— 56 —
кармась. Саулъ тесэ якъ эсензэ куломсъ Давидэнь вешнекшнесь маштомонзо кисъ.
Весть Саулъ Филистимлянтнэ марто война тейсь. Филистимлянтнэ сонзо віензо изнизь, цёранзо чавнызь, эсензэ ранизь. Сонъ кеждензэ да тандадомадонзо пачкъ эсь прянзо эсензэ мечсэнзэ маштызе. (Сонзо Пазъ кадызе. Тень кувалтъ сонъ эсь прянзо, ковъ тееме, апакъ сода ёмавтызе сонсь. Истя вана кинь Пазъ кадсазо, стака эри тензэ эрямсъ).
40. Давидэнь инязороксъ эрямодонзо.
Саулонь куломадонзо мейле Еврейтне инязороксъ Давидэнь путызь. Сонъ Еврейтнень пекъ ламо душманостъ изнинзе; Іевуссей лемсэ народонь Сіонъ пандостъ саезь, лангсонзо эстензэ инязоронь кудотъ чить путсь. Тей же одъ скиніянть Закононь Коробканть марто туизе. Городонтень Іерусалимъ лемъ путсь. Сонъ Іерусалимень эсензэ столичной городоксъ теизе. Сонъ Скиніянь таркасъ Пазнэнь церкува путомо арцесь. Пазъ ёвтазь тензэ: «тонъ», мери, «Монень церкува апутатъ: тонъ пекъ ламо ломань верь валыть. Монень церкува тондеть мейле инязороксъ улиця цёратъ (Соломонъ) путы». Давидъ ниленькемень іе ульнень инязороксъ, сонъ псалтирь лемсэ книга сёрмадсь. (Псалтирсэнть сяда ветькемень псаломъ, комсь каѳизмасъ явозь).
