Священная история Ветхого и Нового завета (1880)/В/Новый/18
| ←17-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 18-це глава. |
19-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 90—92 |
18. Іисусъ Христозонь Самарянка марто кортнемадонзо.
Іисусъ Христосъ Эсь васень тонавтома іестэнзэ Іудеясто Галилеясъ Самаріянь троксъ ютась. Сонъ Самаріясо Сихарь (Сихемъ) городъ (ошъ) маласо лисьма ваксъ оймсеме лоткась, а тонавтницянзо городсъ кшень рамамо тусть. Се шкастонть ве Самарянской ава лисьмантень ведь мельга сась. Іисусъ мерсь тензэ: «тука Монень симексъ». Авась Тензэ мерсь: «кода истя, Тонъ Тонсь Іудеятъ, а Самарянкань кедстэ симексъ [ 91 ]вешатъ? Іудейть Самарянтнэнь авечксызь вѣдь»?! Іисусъ мерсь тензэ: «коли бо содавлить тонъ Пазонь максома, содавлить ки тонть кедстэть симексъ веши, тонъ тонсь Сонзо кедстэ симексъ вешевлить; Сонъ тенть акулыця ведь максоволь». Авась мерсь: «косто саемксъ Тенть акулыця веденть? Те лисьмась томбака (сэрей), Тенть амольдемсъ амейсэ». Іисусъ сонзо валонзо каршо мерсь: «ки те ведьтенть сими, севатень одовъ симемазо сы; а Монъ истямо ведь максанъ, конатань симемадонзо мейле, одовъ знярдоякъ симеметь само а карми». Авась Іисуснэнь мерсь: «ломань паро чи, тука темъ се ведьтенть: теде мейле монъ тей ведсъ якамо авулинь кармакъ». Іисусъ мерсь тензэ: «азе, мирдеть тердикъ тей». Авась мерсь: «монь мирдемъ арась». Іисусъ тензэ мерсь: «тонь арась мирдеть, тонъ видестэ кортатъ: ней кона мартотъ эри, авуль мирде тенть, а сондензэ икеле вете мирдеть ульнесть». Самарянка, дивазь, мерсь Іисуснэнь: «Тонъ пророкатъ — монъ нейдянъ; ёвтака Тонъ монень, косо Пазнэнь ознокшномсъ эряви? Минекъ атятьне тесэ Гаризинъ пандо лангсо (косо икеле Самарійской церкува ульнесь) Пазнэнь сюкунякшномсъ эряви мерить, а Іудейтне Пазнэнь Іерусалимсэ аньсякъ сюкунякшномсъ эряви мерить». Іисусъ ёвтась тензэ: «кемемакъ Монь (ава), сакшныть истятъ шкатъ (чить): виде седсэ сюкунякшницятне Тятянень эрва таркасо сюкунякшномо кармить. Пазъ Духъ, сюкунякшницятненень гакъ оймсэстъ да виде (ваньксъ) седсэстъ Тензэ сюкунякшномсъ эряви». Авась мерсь Тензэ: «вана Мессія (ліятаксъ меремсъ Христосъ) сы, [ 92 ]Конань эснэ весе учить. Косо да кода озномсъ эряви, Сонъ тонавсамизь минекъ». Іисусъ мерсь тензэ: «Се Мессіясь Монъ Монсь улянъ». Авась кодакъ марясь теде, кукшинэнзэ кадозь, городсъ чіезь чійсь да ломатненень ёвтась: «азеде, лисьма ваксо озадо ащиця ломаненть ваныкая: а Христосъ ле Сонъ: Сонъ монь весе тейнезь тевемъ содынзе». Сынь, городстостъ лисезь, Іисусъ ваксъ молсть да инялдозь, Сонзо эсь городозостъ тердизь. Сонъ сынстъ кедсэстъ кавто чить эрясь, всё ломать тонавсь; теде мейле тесэ якъ ламо ломать кемеме кармасть Тензэ.