Священная история Ветхого и Нового завета (1880)/В/Ветхий/39
| ←38-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 39-це глава. |
40-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 54—56 |
39. Давидэнь Голіаѳонь изнямодонзо.
Весть Филистимлянтъ (народъ) Еврейтнень лангсъ войнасо састь. Филистимлянтнэнь ютксостъ покшъ Голіафъ лемсэ багатырь ульнесь. Сонъ эрва чистэ эсестъ віестъ ютксто лисезь истя сейриль Еврейтненень: „лисезэ юткстонкъ ве ломань монь мартомъ туреме! (бороцямо). Коле монъ сонзо изняса, сестэ тынь (Еврейтне) минекъ (Филистимлянтнэ) лангсъ робутамо карматадо, а коле сонъ монь изнясамамъ, сестэ минь тынкъ лангсъ робутамо карматанокъ“. Весе Еврейтне Саулъ сонсь какъ, Голіаѳонь истя кортамонзо марязь эстэденэ пекъ тандалесть. Се шкане Давидъ эсензэ лялятненень (сынь гакъ Саулъ марто ульнесть) лагерсъ([1]) ярсамо кандсь. Сонзо пингстэ якъ Голіаѳъ икеле ладсо, Еврейтне лангсо пейдезь, туреме тердеместъ кармась. Давидэнь сонзо лангсъ, Еврейтнень лангсостъ пейдеманзо марязь, кежензэ пекъ састь. Сонъ Саулонь ваксъ мелезь ёвтась тензэ: „монъ“, мери „се багатыренть марто туреме молянъ“! Саулъ мерсь тензэ: „тонъ, Давидъ, пекъ одъ вѣдь, а Голіаѳъ пекъ віевъ, сонъ вишка пингстэ мекъ войнасо туреме тонадсь: а изняви тенть“. Давидъ Саулнэнь мери: „монъ тятянь кедсэ реветь ваномсто лёвъ звѣрть, овтъ васолдо кевсэ, маласо пиледе кундазь масторъ ваксъ эшкезь маштнилинь. Монъ Пазъ лангсъ надѣязь сонзо каршо молянъ: Сонъ темъ посубли Голіаѳонь изнямонзо“. Сэстэ Саулъ [ 55 ]Давиднэнь „молть ина“! мерсь. Давидъ Голіаѳонь каршо молемстэ мартонзо вете кругловойть кевнеть сайсь, кевнетнень ёртлема кшна да эсь палканзо саизе. Голіаѳъ Давидэнь каршо лисезь, лангсонзо пейдезь мерсь тэнзэ: „тонъ монь каршомъ кискань каршо молезь ладсо кевнеть саезь да палка марто сатъ“! Давидъ мерсь тензэ: „тонъ монь лангсъ эсеть віеть лангсъ надѣязь, копья марто, мечъ марто сатъ, а монъ тонь лангсъ Ве Пазонь лангсъ аньсякъ надѣязь молянъ: Сонъ монень тонь изнямотъ посубли“! Теде мейле Давидъ ве кевъ ёртлема кшнантень путсь да кода ёртсы Голіаѳонь конясъ. Кевесь истя кеместэ сонзо конясъ эшкизе, — сонъ паметьтеме масторовъ прась. Давидъ Голіаѳонь ваксъ чіезь чійсь, сонзо мечензэ таргизе да Голіаѳонь эсь мечсэнзэ эсь прянзо керизе. Филистимлянтнэ кода Голіаѳонь прянзо керямодо неизь, мекевъ мурдасть да Еврейтне эйстэ чіеме, оргодеме кармасть. Еврейтне мельгастъ панезь эйсэстъ чавность. Филистимлянтнэнь изнязь Саулъ Давидэнь марто да весе віензэ марто кудовъ мурдасть. Сынстъ городтнэва, велетнева ютамстостъ, Еврейтнень аватне, тейтертне каршостъ лисезь истя морсесть: „Саулъ тысячатъ изнясь, а Давидъ кемень разтъ седе ламо изнясь“! Саулонь мелезэнзэ эзь тукъ сынстъ моростъ. Сонъ теде мейле Давидэнь айгеме, паньме кармась да кодаякъ маштомонзо арсесь. Давидэнь гуслясо налксекшнемстэнзэ Саулъ кавксть эзэнзэ копьясо ёртлесь да эзь понгтъ: Пазъ Сонсь Давидэнь кисэ ащесь несакъ. Теде мейле Давидъ Саулонь эйстэ оргодсь да пустынясо эрямо [ 56 ]кармась. Саулъ тесэ якъ эсензэ куломсъ Давидэнь вешнекшнесь маштомонзо кисъ.
Весть Саулъ Филистимлянтнэ марто война тейсь. Филистимлянтнэ сонзо віензо изнизь, цёранзо чавнызь, эсензэ ранизь. Сонъ кеждензэ да тандадомадонзо пачкъ эсь прянзо эсензэ мечсэнзэ маштызе. (Сонзо Пазъ кадызе. Тень кувалтъ сонъ эсь прянзо, ковъ тееме, апакъ сода ёмавтызе сонсь. Истя вана кинь Пазъ кадсазо, стака эри тензэ эрямсъ).
- ↑ (*) Солдатъ віень ащема тарка.