Page:Священная история Ветхого и Нового завета на эрзянском (А. Ф. Юртов, 1880).djvu/96

From Wikisource
Jump to navigation Jump to search
This page has been proofread.

— 92 —

нань эснэ весе учить. Косо да кода озномсъ эряви, Сонъ тонавсамизь минекъ». Іисусъ мерсь тензэ: «Се Мессіясь Монъ Монсь улянъ». Авась кодакъ марясь теде, кукшинэнзэ кадозь, городсъ чіезь чійсь да ломатненень ёвтась: «азеде, лисьма ваксо озадо ащиця ломаненть ваныкая: а Христосъ ле Сонъ: Сонъ монь весе тейнезь тевемъ содынзе». Сынь, городстостъ лисезь, Іисусъ ваксъ молсть да инялдозь, Сонзо эсь городозостъ тердизь. Сонъ сынстъ кедсэстъ кавто чить эрясь, всё ломать тонавсь; теде мейле тесэ якъ ламо ломать кемеме кармасть Тензэ.

 

19. Іисусъ Христозонь инязоро мельга якицянь цёранзо віемтемадо.

Кана городсо, тесэ Іисусъ Христосъ теде икеле ведстэ вина теекшнесь, инязоро мельга якиця вейке ломань Іисусъ Христозонь эсь кудозонзо эль кулыця цёранзо віемтемань кисъ тердсь. Сонъ мерсь тензэ: «азе ней кудовъ: тонь цёратъ шумбра»! Се ломанесь, Іисусонь валонзо кемезь, кудовъ мурдась. Ки лангсо слуганзо, каршозонзо понгозь, ёвтасть тензэ: «цёратъ пичкась ней». Сонъ, «кодамо шкасто тензэ седе шождине теевсь»? мерсь. Скуганзо, «исякъ валске сисемеце чайстэ гарячкась кадызе сонзо», мерсть. Те инязоронь мельга якицясь весе семіянзо марто Іисусъ Христоснэнь кемеме кармась: Іисусъ Христосъ, «тонь цёратъ шубра мерсь», самой се шкастонть, кода слугатне ёвтасть тензэ.