Святое Евангелие (эрзянь)/В/Лукань/17
| ←Глава 16. | Святое Евангеліе (1910) Лукань сёрмадовт Евангелія, глава 17. |
Глава 18.→ |
Глава 17.
1Мерьсь эсь тонавтницянстэнь: манявмотьне апак сак а улить, а паро аньсяк сенень, кинь кувалма сынь сакшныть. 2Не вишкинетнень эйстэ вейкень манямодо, седе паро улевель-бу тензэ, содовольть-как кирьгазонзо ведьгев кев да каявлезь-гак моряс.
3Ванодо эсь мельгаҥк. Совиньдеряй каршот пежетс братот, кардык сонзэ; видькстыньдеряй, простик сонзэ. 4Чизэнзэ сисемь разт совиньдеряй каршот пежетс да сисемь разт мериньдеряй тенть: чумоян, простик тензэ. 5Тонавтницянзо мерьсть Пазостень: кастык минек веранок. 6Пазось мерьсь: улевель-гак тыҥк вераҥк горчицянь видьстешка, да меревельде-як те смоковницястень: таргавт да моря лаҥгс озак, кулсоновледезь-бу тыҥк. 7Ки тыҥк ютксо, конань ули стадань ваныця или сокиця важозо, да сонзэ паксясто самодо мейле мери тензэ: азё, седе курок озак стольэкшес? 8А мери-ли сон тензэ: анокстак тень ярсамс да карксазь, монь ярсавмо, симевме шказон икелень аштек; а мейле тоньсь ярсак да симть. 9Мейле ёвты-ли сон важостень пасиба сонзэ кармавтозенть теймень кис? а арсян. 10Тынь-гак истя, знярдо тейсыҥкдеряй весе теҥк кармавтозенть, мереде: минь мезе-як а аштицят важот: теинек аньсяк сень, мезе тенек [ 198 ]теемс эряволь. 11Іерусалимев мольместэ, Сон ютась Самарія марто Галилеень юткова.
12Ве велес совамсто карчо вастызь Сонзэ кемень прокаженной ломать, конат лоткасть ве ёнов 13да покш вайгельсэ кортасть: Тонавтыця Іисус! ванымизь минек. 14Сынст неезь, мерьсь тенст: азьдо невтиҥк пряҥк попнэнень. Мольместэ сынь ванськадсьть (проказадост). 15Вейке эстэдест, ванськадмонзо неезь, покш вайгельсэ Пазонть шназь, мурдась мекев 16да, Іисусонь пильгс комадо празь, ёвтлесь Тензэ пасибат. Се ульнесь Самарянин. 17Іисус карчонзо мерьсь: аволь кемень-ли ванськатьсть? вейксэтьне косот? 18Кода сынь, те, лія племань ломанденть башка, эсть велявт Пазоньть шнамонзо? 19Сенень мерьсь: стяк да азё, тонть кемимат ваныньзеть.
20Кода фарисейтьне кевстизь: знярдо сы Пазонь Инязорокс чись, Сон мерьсь карчост: Пазонь Инязорокс чись а сы неямга, 21а мерить: вана тесэ Сон или тосо: Пазонь Инязорокс чись тынсиҥк потмосоҥк. 22Мерьсь Эсь тонавтницянстэнь: сыть чить, конатьнестэ Ломанень Цёраньть ве чинть аньсяк неевлеҥк да а нейсыҥк. 23Сестэ мерить теҥк: вана тесэ, или тосо, илядо якак, да илядо чійне-как. 24Ведь кода ёндол менелень ве песэ верьгеди да менелень омбоце песэ валдолды, Ломанень Цёрась-как истя ули Эсь чистэнзэ. 25Аньсяк васня эряви Тензэ ламо пиштевтемс да те родстень Эстэдензэ безарьдемс.
26Кода ульнесь Ноень читьнестэ, истя ули Ломанень Цёранть читьнестэ-як: 27ярсасть, симсть, [ 199 ]урьвакстнесть, мирденень тукшность се чисть самс, кода Ной совась ковчекс да сась потоп да весемень ёмавтынзе. 28Истяжо, кода ульнесь Лотонь читьнестэ-як: ярсасть, симсть, рамсесть, микшнесть, чувт озавтлесть, строясть, 29а се чистэнть, конайстэ Лот лись Содомсто, менельстэнть валовсь толонь да палы кандалонь пиземе, да весе ёмавтынзе. 30Истя ули се чистэньть-как, знярдо сы Ломанень Цёрась. 31Се чистэнть, ки ули кудо прясо, а парозо кудосо, — илязо валг саймензэ; ки ули паксясо, илязо мурда мекев. 32Мельсэҥк кирьдиҥк Лотонь нинзэ. 33Ки карми оймесэнзэ ванстомо, се ёмавцазо сонзэ, а ки ёмавцазо, се вельмевцазо сонзэ. 34Ёвтлян теҥк: се вестэнть улить кавто ломать тарка лаҥгсо; вейкесь саезь ули, омбоцесь кадови. 35Кавто вейсэ яжавтыця ават улить, вейкесь саезь ули, а омбоцесь кадови. 36Кавто улить паксясо; вейкесь саезь ули, омбоцесь кадови. 37Тень лаҥгс мерьсть Тензэ: Тонавтыця, косо те? Сон мерьсь тенст: косо кулозень киське, сезэ промить орёлт-как.