Святое Евангелие (эрзянь)/В/Иоаннонь/04

[ 233 ]

Глава 4.

¹Кода Іисус содась фарисейтнень марямодост, што Сон Іоанндо ламо тонавтницят пурны да лемди, ²коть Сонсь Іисус эзь лемдьть, а лемдясть аньцяк тонавтницянзо, — ³кадызе Іудеень масторонть да таго тусь Галилеяс. ⁴Эрявсь Сонензэ ютамс Самаріянь трокс. ⁵Сась Сон Самаріянь Сихарь лемсэ ошос, кона ульнесь се тарканть маласо, конань Іаков максызе эсь цёранстэнь, Іосифнень. ⁶Сесэ ульнесь Іаковонь лисьмазо. Іисус, кіява молемстэ сизезь, озась лисьманть вакс. Ульнесь котошка час. ⁷Сась Самаріясто ава ведень амольдямо. Іисус мерьсь тензэ: тука Монень симемс. ⁸Тонавтницянзо туекшнесть ошосьтень ярцамо пелень рамамо. ⁹Самаріянь авась мери Тензэ: кода тон, Іудей улезь, монь, Самаріянь авань, кедьстэ симемс вешат? Іудейтьне ведь самарянтнэ марто а човоргалить. ¹⁰Тень каршо Іисус мерьсь тензэ: содавлеть-как тон Пазонь паронть, да Ки тенть мери: тука [ 234 ]тень симемс, — тонсь-бу кедьстензэ вешевлеть да Сон максоволь-бу тенть живой ведь. ¹¹Авась мери Тензэ: ломань, теньть а месьне амольдямс-как, а лисьмась сэрей, косто сайсак живой ведьсть? ¹²ара Тон минек Іаков тетядонок-как покшат, кона максызе тенек те лисьманть, конайстэ сонсь симсь, цёранзо-як, да кильдемензэ-як?^{[1] 13}Іисус мерьсь тензэ: эрьва те ведьтенть симицянть таго симезэ сы, ¹⁴а кона сими се ведьтенть, конань Мон максса тензэ, сень знярдо-як симезэ а сы: ведь ведьсь, конань Мон максса тензэ, тееви эйсэнзэ пиҥгень-пиҥгс эрямостень чудиця лисьма прякс. ¹⁵Авась мери Тензэ: ломань! тука монень се ведьтенть, штобу илязо сакшно монь симем, да аволинь сакшно тезэ ведень амолямо. ¹⁶Іисус мери тензэ: азё терьдик мирьдеть да сак тезэ. ¹⁷Авась тень каршо мерьсь Тензэ: монь арась мирьдем. Іисус мери тензэ: видстэ мерить, — арась мирьдеть: ¹⁸тонть вете ульнесть мирьдеть, а ней кона маро эрят, аволь мирьде тенть; тень тон видстэ ёвтык. ¹⁹Авась мери Тензэ: ломань! мон нейса, — тон пророкат. ²⁰Минек тетидиник те пандонть прясо ознокшносьть, а тынь мерьдядо: се таркась, косо эряви озномс, Іерусалимсэ. ²¹Іисус мери Тензэ: кемть Тень: сы шка, знярдо аволь те пандонть прясо-як да аволь Іерусалимсэ-як карматадо Тетясьтень ознокшномо. ²²Тынь а содатадо, мезьнень сюкунякшнутадо, а минь содатанок, мезьнень сюкунякшнутанок: ведь идимась [ 235 ]Іудейтьнень эйстэ. ²³Вана сы шка, да сась уж, знярдо виде сюкунякшныцятьне кармить сюкунякшномо Тетясьтень оймесэст да виде-чисэст: ведь истят сюкунякшныцятьнень Тетясь вешни Эстензэ. ²⁴Пазось ведь Дух, — секс сюкунякшныцятне-як Тензэ сюкунякшност оймесэ да виде-чисэ. ²⁵Авась мери Тензэ: содаса, сы Мессія, конадо мерить Христос; знярдо Сон сы, весемес тонавцамизь. ²⁶Іисус мери Тензэ: Те мон, тонть марто кортыцясь. ²⁷Се шкане састь Сонзэ тонавтницянзо да дивасть, што Сон ава маро корты, аньсяк конаст-как эзь мерь: месть Тон вешнят, или месть маронзо кортнят? ²⁸Авась кадызе ведень кандома кедьгензэ да тусь ошосьтень да мери ломатьненень: ²⁹Азёдо, ваныҥк Ломаненть, Кона весемень ёвтлиньзе монень, месть мон теинь, — аволь Сон-ли Христозось? ³⁰Сынь листь ошостоньть да тусьть Сонензэ. ³¹Се шкане тонавтницянзо кортасьть Тензэ, мерезь: Тонавтыця! ярцак. ³²Сон мерьсь тенст: Монь ули ярцамом, конадо тынь а содатадо. ³³Тень кувалма тонавтницянзо эсь ютковаст кортасть: ара кі-як кандсь Тензэ ярцамс? ³⁴Іисус мери тенст: Монь ярцамо пелем се, теемс-бу Монь Кучицянть олянзо да прядомс тевензэ. ³⁵А кортатадо-ли тынь: ощо ниле ковт да сы нуйма лаҥго? А Мон мерян теҥк: кепедиҥк сельмеҥк да вачтадо (видезь) паксятнень лаҥгс, кода сынь ашолгадьсть да нуемс кенерьсть. ³⁶Нуицясь лезэ неи да видсть пурны пиҥгень-пиҥгс эрямос; истянянь вейсэ эрьгелить — видицясь-как да нуицясь-как. ³⁷Тень кувалма виде ёфтамось: вейке види, а омбоцесь нуи. ³⁸Мон кучидизь тыҥк сень нуеме, [ 236 ]кона лаҥгсо тынь эзиде трудя; ліятне трудясть, а тынь совиде сынст трудазост. ³⁹Ламо Самарянт се ошостонть аванть ёвтлиманзо кувалма кемсть Тензэ, кона кортась: Сон весе тень ёвтлиньзе, мезе мон теинь. ⁴⁰Секс кода састь Тензэ самарянтнэ, инялдсть Тензэ, кадоволь-бу Сон сынст пелест. Сон эрясь тосо кавто чить. ⁴¹Сестэ седе-як ламо кемсть Сонзэ валонзо кувалма. ⁴²А се авастень кортасть: ней аволь уж тонть ёвтлимат кувалт кемдянок: минсь маринек да содасынек, што Сон мастор-лаҥготь Идицясь, Христозось. ⁴³Кавто чинь ютазь, Сон лись тосто да тусь Галилеяс. ⁴⁴Ведь Сонсь Іисусось кортась, што пророк эсь масторсонзо шназь а эри. ⁴⁵Кода Сон сась Галилеяс, Галилеень эритьне примизь Сонзэ: сынь ведь неизь весемень, мезть Сон тейсь Іерусалимсэ, сынь-гак ведь якасть праздникстень.

⁴⁶Истя Іисус таго сась Галилеень Кана лемсэ ошостень, косо Сон веденть винакс теизе. Капернаумсо ульнесь вейке инязоронь кедьсэ служиця ломань, конатань цёразо сэредсь. ⁴⁷Сон, кода марясь, што Іисус Іудеясто Галилеяс сась, мольсь Тензэ да инялдсь, молевель-бу Сон сонензэ да шумбралгавтовлессе сонзэ цёранзо, кона кулома лаҥгсоль. ⁴⁸Іисус мерьсь тензэ: тынь а нейдядодеряй покшт тевт да чудат, а кемдядо. ⁴⁹Инязоронь кедьсэ служицясь мери Тензэ: Тонавтыця! мольть, знярс эзь кулок монь эйкакшом. ⁵⁰Іисус мери тензэ: азё, тонть цёрат шумбра. Ломансь кемсь Іисусонь ёвтазь валстень да тусь. ⁵¹Ки лаҥгсо вастызь сонзэ важонзо да мерьсть: тонть цёрат [ 237 ]пичкась. ⁵²Сон кевстиньзе сынст: кона частонть сонензэ шождыне теевсь? Сынь мерьсть: исяк сисемеце частонть псись кадызе сонзэ. ⁵³Тенейстэ тетясь содась, што те ульнесь се часостоньть, конайстэ Іисус мерьсь тензэ: тонть цёрат пичкась. Теде мейле сон сонсь кемсь да весе кудосонзо ломатьне-як. ⁵⁴Те омбоце чуда тейсь Іисус, кода сась Іудеясто Галилеяс.

---

1. скотинанзо-як.