Колхозонь эряф/1939/01-2/Великай сталинскяй клятвась пяшкотьф!
| Великай сталинскяй клятвась пяшкотьф! |
1924 кизонь январть 21-це шистонза илять 6 частста 50 минутаста, Москуть маласа, Горкаса, кулось Владимир Ильич Ленин.
Ленинть куломанц колга стака кулясь пяк оцю сярятьфокс сувась трудящайхнень седизост. Эсь вожденц и учителенц калмама шистонза международнай пролетариатсь 5 минутань пингс лоткафтозень сембе работатнень. Лоткасть паровосне, трамвайхне, станокне, лоткась работась фабрикатнень, завоттнень шахтатнень, рудникнень эса. Земной шарсь глубокай тишинаса калмазе ломаттнень эзда величайшайть.
Аф юкстави траурнай шитнень пингста, мзярда Москуса Колоннай залти советскяй странать сембе вастонзон эзда мольсть тьожятть ломатть прощандама Ленинть мархта, — Советонь Всесоюзнай II-це съездса кайгозевсь великай сталинскяй клятвась Ленинти, и сембе мирсь прислушивался Сталинть реченцты. Сембе мирсь кулхцондозе Сталинть реченц, сяс мес содазе, што Ленинть панжада лазксонц ваксса максси клятва сонь инь цебярь ученикоц, кельгома ялгац и коммунизмать инкса великай тюремаса бессменнай соратникоц.
Большевистскяй партиясь, советскяй народсь педа-пес пяшкодезь великай клятвать, конань максозе Сталин ялгась Ленинть лазксонц ваксса. Большевистскяй партиясь, советскяй народсь, конатнень вятьсыне Сталин ялгась, ашезь прафта Ленинть великай знамянц и сатсть социализмань всемирно-историческяй победат.
Ванфтомок чистотаса партиянь членть великай званиянц, ванфтомок партиять единстванц, кода зеница ока, ванфтомок и кемокснемок пролетариатть диктатуранц, сембе вийса кемокснемок рабочайнь и крестьянонь союзть, кемокснемок и келепнемок Республикань Союзть, кемокснемок Якстерь Армиять и Якстерь Флотть, кемокснемок и келепнемок сембе миронь трудящайхнень союзснон — Коммунистическяй Интернационалть, большевистскяй партиясь Сталин ялгать руководстванц ала, вятезе советскяй народть социалистическяй обществать сияющай высотанзонды.
Социалистическяй индустриализациять победанц вельде, сталинскяй грандиознай пятилеткатнень пяшкодемаснон вельде, конат поразили сембе мирть, минь странаньке, конац сяда инголе ульсь фталу илятьфокс, крестьянскяйкс, арась передовой, культурнай, могущественнай, независимай социалистическяй державакс, конац способнай тиемс трудонь и оборонань любовай орудият.
Большевистскяй партиясь, Сталин ялгать руководстванц ала, решительнайста и кемоста вятезе трудовой советскяй крестьянствать коллективизациянь кити, тя глубочайшай революционнай переворотонь кити, конац эсь последствиянзон коряс равнай 1917 кизонь октябрьста революционнай переворотти.
СССР-нь од Конституциясь, кона тись итокт социализмать победанзонды, — пяк цебярьста няфнесы, што сталинскяй клятвась пяшкотьф. СССР-са машфтф ломаньца ломанень эксплоатациясь, навсегда машфтфт эксплоататорскяй классне, безработицась, нищетась, [ 11 ]трудящай массатнень вандыень шити аф уверенностьсна. Рабочайнь и крестьянонь социалистическяй государствать гражданонзонды обеспечиндаф права трудти, ваймамати, тонафнемати, сиреста и сярядемань случайста материальнай обеспеченияти. Советскяй Союзсь сатозе сянь, мезень колга арьсекшнесть человечествать инь цебярь ломаненза.
Минь странаньке сатсь социализмань всемирно-историческяй победат сяс, што большевистскяй партиять, советскяй народть вятьсыне трудящайхнень кельгома вождьсна и учительсна, Ленинть испытаннай другоц и соратникоц — Иосиф Виссарионович Сталин.
Сталин ялгась кемоста вятезе и вятьсы социалистическяй государствать ся кить эзга, конань няфтезе гениальнай Ленинць. Сталин ялгась углубил и сяда тов развил Ленинть учениянц социалистическяй революциять колга, сон инголи мольфтсы марксистско-ленинскяй теориять, козякофнемок сонь од опытса, кона сявф классовай тюремань од условиятнень эса.
Ленинть куломдонза меле кеветие кизотнень пингста Советскяй Союзсь васьфнесь аф кржа трудностть, минь государственнай корабляньконди савсь йотамс аф кржа подводнай скалань вакска, аф кржа испытания савсь выдержать. И сембе сяка жа социализмась сяськсь! Сон сяськсь сяс, што минь партияньконь и народоньконь вятьсыне Сталин ялгась, конац воплотил эсь эсонза рабочай классть сембе мудростенц.
Сталин — тяфтама жа яснай и определеннай политическяй деятель, кода Ленин. Сталин тяфта жа бесстрашнай бойса и беспощаднай народонь вракненди, кода Ленин. Сталин тяфта жа свободнай всякай паникать эзда, паникань всякай подобиять эзда, мзярда тевсь ушеткшни сложнайготкшнема и горизонть эса вырисовывается кодама-кодама опасность, кода ульсь свободнай паникань всякай подобиять эзда Ленин. Сталин тяфта жа мудрай и аф эряскоды сложнай кизефкснень решандамста, коса эряви сембе ширдень ориентация и сембе плюснень и минуснень сембе ширдень учетсна, кодамкс ульсь Ленин. Сталин тяфта жа правдивай и честнай, кодамкс ульсь Ленин. Сталин тяфта жа кельксы эсь народонц, кода кельгондезе сонь Ленин.
Кеветие кизода тяда инголе Ленинть лазксонц ваксса Сталин ялгась макссь великай клятва. Тя клятвась ульсь большевистскяй партиять. Тя клятвась свято пяшкотьф.