Святое Евангелие (эрзянь)/В/Иоаннонь/05

[ 237 ]

Глава 5.

¹Теде мейле ульнесь Іудейтьнень праздникест; Іисус сась Іерусалимс. ²Іерусалимсэ ули ревень ортатьнень вакснэ экшелямо тарка, конадо еврейкс мерить Вифезда. Сень вакснэ ульнесть вете вельтязь латот; ³сынст эйсэ ащесть мадезь ламо сэредицят, сокорт, хромойть, коськезь ломать, сынь учость веденть човоргадмонзо: ⁴шкань-шкань Пазонть ангелэзэ валгониль се экшелямо таркасьтень да ведьсть човорильсе; ки ведьсть човорямодонзо мейле васьня валгиль, се, кодамо ормасо а сэредиль, — пичкиль. ⁵Сесэ ульнесь колоньгемень кавксо іеть сэредиця ломань. ⁶Іисус, сонзэ мадезь ащемстэ неезь, да ламо іень сэредьмадонзо содазь, мери тензэ: ули-ли мелеть пичкамс? ⁷Сэредицясь мерьсь каршонзо: да, Господи! аньсяк арась ломанем, кона валтавлемем-бу экшелямо таркасьтень, знярдо ведьсь човоргады, а знярдо мон сан, лія уж моньдень икеле валги. ⁸Іисус мери тензэ: стяк, саить ацамот да якак. ⁹Сон сеск пичкась, саиньзе ацамонзо да тусь. Се чись ульнесь субута, ¹⁰секс Іудейтьне кортлесть пичказесьтень: течи субута, [ 238 ]а эряви кантлемс ацамот. ¹¹Сон мерьсь каршост: Ки монь шумбракс теимем, Се тень мерьсь: саить ацамот да якак. ¹²Сонзэ кевстизь: ки се ломаньсь, кона мерьсь теньть: саить ацамот да якак? ¹³Шумбракс теевезесь эзь сода, ки Сон: ведь Іисус, сесэ улезь ломатьнень юткс човоргадозь, эзь неявт. ¹⁴Мейле Іисус вастызе сонзэ церькувасо да мерьсь тензэ: вана тон шумбралгадыть, таго иля сова пежетьс — седе-як берянь тенть аволь ульть-бу. ¹⁵Се ломансь мольсь да ёвтась Іудейтьненень: кона монь шумбралгавтымем, лемзэ Іисус. ¹⁶Іудейтьне кармасть паньцеме Іисусонь, да вешнесть Сонзэ маштомс, мейсь Сон истя теи субута чине.

¹⁷Іисус кортась тенст: Монь Тетям те шкас теи, Мон-гак теян. ¹⁸Тень кувалма іудейтьне седе-як пек вешнесть Эйсэнзэ маштомс: Сон аволь аньсяк субутанть колы, а Пазонть-как Эсьтензэ Тетякс путли, Эсь прянзо Паз маро вейкетькс тейни. ¹⁹Тень каршо Іисус мерьсь тенст: видестэ, видестэ кортан теҥк: Цёрась мезе-як эсь пельдензэ а тееви, а нейсазодеряй Тетянзо тейместэ: ведь мезе теи Тетясь, сень Цёрась-как теи. ²⁰Ведь Тетясь вечксазо Цёранзо, да весе, мезть Сонсь тейни, невтнесыньзе Тензэ, да нетьнеде-як ламо невти Тензэ тевть, тынь-гак мик диватадо. ²¹Ведь кода Тетясь кулозьтнень вельмевтлесыньзе да эрямо максли тенст, истя Цёрась-как, кинень мельзэ ули, эрямо максли. ²²Ведь Тетясь кинь-гак а суди, а весе судямонть Цёрастень максызе: ²³весе Цёранть мелензэ вановольть-бу, кода ваныть Тетянть мелензэ. Ведь ки а ваны Цёранть мелензэ, се Сонзэ [ 239 ]кучиця Тетянть мелензэ-як а ваны.

²⁴Видестэ, видестэ кортан теҥк: ки кулцоны Монь валсон да кеми Монь Кучицясьтень, сень ули пиҥгень-пиҥгс эрямозо, сон судс-как а сы, куломстонть эрямос моли. ²⁵Видестэ, видестэ кортан теҥк: сы шка, да сась уж, кода кулозьтьне марясызь Пазонь Цёранть вальгеензэ, да марязь, вельмить. ²⁶Ведь кода Тетянть Эсь Эйсэнзэ ули эрямо, истя Цёрасьтень-гак максь Эсь Эйзэнзэ эрямо. ²⁷Максь Тензэ судямс-как оля: ведь Сон Ломанень Цёра. ²⁸Илядо дива тенень: ведь сакшны шка, конайстэ весе калмсо улицятьне марясызь Пазонь Цёранть вальгеензэ, ²⁹да лисить паронь теицятьне эрямонь вельмимас, а апаронь теицятьне — судямонь вельмимас.

³⁰Мон Эсь пельдень мезе-як а теиван. Кода марян, истя судян, да Монь судямом виде: ведь Мон а вешнян Эсь олям, а Монь кучиця Тетянть олянзо. ³¹Ёвтляндеряй Мон Эсь лаҥган, Монь ёвтлимам аволь виде. ³²Ули ліята Эздэнь кортыця; Мон содаса — видеть сетьне кортамотьне, конатнень сон Монь Эздэнь корты. ³³Тынь кучлиде Іоаннэнь, да сон-гак кортась виде чиденть. ³⁴Монень а эрявить ломанень Эздэнь кортамотьне, а нень кортан теҥк секс, штобу тынь ванозь улевледе. ³⁵Сон^[1] ульнесь палыця да валдонь невтиця свеча; тыҥк ульнесь мелеҥк аламо шкас эрьгелемс сонзэ валдосонзо. ³⁶Монь Эздэнь Іоаннонь ёвтьниматьнеде-як ламо улить ёвтницят: ведь [ 240 ]тевтне, конатьнень Тетям Монень максынзе теемс, не самой Монь тейма тевтне, ёвтлить Монь Эздэнь, што Монь Тетям кучимим; ³⁷да Монь кучиця Тетясь Сонсь-как ёвтнесь Монь Эздэнь. А тынь Сонзэ вальгеензэ як знярды-як эзиҥк марьсек да чаманзо-як эзиҥк некшнек, ³⁸да валзо-як тыҥк эйсэ ащиця арась, ведь тынь а кемдядо Сенень, Конань Сон кучизе. ³⁹Ваныҥк парынестэ Писаніятьнень: ведь тынь арситядо сынст кувалма пиҥгень-пиҥгс эрямосонть ульмекс, а сынь Моньдедень ёвтьнить, ⁴⁰а тыҥк арась мелеҥк Монень самс, штобу пиҥгень-пиҥгс эрямосонть улемс. ⁴¹Мон а приман ломань пельде шнамо: ⁴²Мон содатадызь тыҥк, — тыҥк эйсэ арась Пазонть вечкима. ⁴³Мон сынь Тетянь лемсэ, а тынь а приматадо Эснэнь; а лія сыньдеряй эсь лемсэнзэ, сень примасыҥк. ⁴⁴Кода тынь кемивдядо, коли вейкеҥк-вейкеҥк эйстэ шнамо приматадо, а шнамосонть, кона ве Пазоньть эйстэ, а вешнитядо? ⁴⁵Илядо арсек, што Мон карман эснэҥк чумондомо Тетянь икеле: ули тыҥк чумондыцяҥк Моисей, кона лаҥгс тынь кемдядо. ⁴⁶Ведь кемевледедеряй тынь Моисейнень, Монень-гак кемевледе ведь Моисей, сёрмадсь Моньдедень. ⁴⁷А кемьдядодеряй сонзэ сёрмадовкснэнень, — кода кемдядо Монь валтнэнень?

---

1. Іоанн Креститель.