Ичкиздень масторхня/16
[ 79 ]
| 16.
|
Кафта шида меля заводонь тиема васца улсь празднек. Ненгя шудава ранакигя састь музыкантня, цютька сяда меля ошста завотнень эзда должен улсь самос делегациясь, пионеронь отряд и докладчект. Ся шиня улсь торжественнай путфкс главнай корпузти.
Тя сембя улсь интереснай, но сякожа шиня Алёшинаса калмазь шавф председателть Егор Михайловичть, конаннь теланц музь, вирста оцю лощин потмоста.
И цёранятня шарст тов и сей и изезь сода ков теест мольмос.
— Алёшинав сяда цебярь, — мярьксь Васькась. — Завоц ненгя аньцек уйфни сон валда тяса ули, а Егоркась тяни ни мзярдонга аф ули.
— Тинь Петькать мархта ласькода Алёшинав, — мярьксь Серёжкась, а мон лядан тязк. Тоса тинь теень азонцасть, а мон теенть азонца.
— Ладно — согласидондась Васькась. — Минь минць может пенцти сатама... Петька, кядезнок нагайкатнень!.. Гайда алашатнень лангс, арттама.
Коськя и пси вармада меля, веть ётась пизем, а шубдавась улсь кельмя.
Сянгса-ли, мес улсь пяк мани, сонь лучензон эзда леборцть кемя од флакня, сянкса ли мес аф стройнаста лятьф ланкса морасть музыкантня и заводскай площадкати молсть сембя ширетнень эзда ломатть, улсь мес бди пяк весяла... Аф станя весяла мзярда коленделеть, комотнелеть, рахалеть, а станя, кода эрси ков-ков ичкизи тумода инголя, кувака ки ланкс, мзярда [ 80 ]цютькяня ужяль ся, мезя лядонды фталу и кемоста максы радость ся оц, конац должен васедьмос кить ётама пенцти.
Тя шиня калмаз Егорть. Тя шиня арафтозь тиемс главнай алюминиевой заводть корпузонц. И тяка шиня № 216-ця раз’езть лемонц арафтозь станциякс и путць лем «Самолетть пацянза».
Итня дружнаста ласксть кинять эзга. Седьнять тейс синь лоткасть. Кинясь тяса улсь тяйняня, бокованза улсть эрьхконят. Уторозост молсть ломатть. Ниля милиционерхт, кафта инголя, кафта фтала, кяцост нагатт — вяцть колма арестованнайхть. Нят улсть Ермолайсь, Данил Егоровичсь и Петунинць. Ашель анцек Загрёбин весяла кулаксь, конац ненгя ётай веня, мзярда вачкодезь пайкть, клёк инголя кулякстазя мезень колга ащи тевсь, кадозя хозяйстванц и орьгоць кати ков.
Мзярда няёзь цёранятня кода вяцазь арестованнайхнень синь потасть, фталу арасть лебонть вакс максть ки сёлгонтфненди.
— Петька, тон дят пель. — Тошказевсь Васькась кда няезя кода лофталгоць сойнь ялганц шамац.
— Мон аф пелян, — пшкяць уторозонза Петянясь. — Тон мярьгать што мон синь эздодост эводнь сянкса аф корхтан мезевок? — марьксь Петькась, мзярда арестованнайхня ётасть вакскаст. — Титя мон, тинь, дуракнень эзда пелянь.
И хоть Петькась азссь аф цебярь валхт и тянгса сойнь эряволь сефтемс, но сон стама видеста и стама цебярьста варжаксць Васькать ланкс, Васькась рахазевсь, мярьксь.
— Мезя ули вий — ласкома!
Егор Михайловичень калмазь аф калма ланкс, калмазь сонь велеть фталу, Сетьмя ляйть, крута трваньц лангс. Тяста няевсть кели розь панжи паксятня, и Забелинонь кели лятьфонза ляйть мархта, ся самай, конаннь перьф крьвязсь стама вишкя тюрема.
Калмазь сонь велень келеса. Сась постройкаста рабочай делегациясь. Ошста сась докладчик.
Попонь сатть эзда аватня ненгя илять шувсть клёк оцю и цебярь махровай шиповникть самай кели тарадня, ся таратт, конац тунда палы пиндолды якстеря цвеца, кда варжамс пефтома
[ 81 ]_p85.jpg)
Катк панжи.
Цёранятня кочкасть паксянь панчфкат и стака венокнень путозь начка пичень ласнень ланкс.
Эста кеподезь ласнень и тусть кандома и васеннь парть эса улсь ингольтень машинистс бронированнай поезцта, Иван Михайлович атясь, конац сась калмама ненгя илять. Сон кандозя эсь кочегаронц мекпяльденнь прощадондама кига, ся кочегарть, конац путозя прянц революциять тевонц ингса.
Атять аськолманза улсть стакат, а сельмонза начкт и кяжийхть.
Петькась и Васькась куцсть сяда вяри бугорть пряс, арасть калмоть инголя и кулхцонцть.
Корхтась ошста саф аф содаф ломань. И хть сон и улсь аф содаф ломанць, но сон корхтась станя, кода бта сон Егорть
[ 82 ]_p86.jpg)
Сон корхтась ветя тёжятть тракторхнень колга, конат нолдафт и улийхть нолдафт пефтома паксятнень ланкс.
И сембя сонь кулхцондозь.
И Васькась Петькать мархта кулхцонцть.
Но сон корхтась сянь колга, што тяфта простойста, апак тюрхть, од эряф аф тиеви, эряви тюрьмос апак лотксек козя алятнень каршес.
[ 83 ]И ненгя апак калмак модаса Егорть калмонц лангса веродондасть сембя, што апак тюрхть жертвафтома од эряф аф тиеви. И Васькась Петькать мархта стане жа веродондасть.
Алёшинаса улсь калмама ши, но тя шиня тясожа панчсть тиемс од оцю завод. Сянгса докладчикть вайгелец улсь кемя, сон корхтась кемоста и бодрайста.
Хотя постройкать лангса улсь празник, омбоця ораторсь, конаннь кулхцондозя баракть крышканц лангста Серёжась, корхтась сяннь колга, што празнекомать празнек, но тюремась везде моли, сон моли апак лотксек, кода празнекста станя и стакшиня.
И кда лятфтазя тиезя сон суседнь колхознь председателть куломс шавманц колга, сембя стясть, валхтозь такьяснон, а музыкась празнекть эса кармась морама траурнай марш.
Тяфта корхтасть и тоса, тяфта корхтасть и тяса, сяс мес и завотня и колхосня — сембя фкя целайть пяльксонза.
И сяс, мес аф знакомай докладчиксь ошста корхтась, кода бта сон кунарони лац содазя сяннь, мезень колга тяса арсесть, мезнь колга ненгя сомневадондасть и мезя ненгя тейст эряви тиймос, Васькась, конац ащесь бугорть лангса и ванц, кода шары платинать эса вець, вдруг кода бди эзк марязя, што и афкукс — фкя целай.
И 216 раз’езць, конац тячинь шиста сяда ламос ни аф раз’езд, «Крылья самолета» станция, и Алёшинась, и од завоц, и тят ломатьня, конат ащийхть ласнень ваксса, а синнь мархтост и сон, и Петкась — сембя синь пялькскать фкя оцю и вию целайть, ся целайть, конанди мярьгихть советскай мастор.
И тя ёнць, простой и валда ёнць, арась сонь прязонза.
— Петька, — мярксь сон, васенкие повсь тяфтама волнение алу, — афкукс, Петька, кда-ба и миннь тонь мархтот стане жа шавольмязь, или кода Егорть, или вайнаса, то катк шавольмязь? Тейнек аф жалка!
— Аф жалка. — Кода, мярьксь мельганза Петькась, шарьхкодезень тиезнь Васькать мялензон. — Аньцек содасак, лучши минь карматама эряма куваць и куваць.
Мзярда синь молсть куду, то ненгя ичкизя марязь музыкать и дружнай калмама моротьнень. Празнекс самай вийнчнесь.
[ 84 ]Мызнась и галдордозь пяк вишкста шарксть эзда лись скорай поезць.
Сон вишкста ётась вакска, ичкизень советскай Сибири. И тётьмакня кеняньдезь яфиезь тейнза кяцнон и ювацть «счастливай ки» сонь пассажиронзонды.