Якстере теште/1924/14/Саеде пример
| ←Модань хлопочиця | Якстере теште, № 14, 18 мая 1924 г. edited by Васильев, Тимофей Васильевич Саеде пример by Секе велень |
Самагононь пидима→ |
| Якстере теште. Еженедельный орган мордовской секции при Ц. К. Р. К. П. (б.). — № 14, 18 мая 1924 г. — с. 3 |
| Саеде пример. |
| (Афонькино веле, Бугульмин. кант). |
Глухой Афонькинасо эри учитель Дубинин. Ломанесь анеявкс, корты састыне, яки апак капша, а тевезо моли чиезь. Арасель школанок. Школань кудусь ульнесь розорязь, вальмавтомо, рудазов. Сон атятнень кортыньде теемс ремонт, сонць рудазоньть урядызе. Косто бути хлопочась картат, книшкат и кармась эйкакшонь тонафтомо. Велесэнть сонзэ атянь пес вечксызь, анцяк попось авечксы. Попось нейсы, те ломанесь седе почетной сонде коряс. Кувака чересь терди помочь моданзо сокамо, а атятне сокить школань моданьть, ну сон и кежеявсь. Дубинин ялгась пек вечксы эсинде тевендэ. Чинь чоп тельня тонафты эйкакшт а чокшнэ некрутнэн ды лия ломатнень, эли библиатекасо роботы. Бугульмасо сондэ ловныть первой роботникекс, тердить эйсонзо городов роботамо, ды сон сонць а моли, мери: Эрзетне темнойть, эряви сынст ютксо роботамс, а городсо муевить лия ломать.
Вана кода эряви роботамс. Саеде пример минек велестэ.
Секе велень.