Святое Евангелие (эрзянь)/В/Маркань/13

[ 124 ]

Глава 13.

¹Церькувастонть лисьместэ тонавтницянзо ютксто вейкесь мерьсь Тензэ: Тонавтыця, ванока кодат кевтне, кодат кудотьне. ²Іисус каршозонзо мерьсь: нейсыть не покш кудотьнень! весе неть яжазь улить, а кадови тезэ кев лаҥгс кев. ³Сонзэ Елеононь пандонть лаҥгсо, церкуваньть каршо озадо аштемстэ, кевстизь ськамонзо таркасо Петр, Іаков, Іоанн да Андрей: ⁴ёвтак тенек — знярдо те ули, да мезень кувалма содави весе тень ульмась? ⁵Іисус каршозост кармась кортамо: ванодо, кі-як аволедезь маня. ⁶Ведь ламо сыть Монь лемсэ, мерезь: те Мон, да ламотьнень манясызь. ⁷Знярдо марятадо войнадо, да войнадо кортамодо, илядо тандалек, — тенень ульмекс эряви; аньсяк те оштё аволь песь. ⁸Кепети народ лаҥгс народ, инязорокс чи лаҥгс инязорокс чи; таркань-таркань улить масторонь сорнумат, улить вачо іеть, бунт. Те ули апаротьнень ушодксось.

⁹Тынь ванодо эсь мельгаҥк, — ведь тыҥк таргатадызь промксос, да синагогатнесэ чавдадызь, Монь кис ветятадызь тыҥк начальникнень да инязоротьнень икелев, штобу тынь сынст икеле Монь лаҥгс невтевледе. ¹⁰Аньсяк васня весе народтнэнь лаҥга Евангеліястень ёвтнезь ульма. ¹¹Тыҥк кундазь ветямстоҥк илядо мелявт икелев, да илядо [ 125 ]арсе-як, мезть теҥк кортамс; мезе теҥк се часостонть максозь ули, — сень кортадо: ведь аволь тынь ульдядо кортыцятьне, а Святой Духсь. ¹²Макссазо куломс брат братонзо, тетя — цёранзо, эйкакшнэ стить тетяст-аваст лаҥгс да маштсызь сынст. ¹³Монь лемень кис весеменень ульдядо анеймат; ки пезэнзэ цидярды, се ванозь ули. ¹⁴Знярдо нейсыҥк чамозь таркастонть аваньксэнть, конадо икелев ёвтась пророк Даніил, да конанень сесэ аволь эрявт ульмекс (ловныцясь чаркодезэ), сестэ, конат улить Іудеясо, чіест пандо лаҥгов, ¹⁵ки — кудо прясо, се илязо валгк кудостень, да илязо совак эсь кудозонзо мезень-гак сайме. ¹⁶Ки — паксясо, илязо велявт мекев эсь одижанзо сайме. ¹⁷Сеть читьнестэ апаро ули пешксесэтьненень да потесэ потявтыцятьненень. ¹⁸Ознодо, илязо савт оргодьмаҥк теле чине. ¹⁹Ведь сеть читьнестэ ули истямо покш апаро, кодамо арасель пиҥгеньть тейместэ саезь, конань Пазось теизе, те шкастень пачкодьмес, да а ули-як. ²⁰Не читьнень Пазось аволензе нирькиньгавтдеряй, ве ломань-гак аволь вановтбу. Аньсяк кочксезетьнень кис, конатьнень Сон кочксинзе, нирькиньгавтыньзе сетьне читьнень. ²¹Сестэ кі-як мериньдеряй теҥк: вана тесэ Христозось, или: вана, тосо, — илядо кемть. ²²Лисить ведь маньчиця Христост, маньчиця пророкт, да манямонь кис, а ладс сыньдеряй кочксезетьнень-гак (манямонь кис) теить чудат да тамашат. ²³Ванцтодо прясоҥк. Вана Мон икелев весе ёвтнинь теҥк. ²⁴Сеть читьнестэ, се апародонть мейле, чись чопулгады, ковсь-как а невтьсазо валдонзо, ²⁵тештьне-як прыть менельстэнть, да менелень війтьне-як [ 126 ]чараземить. ²⁶Сестэ нейсызь Ломанень Цёранть покш вій да слава маро пель лаҥгсо самодо. ²⁷Сестэ Сон кучсынзе эсь ангелэнзэ да пурнасыньзе Сонсинзэ кочксезетьнень ниле варма ёндо, масторонь чирестэ — менелень чирес. ²⁸Смоковниця лаҥга арцезь, чаркодеде: знярдо сонзэ тарадонзо чевтемгадыть да нолдыть лопат, сестэ, — содатадо, што кизэсь маласо. ²⁹Истяжо, знярдо тынь нейсыҥк нень топодьмаст — содадо — маласо, кеҥкш лаҥгсо. ³⁰Видестэ кортан теҥк: те родсь-как маштомо а кенери, кода весе те топоди. ³¹Менельсь да масторсь маштыть, а Монь валон апак топодть а кадовить.

³²Се чиденть или частоньть кі-як а соды: а менелень ангелтнэ, а Цёрась, (соды) аньсяк Тетясь. ³³Ванодо, ванцтозь аштеде да ознодо: ведь а содатадо знярдо сы те шкась. ³⁴Се шкась моли истямо ломань ёнов, кона кис туйместэ да кудонзо кадмосто кадсь эсь важонцтэнь оля да эрьва конанень эсьтензэ тев; орта лаҥгсо аштицястень-гак мерьсь ванцтомодо. ³⁵Истя ино ванцтозь аштеде, ведь а содатадо, знярдо сы кудазорось: чокшнэ лаҥга или пелеве шкане, или атякш морамо шкане, или валцке лаҥга, ³⁶штобу друк сазь, авольдезь муйть тыҥк удомсто. ³⁷Месть теҥк кортынь — весеменень кортан: удозь илядо аште.