This page has been proofread.
[᭒ 2B]
᭒
ᬦᬾᬫᬗ᭄ᬓᬶᬦ᭄᭞ᬭᬶᬂᬕᭂᬦᬄᬳᬶᬮᬭ᭞ᬧᬕᭂᬄᬧᬸᬕᬸᬄᬫᬜᬦ᭄ᬢᭀᬲᬶᬦ᭄᭞ᬚᬶᬦᬳᬾᬭᬭᬶᬲ᭄ᬓᬢᬸᬭᬂ᭟ᬲᬂᬩ᭄ᬭᬳ᭄ᬫᬡ᭞ᬕᬯᭀᬓ᭄ᬲᬃᬯ᭄ᬯᬶᬳᬶᬤ
ᬦᬫ᭄ᬧᬶ᭞ᬚᬶᬦᬳᬾᬧᬸᬦᬶᬓ᭞ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬓᭂᬜᬶᬂ᭞ᬓᬢᬄᬜᬦᬾᬢᬶᬕᬂᬭᬸᬧ᭄ᬬᬄ᭟ᬦᬾᬳᬭᬸᬧ᭄ᬬᬄ᭞ᬓᬳᬶᬘᬾᬦ᭄ᬳᬶᬮᬭᬳᬮᬶᬢ᭄
᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬓᬚᬓᬶᬦ᭄ᬓᬕ᭄ᬭᬶᬬᬓᬗᬶᬦ᭄᭞ᬓᬧ᭄ᬬᬭᬳᬗ᭄ᬕᬾᬦ᭄ᬧᬸᬢ᭄ᬭ᭟ᬲᬳᬮᬶᬄᬜ᭞ᬓᬭᬜ᭄ᬚᬶᬗᬂᬤᬤᭀᬲᬸᬭᬶᬤ᭄᭞ᬭᬶᬂᬧᬲᭂᬓᭀ
ᬮᬳᬦ᭄᭞ᬫᬗ᭄ᬤᬾᬤᬤᭀᬲ᭄ᬳᬦᬓ᭄ᬭᬶᬭᬶᬄ᭞ᬳᬸᬦᬶᬂᬗᬺᬋᬄᬧᬩᬸᬓ᭄ᬢᬶᬳᬦ᭄᭟ᬲᬧᬸᬦᬶᬓ᭞ᬓᬢᬸᬢᬸᬭᬦ᭄ᬜᬳᬶᬫᬶᬲ᭄ᬓᬶᬦ᭄᭞ᬫᬦᬳᬾᬉ
[᭓ 3A]
ᬢ᭄ᬢᬫ᭞ᬲᬶᬦᬄᬫᬫᬗ᭄ᬕᬸᬄᬦᬾᬍᬯᬶᬄ᭞ᬓᬯᬶᬘᬮ᭄ᬱᬦᬦ᭄ᬭᬶᬂᬕᬵᬲ᭄ᬢ᭄ᬭ᭟ᬳᭂᬦ᭄ᬢᭀᬜᬦ᭄ᬤᬂ᭞ᬳᬗ᭄ᬕᭀᬦ᭄ᬢᬸᬮᬤ᭄ᬘᭀᬩᭂᬘᬶᬓ᭄᭞ᬢᭂᬍᬩ᭄ᬭᬶᬂᬧᬯᬭᬄ
᭞ᬫᬓᬫᬶᬯᬄᬢᬸᬢᬸᬃᬅᬚᬶ᭞ᬲᬢᬢᬫᬗ᭄ᬕᬶᬄᬭᬳᬵᬃᬭ᭄ᬚ᭟ᬜᬩ᭄ᬭᬦ᭄ᬤᬶᬦ᭞ᬰᬵᬲ᭄ᬢ᭄ᬭᬦᬾᬲᬳᬶᬓᬕᬸᬮᬶᬲ᭄᭞ᬳᬶᬮᬭᬫᬮᬚᬄ᭞ᬫᬘᬗᬶᬢᬸᬂ
ᬫᬶᬯᬄᬦᬸᬮᬶᬲ᭄᭞ᬳᬧᬩ᭄ᬯᬶᬦ᭄ᬫᬕᬕᬫ᭄ᬩᬭᬦ᭄᭟ᬓᬲᬸᬩ᭄ᬫᭂᬮᬄ᭞ᬓᬲᬬᬗᬂᬕᬸᬭᬸᬳᬚᬶ᭞ᬗᬲᬾᬦ᭄ᬤᬾᬯᬾᬓ᭄ᬦᬶᬲ᭄ᬢ᭞ᬳᬸᬩᬸᬄᬮᬸᬤᬶᬦ᭄ᬢᬦ᭄ᬧᬩᬶᬩᬶ᭞
ᬫᬢᬶᬍᬲᬂᬤᬾᬯᬾᬓ᭄ᬮᬭ᭟ᬧᬦ᭄ᬧᬸᬘᬸᬂᬢᭂᬓᬾᬦ᭄ᬳᬶᬮᬸᬢᬸᬂᬧᬸᬘᬸᬂ᭟ᬳᬤᬢᬸᬢᬸᬃ᭐ᬮᬸᬢᬸᬂᬫᬫᬮᬶᬂᬓᬢᬶᬫᬸᬦ᭄᭞ᬤᬶᬢᭂᬕᬮ᭄ᬧ
