Якстере теште/1924/14/Модань хлопочиця
| ←Эряви киртямс | Якстере теште, № 14, 18 мая 1924 г. edited by Васильев, Тимофей Васильевич Модань хлопочиця by Маря Патям |
Саеде пример→ |
| Якстере теште. Еженедельный орган мордовской секции при Ц. К. Р. К. П. (б.). — № 14, 18 мая 1924 г. — с. 3 |
| Модань хлопочиця |
| (Акташ веле, Татаронь республикасо). |
Минек велесэ ульнесь 500 кудот. 1920 иестэ весе палынек, кадувсть кавто-колмо десятка кудо. Кирвастизе веленть вейке самагононь пидиця. Народонок весе разорявсь.
Вачо иестэ ламо ломать кулость, веленть пелезэ анцяк кадовсь. Тедиде карминик аламниде хозяйстванок витиме, карминик валдо чис лисиме. Теиник школантинь ремонт, ускинек пенк, а городсто кучсть учительть, кавто ават, вейке цера, а эрзякс кияк вал а соды. Аздан кода эйкакшнэ кармить тонафтнеме. Велесэ эрзетни пек чопудат, поптомо, пазававтомо шаг а теить.
Тундо сокамодо икеле якасть пазава марто паксяв озномо, а председателесь соньць икелейгак моли. Озномадо мейле тусь сон кулакнинь марто самагондо симеме, штобо урожаесь седе паро улевель.
Ули эрзетнень ютксо вейке превей ломань Андрей Романов. Тетязо ульнесь сюпав торговец. Те Романовось кармась хлопочамо моданок кис. Сайсь велестэ 300 пондо сюро, а хлопочамо эзь яка. Народось неи, што сон минек грабимизь а теемс мезеяк а соды, ды пели, сон пек дружнойстэ эри кулакнень ды попонть марто.
Эх, эрзят! Мекс апантядо юткстонк истят превей ломатнень. Сынь превейть анцяк грабамо. Мейс кочкатадо председателькс сынст роднят-ялгат. Илядо учо истямо роботникень пельде помога.
Маря Патям.