This page has been proofread.
[᭒᭑ 21B]
᭒᭑
ᬲᬸᬫ᭄ᬩᬸᬂ᭞ᬳᬶᬄᬕᬸᬮᬸᬗᬦ᭄ᬢᬶᬓᭂᬄᬳᬶᬩ᭞ᬤᬶᬗᭂᬄᬩᭂᬮᬶ᭞ᬧᬮᬳᬶᬩ᭄ᬳᬶᬩᬦᬾᬩᭂᬘᬢ᭄᭟ᬬᬤᬶᬦ᭄ᬘᬳᬶᬫ᭄ᬮᬳᬶᬩ᭄ᬕᬗ᭄ᬲᬃ᭞ᬲᬶᬂᬳᬶᬘᬶᬓᬮᬳᬂᬘᬳᬶ᭞
ᬬᬾᬦᬶᬂᬗᬤᬸᬓᬩᭂᬘᬢᬘ᭄᭞ᬕᬸᬮᬸᬗᬦ᭄ᬢᬶᬓᭂᬄᬫᬗ᭄ᬭᬸᬗᬸᬲ᭄᭞ᬦ᭄ᬤᬶᬗᭂᬄᬳᬶᬓᬜ᭄ᬘᬶᬮ᭄ᬫᬗᬸᬫᬦ᭄᭞ᬫᬦᬗ᭄ᬢᬗᬶᬦ᭄᭞ᬢᬸᬫᬸᬮᬶᬳᬮᭀᬦ᭄ᬲᬳᬸᬃ
ᬜ᭟ᬓᬾᬦ᭄ᬓᬾᬦ᭄ᬫᬸᬜᬶᬦᬾᬳᬶᬩᬸᬘᬦ᭄᭞ᬬᬤᬶᬦ᭄ᬧ᭄ᬮᬳᬶᬩ᭄ᬳᬶᬘᬂᬭᬶᬦ᭄ᬤᬶᬢ᭄᭞ᬲᬶᬂᬚᬳᬶᬘᬂᬮᬓᬃᬓᬲᭀᬃ᭞ᬘᬳᬶᬓᬜ᭄ᬘᬶᬮ᭄ᬮᬶᬯᬢ᭄ᬲᬫ᭄ᬩᬸᬂ
᭞ᬦᬗᬶᬂᬢᭀᬗᭀᬲᬾᬓᬃᬯ᭄ᬯᬦᬂ᭞ᬦᬾᬦᬾᬚᬦᬶ᭞ᬲᬸᬫᬳᬸᬃᬳᬶᬓᬜ᭄ᬘᬶᬮ᭄ᬩᬗ᭄ᬕ᭄ᬭᬲ᭄᭟ᬢ᭄ᬯᬶᬩᬢᬶᬲ᭄ᬳᬶᬘᬗᬾᬧᬢ᭄ᬧᬢ᭄᭞ᬩᬢᬶ
[᭒᭒ 22A]
ᬲ᭄ᬘᬳᬶᬦᬾᬳᬓᭂᬢᬶ᭞ᬲᬶᬦᬄᬘᬳᬶᬮᬓᬃᬓᬯᭀᬦ᭄᭞ᬚᬮᬦ᭄ᬲᬸᬩᬚᬦᬶᬫᬸᬚᬸ᭞ᬫᬢᬦ᭄ᬤᬶᬂᬮᬓᬃᬫᬮᭀᬫ᭄ᬩ᭞ᬳᬶᬘᬂᬫᬶᬮᬶᬄ᭞ᬧᬘᬂ
ᬕᭂᬦᬳᬾᬫᬮᭀᬫ᭄ᬩᬵ᭟ᬳᬤᬕᬸᬦᬸᬂᬢᭂᬕᭂᬄᬧᭂᬲᬦ᭄᭞ᬳᬸᬮᬶᬤᬶᬢᬸᬫᬗᬯᬶᬢᬶᬦ᭄᭞ᬓᬦ᭄ᬢᬶᬦᬧᬓ᭄ᬤᬶᬲᬸᬓᬸᬦ᭄ᬜ᭞ᬳᬶᬕᬸᬮᬸᬗᬦ᭄ᬢᬶᬓᭂᬄᬫ
ᬦᬸᬢ᭄᭞ᬓᭂᬤᬾᬓ᭄ᬓᭂᬤᬾᬓ᭄ᬮᬶᬦ᭄ᬢᬂᬋᬦ᭞ᬢᬦ᭄ᬕᬸᬫᬶᬗ᭄ᬲᬶᬃ᭞ᬢᭂᬓᬾᬦᬶᬂᬧᬲᭀᬩᬬᬦ᭄ᬜ᭟ᬫᬭᬳᬶᬓᬜ᭄ᬘᬶᬮ᭄ᬗᬶᬦ᭄ᬓᬶᬦᬂ᭞ᬮᬓᬃᬗᬾᬗ᭄ᬕᬮᬂᬫ
ᬮᬳᬶᬩ᭄᭞ᬳᬶᬕᬸᬮᬸᬗᬦ᭄ᬢᬶᬓᭂᬄᬩᬸᬗ᭄ᬓᭂᬃ᭞ᬳᬯᬓ᭄ᬦᬾᬩᬸᬦ᭄ᬢᭂᬃᬗᬮᬸᬮᬸᬓ᭄᭞ᬗᬮᬶᬮᬶᬓ᭄ᬓᬮᬶᬯᬢ᭄ᬩᭂᬘᬢ᭄᭞ᬓᬤᬶᬫᬶᬫᬶᬲ᭄᭞ᬲᬦ᭄ᬢᭂᬃᬧ
