Святое Евангелие (эрзянь)/В/Лукань/05
| ←Глава 4. | Святое Евангеліе (1910) Лукань сёрмадовт Евангелія, глава 5. |
Глава 6.→ |
Глава 5.
1Весть Іисус Христознэнь Пазонь валонь марямонь кис ламо ломать эцесть. Сон аштесь Генисаредэнь эрьке чиресэ. 2Нейсь эрькенть лаҥгсо аштицят кавто веньчть; а калонь кунсицятне, эйстэст лисезь, шлясть сетсэст. 3Ве веньчестень совазь, кона ульнесь Симононь, Сон мерьсь тензэ берёкетонть аламодо уймеде, мейле, озазь, веньчестэнть тонавтсь ломатнень эснэ. 4Кода тонавтомодо лоткась, мерьсь Симоннэнь: уйть сэрей таркас да каиҥк сетеҥк кунтлеме. 5Симон мерьсь каршозонзо: Тонавтыця! минь вень-веньберьк пиштевтинек да мезе-як эзинек кунда. Аньсяк Тонть валот кувалт каяса сетьсть. 6Истя теезь, сынь кундасть пек ламо калт: сетест-как мик кармасть сезневме. 7Максть сынь содамс ялгаст туртов, конат ульнесть лія веньчне, савольть-бу сынь тенст пособлямо. Састь сынь да кавнеск веньчнень пештизь, веньчне-як кармасть натой ваямо. 8Тень неезь, Симон Петр прась Іисусонь кумажазонзо да мерьсь: тук монь вакстон, Пазом, мон ломансь пежетеван. 9Сонзэ да весе маронзо улицятнень-гак срасть саинзе те ламо калонь кундамодонть. 10Истя-жо Симононь ялганзо-як Іаков маро Іоаннань Зеведеень цёратьнень-гак Іисус мерьсь Симоннэнь: иля пельть — теде мейле кармат ломанень кунсеме. 11Кавнеск веньчнень берёк лаҥгс таргазь, кадызь весемень да тусть Сонзэ мельга.
12Кода Іисус ульнесь ве ошнэ, сась Тензэ проказа потсо ломань, да Іисусонь неезь, прась [ 153 ]комадо да, Тензэ инялдозь, кортась: Пазом, мелеть улиньдеряй, мон Тонеть ванськавтуван. 13Сон кедензэ венстезь, токадьсь эзэзэнзэ, да мерьсь: ули мелем — ваньскат. Сеск проказась ютась лаҥгстонзо. 14Іисус эзь мерьть тензэ кинень-гак ёвтлемеде, аньсяк мерьсь попнэнь мольме прянь невтеме да ваньськавтумань кис жертвань кандомо, кода мерьсь Моисей сынст неймань кис. 15Аньсяк седіяк пек Сондензэ срадсьть валт, да пек ламо ломать сакшность Сонзэ кулсономо, да эсь ормадост шумбралгадмо. 16А Сон тукшныль чаво таркас да озныль.
17Ве чистэ, кода Сон тонавтсь, да сесэ аштесть озадо Фарисейтьне да законс тонавтыцятне, конат састь Галилеень да Іудеень эрьва таркасто да Іерусалимстэ, да Пазонь війсь-как неявозь ульнесь сэредицятнень пичкавтомсто, 18каньдсьть ломать тарка лаҥгсо разслабленной ломань, да вешнесть сонзэ совавтомс кудостень да Іисусонь икелев путомс, 19аньсяк ламо народонь кувалт эсть муйть сынь совамо тарка: куйсть кудо прястень да кудо прянть пачк нолдызь сэредицянть тарканек мезьнек кудо кунчкастень Іисусонь икелев. 20Сон, сынст кемимаст неезь, мерьсь ломаньстень: простявить тонть пежететь. 21Книжникне да фарисейтьне кармасть эсь пачкаст арсеме, мерезь: те ки истя, Пазонть лаҥга а парьсте корты? Ве Паздо башка кинень пежеть простявить? 22сынст арсимадост содазь, Іисус мерьсь каршост: мезть тынь арситядо седееҥк пачк? 23мезесь седе шождыне меремс: простявить тенть пежететь, или меремс: стяк да якак? 24Аньсяк тыҥк содамоҥк кисэ, што Ломанень Цёранть [ 154 ]мастор лаҥгсо пежетень нолдамс-как війзэ ули, Сон мерьсь сэредицястень: тонеть мерян: стяк, саик таркат да азё эсь кудозот. 25Сон сеск, икелест, стязь, саизе тарказо, кона лаҥгсо мадезель да, Пазоньть шназь, тусь эсь кудозонзо. 26Весемень срасть саинзе, да Пазоньть эснэ шнасть да тандадмост марто кортасть: шечо минь дивамонь тевть неинек.
27Теде мейле лись Іисус да нейсь Левій лемсэ каявксонь пурныця, кона аштесь озадо каявксонь пурнамо таркасо, да мерьсь тензэ: мольть Монь мельга. 28Сон весемень кадозь, стясь да тусь мельганзо. 29Тейсь Левій эсь кудосонзо Іисусонь кис покшт каванямот[1]. Сесэ ульнесть ламо мытарть, да ліят-как, конат Сонзэ марто ярсасть, симсть. 30Книжникне да фарисейтне, пеняцязь, кортлесть Сонзэ тонавтницянстэнь: мейс тынь ярстадо, симдядо мытарь маро да пежетев ломань маро? 31Іисус каршост мерьсь: аволь шумбра ломатьненень эряви лекарьсь — сэредицятнэнень; 32Мон сынь аволь виде[2] ломатьнень пежетень кадмо тонавтомо — а пежетев ломатьнень.
33Сынь мерьсть Тензэ: мейс Іоаннань Тонавтницянзо сеедстэ пост кирьдить да озныть; истяжо фарисееньзетьне-як, а Тонтьсетьне ярсыть да симить. 34Сон мерьсь тенст: Ара кармавтовить постонь кирьдеме свадьбань кудонь ломатьне, знярс сынст мартост содамост? 35Сыть чить, кода содамось нельгезь ули кедьстэст, сестэ сынь-гак сеть [ 155 ]читьнестэ кармить постонь кирьдеме. 36Ёвтась тенст притча-як: кі-як ведь ташто одижас а педявты од одижасо сезезь паҥкс: истя теиньдеряй, од одижасть-как сейсазо, ташто одижастень-гак од паҥгсось а лади. 37Од вина-як кі-як а пешти ташто кедень мешокс, истя теиньдеряй од винась сейсазо ташто кедьсть, да сонсь-как чудезь туи да кедсь-как ёми. 38Од вина пешлить од кедень мешокс, сестэ сынь кавонест ванцтовить. 39Истя жо, кі-як симиньдеряй ташто (винадо), сеск одто симмекс мельзэ а ули: сон мери: таштось седе паро.