Священная история Ветхого и Нового завета (1880)/В/Ветхий/45
| ←44-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 45-це глава. |
46-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 61—63 |
45. Илія пророконь озксонь кандомадонзо.
Илія пророконь ёвтамонзо кувалтъ Израильской масторсо колмо іеде ламо а пиземе, а роса арасель. Масторъ лангсо а тикше, а сюро эзь шачтъ. Скотинатъ, ломать кулсеме кармасть. Те шканть ютамодонзо мейле, Илія пророкъ Ахавнэнь одовъ сась. Илія весе народонть пурназь картамо кармась: «куватьсъ ли тынь», мери, «кавнескъ пилькнэнь эйсэ крамойстэ якамо карматадо?... Я Ваалнэнь (идолонь лемъ), я ве виде [ 62 ]Пазнэнь сюкунякшнодо тынь. Адядо озксъ кандтанокъ, Кона Пазось менельстэ озксонть лангсъ толъ кучи, Се Пазось виде Пазъ ули». Илія, весе Израильтянтнэ, Ваалнэнь озксонь канницятне марто Кармилъ лемсэ пандо лангсъ промсть. Икеле Ваалонь пророконзо тейсть озксонь кандома тарка (жертвенникъ), вачкасть пенгть, лангозостъ бука печкезь путсть; мейле чинь чопъ истя сейресть: «Ваалъ! а Ваалъ! кучтъ менельстэ толъ»! Сонъ толъ гакъ акучи, сонсь какъ а сы. Илія мери тенстъ: «седе пекъ сейреде: уды несакъ пазонкъ, эле кодамонкъ тевъ теи, а ютко тензэ». Чизэ чоподсь, а пазостъ толъ а кучи. Ней Илія кемькавтово кевстэ эстензэ жертвенникъ тейсь, пенгъ путсь, лангозостъ бука путсь. Буканть, пенгтнень, жертвенникенть колмо разтъ ведсэ экшелеме мерсь. Теде мейле Ве аньсякъ виде Пазонь кедстэ, ознозь, толъ вейшсь. Пазъ сонзо инялдоманзо маризе: менельстэ вдругъ толъ, валгозь (празь) буканть, пенгтнень кевтнень гакъ весе пултынзе. Сестэ весе Израильтне сергедезь мерсть: «Иліянь Пазозо, Ве Ськамонзо виде Пазъ»! Илія Ваалнэнь озксонь канницятнень весеместъ чавновтынзе. Седе мейле Илія Пазнэнь пиземе вешезь ознось. Пазъ масторъ лангсъ віевъ пиземе кучсь: масторось куломадонзо вельнезь ладсо теевсь: одовъ сюро, тикше шачовтомо кармась.
Ахавонь козяйказо Іезавель кода марясь Ваалнэнь озксонь канницятнень чавновтомадостъ, сынстъ кисъ Илія пророконь маштамонзо пурнась. Илія седе марязь Хоривъ пандо лангсъ мольсь да кекшсь ве пещёрасъ. Те пандонть лангсо Пазъ Иліянень неявозь мерсь: [ 63 ]«Илія, эсеть таркасъ прорококсъ Елисеень путыкъ. Иля мелявтъ Илія: Израилень масторсо сисемь тысяча ломань Ваалнэнь эсть сюкунякшнокъ: сынь Ве виде Пазонь помнясызь, Сонзо ськамонзо туртовъ аньсякъ сюкунякшныть.