Святое Евангелие (эрзянь)/В/Лукань/06
| ←Глава 5. | Святое Евангеліе (1910) Лукань сёрмадовт Евангелія, глава 6. |
Глава 7.→ |
Глава 6.
1Инечинь омбоце чиде мейле васенце субутастонь савсь Іисуснэнь ютамс видезь паксянь пачк: тонавтницянзо сезнесть сюро прят, да, кедьсэст човсезь, ярсасть. 2Конат-конат фарисейтьнень эйстэ мерьсть тенст: мейсь тынь тейдядо, мезе субута-чине а эряви теемс? 3Іисус каршост мерьсь: ара тынь эзьде ловно, мезе тейсь Давид, кода сонзэ сонсинзэ пекезэ вачнось да мартонзо улезьтьнень-гак? 4Кода сон совась Пазонь церькувастень, да, тосо путозь кшетьнень саезь, сонсь ярсась да максь мартонзо улезтьненень-гак, а сетьнеде попто башка кинень-гак ярсамс а маштовиль? 5Мейле мерьсь тенст: Ломанень Цёрась субутаньть лаҥгсо-як покш. 6Савсь Тензэ омбоце субутасто-як синагогас совамс да тонавтомс. Тосо ульнесь ломань, конань вить кедьзэ коскель. 7Книжникне да фарисейтне ваность мельганзо, а пичкавтсазо-ли Сон сонзэ субута чине; кода-як бу чумо муемс [ 156 ]лаҥгозонзо. 8Сон, сынст арсимадост содазь, мерьсь ломаньстень, конань коськель кедьзэ: стяк да арак кунчка таркась. Сон стясь да арась. 9Сестэ Іисус мерьсь тенст: кевсттядызь тыҥк: мезе эряви теймекс субута чине, паро или берянь? ваномс оймесь или ёмавтомс? Сынь чатьменьсть. 10Мейле, весемест лаҥгс вачтазь, мерьсь се ломаньстень: венстик кедеть. Сон тейсь истя да кедьзэ омбоцень кондямо шумбракс теевсь. 11Сынь, кежіявтозь, азаргатьсть прок да кортасть эсь ютковаст, мезе бу тенст теймекс Іисус маро.
12Сеть читьнестэ Сон куйсь пандо пряс озномо да весе венть Пазнэнь ознозь печтизе. 13Кода чизэ ашолгатсь, тердинзе эсь тонавтницянзо, кочксесь юткстост кемгавтово ломань да Апостол лемть тенст путсь. 14Сон кочксизе Симононь, конатанень лем путсь Петр, да сонзэ братонзо Андреень, Іаковонь да Іоаннань, Филиппень да Варѳоломеень, 15Матѳеень да Ѳомань, Алфеень Іаковонь да Симононь, конадо мерить Зилот, 16Іаковонь Іудань да Іудань Іскаріотскоень, коната мейле теевсь максыцякс.
17Сынст марто (пандо прястонть) валгозь, арась вейкеть таркас. Маронзо арасть ламо тонавтницянзо да ліят-как ламо ломать, 18конат састь Іудеясто Іерусалимстэ, да моря чирень Тирской да Сидонской таркасто, Сонзэ кулсономо да ормадост шумбралгадмо. Истяжо амазыде пиштевтицят как да весе віемкшнесть. 19Іисусонь эйстэ лисиль вій, да весемень пичкавтылензе, секс ломатьне бажасть Сонзэ эйс токадевмекс. 20Сон вачтась тонавтницянзо [ 157 ]лаҥгс да мерьсь: талановттадо оймсэҥк ништёйтьне: ведь тыҥк ули Пазонь инязорокс-чись. 21Талановттадо ней вачо аштицятьне, тынь пешкедтядо. Талановттадо ней аварьдицятне, тынь карматадо пеедьме. 22Талановт ульдядо, знярдо Ломанень Цёранть кис кармить а вечкемеҥк ломать, явдадызь юткстост, да кармить эстэдеҥк апарьсте кортамо, лемеҥк лаҥга нолдыть берять валт, 23— эрьгедеде се чистэнть да весёлгадодо: ведь покш наградась ули теҥк менель лаҥгсо. Пророкнэ марто-як ведь истя тейнесть сынст тетяст.
24Сё-тыки апаро теҥк сюпавтнэ: тынь уж саиҥк эсь пароҥк. 25Апаро теҥк ней пешкедезтьне: тынь вачомдадо. Апаро теҥк ней пеедезь аштицятне: тынь карматадо аварьдеме да раҥгамо. 26Апаро теҥк, знярдо весе ломатьне кармить эстэдеҥк парьсте кортамо, ведь истя тейнесть сынст тетяст аволь виде пророкнэ маро. 27А тынеҥк мерян, кулсоницятне: вечкеде душманоҥк эснэ; паро тееде анеицяҥк[1] туртов; 28баславадо сюдыцяҥк эснэ да ознодо обедицяҥк кис. 29Ки вачкодтянзат штёка лаҥга — аравтык тензэ омбоцень-гак; ки сайсыньзе суманеть — иляк кирдть тензэ панарот-как. 30Эрьва кедьстэть вешницястень — макст; да мезе кедьстэть саи — мекев иля вешть.
31Кода тынстеҥк вечкеви мартоҥк ломанень теймась, тынсь-как марост истя тееде. 32Вечкиньдерятадо аньсяк тынсиҥк вечкицятьнень, мезень кис шнамстадо? Ведь пежетевтьне-як эсь [ 158 ]вечкицясост вечкить. 33Теиньдерятадо паро аньсяк тынстеҥк паронь теицятьненень, мезень кис шнамстадо? Ведь пежетевтьне-як истя жо теить. 34Макстадодеряй заём аньсяк сетненень, конатнень пельде кемдядо мекев саймекс, мезень кис шнамстадо? Ведь пежетевтне-як макслить заём пежетевтненень, штобу мекев саймекс зняро-жо. 35А тынь вечкеде эсь душманоҥк: паро тееде да заём-гак максодо, мезенк-гак апак учок; сестэ ули теҥк покш награда да ульдядо Вереценть цёрат, — ведь Сон паро Тензэ пасибань аёвтыцятьненень-гак да кежевтненень-гак. 36Уледе истят паро седейть[2], кодамо менельсэ тетяҥк паро седей.
37Илядо судя, тынсь-как судязь а ульдядо; илядо чумонт, тынсь-как чумондозь а ульдядо; простядо, тынсь-как простязь ульдядо. 38Максодо, тынстеҥк-как максозь ули: паро оҥгснэ, сорновтнезь, матразь, да пряс пештязь каясызь потмозоҥк. Кодамо оҥгснэ оҥгстатадо, истямосо онгстазь ули теҥк. 39Ёвтась истяжо тенст притча-як: вецеви-ли сокорнэнь сокорсь? апрыть-ли сынь кавтнест латкс? 40Тонавтниця тонавтыцядонзо покш а эри; тонадыньдеряй сон парьстэ, тонавтыцянзо кондямо ули. 41Мейс тон ванат братот сельмсэ тарадсть лаҥгс, — а тонсить сельмсэть шочконть ёжот а мари. 42Или, кода мериват братотень: братом, тука таргаса сельмстэть тарадсть, а шочконть эсь сельмстэть ёжот а марясазо. Лицемер, таргик васня эсь сельмстэть шочконть, сестэ нейсак, кода таргамс [ 159 ]братот сельмстэ тарадсть. 43Арась истяжо паро чувто, кона кастоволь-бу берять умарьть; истяжо берянь чувто, кона кастоволь-бу парт умарьть. 44Эрьва чувтось эсь умарензэ кувалт содави: кормалавсто ведь а пурныть смокват, виноград-как стяконь чувсто а кочксить. 45Паро ломань паро седейстэнзэ ливти эрьва мень паро; а берянь ломань берянь седейстэнзэ ливти берянь: пешксе седейстэ ведь корты сонзэ кургозо.
46Мейс Монень пшкалитядо: Господи, Господи, а тыньсь а тейдядо, мезть Мон мерян. 47Эрьва Монень сыцясь да Монь валон кулсоныцясь да сынст кувалма теицясь — ёвтаса Мон ки ёнов моли — 48Сон моли кудонь теиця ломань ёнов, коната чувсь латко, сэрейгавтызе сонзэ да кудонть алксозо путызе кев лаҥгс. Секс, кода тусь чады ведь да ведсь вачкодсь се кудоньть лаҥгс, сон кев лаҥгс путоманзо кувалт, эзь сыргавтовт тензэ. 49Марицясь да сынст кувалт а теицясь моли истямо ломань ёнов, кона тейсь кудо мода лаҥгс, алкстомо, — кодак ведсь вачкодсь лаҥгозонзо, сон сеск каладсь да каладмозо вельть покш ульнесь.