᬧᬓ᭄ᬳᬧᬓ᭄᭞ᬳᬸᬤᬸᬄᬳᬶᬩᬩᬭᭀᬯᬢᬶ᭞ᬳᬚᬓ᭄ᬯᬾᬄᬘᬭᬶᬢ᭞ᬳᬧᬦ᭄ᬳᬶ [ 50 ][᭔᭙ 49B]
᭔᭙
ᬩᬦ᭄ᬤᬢᬦ᭄ᬯᭂᬦᬂ᭞ᬮᬗ᭄ᬕᬦᬢᭂᬓᬾᬦᬶᬂᬓᬳᬶ᭞ᬲᬶᬂᬤᬤᬶᬢᬸᬮᬓ᭄᭞ᬫᬓᬳᬤ᭄ᬳᬶᬩᬦᬾᬚᬦᬶ᭟ᬢ᭄ᬯᬄᬳᬫ᭄ᬩᬸᬮ᭄ᬢᭀᬓᬳᬶᬗᬗ᭄ᬕᭀᬦ᭄ᬳᬶᬩ
ᬲᭀᬫᬄ᭞ᬫᬗᬬᬳᬶᬦ᭄ᬓᬳᬶᬤᬶᬦᬶ᭞ᬫᬸᬮᬶᬄᬳᬶᬩᬳᬾᬗ᭄ᬕᬮ᭄᭞ᬳᬮᬶᬄᬬᬬᬄᬭᬾᬡᬦ᭄ᬳᬶᬩ᭞ᬫᬢᬸᬃᬤᬶᬢᬸᬭᬶᬂᬳᬶᬳᬚᬶ᭞ᬳᬢᬸ
ᬭᬂᬓᭀᬮ᭞ᬫᬦᬸᬦ᭄ᬤᬸᬂᬳᬶᬩᬦᬾᬫᬸᬮᬶᬄ᭟ᬓ᭄ᬭᬦᬓᬾᬢᭀᬩᬦ᭄ᬳᬶᬩᬢ᭄ᬯᬭᬗᬶᬤᭂᬧᬂ᭞ᬢᬸᬢᬸᬃᬓᬳᬶᬦᬾᬦᬾᬗᬸᬦᬶ᭞ᬭᬯᬸᬄᬲᬓᬶᬂ
ᬳᬮᬲ᭄᭞ᬳᬶᬲ᭄ᬬᬸᬂᬘᬮᬶᬂᬫᬗᭀᬃᬢ᭄ᬢᬬᬂ᭞ᬳᬢᬸᬃᬦᬾᬳᬯᭀᬃᬳᬫᬦᬶᬲ᭄᭞ᬧᭂᬢᭂᬂᬮᬦ᭄‌ᬍᬫᬄ᭞ᬦᬶᬩᬭᭀᬯᬢᬶᬫᬮᬮᬶ᭟
[᭕᭐ 50A]
ᬢᬸᬃᬓᬕᬸᬕᬸᬧᬶᬲᬸᬦᬦ᭄ᬦᭀᬳᬶᬤᬸᬃᬰᬶᬮ᭞ᬤᬾᬦᬶᬳᬶᬬᬳᬶᬲ᭄ᬬᬸᬂᬘᬮᬶᬂ᭞ᬳᬦᬓ᭄ᬫᬸᬮᬲᬬᬂ᭞ᬳᬸᬮᬶᬘᭂᬭᬶᬓ᭄ᬫᬫᬋᬓᬦ᭄᭞ᬚᭂᬮᬦ᭄ᬜᬦᬾᬢᬦ᭄
ᬲᬶᬦᬶᬧᬶ᭞ᬭᬾᬜ᭄ᬘᬂᬤᬸᬃᬰᬶᬮ᭞ᬫᬲᬶᬄᬓᬲᬬᬗᬂᬕᬸᬲ᭄ᬢᬶ᭟ᬤᬾᬦᬶᬂᬓᬾᬢᭀᬦᬶᬩᬭᭀᬯᬢᬶᬓᬓᬸᬢᬂ᭞ᬭᬾᬜ᭄ᬘᬗᬾᬫᬲᬳᬸᬃᬫᬦᬶᬲ᭄
᭞ᬓᭂᬤᬾᬓ᭄ᬦᬾᬫᬗᬓᬓ᭄᭞ᬲᬸᬓᬘᬶᬢᬫᬭᬶᬂᬫᬦᬄ᭞ᬩᬦ᭄ᬢ᭄ᬯᬭᬗᬶᬤᭂᬧᬂᬫᬸᬜᬶᬳᬢᬸᬃᬳᬶᬭᬾᬜ᭄ᬘᬂ᭞ᬚᭂᬮᬾᬧᬮᬦ᭄ᬜᬳᭂᬫᬲᬶᬦ᭄᭟
ᬮᬫᬮᬫᬶᬦᬶᬩᬭᭀᬯᬢᬶᬓᬓᬸᬢᬂ᭞ᬓᬕᬾᬢ᭄ᬫᬮᬶᬄᬬᬫᬭᬩᬶ᭞ᬫᬗ᭄ᬮᬮ᭄ᬯᬂᬭᬕ᭞ᬫᬗᬚᬓ᭄ᬯᭀᬂᬲᬸᬦᬦ᭄ᬢᬭ᭞ᬳᬃᬣᬩ᭄ᬭᬦᬦ᭄ᬯᬾᬫ [ 51 ][᭕᭐ 50B]
᭕᭐
ᬓᭀᬢᬶ᭞ᬢᬸᬃᬲᬸᬕᬶᬄᬋᬦ᭄ᬤᬄ᭞ᬧ᭄ᬬᬦᬓ᭄ᬜᬮ᭄ᬬᬸᬮᬸᬄᬫ᭄ᬯᬦᬶ᭟ᬲᬲᬸᬓᬢᬾᬦᬶᬩᬭᭀᬯᬢᬶᬓᬓᬸᬢᬂ᭞ᬳᬶᬫᬸᬃᬱᬶᬩᬦ᭄ᬲᬶᬤᬶᬄᬓᬶᬂᬓᬶᬂ᭞ᬓᬓᬸ
ᬭᬗᬦ᭄ᬧᬗᬦ᭄᭞ᬳᬃᬣᬩ᭄ᬭᬦᬦ᭄ᬜᬦᬾᬫᬸᬓ᭄ᬱᬄ᭞ᬭᬾᬜ᭄ᬘᬂᬜᬦᬾᬳᬶᬲ᭄ᬬᬸᬂᬘᬮᬶᬂ᭞ᬮᬦ᭄ᬳᬶᬤᬸᬃᬰᬶᬮ᭞ᬧᭂᬢᭂᬂᬍᬫᬄᬜᬓᬶᬢ᭄ᬳᬢᬶ᭟ᬧ᭄ᬭ
ᬚᬦᬶᬮᬘᬸᬃᬜᬦᬾᬩᬸᬓᬫᬤᬓᬂ᭞ᬢᭀᬂᬳᬤᬳᬗ᭄ᬕᭀᬦ᭄ᬫᬫᭂᬮᬶ᭞ᬢᬸᬮᬸᬲᬦ᭄ᬫᬓᭂᬦ᭄ᬢ᭞ᬫᬗᬚᬓ᭄ᬭᬾᬜ᭄ᬘᬗᬾᬧᬤ᭞ᬢ᭄ᬯᬭᬲᬸᬭᬸ
ᬤ᭄ᬜᬓᬶᬢ᭄ᬳᬢᬶ᭞ᬢᬸᬃᬫᬲᭂᬮ᭄ᬱᭂᬮᬦ᭄᭞ᬗᬶᬤᭂᬧᬂᬫᬸᬜᬶᬦᬾᬫᬦᬶᬲ᭄᭟ᬦᬶᬲ᭄ᬕᬸᬮᬧᭂᬤᬲ᭄ᬫᬓᭂᬮᭀᬢᬳᬦᬂ᭞ᬫᬳᬯᬦᬦ᭄ᬩᬸᬓ
[᭕᭑ 51A]
ᬚᬦᬶ᭞ᬗᬶᬤᭂᬧᬂᬧᬶᬲᬸᬦ᭞ᬫᬸᬜᬶᬦ᭄ᬭᬾᬜ᭄ᬘᬗᬾᬤᬸᬃᬰᬶᬮ᭞ᬳᭂᬦ᭄ᬢᭀᬦᬾᬩᬓᬢ᭄ᬕᬸᬕᭀᬦᬶᬦ᭄᭞ᬫᬦᬤᬶᬧᬲᬄ᭞ᬫᬗᬚᬓ᭄ᬦᬶᬩᬗᬾᬯᬢᬶ
᭟ᬫᬾᬭᬂᬜᬦᬾᬳᬶᬫᬸᬃᬱᬶᬩᬦ᭄ᬭᬶᬂᬳᬶᬭᬾᬜ᭄ᬘᬂ᭞ᬕᬮᬓ᭄ᬜᬦᬾᬢᬦ᭄ᬲᬶᬦᬶᬧᬶ᭞ᬕᬕᬺᬢᭂᬦ᭄ᬤᬶᬘᬶᬢ᭞ᬮᬳᬸᬢ᭄ᬬᬫᬦᬶᬸᬗᬸᬦᬸᬲ᭄ᬧᭂᬤᬂ᭞ᬳᬶᬄ
ᬳᬶᬩᬫᬦᬹᬱᬘᬶᬘᬶᬂᬢ᭄ᬯᬭᬚᬩᬶᬲ᭞ᬫᬗᬮᬧ᭄ᬧᬶᬢᬺᬱ᭄ᬡᬦ᭄ᬓᬳᬶ᭟ᬦᬾᬳᭂᬫᬲᬶᬦ᭄ᬤᭀᬱᬦ᭄ᬳᬶᬩᬦᬾᬫᬶᬲᬸᬦ᭞ᬩᬸᬩᬸᬢᬾᬦᬾ᭞
ᬫᬗᭂᬫᬲᬶᬦ᭄᭞ᬲ᭄ᬬᬸᬂᬘᬮᬶᬂᬫᬜᭂᬫ᭄ᬩᬄ᭞ᬮᬦ᭄ᬭᬾᬜ᭄ᬘᬗᬾᬳᬶᬤᬸᬃᬰᬶᬮ᭞ᬦᬸᬦᬲ᭄ᬳᬶᬘᬦᬸᬦᬲ᭄ᬳᬸᬭᬶᬧ᭄᭞ᬕᭂᬂᬲᬶᬦᬫ᭄ᬧᬸᬭ᭞ᬫᬢᬸᬃᬲᬶᬲᬶᬧ᭄ᬭᬶᬂ [ 52 ][᭕᭑ 51B]
᭕᭑
ᬳᬶᬕᬸᬲ᭄ᬢᬶ᭟ᬩᬸᬓᬩᭀᬃᬩᭀᬃᬓᭂᬩᬸᬲ᭄ᬩᬳᬂᬧᬳᬶᬤᭂᬧ᭄ᬜ᭞ᬗᬗ᭄ᬕᬃᬧᭂᬤᬂᬗᬸᬦᬸᬲ᭄ᬓᭂᬭᬶᬲ᭄᭞ᬳᬶᬭᬾᬜ᭄ᬘᬂᬓᬚᬫ᭄ᬩᬓ᭄᭞ᬗᬾᬗ᭄ᬕᬮᬂᬬᬫᬍᬘᬢ᭄᭞
ᬳᬶᬲ᭄ᬬᬸᬂᬘᬮᬶᬂᬓᬢᬸᬲᬸᬓᬶᬦ᭄᭞ᬫᬢᬶᬲᬧᬶᬲᬦ᭄᭞ᬢ᭄ᬯᬭᬜᬶᬤᬬᬂᬫᬮᬳᬶᬩ᭄᭟ᬤᬾᬦᬶᬂᬓᬾᬢᭀᬧᬗᬫᬸᬓ᭄ᬦᬾᬳᬶᬫᬸᬃᬱᬶᬩᬦ᭄᭞ᬳᬶᬤᬸᬃ
ᬰᬶᬮᬫ᭄ᬮᬬᬸᬩᬶᬦ᭄ᬢᬶᬢ᭄᭞ᬗᬸᬗ᭄ᬲᬶᬳᬮᬲ᭄ᬯᬬᬄ᭞ᬯᭀᬂᬤᬾᬰᬦᬾᬫᬓᬸᬮ᭄ᬓᬸᬮᬦ᭄᭞ᬳᬸᬬᬸᬢ᭄ᬳᬸᬫᬸᬂᬧᬤᬧᬚ᭄ᬭᬶᬢ᭄᭞ᬫᬭᬸᬬᬸᬭᬸᬬ᭄ᬯᬦ᭄᭞ᬫᬕᬸᬫ᭄
ᬧᭂᬲᬸᬮᬸᬄᬫ᭄ᬯᬦᬶ᭟ᬯᭀᬂᬤᬾᬰᬦᬾᬧᬤᬫᬜᭂᬫᬓ᭄ᬲᬜ᭄ᬚᬢ᭞ᬢᬸᬫ᭄ᬩᬓ᭄ᬓ᭄ᬭᬶᬲ᭄ᬮᬦ᭄ᬩᭂᬤᬶᬮ᭄ᬲᬫᬶ᭞ᬫᬭᬾᬭᭀᬤ᭄ᬭᬾᬭᭀᬤᬦ᭄᭞ᬗᬾᬗ᭄ᬕ᭠
[᭕᭒ 52A]
ᬮᬂᬧᬤᬫᬚᬮᬦ᭄᭞ᬳᬶᬫᬸᬃᬱᬶᬩᬦ᭄ᬦᬾᬓᬳᬸᬗ᭄ᬲᬶ᭞ᬮᬳᬸᬢ᭄ᬓᬚᭂᬫᬓ᭄᭞ᬢᬗᬦ᭄ᬜᬦᬾᬓᬢᬮᬶᬦᬶᬦ᭄᭟ᬓᬩᬍᬗ᭄ᬕᬸᬓᬧᬗ᭄ᬓᬾᬂᬤᬶᬕᭂᬤᭀᬂ
ᬕᭂᬮᬧ᭄᭞ᬗ᭄ᬭᬜ᭄ᬚᬶᬂᬫᬭᬶᬂᬤᬍᬫ᭄ᬩᬸᬯᬶ᭞ᬮᬳᬸᬢ᭄ᬓᬓᬺᬢᬬᬂ᭞ᬫᬭᬶᬳᬶᬤᬳᬶᬢ᭄ᬯᬦ᭄ᬩᭂᬲᬂ᭞ᬧᬸᬗ᭄ᬕᬯᬧ᭄ᬭᬦ᭄ᬤᬗ᭄ᬭᬯᭀᬲᬶᬦ᭄᭞ᬓᬜ᭄ᬘᬮᬦ᭄ᬚᬓ᭄ᬱ
᭞ᬓᬮᬶᬄᬤᬦᬾᬢ᭄ᬯᬦ᭄ᬓᭀᬦ᭄ᬢ᭄ᬭᭀᬮᬶᬃ᭟ᬤᬾᬦᬶᬂᬲᬫ᭄ᬧᬸᬦ᭄ᬧᬸᬧᬸᬢ᭄ᬭᬯᭀᬲᬾᬤᬶᬓᬺᬢ᭞ᬳᬶᬫᬸᬃᬱᬶᬩᬦᬾᬦᬾᬚᬦᬶ᭞ᬓᬲᬾᬮᭀᬂᬓ
ᬚᬯᬫᬗᬸᬗ᭄ᬲᬶᬫᬶᬸᬢᬦᬄᬲᬸᬫᬢ᭄ᬭ᭞ᬲᬳᬸᬫᬸᬃᬳᬶᬤᬸᬧ᭄ᬗᭂᬫᬲᬶᬦ᭄᭞ᬤᬶᬲᬯᬮᬸᬦ᭄ᬢ᭞ᬗᬮᬶᬄᬳᬋᬂᬮᬯᬦ᭄ᬩᭂᬲᬶ᭟ᬓᬾᬢᭀ᭠ [ 53 ][᭕᭒ 52B]
᭕᭒
ᬤᭀᬕᬾᬦ᭄ᬕᬯᬾᬦ᭄ᬦᬾᬲᬍᬫᬄᬍᬫᬄ᭞ᬗᬦ᭄ᬢᬶᬩ᭄ᬭᬕ᭄ᬢᬦ᭄ᬧᬳᬶᬲᬶ᭞ᬲᭂᬤᬶᬄᬫᬲᭂᬮ᭄ᬲᭂᬮᬦ᭄᭞ᬓᬲᬓᬶᬢᬦ᭄ᬓᬕ᭄ᬮᬕ᭄ᬮ᭞ᬦᬭᬓᬦᬾᬦᬾ
ᬓᬧᬗ᭄ᬕᬶᬄ᭞ᬮᬶᬯᬢ᭄ᬲᬗ᭄ᬲᬭ᭞ᬲᬸᬓᬬᬦ᭄ᬢᬶᬢ᭄ᬬᬂᬫᬢᬶ᭟ᬳᬢᬸᬃᬦᬾᬳᬶᬫᬸᬃᬱᬶᬩᬦ᭄ᬗᭀᬮᬲᬂᬫᬦᬄ᭞ᬫᬭᬶᬂᬳᬶᬤᬲᬗ᭄ᬳ᭄ᬬᬂᬓᬯᬶ᭞ᬫ
ᬦᬸᬦᬲ᭄ᬳᬫ᭄ᬧᬸᬭ᭞ᬫᬗ᭄ᬤᬕᭂᬮᬶᬲ᭄ᬢᬶᬢ᭄ᬬᬢᬸᬮᬓ᭄᭞ᬩᬸᬤᬮ᭄ᬲᬓᬶᬂᬢᬦᬄᬚᬯᬶ᭞ᬢ᭄ᬯᬭᬓᬮᬸᬕ᭄ᬭᬵ᭞ᬬᬦ᭄ᬢ᭄ᬯᬭᬗᭂᬫᬲᬶᬦ᭄ᬫᬢᬶ᭟᭜᭟
ᬓᬘᬭᬶᬢᬭᬾᬜ᭄ᬘᬗᬾᬳᬦᬾᬤᬸᬃᬰᬶᬮ᭞ᬫᬭᬶᬲᭂᬮ᭄ᬲᭂᬮ᭄ᬤᬾᬢᬾᬓ᭄ᬲᭂᬤᬶᬄ᭞ᬢ᭄ᬯᬭᬧᬧᭂᬕᬢᬦ᭄᭞ᬤᬶᬳᬮᬲᬾᬬᬓᬮᬭᬦ᭄᭞
[᭕᭓ 53A]
ᬢ᭄ᬯᬭᬫᬗ᭄ᬕᬶᬳᬶᬦ᭄ᬩᬸᬓ᭄ᬢᬶ᭞ᬮᬬᬄᬲᬢᬢ᭞ᬳᬧᬲᬶᬄᬢᬸᬭᬸᬦ᭄ᬫᬜᬮ᭄ᬫᬶ᭟ᬳᬶᬤᬸᬧ᭄ᬦ᭄ᬭᬓᬫᬜᬮ᭄ᬫᬶᬤᬶᬫᬤ᭄ᬬᬧᬤ᭞ᬳᬸᬮᬶᬘᭂᬭᬶᬓ᭄ᬲᬸᬩ
ᬓᭂᬮᬶᬄ᭞ᬫᬦᭂᬫᬸᬲᬗ᭄ᬲᬭ᭞ᬫᬫᬜ᭄ᬚᬓ᭄ᬤᬶᬚᬸᬫᬄᬳᬦᬓ᭄᭞ᬓᬢᬸᬦ᭄ᬤᬸᬂᬲᬳᬶᬓᬢᬶᬕ᭄ᬢᬶᬕ᭄᭞ᬫᬫᬗ᭄ᬕᬸᬄᬯᬶᬭᬂ᭞ᬫᬭᬶᬂᬕᬸᬲ᭄ᬢᬶᬦᬾᬦᬾᬳᬶᬲ᭄ᬢ᭄ᬭᬶ
᭟ᬳᬧᬦ᭄ᬲᬫ᭄ᬧᬸᬦ᭄ᬢᬶᬢᬳᬶᬂᬳ᭄ᬬᬂᬯᬶᬥᬶᬯᬲᬲᬓᬶᬢᬾᬳᬦᬾᬓᬧᬗ᭄ᬕᬶᬄ᭞ᬜᬸᬲᬸᬧ᭄ᬫᬭᬶᬂᬳᬮᬲ᭄᭞ᬫᬸᬗ᭄ᬕᬄᬫᬭᬶᬂᬧᬸᬘᬓ᭄ᬕᬶᬃᬬ᭞ᬗᬢᭀᬦᬂᬫᬃ
ᬕ᭄ᬕᬶᬦᬾᬍᬯᬶᬄ᭞ᬢᬸᬃᬲᭂᬲᬸᬦᬸᬢᬦ᭄᭞ᬫᬃᬕ᭄ᬕᬦᬾᬳᬕᬸᬂᬓᬧᬗ᭄ᬕᬶᬄ᭟ᬕᭂᬕ᭄ᬮᬶᬲᬦ᭄ᬳᬶᬭᬾᬜ᭄ᬘᬂᬤᬸᬃᬰᬶᬮᬮᬸᬫᬫ᭄ᬧᬄ᭞ᬫᬦᬸᬳᬸᬢ᭄ᬫᬃᬕ᭄ᬕᬶᬦᬾ [ 54 ][᭕᭓ 53B]
᭕᭓
ᬘᭂᬦᬶᬓ᭄᭞ᬫᬚᬮᬦ᭄ᬗᬗᬶᬦᬂ᭞ᬢᬸᬃᬫᬗᬸᬫᬶᬓ᭄ᬫᬶᬓ᭄ᬤᬶᬚᬮᬦ᭄᭞ᬓᬘ᭄ᬭᬶᬢᬤᬶᬫᬦ᭄ᬲᬭᬶ᭞ᬫᬗ᭄ᬕᬸᬄᬫᬦᬸᬱ᭞ᬳᬶᬲ᭄ᬢ᭄ᬭᬶᬉᬢ᭄ᬢᬫᬫᬩᬺᬲᬶᬄ᭟ᬲᬸ
ᬓᬯᬶᬃᬬ᭄ᬬᬳᬶᬤᭂᬧ᭄ᬜᬧ᭄ᬭᬧ᭄ᬢᬭᬶᬂᬢᬫᬦ᭄᭞ᬕᭂᬤᭂᬕ᭄ᬦᬾᬩᬸᬓᬲᬧ᭄ᬲᬧᬶᬦ᭄᭞ᬯᬋᬕ᭄ᬢᬦ᭄ᬧᬦᭂᬤ᭞ᬭᬢᬩᬸᬗᬄᬢᬦ᭄ᬧᬯᬲ᭄ᬢ᭄ᬭ᭞ᬓᬾ
ᬢᭀᬭᬲᬬᬂᬤᬶᬳᬢᬶ᭞ᬳᬶᬘᬦ᭄ᬳ᭄ᬬᬂᬓᬯ᭄ᬬ᭞ᬓᬶᬘᬾᬦ᭄ᬫᬡᬶᬓᬾᬦᬾᬍᬯᬶᬄ᭟ᬕᬃᬕ᭄ᬕᬶᬢᬳᬶᬭᬾᬜ᭄ᬘᬂᬤᬸᬃᬰᬶᬮᬦᬭᬶᬫ᭞
ᬫᬡᬶᬓᬾᬦᬾᬮᬶᬦ᭄ᬢᬂᬍᬯᬶᬄ᭞ᬢᬸᬫᬸᬮᬶᬓᬢᬫ᭄ᬧ᭄ᬬᬂ᭞ᬭᬶᬂᬯᭀᬂᬳᬶᬲ᭄ᬢ᭄ᬭᬶᬉᬢ᭄ᬢᬫ᭞ᬳᬶᬲ᭄ᬢ᭄ᬭᬶᬚᬮᬶᬃᬦᬾᬦᬗ᭄ᬕᬧᬶᬦ᭄᭞ᬲᬸᬓᬓᬮᬶ
[᭕᭔ 54A]
ᬦ᭄ᬢᬂ᭞ᬗᬮᬳᬸᬢ᭄ᬳᬗ᭄ᬕᭀᬦᬭᬩᬶ᭟ᬯᭀᬂᬳᬂᬲ᭄ᬢ᭄ᬭᬶᬍᬯᬶᬄᬢᬦ᭄ᬢᬸᬮᬓ᭄ᬭᬶᬯᬘᬦ᭞ᬗᬶᬭᬶᬂᬧᬓᬬᬸᬦ᭄ᬳᬶᬕᬸᬲ᭄ᬢᬶ᭞ᬓᬾᬦᬓ᭄ᬧᬓᬬᬸᬦ
ᬦ᭄᭞ᬲᬶᬸᬫ᭄ᬲᬶᬳᬧᬦ᭄ᬲᬫ᭄ᬧᬸᬦ᭄ᬓᬃᬫ᭄ᬫᬢᬶᬢ᭄ᬬᬂ᭞ᬓᬢᭂᬫᬸᬯᬂᬭᬶᬂᬳᬶᬫᬡᬶᬓ᭄᭞ᬭᬶᬢᬫᬦ᭄ᬲᭂᬓᬃ᭞ᬲᬸᬓᬦ᭄ᬜᬦᬾᬢᬦ᭄ᬲᬶᬦᬶᬧᬶ᭟ᬭ
ᬩᬶᬦ᭄ᬜᬦᬾᬳᬬᬸᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬦᬶᬢᬫᬦ᭄ᬲᬭᬶᬓᬂᬦᬫᬶ᭞ᬩᬸᬤᬮ᭄ᬫᬓᬭᭀᬦᬦ᭄᭞ᬭᬭᬶᬲ᭄ᬫᬗᬸᬗ᭄ᬲᬶᬦᬕᬭ᭞ᬓᬘᬭᬶ
ᬢᬲᬸᬩᬮᬫᬶ᭞ᬲᬸᬓᬲᬢᬢ᭞ᬳᬦᬓ᭄ᬭᬩᬶᬮᬯᬦ᭄ᬮᬓᬶ᭟ᬳᬶᬭᬾᬜ᭄ᬘᬂᬤᬸᬃᬰᬶᬮᬲᬸᬕᬶᬄᬦᭂᬫᬸᬲᬸᬓ᭞ᬫ᭄ᬭᬩᬶᬭᬶᬂᬦᬶᬢᬫᬦ᭄ᬲ [ 55 ][᭕᭔ 54B]
᭕᭔
ᬭᬶ᭞ᬓᬲᭀᬃᬩᬭᭀᬯᬢ᭄ᬬ᭞ᬓᬳᬶᬘᬾᬦ᭄ᬫᬡᬶᬓ᭄ᬲᬓᭂᬘᬧ᭄᭞ᬳᬲᬶᬂᬳᬘᭂᬧᬗᬫᬶᬲᬶ᭞ᬢᬸᬃᬲᬸᬓᬯᬶᬃᬬ᭄ᬬ᭞ᬓᬲᬸᬩ᭄ᬢ᭄ᬯᬭᬤᬦᬦ᭄ᬤᬶ
ᬗᬶᬦ᭄᭟ᬤᬾᬦᬶᬂᬕᬯᭀᬓ᭄ᬳᬦᬓᬾᬧᬥᬗᬢᭀᬦᬂ᭞ᬓᬲᬸᬩ᭄‌ᬲᬸᬕᬶᬄᬢᬸᬃᬬᬭᬶᬭᬶᬄ᭞ᬢᬳᬸᬢᭂᬓᬾᬦ᭄ᬦᬬ᭞ᬯᬶᬘᬓ᭄ᬱᬦᬢᬸᬭᬶᬂ
ᬧ᭄ᬭᬚ᭄ᬜᬦ᭄᭞ᬲᬸᬓᬩᬸᬗᬄᬢᬦ᭄ᬤᬂᬍᬯᬶᬄ᭞ᬓᬗ᭄ᬕᭀᬳᬂᬩᬜ᭄ᬚᬃ᭞ᬮᬳᬸᬢ᭄ᬫᬜᭂᬦᭂᬂᬪᬸᬧᬢᬶ᭟᭛᭜᭛ᬕᭀᬯᬓ᭄ᬗᬫᬢᬶᬳᬂᬍ
ᬮᬶᬧᬶᬕᭂᬤᬾ᭛᭜᭛ᬤᬂᬤᬂᬕᬸᬮ᭟᭜᭟ᬳᬤᬕᭀᬯᬓ᭄ᬤᬤ᭄ᬯᬮ᭄ᬯᬫ᭄ᬯᬦᬶ᭞ᬦᬾᬫᬕᭂᬦᬄᬤᬶᬓᭂᬧᬸᬄᬓᬲ᭄ᬬᬧ᭞
[᭕᭕ 55A]
ᬦᬾᬮᬶᬯᬢ᭄ᬮᬶᬯᬢ᭄ᬢᭂᬕᭂᬳᬾ᭞ᬕᭂᬤᬾᬦᬾᬓᬮᬗ᭄ᬓᬸᬂᬮᬗ᭄ᬓᬸᬂ᭞ᬤᬶᬩᭀᬗ᭄ᬓᭀᬮ᭄ᬦᬾᬮᬶᬯᬢ᭄ᬧᬶᬗᬶᬢ᭄᭞ᬤᬾᬦᬶᬂᬳᬤᬕᭀᬳᭀᬓ᭄ᬜ᭞
ᬓᬕᭂᬦᬳᬶᬦ᭄ᬳᬦ᭄ᬢᬸᬓ᭄᭞ᬳᬸᬮᬮᬶᬦ᭄ᬢᬂᬓᬪᬶᬦᬯ᭞ᬘᬮᬶᬂᬜᬜᬧ᭄ᬩᬶᬮᬂᬳᬶᬕᭀᬯᬓ᭄ᬫᬦᬓ᭄ᬢ᭄ᬭᬶᬓ᭄᭞ᬓᬪᬓ᭄ᬱᬩᬳᬦ᭄ᬳᬶᬯ᭄ᬬᬮ᭟ᬓᬤᬸ
ᬳ᭄ᬓᬶᬢᬦ᭄ᬳᬶᬕᬕᬓ᭄‌ᬮ᭄ᬯᬫ᭄ᬯᬦᬶ᭞ᬫᬫᬗᭂᬦᬂᬧᬦᬓ᭄ᬜᬦᬾᬢᭂᬮᬄ᭞ᬫᬢᬶᬓᬫᬄᬩᬳᬦ᭄ᬳᬸᬮᬦᬾ᭞ᬢᬸᬫᬸᬮᬶᬳᬶᬕᬕᬓ᭄ᬫᬩᬸᬃ᭞ᬚᬸᬫᬸᬚᬸ
ᬕ᭄ᬚ᭄ᬭᭀᬦᬶᬂᬯᬦᬤ᭄ᬭᬶ᭞ᬗᬸᬮᬢᬶᬲᬯᬶᬢ᭄ᬭᬦ᭄ᬜ᭞ᬳᬶᬫᬶᬸᬘᬭᬶᬕᬸᬦᬸᬂ᭞ᬦᬸᬢᬸᬭᬂᬓᬮᬘᬸᬭᬦ᭄ᬜ᭞ᬲᬃᬯ᭄ᬯᬶᬫᭀᬚᬃᬓᬾᬦ᭄ᬓᬾᬦ᭄ᬩᬳᬦ᭄ᬢ᭄ᬬᬂᬚᬦᬶ [ 56 ][᭕᭕ 55B]
᭕᭕
᭞ᬜᬩ᭄ᬭᬦ᭄ᬤᬸᬳ᭄ᬓᬶᬢᬫᬦᬄ᭟ᬩᬶᬮᬂᬢ᭄ᬬᬂᬫᬗᭂᬮᬄᬧ᭄ᬬᬦᬓ᭄ᬘ᭄ᬭᬶᬓ᭄᭞ᬢ᭄ᬮᬄᬓᬫᬄᬩᬳᬦ᭄ᬳᬶᬲᬃᬧ᭄ᬧᬭᬵᬚ᭞ᬦᭀᬗᭀᬲ᭄ᬤᬶᬕᭀᬯᭀᬓ᭄ᬓᭂᬧᬸᬳᬾ᭞
ᬢᭀᬗᭀᬲ᭄ᬢ᭄ᬬᬗᬾᬫᬲᭂᬩᬸᬦ᭄᭞ᬢᬸᬮᬸᬂᬓᬸᬤᬢ᭄ᬬᬂᬦᬾᬚᬦᬶ᭞ᬳᬾᬤᬾᬗᬶᬧᬯᬶᬮᬗᬦ᭄᭞ᬧᬂᬲᬶᬤᬩᬦ᭄ᬮᬫ᭄ᬧᬸᬲ᭄᭞ᬢᭀᬢᭀᬦᬦ᭄ᬳᬶ
ᬯ᭄ᬬᬮᬭᬵᬚ᭞ᬧᬲᬳᬸᬃᬜᬳᬶᬳᬲᬸᬳᬮᬲᬦ᭄ᬳᬭᬶᬲ᭄᭞ᬧᭂᬤᬍᬫ᭄ᬚᬢ᭄ᬬᬂᬳᬶᬕᭀᬯᬓ᭄᭟ᬢ᭄ᬬᬂᬳᬤᬶᬲᬢᭀᬓᬮᬶᬯᬢ᭄ᬘᭂᬭᬶᬓ᭄᭞ᬢ᭄ᬯᬭᬜ
ᬦ᭄ᬤᬂᬮᬓᬃᬫᬘᬸᬦ᭄ᬤᬗᬂ᭞ᬲᬚᬯᬶᬦᬶᬂᬳᬸᬧᬬᬦᬾ᭞ᬳᬗ᭄ᬕᭀᬦ᭄ᬫ᭄ᬭᬗᬶᬦ᭄ᬳᬶᬫᬸᬲᬸᬄ᭞ᬳᬶᬕᬕᬓ᭄ᬳᬭᬶᬲ᭄ᬫᬫᬸᬜᬶ᭞ᬦᬾᬳᬤᬳᬶᬦ᭄ᬤ᭄ᬭᬚᬮ᭞ᬓᬮ
[᭕᭖ 56A]
ᬦ᭄ᬜᬳᬢᬸᬭᬸ᭞ᬮᬓᬃᬘᭀᬢᭀᬢᬶᬦ᭄ᬫᬢᬦ᭄ᬜ᭞ᬳᬧᬂᬲᬶᬤᬧ᭄ᬭᬶᬲᬦ᭄ᬢᬘᬦᬾᬓᬧᬶᬂᬓᬶᬂ᭞ᬦᭂᬫᬸᬭᬳᬬᬸᬫᬓᭂᬚᬂ᭟ᬳᬶᬘᬫᬦᬸᬗ᭄ᬓᬲᬶ
ᬦ᭄ᬳᬶᬧᬓ᭄ᬱᬶ᭞ᬳᬸᬧᬬᬦ᭄ᬜᬚᬢᬶᬗᬯᬕ᭄ᬳᬯᬕ᭞ᬢᬸᬫᬸᬮᬶᬓᬾᬦᬾᬫᬸᬜᬶᬦᬾ᭞ᬳᭂᬦᬾᬳᬤᬤᬬᬳᬮᬸᬲ᭄᭞ᬬᬾᬦᬶᬂᬜᬓᬮᬓᬃᬜᬮ
ᬦᬶᬦ᭄᭞ᬢ᭄ᬬᬂᬚᬦᬶᬗᬾᬤᬾᬗᬂ᭞ᬧᬂᬳᬶᬮᬸᬮᬮᬫ᭄ᬧᬸᬲ᭄᭞ᬢᬸᬃᬭᬳᬬᬸᬫᬧ᭄ᬬᬦᬓ᭄᭞ᬲᬸᬓᬋᬦᬢᬸᬲᬶᬂᬦᬦ᭄ᬤᬂᬲᬓᬶᬢ᭄ᬳᬢᬶ᭞ᬦᭀ
ᬗᭀᬲ᭄ᬤᬶᬓᭂᬧᬸᬄᬓᬲ᭄ᬬᬧ᭟ᬢᬸᬃᬗᬸᬘᬧ᭄ᬳᬶᬕᬕᬓ᭄ᬗᬲᬶᬄᬳᬲᬶᬄ᭞ᬦᬸᬦᬲ᭄ᬳᬶᬘᬢᬸᬮᬸᬂᬲᬂᬘᬫᬭ᭞ᬫᬦᬸᬤᬸᬓ᭄ᬮᬘᬸᬃᬳᬶᬚᭂᬮᬾ᭞ᬳ᭄ᬤᬳᬶ [ 57 ][᭕᭖ 56B]
᭕᭖
ᬫᬩ᭄ᬮᬶᬫᬦᬸᬮᬸᬂ᭞ᬢ᭄ᬬᬂᬮᬶᬯᬢᬶᬂᬲᬓᬶᬢ᭄ᬳᬢᬶ᭞ᬢᬸᬲᬶᬂᬢ᭄ᬬᬫᬗᭂᬗ᭄ᬲᬧᬂ᭞ᬢᭂᬓᬾᬦᬶᬂᬧᬶᬢᬸᬮᬸ᭞ᬓᬢᬺᬱ᭄ᬡᬦᬾᬢᭂᬓᬾᬦᬶᬂᬢ᭄ᬬᬂ᭞ᬓᬬᬂᬓ
ᬯ᭄ᬓᬲ᭄ᬳᬸᬮᬶᬚᬦᬶᬲᬫ᭄ᬧᬾᬫᬢᬶ᭞ᬢ᭄ᬯᬭᬢ᭄ᬬᬂᬫᬗᭂᬗ᭄ᬲᬧᬂ᭟ᬲᬳᬸᬃᬩᬦ᭄ᬩᬦ᭄ᬳᬶᬘᬫᬭᬶᬫᬗ᭄ᬓᬶᬦ᭄᭞ᬳᬤᬸᬄᬕᬕᬓ᭄ᬓᭂᬫᬳᬤᬶᬮ᭄ᬯᬲ᭄᭞ᬫᬓᭂᬩᭂᬃ
ᬗᭀᬚᭀᬕ᭄ᬢᬫᬦᬾ᭞ᬤ᭄ᬭᬸᬯᬾᬦ᭄ᬳᬦᬓᬾᬳᬕᬸᬂ᭞ᬤᬶᬢᬸᬳᬤᬩᬮᬾᬧᬧ᭄ᬮᬶᬓ᭄᭞ᬬᬾᬦᬶᬂᬘᬳᬶᬗᬚᬶᬦᬂ᭞ᬪᬸᬱᬡᬦ᭄ᬲᬂᬧ᭄ᬭᬪᬸ᭞ᬢᭀ
ᬚ᭄ᬭᭀᬦ᭄ᬧᬧ᭄ᬮᬶᬓᬾᬢᭀᬦᬦ᭄᭞ᬬᬾᬦᬶᬂᬲᬶᬤᬩᬳᬦ᭄ᬘᬳᬶᬗᭂᬩᭂᬭᬂᬕ᭄ᬮᬶᬲ᭄᭞ᬮᬳᬸᬢᬂᬚᬳᭂᬦ᭄ᬢᭀᬳᬩ᭟ᬦᬗᬶᬂᬳᬧᬂᬧᬓ᭄ᬩᭂᬃ
[᭕᭗ 57A]
ᬘᬳᬶᬦᬾᬕ᭄ᬮᬶᬲ᭄᭞ᬳᬧᬂᬓᬦ᭄ᬢᭂᬦ᭄ᬳᬦ᭄ᬢᬸᬓ᭄ᬧᬗᭂᬢᬸᬢ᭄ᬜ᭞ᬢᬸᬃᬳᬸᬮᬸᬗᬂᬤᬶᬕᭀᬳᭀᬓ᭄ᬦᬾ᭞ᬢᭀᬗᭀᬲ᭄ᬦᬾᬳᬶᬳᬸᬮᬳᬕᬸᬂ᭞ᬲᬶᬦᬄᬧᬘᬂᬓᬢᬸᬢ᭄ᬩᬸᬭᬶ᭞ᬓᬾᬢᭀᬧᭂᬲᬦ᭄ᬢᬸᬳᬸᬢᬂ᭞ᬳᬧᬂᬲᬶᬤᬮᬫ᭄ᬧᬸᬲ᭄᭞ᬫᬸᬲᬸᬄᬘᬳᬶᬦᬾᬳᬶᬳᬸᬮ᭞ᬲᬓᬶᬂᬤᬬᬧᬗᬶᬦ᭄ᬤ᭄ᬭᬚᬮᬦᬾ
ᬲᬦ᭄ᬤᬶ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬗᬫᬢᬶᬳᬂ᭟ᬓᬢᬸᬳᬸᬢᬂᬩᬦ᭄ᬳᬶᬕᬕᬓ᭄ᬲᬫᬶ᭞ᬦᬸᬮᬶᬫᭂᬲᬢ᭄ᬫᬦᬫ᭄ᬩᬸᬂᬓᬢᬫᬦ᭄᭞ᬗᭀᬚᭀᬕ᭄ᬩ
ᬮᬾᬧᬧ᭄ᬮᬶᬓᬾ᭞ᬓᬚᬶᬦᬂᬪᬸᬱᬡᬳᬮᬸᬲ᭄᭞ᬤ᭄ᬭᬸᬯᬾᬦ᭄ᬧᬸᬢ᭄ᬭᬦ᭄ᬲᬂᬪᬸᬧᬢᬶ᭞ᬢᬸᬫᬸᬫ᭄ᬧᬗᬾᬂᬧᬢ᭄ᬭᬦ᭞ᬢᬸᬫᬸᬮᬶᬘᬸᬫᬸᬘᬸᬓ᭄᭞ [ 58 ][᭕᭗ 57B]
᭕᭗
ᬭᬭᬶᬲ᭄ᬳᬕᬾᬓᬓᭂᬩᭂᬭᬂ᭞ᬳᬶᬤᬲᬂᬦᬵᬣᬓᬕ᭄ᬬᬢ᭄ᬯᬳᬸᬫᬗᬓ᭄ᬱᬶᬳᬶᬕᭀᬯᬓ᭄ᬜᭀᬢᭀᬢ᭄ᬪᬸᬱᬡ᭟ᬪᬹᬱᬡᬦ᭄ᬳᬶᬤᬰ᭄ᬭᬶᬪᬸᬧᬢᬶ
᭞ᬳᭂᬦ᭄ᬢᭀᬳᭂᬫᬲ᭄ᬫᬲᭂᬲᭀᬘᬦ᭄ᬫᬶᬭᬄ᭞ᬳᬶᬦ᭄ᬢᭂᬦ᭄ᬫᬸᬢ᭄ᬬᬭᬩᬺᬮ᭄ᬬᬦᬾ᭞ᬧᬋᬓ᭄ᬦᬾᬳᬾᬜ᭄ᬘᭀᬮ᭄ᬫᬗᭂᬢᬸᬢ᭄᭞ᬳᬶᬕᬕᬓ᭄ᬫᬓᭂᬩᭂᬃᬳ
ᬭᬶᬲ᭄᭞ᬓᬘ᭄ᬭᬶᬢᬲᬸᬩᬦᬧᬓ᭄᭞ᬤᬶᬫᬸᬜ᭄ᬘᬸᬓ᭄ᬧᬸᬄᬕᬸᬂ᭞ᬢᭀᬗᭀᬲ᭄ᬜᬳᬶᬳᬸᬮᬭᬚ᭞ᬤᬶᬢᬸᬮᬦ᭄ᬢᬲ᭄ᬪᬸᬱᬳᬦᬾᬧ᭄ᬭᬚ
ᬦᬶ᭞ᬓᬳᬸᬮᬸᬗᬂᬤᬶᬕᭀᬳᭀᬓ᭄ᬜ᭟ᬯᬳᬸᬓᬦ᭄ᬢᬶᬦ᭄ᬧᬗ᭄ᬢᬸᬢ᭄ᬜᬦᬾᬲᬫᬶ᭞ᬓᬳᬸᬮᬸᬗᬂᬪᬸᬱᬦᬦ᭄ᬲᬂᬦᬵᬣ᭞ᬓᬢᭂᬗᬄ᭠
[᭕᭘ 58A]
ᬕᭀᬳᭀᬓ᭄ᬓᬬᬸᬦᬾ᭞ᬳᬶᬭᬶᬓᬬᬧᬤᬳᬸᬫᬸᬂ᭞ᬫᬸᬜᬶᬦ᭄ᬳᬦᬓᬾᬜᬕ᭄ᬚᬕᬶᬦ᭄᭞ᬲᬫᬶᬧᬤᬗᭀᬭᬳᬂ᭞ᬩᬸᬱᬡᬦᬾᬳᭂᬗ᭄ᬲᬸᬢ᭄᭞
ᬢᬸᬫᬸᬮᬶᬳᬤᬗᬾᬗ᭄ᬕᬮᬂ᭞ᬫᭂᬦᬾᬓ᭄ᬯᬺᬓ᭄ᬱᬓᬓᬦ᭄ᬢᭂᬦᬂᬳᬸᬮᬫᬦ᭄ᬤᬶ᭞ᬤᬶᬢᬸᬮᬳᬸᬢ᭄ᬓᬫᬢᬶᬳᬂ᭟ᬲᬫᬢᬶᬦ᭄ᬜᬧᬸᬦᬂᬯ᭄ᬬᬮᬲᬦ᭄ᬤᬶ᭞
ᬦᬸᬮᬶᬳᬾᬗ᭄ᬕᬮ᭄ᬧᬗᭂᬢᬸᬢᬾᬜᭂᬫᬓ᭄᭞ᬪᬸᬱᬡᬾᬲᬃᬯ᭄ᬯᬫᬸᬮᬾ᭞ᬤ᭄ᬭᬸᬯᬾᬦ᭄ᬧᬸᬢ᭄ᬭᬦ᭄ᬤᬲᬂᬧ᭄ᬭᬪᬸ᭞ᬮᬳᬸᬢ᭄ᬓᬢᬸᬭᬂᬓᬧᬸᬭᬶ᭞ᬲᬂᬦᬵ
ᬣᬮᬶᬦ᭄ᬢᬂᬓᬾᬦᬓ᭄᭞ᬳᬶᬕᬕᬓ᭄ᬧᬸᬦᬶᬓᬸ᭞ᬋᬦᬳᬶᬤᬸᬧ᭄ᬜᬫᬕᭂᬦᬄ᭞ᬓᬭᬳᬬ᭄ᬯᬦ᭄ᬤᬶᬧᬸᬜᬦ᭄ᬓᭂᬧᬸᬳᬾᬦᬶᬓᬶ᭞ᬤᬾᬦᬶᬂᬳᬶᬰ [ 59 ][᭕᭘ 58B]
᭕᭘
ᬢ᭄ᬭᬸᬰᬶᬃᬡ᭄ᬦᬵ᭟᭛᭜᭛ᬧᬸᬧᬸᬢ᭄ᬲᬶᬦᬸᬭᬢ᭄‌ᬫ᭄ᬬᬦᬓᬶᬦ᭄᭞ᬭᬶᬂᬤᬶᬦ᭞ᬩᬸ᭞ᬧ᭄ᬯᬦ᭄᭞ᬯᬭᬧᬸᬚᬸᬢ᭄᭞ᬰᬰᬶᬄᬓᬧᬶᬢᬸ᭞
ᬣᬶᬣᬶ᭞ᬧᬂ᭞ᬧᬶ᭞᭒᭞ᬭᬄ᭙᭞ᬢᭂᬂ᭞ᬯ᭞ᬇᬰᬓ᭞᭑᭙᭐᭙᭟᭜᭟ᬢᬳᬸᬦ᭄ᬫᬰᬾᬳᬶ᭞ᬢᬗ᭄ᬕᬮ᭄᭞᭖᭞ᬚᬦᬸᬳᬭᬶ᭞
᭑᭙᭘᭘᭟ᬲᬶᬦᬸᬭᬢ᭄ᬳᭀᬮᬶᬄᬳᬶᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬂᬤᬯᬸᬄᬫᬃᬕ᭄ᬕ᭞ᬯᬃᬕ᭄ᬕᬧᬲᭂᬓ᭄᭟ᬓᬮᬸ
ᬭᬳᬦ᭄ᬧᬶᬤ᭄ᬧᬶᬤ᭄᭞ᬓᬘᬫᬢᬦ᭄ᬳᬩᬂ᭞ᬓᬩᬸᬧᬢᬾᬦ᭄ᬓᬭᬗ᭄ᬳᬲᭂᬫ᭄᭟᭜᭟ᬳᬶᬦᬦ᭄ᬜᬦᬾᬧᬓᬃᬤᬶᬦ᭄ᬓᬓᬯᬶᬳᬦ᭄ᬳᬶᬓ᭄ᬢᬸ
[᭕᭙ 59A]
ᬢ᭄ᬕᬾᬮ᭄ᬕᬾᬮ᭄᭞ᬫᬦ᭄ᬢ᭄ᬭᬶᬕᬸᬭᬸᬭᬶᬂᬩᬵᬜ᭄ᬚᬃ᭞ᬧᬸᬧᬸᬢ᭄ᬳᬶᬦᬦ᭄ᬜᬘᬾᬲᬶᬦᬸᬭᬢ᭄ᬭᬶᬂᬭᬳᬶᬦ᭞ᬅ᭞ᬧ᭄ᬯ᭞ᬯᬭ᭞ᬫᬦᬳᬶᬮ᭄᭞ᬣᬶᬣᬶ᭞ᬢᬂ᭞ᬧᬶᬂ᭞᭘
ᬰᬰᬶᬄ᭞᭑᭑᭞ᬭᬄ᭒᭞ᬢᭂᬂ᭞᭕᭞ᬇᬲᬓᬯᬃᬱ᭞᭑᭘᭔᭒᭞᭞ᬳᬶᬦᬦ᭄ᬜᬦᬾ᭞ᬤ᭄ᬭᬸᬯᬾᬦ᭄ᬳᬶᬯᬬᬦ᭄ᬲᭂᬗ᭄ᬓ᭄ᬭᭀᬕ᭄᭞ᬲᬓᬶᬂᬤᬾᬰ
ᬯᬗ᭄ᬲ᭄ᬬᬦ᭄᭞ᬓᬬᬸᬭᬳᬦ᭄ᬢᬗ᭄ᬓᬸᬧ᭄᭞ᬓᬘᬫᬢᬦ᭄ᬲᬶᬤ᭄ᬫᬦ᭄᭞ᬓᬩᬸᬧᬢᬾᬦ᭄ᬓᬭᬗ᭄ᬳᬲᭂᬫ᭄᭞᭛᭜᭛ [ 60 ][᭕᭙ 59B]