Колхозонь эряф/1939/01-2/1905 кизонь январть 9-це (22-це) шиц

From Wikisource
Jump to navigation Jump to search
Колхозонь эряф (1939), № 1-2 Январь-Февраль
1905 кизонь январть 9-це (22-це) шиц
Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь правлениять органоц. Лисенди кемгафтувоце кизось, ковти весть. — № 1-2 Январь-Февраль 1939 киза. — с. 16—17
 
[16]
 
1905 кизонь январть 9-це (22-це) шиц
 

1901 кизоня, мзярда Петербургскяй Обуховскяй заводонь рабочайхне тюрсть оцязоронь полициять и войскатнень каршес, В. И. Ленин сьормадсь: „Правительствась сяськсь. Но эрь тяфтама сяськомась кармай апак лотксек маладкстопнемонза сонь окончательнай поражениянц. Народть каршес эрь битвась кармай касфнемонза возмущеннай и бойти анок рабочайхнень лувксснон, кармай лифнема сяда опытнай, сяда цебярьста вооружандаф, сяда смелста действовандай вожакт“.

Эряфсь марнек кемокстазе В. И. Ленинть анализонц.

1902 кизонь мартть 8—9-це шинзон Сталин ялгать руководстванц ала йотафтф демонстрация Батумса, 1902 кизонь ноябрьста ульсть грандиознай митинкт Ростовса, 1903 кизоня йотась всеобщай забастовка Россиять юг ширесонза, тя сембе цебярьста няфнезе, што рабочай классь аноклай решительнай схваткатненди самодержавиять каршес.

1904 кизонь декабрьста большевиконь Бакинскяй комитетть руководстванц ала йотафтфоль бакинскяй рабочайхнень знаменитай стачкасна. „Бакинскяй стачкась послужил сигналкс сембе Россиять эзга январско-февральскяй славнай выступлениятненди“ (Сталин).

Оцязоронь правительствась примсезень сембе мератнень сянди, штоба шарфтомс рабочай массатнень мяльснон революционнай тюремать эзда. Охранкась провокаторхнень вельде пуропнесь эсь организациянзон рабочайхнень йоткса. Тяфта лиссь зубатовщинась Москуса, тяфта лиссь „Фабрично-заводской русскяй рабочайнь собраниясь“ Петербургса, конань тиезе провокаторсь поп Гапонць.

Мзярда 1905 кизонь январть 3-це шистонза Путиловскяй заводса ушедсь молема стачка, конань поддержали Петербургонь сембе завоттнень и фабрикатнень эса рабочайхне, мзярда забастовкась примась всеобщай характер и движениясь ушеткшнесь грознайста касома, оцязоронь охранкась нолдазе ходс поп Гапонть. Сон ушедсь корхнема рабочайхненди, што эряви молемс Зимняй дворецти, максомс петиция (энялькс) оцязорти. Гапонць мярьгондсь, што оцязорсь лиси народти, кулхцондсы сонь и максы тейнза лезкс. Большевикне корхнесть, што аф петициятнень вельде, а вооруженнай тюремать вельде народсь удовлетвориндасыне эсь требованиянзон.

Но рабочайхне, конат нинге ашезь шарьхкотькшне, што Гапонць синь врагсна, синь верондазь мольсть сонь мельганза. И вов январть 9-це шистонза (од стильс коря январть 22-це шистонза) неделяшиста Гапонть провокаторскяй планонц коряс рабочайхне, шовдава ранакиге, пуромомок эсь фабрикаснон и заводснон малас, хоругвя и шкай мархта, оцязорть портретонзон мархта тусть Зимняй дворецть ширес. Мольсть рьваснон мархта, идьснон мархта. Но сембе вастова Петербургонь пролетариаттне васьфнесть оцязоронь войскань штыкт, конат перьсезь синь киснон и ашезь новля столицать центранцты. Оцязорсь мярьгсь ляцендемс рабочайхнень. Лама рабочай ульсь шавф и ранендаф.

Оцязорти верондамась ульсь растреленай. Рабочайхне шарьхкодезь, што лац корхнесть тейст большевикне, конат выступали тя демонстрациять каршес, конань организовандакшнезе Гапонць. Рабочай массатнень йоткса кармась вишкста касома большевикнень [17]авторитетсна и январть 9-це шистонза тьожятть петербургскяй рабочайхне шарьхкодезь синь лозунгснон, конат тернезь рабочайхнень аф эняльдематненди и петициятненди, а царизмать каршес вооруженнай тюремати.

Январть 9-це шистонза илятти ни пролетариаттне ушедсть вятема вооруженнай схваткат оцязорть войсканзон каршес. „Рабочай классь, — сьормадсь Ленин, — получась гражданскяй войнань великай урок; пролетариатть революционнай воспитанияц фкя шиста аськолдась инголи тяшкава, кода не мог сон аськолдамс серай, будничнай, забитай эряфонь кофнень и кизотнень пингста“.

В. И. Ленин цебярьста няезе, што Петербургса январскяй шитне неизбежна и эстакиге арайхть васенце ступенькс сяда кели, сяда сознательнай, сяда аноклаф движенияти, што январть 9-це шистонза событиятне арсихть Россияса революциянь ушетксокс.

Конашкава глубокай и вернай ульсь ся анализсь, конань максозе Ленин январть 9-це шистонза событиятненди, няфтезе протестонь политическяй стачечнай ся волнась, конац мольсь сембе странать эзга и сргозьфтезень народнай лама массатнень, панжемок синь сельмоснон оцязоронь самодержавиять лангс. „Оцязорть кровавай злодеяниянц колга страшнай кулясь пачкодсь сембе васттненди. Возмущениясь и негодованиясь фатязе марнек рабочай классть, сембе странать. Ашель тяфтама ош, коса ба афольхть бастованда рабочайхне оцязорть злодействанц каршес протестонкса и афольхть лифне политическяй требованият. Рабочайхне лисендсть тяни ульцяв „Долой самодержавиять“ лозунг мархта. Январьста стачечникнень лувкссна пачкодсь пяк оцю цифрас — 440 тьожяньц. Фкя ковста бастовандась рабочайда сяда лама, чем сяда ингольдень кемонь кизотнень пингста. Рабочай движениясь кеподсь огромнай серес“ („ВКП(б)-ть Историяц“, 56 стр.).

Тюремась Россияса арсесь всероссийскяй революционнай пожаркс. Самодержавиять каршес пролетариатть героическяй тюремань тя этапонц итогонзон Сталин ялгась няфтезень замечательнай воззванияса, конань нолдазе 1905 кизонь мартть 26-це шистонза Кавказскяй союзнай комитетсь: „Пролетариатсь восстал. 300 тьожянь рабочайхть вешсть „человеческяй прават“. „Свобода или кулома“ — тяфтамоль лозунгсна восставшай петербуржецнень. Синь мельгаст мольсть Москусь, Ригась, Вильнось, Варшавась, Одессась, Кавказсь — и Россиясь арась восстаниянь аренакс“ (Л. Берия. „Закавказьяса большевистскяй организациятнень колга кизефксти“, 50 стр.) Ня факттнень эзда Сталин ялгась тиендсь тяфтама вывотт: „Революциянь предводителькс ащи пролетариатсь,“ „пролетариатсь моли революцияти“, „пролетариатти эряви кеме, истинно руководящай партия“, „организовандамс восстания — минь партияньконь прямой долгоц“.

Бойхнень эса календаф и касф большевиконь партиясь, конань возглавляли Ленин и Сталин, вятезе пролетариатть царизмать штурманцты, капитализмать громиндаманцты. Большевиконь партиясь народонь тюрьмаста тиезе Россиять победившай социализмань панчфокс-панжи странакс, конац эряй мирса инь демократическяй конституциять коряс.

Рабочай классть величайшай стахановскяй движениянь шинзон пингста Сталин ялгась эсь речьсонза минь величайшай сатфксоньконь сотнезень ся тюремать мархта, конань вятезе рабочай классь 1905 кизоня, ся тюремать мархта, кона ушедсь январть 9-це шистонза событиятнень вельде и конац вятсь Рабочай Депутатонь Советтнень образовандамаснонды. „Рабочай Депутатонь Советтнень инкса тя движениясь, — корхтась Сталин ялгась, — конань ушедозь 1905 кизоня ленинградскяй и московскяй рабочайхне, в конечном счете вятсь капитализмать разгромонцты и мирть фкя котоцекс пялькссонза социализмать победанцты“.