Колхозонь эряф/1939/01-2/В. В. Куйбышев

←1905 кизонь январть 9-це (22-це) шиц

Колхозонь эряф (1939), № 1-2 Январь-Февраль В. В. Куйбышев

Куйбышев Самараса→

Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь правлениять органоц. Лисенди кемгафтувоце кизось, ковти весть. — № 1-2 Январь-Февраль 1939 киза. — с. (25)26—27

 

В. В. Куйбышев

(Кулома шистонза сявомок 4-це годовщинати)

1935 кизонь январть 25-це шистонза советскяй народсь юмафтозе минь эпоханьконь замечательнай ломанензон эзда фкять — советскяй государствать крупнейшай организаторонц и руководителенц, ленинско-сталинскяй типонь выдающай политическяй деятель В. В. Куйбышевть.

Народонь вракне — троцкистско-бухаринскяй веры фашистскяй пинетне рабочай классть и большевистскяй партиять каршес эсь зверинай ненавистьсост злодейски кулофтозь Куйбышев ялгать.

ВКП(б)-ть Политбюронц членоц, СССР-нь Народнай Комиссаронь Советть председателенц заместителец, Советскяй Контролень Комиссиять председателец, В. В. Куйбышев ульсь ломанькс, конац сембе эсь нюрьхкяня, но пяк яркай эряфонц максозе народть тевонцты, Ленинонь—Сталинонь партияснон тевонцты, коммунизмать тевонцты.

 

* * *

В. В. Куйбышевсь шачсь 1888 кизоня Омск ошу. Валериан Владимировичть школьнай кизонда йотасть омскяй кадетскяй корпусть душнай стенанзон потмоса. Куйбышевть ульсь глубокай, пытливай мялямоц и чуткай седиец, сяс сон рана шарьхкодезе эксплуататорскяй стройть сембе несправедливостенц и порочностенц. В. В. Куйбышевсь нинге подросткакс арась революционнай кить лангс.

1904 кизоня 16 кизоса юношакс Куйбышевсь арась большевикокс.

Сон пяшкотькшнезень организациять инь разнообразнай поручениянзон: распространяндакшнесь нелегальнай литература, вятсь революционнай пропаганда железнодорожнай мастерскойнь рабочайхнень йоткса и солдаттнень йоткса.

Сьоксенда 1905 кизоня Валериан Владимировичсь сась Петербургу и ушедсь тонафнема Военно-медицинскяй академияса.

1905 кизонь декабрьскяй шитнень пингста, мзярда Москуса большевикне аноклакшнезь декабрьскяй вооруженнай восстаниять, петербургскяй большевистскяй организациясь мярьгсь Куйбышевти ускомс Финляндияста оружия восставшай московскяй рабочайхненди.

1906 кизоня Куйбышевть, кода активнай революционнай борецонь, панезь академияста. Сон тусь Омскяи и ушедсь тоса салава работама. Тя пингста сявомок Куйбышевсь апак лотксек вяти самай разнообразнай нелегальнай (подпольнай) работа, кода партийнай пропагандист и агитатор.

Каннск, Томск, Петропавловск, Омск, Харьков, Петербург, Самара — вов Куйбышевть подпольнай деятельностень «географияц». Валериан Владимировичть революционнай работац сидеста сязендевсь аресттнень, тюрьматнень, ссылкатнень сюнеда. Куйбышевсь 9 ульсь арестовандаф, 3 сонь судендакшнезь, 4 кучсезь ссылкас. Пламеннай, неутомимай революционерть эряфоц ульсь пяшксе опасностьта и лишенияда. Но Куйбышевсь вестенге ашезь эвотькшне, сон фалу ульсь весяла, жизнерадостнай, кеме и непоколебимай.

1917 кизонь февральскяй буржуазно-демократическяй революцияда инголе Куйбышевсь ульсь приговоренай ссылкас ичкоздень Турханскяй краи 5 кизонь пингс. Оцязорть йордаманц колга кулясь сатозе сонь кандаласа, строгай конвой мархта молезь.

Куйбышев тусь Самарав, коса сонь оцю мяльса васьфтезь рабочайхне. Самарскяй советть трибунанц лангста Куйбышевсь громиндакшнезень эсерхнень и меньшевикнень, разоблачандакшнезе Временнай правительствать контрреволюционнай сущностенц, выступал империалистическяй войнать каршес, социалистическяй революциять колга Ленинонь и Сталинонь лозункснон инкса.

Куйбышев ялгать активнай участиянц вельде Самараса установиндавсь советскяй власть.

1918 кизоня, мзярда Самарать лангс мольсть белогвардеецонь и чехословаконь полчищатне, Куйбышевсь башка ащи красногвардейскяй отряттнень эзда ковандазень Пензенскяй, Инзенскяй и Самарскяй дивизиятнень, создал 1-це Якстерь армиять. Сон сонць участвондась Волгать лангса бойхнень эса, туркменскяй фронтса. Марса Фрунзе мархта сон громиндазе Колчакть, освободиндакшнезень Средняй Азиянь нароттнень белобандиттнень эзда.

Гражданскяй войнать аделамдонза меле партиясь макссь Куйбышевти хозяйственнай, партийнай, профсоюзнай ответственнай работа. Большевиконь сембе эсь страстьсонза сон тюрьсь Ленинонь—Сталинонь тевснон инкса.

1923 кизоня Куйбышев ульсь путф председателькс Ленин ялгать указаниянц корясь реорганизовандаф ЦКК-а-РКИ-ти. Куйбышев ялгась энергична и страстна тюрсь большевистскяй партиять единстванц инкса, предательхнень — троцкисттнень и бухаринецнень каршес, конат тяряфнесть срафтомс большевиконь ряттнень. Куйбышев йотафтсь оцю работа антигосударственнай тенденциятнень и бюрократизмать эзда советскяй аппаратть чистендамаса.

Кода крупнай организатор и минь странаньконь хозяйстванц цебярьста содайц, 1926 кизоста сявомок Куйбышевсь возглавлял ВСНХ-ть. 1930 кизоста сявомок сон ульсь путф Государственнай Плановай Комиссиянь председателькс и руководил сталинскяй васенце и омбоце пятилеткатнень народнохозяйственнай планцнон тиемаса.

Колмоньгемонь кизода лама эсь героическяй эряфонц В. В Куйбышевсь максозе революциять тевонцты, Ленинонь—Сталинонь тевснонды.

 

---