Колхозонь эряф/1939/01-2/Ленинонь куломанц колга

From Wikisource
Jump to navigation Jump to search
Колхозонь эряф (1939), № 1-2 Январь-Февраль
Ленинонь куломанц колга by
авторсь: Сталин, Иосиф Виссарионович, мокшекс ётафтозе: Аф содаф (аноним)
Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь правлениять органоц. Лисенди кемгафтувоце кизось, ковти весть. — № 1-2 Январь-Февраль 1939 киза. — с. 7—9
Рузонь кяльса: По поводу смерти Ленина: Речь на II Всесоюзном Съезде Советов 26 января 1924 г.
 
[7]
И.  СТАЛИН

 
Ленинонь  куломанц  колга
Советонь Весоюзнай омбоце съездса речец 1924 кизонь январь 26-це шистонза
 

Ялгат! Минь, коммунисттне, — особай складонь ломаттяма. Минь скроенайхтяма особай материалста. Минь — сят, конат составляем великай пролетарскяй стратегонь армия, Ленин ялгать армиянц. Аш мезевок сяда высшай, кода честьсь ащемс тя армияса. Аш мезевок сяда вяре, кода партиянь членонь званиясь, конанди основателькс и руководителькс ащи Ленин ялгась. Аф всякайти максф улемс тяфтама партиянь членкс. Аф всякайти максф кирдемс стака пинкнень и бурятнень, конат сотфт тяфтама партиянь членствать мархта. Рабочай классонь цьоратне, нужань кирди и тюремань вяти цьоратне, неимовернай лишениянь и героическяй усилиянь цьоратне — вов кит, васендакиге, должетт улемс тяфтама партиянь членкс. Вов мес ленинецонь партияти, коммунистонь партияти, тяконь мархта марса мярьгондеви тейнза рабочай классонь партия.

Эздонок тумок, Ленин ялгась тейнек завещандась кирдемс вяре и ванфтомс чистайста партиянь членонь великай званиять. Макссетяма тейть клятва, Ленин ялгась, што минь тя тонь заповедьцень пяшкотьсаськ честь мархта!

Минь партияньконь эса Ленин ялгась пестовандась 25 кизот и сонь пестовандазе, кода инь кеме и мирса самай закаленнай рабочайнь партиять. Царизмать и сонь опричниконзон ударсна, буржуазиять и помещикнень пяляскодкшнемасна, Колчакть и Деникинть вооруженнай нападениясна Англиять и Франциять вооруженнай вмешательствасна, стоустай буржуазнай печатть васькафнемац и клеветац, — сембе нят скорпиоттне апак полафнек минь партияньконь пряс прашендсть векть нилеце пяльксонц йотамс. Но минь партияньке ащесь, кода утес, отражандакшнезень вракнень бесчисленнай ударснон и рабочай классть вятезе инголи, победати. Жестокай бойхнень эса минь партияньке ковандась единства и сплоченность эсь рядонзон эса. Единствать и сплоченностть мархта сон сатсь рабочай классть врагонзон лангса победа.

Эздонок тумок, Ленин ялгась тейнек завещандась ванфтомс минь партияньконь единстванц, кода зеница ока. Макссетяма тейть клятва, Ленин ялгась, што минь и тя заповедьценге пяшкотьсаськ честь мархта!

Стака и аф кандомшка рабочай классть доляц. Мучительнайхть и стакат трудящайхнень страданиясна. Рапне и рабовладелецне, крепостнойхне и крепостникне, крестьяттне и помещикне, рабочайхне и капиталисттне, угнетеннайхне и угнетательхне, — тяфта тиендевсь мирсь испокон веков, тяфтамкс лядонды и тянинге громаднай лама странава. Лама кемонень и сядонь крдаксть лама веконь кувалма трудящайхне тяряфнесть лафту лангстост йордамс угнетательхнень и арамс эсь положениясост господакс. Но эрь пингста, страфтфт и позорендафт, седисост сьопондсть и обида и унижения, злоба и отчаяния и взорснон устреминдакшнезь неведомай менельти, коста синь надиякшнесть мумс избавления, синь ульсть вынужденнайхть потамс. Рабствань цепне лядондсть апак токсек, либо сире [8]цепне полафневсть одса, тяфтама жа стакаса и унизительнайса. Аньцек минь странасонк угнетеннай и люпштаф трудящай массатненди удалась йордамс лафту лангстост помещикнень и капиталисттнень господстваснон и сонь вастозонза путомс рабочайхнень и крестьяттнень господстваснон. Тинь содасасть, ялгат, и тяни сембе мирсь тянь признает, што тя гигантскяй тюремать эса руководил Ленин ялгась и сонь партияц. Ленинть величияц, васендакиге, ащи сянь эса, што сон, тиемок Советонь Республика, тяконь мархта сембе масторонь угнетеннай массатненди тевса няфтезе, што избавленияти надеждась апак юмафтт, што помещикнень и капиталисттнень господствасна аф долговечнай, што трудонь царствась можна тиемс трудящайхнень эсь усилияснон мархта, што трудонь царствать эряви тиемс аф менельса, а модать лангса. Тянь эса сон крьвястезень сембе миронь рабочайхнень и крестьяттнень седиснон освобождениять лангс надиямати. Тянь мархта и азонкшневи ся фактсь, што Ленинонь лемоц арась сембе трудящай и эксплоатируемай массатненди самай кельгома лемкс.

Эздонок тумок, Ленин ялгась тейнек завещандась ванфтомс и кемокснемс пролетариатть диктатуранц. Макссетяма тейть клятва Ленин ялгась, што минь аф ужяльдсайнек эсь виеньконь сянь инкса, штоба тонь и тя заповедьценге пяшкодемс честь мархта!

Минь странасонк пролетарскяй диктатурась тиевсь рабочайхнень и крестьяттнень союзснон основанц коряс. Советонь Республикать тя васень и коренной основац. Тяфтама союзфтома рабочайхненди и крестьяттненди капиталисттне и помещикне афольхть сяськов ба. Рабочайхненди крестьянствать ширде поддержкафтома афольхть тапав ба капиталисттне. Крестьяттненди рабочайхнень ширде руководствафтома афольхть тапав ба помещикне. Минь странасонк лац корхтай тянь колга гражданскяй войнань сембе историясь. Но Советонь Республикать кемокстамаса тюремась ичкози нинге апак аделак, — сон аньцек примась од форма. Сяда инголе рабочайхнень и крестьяттнень союзсна ульсь военнай союзонь формаса, сяс мес сон ульсь направленнай Колчакть и Деникинть каршес. Тяни рабочайнь и крестьянонь союзсь должен ошть и велеть йоткса, рабочайхнень и крестьяттнень йоткса примамс хозяйственнай сотрудничествань форма, ибо сон направлен купецть и кулакть каршес, сяс мес сон имеет эсь цельсонза рабочайхнень и крестьяттнень йоткса сембе необходимай вастса взаимнай снабжения. Тинь содасасть, што кивок тяфтама настойчивайста тя задачать исце йотафне, кода Ленин ялгась.

Эздонок тумок, Ленин ялгась тейнек завещандась сембе вийса кемокстамс рабочайхнень и крестьяттнень союзснон. Макссетяма тейть клятва, Ленин ялгась, што минь и тя тонь заповедьценге пяшкотьсаськ честь мархта!

Советонь республикати омбоце основакс ащи минь странасонк трудящай национальносттнень союзсна. Русне и украинецне, башкирхне и белорусне, грузиттне и азербайджанецне, армяттне и дагестанецне, татархне и киргисне, узбекне и туркметтне, — сембе синь фкя лаца заинтересованнайхть пролетариатонь диктатурать кемокстамаса. Аф аньцек пролетариатонь диктатурась избавляндакшнесыне ня нароттнень цепнень и угнетениять эзда, но и ня нароттне Советонь Республикати эсь беззаветнай преданностьснон мархта, сонь инксонза прянь жертвовандамс готовностьснон мархта избавляндакшнесазь минь Советонь Республиканьконь козятнень и рабочай классть врагонзон вылазкаснон эздонга. Вов мес Ленин ялгась апак сизек тейнек корхнесь минь странаньконь народонзон добровольнай союзснон эрявиксонц колга, Союзонь Республикать рамкаса синь братскяй сотрудничестваснон эрявиксонц колга.

Эздонок тумок, Ленин ялгась тейнек завещандась кемокстамс и келептемс Республикатнень Союзснон. Макссетяма тейть клятва, Ленин ялгась, што минь и тя тонь заповедьценге пяшкотьсаськ честь мархта!

[9]Пролетарскяй диктатурати колмоце основакс ащи минь Якстерь армияньке, минь Якстерь флотоньке. Ленин аф весть корхнесь тейнек, передышкась, конань минь отвоевали капиталистическяй государстватнень кядьста, может улемс нюрьхкяне пингс. Ленин тейнек аф весть няфнезе, што Якстерь армиять кемокстамац и сонь состояниянц цебярьгофтомац минь партияньконди ащи фкя инь важнейшай задачакс. Керзонть ультиматумонц и Германияса кризисть мархта сотф событиятне лишнайксть кемокснесазь, што Ленинць ульсь, кода и всегда, виде. Поклянемся жа, ялгат, што минь аф ужяльдсаськ вийньконь сянь инкса, штоба кемокстамс минь Якстерь армияньконь, минь Якстерь флотоньконь.

Минь странаньке ащи громаднай утесокс, конац кружаф буржуазнай государствань океанца Волнатне фкя-фкя мельге кеворихть сонь лангозонза, гразяйхть ваяфтомс и шудемс. А утессь сембе ащи афи шерьхкозь. Мезьса сонь вийц? Аф аньцек сянь эса, што минь странаньке ащи рабочайхнень и крестьяттнень союзснон лангса, што сон олицетворяндакшнесы национальносттнень свободнай союзснон, што сонь аралакшнесазь Якстерь армияньконь и Якстерь флотоньконь могучай кядьсна. Минь странаньконь вийц, сонь крепостец, сонь кеме шиц ащи сянь эса, што сон имеет сембе масторонь рабочайхнень и крестьяттнень седиснон эса глубокай сочувствия и нерушимай поддержка. Сембе миронь рабочайхне и крестьяттне Советонь Республикать йорасазь ванфтомс, кода стрелань, конац Ленин ялгать вернай кяденц мархта нолдаф вракнень станозост, кода гнетть и эксплуатациять эзда избавлениянди эсь надиямаснон опоранц, кода вернай маяк, конац няфнесы тейст освобождениянь кить. Синь йорасазь сонь ванфтомс, и синь сонь капиталисттненди и помещикненди срафтомс-калафтомс аф макссазь. Тянь эса минь вийньке. Тянь эса сембе странань трудящайхнень вийсна. Тянь эса жа сембе миронь буржуазиять лафча ширец.

Ленин мзярдонга Советонь Республикать лангс изь вана кода самоцелень лангс. Сон коль сонь ванондозе кода эрявикс звена Западнай и Восточнай странатнень эзга революциянь движениянь вишкоптеманди, кода эрявикс звена сембе масторонь трудящайхнень капиталть лангса победаснон тьождялгофтоманцты. Ленин содазе, што аньцек тяфтама шарьхкодемась ащи видекс аф аньцек международнай ширде ванозь, но и сонцень Советонь Республикать ванфтоманц ширде ванозь. Ленин содазе, што аньцек тянь вельде ули кода крьвястемс сембе миронь трудящайхнень седиснон освобождениянкса решительнай бойхненди. Вов мес сон, пролетариатонь гениальнай вождтнень эзда инь гениальнайсь, омбоце шинякиге, кодак сяськсь пролетарскяй диктатурась, заложил рабочайнь Интернационалть фундаментонц. Вов мес сон изь сизсе келепнемс и кемокснемс сембе миронь трудящайхнень союзснон — Коммунистическяй Интернационалть.

Тинь ня шитнень эзда няесть Ленин ялгать лазксонзонды кемотть и сядот тьожятть трудящайнь паломничествать. Аф лама пингонь йотазь тинь няйхтяда Ленин ялгать калмонцты лама миллион трудящай представителень паломничества. Можете аф сомневандамс сянь эса, што миллиононь представительхнень меле таргавихть кемотть и сядот миллиоттнень представительсна сембе светть пензон эзда сянь инкса, штоба свидетельствовандамс, што Ленин ульсь вождекс аф аньцек русскяй пролетариатти, аф аньцек европейскяй рабочайхненди, аф аньцек колониальнай Востокти, но и земной шарса сембе трудящай мирти.

Эздонок тумок, Ленин ялгась тейнек завещандась Коммунистическяй Интернационалть принципонзонды верность. Макстама тейть клятва, Ленин ялгась, што минь аф ужяльдсаськ эсь эряфоньконь сянь инкса, штоба кемокстамс и келептемс сембе миронь трудящайхнень союзснон — Коммунистическяй Интернационалть.
 

 
This is a translation and has a separate copyright status from the original text. The license for the translation applies to this edition only.
Original:
Info icon 001.svg#licence info


Flag of the United States.svg Public domain
This work is in the public domain in the United States because it was first published outside the United States prior to January 1, 1925. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1949 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1925 works copyrighted at home.


Данная работа, впервые изданная до 1925 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1953 году, и был участником Великой Отечественной войны, соответственно эта работа выйдет в России в общественное достояние в 2028 году.

The author died in 1953, so this work is also in the public domain in countries and areas (outside Russia) where the copyright term is the author's life plus 60 years or less.

PD-US-1923-abroad Public domain in the United States but not in its source countries //wikisource.org/wiki/%D0%9A%D0%BE%D0%BB%D1%85%D0%BE%D0%B7%D0%BE%D0%BD%D1%8C_%D1%8D%D1%80%D1%8F%D1%84/1939/01-2/%D0%9B%D0%B5%D0%BD%D0%B8%D0%BD%D0%BE%D0%BD%D1%8C_%D0%BA%D1%83%D0%BB%D0%BE%D0%BC%D0%B0%D0%BD%D1%86_%D0%BA%D0%BE%D0%BB%D0%B3%D0%B0

Translation:
PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • it was anonymously published before January 1, 1950 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • it was anonymously published before January 1, 1946 (more than 50 years ago from 1/1/1996).

This anonymous or pseudonymous work is also in the public domain in other countries and areas where the copyright term of anonymous or pseudonymous works is 80 years or less since publication.

Flag of Russia.svg