Покш праздникть/В/1

From Wikisource
Jump to navigation Jump to search
Покшъ праздникть. Главные церковные праздники, господни и богородичны.  (1881) 
by Юртовъ, Авксентій Филипповичъ
Богородицань шачомазо.
Покшъ праздникть. Главные церковные праздники, господни и богородичны. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1881. — с. 3—7
[ 3 ]
 

БОГОРОДИЦАНЬ ШАЧОМАЗО.

 

Рождество Пресвятыя Дѣвы Маріи.

 

Іудейской масторсо эрясть-айшть атятъ бабатъ Іоакимъ марто Анна. Сынь пекъ праведнойть святойть ломать улнесть. Іоакимъ сонсь инязоро Давидэнь племасто улнесь, а козяйказо Анна священникень племасто. Сынстъ эрямо ащемастъ пекъ ёнъ улевель, коли Пазъ эйде максоволь тенстъ. Сынь кавнескъ сыредсть ужъ, а эйдестъ-какшостъ араселть. Сынь Галилеянь Назаретъ лемсэ городсо эрясть. Евреень народонь истятъ покшъ праздникть улнесть, конатнень эйстэ эрва Еврей Іерусалимсъ молезь церкувасо Пазнэнь озксъ кандыль. Вана ве истямо покшъ праздникъ чистэ святой Іоакимъ гакъ Пазнэнь озксонь кандомо Іерусалимсъ молсь. Сонъ эйдень вешезь Пазнэнь ознось. Сестэ прявтъ священникексъ Иссахаръ лемсэ ломань улнесь. Прявтъ священникъ Иссахаръ святой Іоакимъ атянь озксонзо эсе сайнекъ. Тонь, мери, эйдеть-какшотъ арасть: тонь кодамо якъ да салава пежететь ули, а тонъ се пежететь ёвтамо не хочешь. Тень кувалтъ вана Пазъ эйде якъ а максы тенть. Теде мейле озксонь кандомсто ве Еврей святой [ 4 ]Іоакимъ атянь сёвномонзо кармась. Ковъ, мери, мондемь икелевъ Пазнэнь озксотъ кандомо эцятъ? Тонъ пежетеватъ, минекъ марто вейсэ озксотъ иля кантлекъ. Не валтнэнь марязь Іоакимъ атя пекъ потморгадсь: пекъ стака ужъ тензэ Евреенть валтнэде теевсь. Сонъ церкувастонть лись да тусь. Сонъ авуль кудовъ, а паксявъ эсензэ пастухтнэ ваксъ молсь. Сонъ тосо авардезь Пазнэнь озномо кармась. Ниленькемень чи, ниленькемень ве апакъ симть, апакъ ярсакъ Пазнэнь тесэ озномо карманъ, мери. Тонъ, Вере Пазомъ, Авраамнэнь сыредень пелензэ цёра максыть; монень гакъ ней сыре чисэмъ эйде максомо війсэть. Вай, Вере Пазомъ, макстъ тенекъ эйде! Стака пекъ тенекъ ломатнеде: Сынь лангсонокъ и пейдить, и сёвныть эйсэнекъ!

Святой Іоакимъ атянь козяйказо Анна эйсэнзэ кудовъ учось-учось, а учови тензэ. Мейле сонъ марясь, кода сонзо прявтъ священникъ да ліятъ какъ покурдызь. Сонъ марясь мирдензэ чаво паксявъ эсь стаданзо ваксъ туемадонзо. Святой Анна баба риксэ авардеме кармась. Монъ, мери, весе ломатне ютксто пежетеванъ: Пазомъ монь эйсэмь кадымемь, ломать лангсомъ пеедить, мирдемъ гакъ кадымемь! Эрва чистэ сонъ истя авардезь Пазнэнь ознось. Сонъ ве чистэ эсензэ садозонзо лись да ве чувтосъ чиремсь. Ваны чувтонть прясо нармонень пизыне. Пизынесь пешксе левкскеде. Нармонень левкскетне лангсъ ванозь седіякъ стака, седіякъ апаро тензэ теевсь. Израилень народъ ютксо мондемь пежетевъ, мондемь талановтомо ве ава якъ арась, ве ава якъ а муятъ! Эрва ава эсь кедензэ лангсо эйде касты, эйдензэ лангсъ ванозь мелезэ [ 5 ]касы. Ансякъ монъ ськамомъ знярдоякъ эстемь радость а неянъ видна! Стака темь, Вере Пазомъ! Эрва кинь церкувасо озксозо примави: сонъ эйдень канды ава, ансякъ монъ ськамомъ эсь Пазомъ церкувадонзо айгезянъ. Монъ ансякъ ськамомъ масторъ лангсо эрва киде, эрва мезде пежетеванъ, берянянъ несакъ: а нармонень ёновъ, а масторъ лангсо звѣрть-скотинатъ ёновъ монъ а молянъ: сынь весеместъ, Вере Пазомъ, эйдестъ-какшостъ Тонь икелеть кастыть. Вай, монь Пазомъ, Тонъ Сарранень сыредень пелензэ цёра максыть, Тонъ Самуилъ пророконь Анна аванстэнь сыредень пелензэ максыть. Варштакъ ней, Вере Пазъ Корминецькемь, монь лангозомъ гакъ, кучтъ темь эйде, седеемь сэредеманзо віемтикъ! Цёра эйде, эле тейтерь эйде максатъ темъ, Эсеть икелеть служамо максса. Монъ сонзо эснэ Тонь икелеть служамо максомстомъ а карманъ кисэнзэ мелявтомо, ансякъ радувакшномо да, Вере Пазомъ, Тонь эйсэть шнамо карманъ!

Истя вана святой Анна баба Пазнэнь авардезь, инялдомстонзо, вдругъ Пазонь Ангелъ икелензэ появась. Анна, Анна! мери Ангелъ, тонь авардематъ, тонь инялдозь озноматъ Пазъ маризе. Вана ней тонъ пеке кандатъ да Тейтерь эйде шачтатъ. Марія лемъ макстадо тензэ. Марія Тейтеренкъ троксъ масторъ лангсо весе ломатне пежетьтестъ идезь улить. Святой Анна баба не валтнэнь марязь пекъ радувась. Сонъ пурнась сэрнясь да капшазь Іерусалимсъ тусь. Сонъ Іерусалимсъ Пазнэнь озксонь кандомо молсь.

[ 6 ]Секе шкастонть Пазонь Ангелось святой Іоакимъ атянень появась. Радувакшнокъ, мери, Іоакимъ атя! Пазъ тонь инялдоматъ маризе: тонь козяйкатъ Анна пеке канды да шачты тенть Тейтерь эйде. Сонзо шачомазонзо и менель и масторъ радуви. Монъ козяйкатъ эсензэ туртовъ гакъ теде ёвтынь. Козяйкатъ курокъ ва Іерусалимсэ ули, тонъ гакъ азе товъ. Сонъ тосо Пазонь церкуванзо ваксо каршозотъ понги Іоакимъ Ангелонь кандозь кулянтень кемсь да капшазь Іерусалимсъ сыргась. Сонъ кувать, а кувать молезь Іерусалимсъ пачкодсь. Ангелонь валонзо кувалтъ церкува ваксо козяйканзо муизе. Сынь вейкестъ вейкестъ туртовъ, мезе Ангелонть кедстэ марясть, ёвтлизь. Сынь, тесэ вейсэ Пазнэнь ознозь, мекевъ кудозостъ мурдасть. Ангелонь паро куля ёвтамодонзо мейле сескъ святой Анна баба пеке кандомо кармась. Сентября мѣсяцэнь кавксоце чистэнзэ святой Анна шачсь Тейтерь. Марія лемъ путсть тензэ. Пекъ ваньксъ святой Марія Тейтерень шачомазонзо и менель и масторъ пекъ радувасть. Іоакимъ атя пекъ ламо озкстъ кандсь Пазнэнь. Колмо іензэ топодемсъ пекъ ваньксъ святой Марія Тейтернень тятязо авазо эсестъ сельместъ икеле кудосостъ кастызь. Кода сонзо колмо іензэ топодсть, сонзо, алтамостъ кувалтъ, церкувасъ Пазнэнь служамонь кисэ максызь.

Богородица дѣва Маріянь шачома чинзе Сентябрянь кавксоце чистэнзэ празднуватано.

Ванодо вана, Эрзятъ, святой Іоакимъ марто Анна баба лангсъ. Сынь ворожія ланга эсть якакъ, ворожіянь маншема эсть кулсонокшно. Сынь [ 7 ]Пазонь кедстэ эйде вейшть. Атынь, коли эйденкъ-какшонкъ арасть, эле улить, да кулсить, ворожія ланга якатадо да сынстъ маншемазостъ кемдядо.

Илядо кемть ворожіянень: сонъ семья ютксо кежень теемадо лія мезіякъ а соды. Ванадо тынь Іоакимъ марто Анна лангсъ: Пазъ тенстъ сыредезь чисэстъ эйде максь. Тынь мердядо: сынь святойть улнесть. А тынянкъ ки отказы святойксъ улеме? Священной Писаньясо ёвтазь ули: Вешеде, максоты тенкъ; вешнеде, муйдядо; стукадо, панжоты тенкъ. (Ев. Мат. 7 гл. 7 ст.). Писаньясо истя якъ ёвтазь тарка ули: улить истятъ тевть, конатъ ломаннень а теевить, а Пазнэнь мезіякъ а теевемашка арась. (Ев. Лук. 18 гл. 27 ст.). Коли тонь, Эрзя, эйдеть-какшотъ арасть, эле улить да кулсить — а эрить, ворожіянень иля якакъ, иля пувсевть а ведь лангсъ, а лія мезе лангсъ: пежеть истя тейнемсъ. Тонъ мезе тенть эряви Пазонь кедстэ вешть. Коли ужъ тенть Пазъ те чистэ а максы, сестэ Сонъ тенть тона чистэ макссы.