Колхозонь эряф/1939/01-2/Ленинизмать торжествац
[ 3 ]
| Ленинизмать торжествац |
15 киза ни, кода аш минь мархтонок Ленин.
Но Ленин эряй партиять эса, конань создал и выпестовал сон, советскяй народть героическяй тевонзон эса, минь странасонк социализмать победанзон эса. Ленин эряй Сталинскяй Конституциять эса. Ленин эряй сембе миронь трудящайхнень седисост, кода тюремань знамя коммунизмать инкса.
1924 кизоня траурнай шитнень пингста, мзярда сембе миронь трудящайхне скорбили аф мрдафтови юмафксть колга, большевистскяй партиять лемста Сталин ялгась макссь клятва:
Кирдемс вяре и ванфтомс чистотаса партиянь членть великай званиянц;
Ванфтомс минь партияньконь единстванц, кода зеница ока;
Ванфтомс и кемокстамс пролетариатонь диктатурать;
Сембе вийса кемокснемс рабочайхнень и крестьяттнень союзснон;
Кемокснемс и келепнемс Республикань Союзть;
Кемокснемс минь Якстерь армияньконь, минь Якстерь флотоньконь;
Кемокстамс международнай пролетарскяй солидарностть, улемс вернайкс Коммунистическяй Интернационалть принципонзонды.
Кеветие кизотне, конат йотасть Владимир Ильичть кулома шистонза сявомок, ульсть тяфтама кизокс, мзярда победнайста йотафнесть эряфс сонь заветонза. Ленинть тевонц великай продолжителец — Иосиф Виссарионович Сталин сембе чистотаса ванфтозе марксизмать-ленинизмать учениянц, углубил и развил сонь сяда тов, социализмать строительстванц условияса.
Французскяй писательть Анри Барбюсть выражениянц коряс, „Сталин — тя Ленин тячи“. Сталин ялгась вятезе странать социализмати. Сонь руководстванц ала партиясь йотафтозе эряфс странать социалистическяй индустриализациянц и решандазе социалистическяй революциять важнейшай и инь труднай кизефксонзон эзда фкять — сатозе сянь, што мелкай и башка эряй крестьянскяй хозяйстватне йотасть крупнай коллективнай хозяйствань кить лангс. „Тя ульсь глубочайшай революционнай переворот, скачок обществать сире качественнай состояниянц эзда од качественнай состоянияс, конац эсь последствиянзон коряс равнай 1917 кизонь октябрьста революционнай переворотти“ („ВКП(б)-ть Историяц“, 291 стр.).
Ленинть куломдонза меле ленинизмать врагонза аф весть тяряфнесть атаковандамс партиять, штоба меки мрдафтомс СССР-в капитализмать, но получасть сокрушительнай отпор. Партиясь, конань вятьсы Сталин ялгась, наголову тапазень троцкистско-бухаринскяй и буржуазно-националистическяй предательхнень и изменникнень, фашистскяй разедкань гнуснай наемникнень. Советскяй модать лангса аш и афи ули эряф социализмать врагонзонды народть врагонзонды!
Мзярдонга ашель тяшкова вию и кеме советскяй странать народонзон союзсна, мзярдонга ашель тяшкава кеме советскяй народть — рабочайхнень, крестьяттнень, служащайхнень, интеллигенциять морально-политическяй единствасна. Эрь кизоня, эрь ковня касонды социалистическяй государствать могуществац, касы трудящайхнень культурасна, политическяй сознаниясна, материальнай благосостояниясна. Ленинскяй идеятнень торжествасна пяк цебярьста [ 6 ]обобщенай и няфтьф замечательнай сталинскяй книгаса — „ВКП(б)-ть историянц Краткай курссонза“, конац ащи большевизмань аф полафтови идейнай оружиякс.
Советскяй демократизмась, конац пяк цебярьста няфтьф Сталинскяй Конституциять эса, сатсь величайшай расцвет. Ленинонь—Сталинонь партияснон мудрай руководстванц вельде, Советскяй Союзсь сувась социалистическяй обществань строительствать аделаманц и коммунистическяй обществати постепеннайста йотамань полосати.
Кассть од ломатть, конатненди трудсь арась честень, славань, доблестень и геройствань тевкс. Но капитализмать пережитканза ломаттнень сознанияста марнек нинге апак машфтт. Тя задачать решандаманц инкса эряви всякай лаца воспитывать трудящайхнень йоткса трудонь социалистическяй дисциплина, разоблачандакшнемок лодырьхнень и рвачнень, разгильдяйхнень и производствань дезорганизаторхнень.
Минь странаньке победоносна моли коммунизмати. Но сон ащи капиталистическяй окруженияса. Эряви сембе вийса кемокснемс сонь обороноспособностенц, касфнемс Якстерь армиять и Якстерь флотть боевой качестваснон. „Эряви, — корхтай Сталин ялгась, — сембе минь народоньке кирдемс мобиализационнай готовностень состоянияса военнай нападениянь опасностть инголе, штоба кодамовок „случайность“ и минь внешняй врагоньконь кодамовок фокуссна афолемазь сата минь врасплох...“
Сталинскяй Конституциять шивалдонц алда и ингольге кармай касома и кемокстама советскяй странась. Социалистическяй строительствать эрь победац кармай корхтама Марксонь—Энгельсонь—Ленинонь великай идеяснон торжестванц колга.
Фашизмась обреченнай и ули тяйф модать шаманц лангста народань гневонь и победоноснай восстаниянь вихрьса! Минь увереннайста и бодрайста ваттама инголи, сяс што инголи минь вятьсамазь великай Сталинць, минь вятьсамазь бойхнень эса испытандаф Ленинонь—Сталинонь аф сяськовикс партиясна. Будущайсь ащи минь мельганк! Марксизмань—ленинизмань идеятне сяськихть сембе мирса!