Священная история Ветхого и Нового завета (1880)/В/Ветхий/04
| ←3-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 4-це глава. |
5-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 6—8 |
4. Васенце ломатнень пежетеямодостъ да наказамодостъ.
Весе Ангелтнэ ломаньде икеле теезь; сынь весеместъ партъ ульнесть. Ве ангелось Паздо ве ёновъ туеме кармась, Пазонь кулцономонзо эзь кармакъ. Сонъ эсензэ марто ліятъ конатъ, конатъ ангелтнэнь саинзе; сынь гакъ Пазонь вечкемензэ эсть кармакъ. Тень кувалтъ дьяволъ лемъ максть тензэ. Дьяволонь, ліята лангсъ кеньгелемадо да маньшемадо, мельсэнзэ кодамонкъ паро тевъ арась. Пазъ діяволонь весе ялганзо марто менельстэ Эсь сельмензэ икельде вадсъ панинзе. Дьяволъ думась, арцесь кода бу Пазонь, тензэ берянь теезь, кежензэ савтомсъ.
Дьяволъ такода совась ломатнень ваксъ райсъ. Райсэнть ліятъ эрва кодатъ звѣртнень ютксостъ гуй([1]) гакъ (кьювъ, ёзны) ульнесь: сонъ ломаньде мейле весемеде превей ульнесь. Дьяволось гуенть потсъ совась да весть Евань кевстизе: «монъ, Ева, маринь Пазъ тенкъ райсэнть кодамоякъ чувтонь умарьдензэ эзь мерть некакъ ярсамо»? Ева мерсь тензэ: «Пазъ райсэнть эрва чувтнэнь умарьдестъ ярсамо мерсь тенекъ, аньсякъ ве паронь, берянень содавтыця чувтонь умарьдензэ эзь мерть тенекъ ярсамо: «коле», мери, «сэвдядо се чувтонть умарьдензэ, тынь кулотадо»! Гуй мерсь тензэ: «охъ, Ева! Пазъ маньши тынкъ эйсэнкъ. Сонъ пели эстэнкъ: кодакъ сынь те чувтонь умарьдензэ сэвить, паронь, берянень содамо кармазь сынсь [ 7 ]пазонь коньдятъ теевить». Ева, гуенть валонзо кемезь, се чувтонть умарензэ сезизе да ярсась, Адамъ гакъ сонзо лангсъ ванозь ярсась.
Адамъ марто Ева кодакъ сэвсть паронь, берянень содавтыця чувтонть умарьдензэ, сескэ виздеме, пелеме кармасть. Сынь, смоковниця лемсэ чувтонь лопастонзо эстестъ одюжатъ теезь, чувтнэ ютксъ кекшсть. Пазъ сынстъ а кулцономастъ содынзе да, раентень сазь, истя кортамо кармась: «Адамъ! а Адамъ! косатъ тонъ»? Адамъ чувто экшстэ мерсь Тензэ: «вай, Пазомъ! монъ Тонь вальгееть тесэ марія да, Эйстэть тандадозь, чувтнэ экшсъ кекшинь; Тондеть виздянъ: монъ штапанъ». Пазъ мерсь тензэ: «тонь штапо улемадотъ ки ёвтась тенть. Кона чувтонть умарьдензэ ярсамо эзинь мерекшнекъ, се чувтонть умарьдензэ эзить сэвть ли тонъ, Адамъ»? Адамъ мерсь: «козяйкамъ монь андымемъ». Ева мерсь: «монь гуй манимемъ». Пазъ сынстъ весеместъ наказынзе. «Тонъ, Адамъ, мекевъ модасъ велявтомазотъ (куломазотъ), майсезь прятъ трямо карматъ. Тонъ, Ева, пекень кандомстотъ а шумбра улятъ, эйкакштъ сэредезь шачтнеме карматъ, эсь мирдеть кулцономо карматъ: сонъ прявтъ ули тенть». Гуйнень «тонъ весе звѣртнень юткстостъ сюдозятъ; тонъ модадо ярсазь, пекеть лангсо ёзнозь якакъ». Весемеде чумовонтень, гуень потсо дьяволнэнь, Пазъ истя ёвтась: «аванть марто тонь ютксотъ, аванть племанзо марто тонь плематъ ютксъ кежь путанъ. Сонзо племазо тонь прятъ меркасы (янгасы), а тонь плематъ сонзо кочкарясъ пупасы». Неть валтнэ эйсэ Пазъ вана мезе ёвтась: «сы», мери, «истямо шка: аванть племасто [ 8 ]Идиця шачи; Сонъ дьяволонть изнясазо». Теде мейле Пазъ Адамонь Эстензэ озксонь кандамо тонавтызе, кедень одюжасо лангостъ оршинзе да райстэнть сынстъ атятъ бабатъ кавнескъ вейсэ панинзе; раентень пежетевть ломать илястъ совакъ, мерезь, Херувимъ каравулямонзо путсь. Сонзо кедезэнзэ толонь сабля максь.
- ↑ (*) Змѣй.