This page has been proofread.
[᭑᭓ 13B]
᭑᭓
ᬳᬶᬤᬶᬳᬶᬦ᭄ᬩᬭᬂᬫᬲ᭄ᬫᬡᬶᬓ᭄᭟ᬳᬶᬩᬯᬂᬢᬦ᭄ᬯᬾᬦ᭄ᬢᭂᬦ᭄ᬳᬲᬸᬂ᭞ᬗᬯᬾᬳᬶᬦ᭄ᬩᬭᬂᬫᬲ᭄ᬫᬡᬶᬓ᭄᭞ᬤᬾᬦᬶᬂᬦᬳᬦ᭄ᬢᭂᬓᬾᬦ᭄ᬳᬯᬓ᭄᭞ᬓᬢᬶᬕ᭄ᬢᬶᬕ᭄
ᬲᬢᭂᬗᬄᬫᬢᬶ᭞ᬫᬾᬫᬾᬩᬧᬦ᭄ᬜᬦᬾᬩᬸᬤᬮ᭄᭞ᬧ᭄ᬬᬦᬓ᭄ᬜᬦᬾᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭟ᬳᬶᬓᭂᬲᬸᬦᬧᬢᬶᬓᬘᬸᬄ᭞ᬓᬓᬾᬦ᭄ᬓᬾᬦ᭄ᬤᬾ
ᬯᬾᬓ᭄ᬦᬾᬦᬶᬕ᭄ᬢᬶᬕ᭄᭞ᬓᬤᬶᬦᬶᬕ᭄ᬢᬶᬕᬶᬦ᭄ᬦᬶᬩᬯᬂ᭞ᬲᬳᬸᬲᬦ᭄ᬳᬶᬧᬸᬦ᭄ᬫᬢᬶᬕ᭄ᬢᬶᬕ᭄᭞ᬧᬘᬂᬗᬸᬢᬂᬗᬸᬢᬂᬳᬯᬓ᭄᭞ᬫᬗ᭄ᬤᬾᬦᬾᬧᭀᬮᬶᬄᬫᬲ᭄ᬫᬡᬶᬓ᭄
᭟ᬦᬶᬓᭂᬲᬸᬦᬤᬳᬄᬤᬸᬳᬸᬄ᭞ᬳᬦ᭄ᬢᬸᬓ᭄ᬲᬓᬶᬢ᭄ᬦᬾᬢᬦ᭄ᬲᬶᬧᬶ᭞ᬗᬦ᭄ᬢᭀᬲ᭄ᬳᬶᬧᬸᬦ᭄ᬧᬧᭂᬢᭂᬗᬦ᭄᭞ᬢ᭄ᬯᬭᬳᬾᬳᬶᬂᬭᬶᬂᬧᬸᬦᬧᬶ᭞ᬲᬢᬢᬤ
[᭑᭔ 14A]
ᬤᬶᬳᬸᬘᬧᬦ᭄᭞ᬳᬶᬓᭂᬲᬸᬦᬤᬳᬢ᭄ᬘᬗ᭄ᬕᬶᬄ᭟ᬫᬜᬶᬲᬸᬧ᭄ᬲᬸᬓᬸᬦᬶᬂᬕᬸᬦᬸᬂ᭞ᬳᬮᬲᬾᬯᬬᬄᬓᬳᬸᬗ᭄ᬲᬶ᭞ᬳᬦᬸᬢ᭄ᬢᬶᬗ᭄ᬓᬳᬶᬂᬦᬶᬩᬯᬂ᭞ᬫ
ᬚᬮᬦ᭄ᬲᬫ᭄ᬩᬶᬮ᭄ᬫᬗ᭄ᬮᬶᬂ᭞ᬫᭂᬦᬾᬓ᭄ᬢᬸᬳᬶᬳᬶᬸᬓ᭄ᬕᬸᬦᬸᬂᬢᬸᬳᬸᬜᬦ᭄ᬚᬸᬭᬂ᭞ᬢᭀᬦ᭄ᬤᬾᬦ᭄ᬫᬲᬶᬄᬫᬦᭂᬧᬸᬓᬶᬦ᭄᭟ᬧᬓᬮᬦᬾᬤᬳᬢ᭄ᬓᬾᬭᬄ᭞ᬳᬯᬓ᭄ᬩᬢᬶᬲ᭄ᬜ
ᬦᬾᬲᬓᬶᬢ᭄᭞ᬢ᭄ᬯᬭᬚᬫᬤᬳᬃᬤᬳᬃ᭞ᬬᬦ᭄ᬢ᭄ᬯᬭᬧᭀᬮᬶᬄᬫᬲ᭄ᬫᬡᬶᬓ᭄᭞ᬩᬸᬓᬧᬳᬶᬘᬦ᭄ᬦᬶᬩᬯᬂ᭞ᬢ᭄ᬯᬭᬮᬓᬃᬫᬸᬮᬶᬄᬫᬸᬮᬶᬄ᭟ᬧ
ᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬍᬲᬸ᭞ᬫᬭᬵᬃᬬ᭄ᬬᬩᬢᬦ᭄ᬯᬭᬶᬗᬶᬦ᭄᭞ᬫᬢᬶᬫ᭄ᬧᬸᬄᬫᬦᬸᬦᬲ᭄ᬳᬶᬘ᭞ᬗᬚᬧ᭄ᬳᬚᬧ᭄ᬲᬗ᭄ᬳ᭄ᬬᬂᬢᬯᬶ᭞ᬤᬸᬫᬤᬓ᭄ᬫᬫ
