Ичкиздень масторхня/14
[ 70 ]
| 14.
|
Петькать мархта мекпяльценнь пингть эзда дружбась сязевсь. Петькась арась кода бди аф стама, дикай.
То сембя моли лац, — налхкси, то эзк сёрмосы конянц, аф кармай корхтама и целай ши аф няфти пря, а сембя мезя бди тиенди калдазса Еленкать мархта.
Кода бди весть, столярнай мастерскойста самоста, коса синь Серёжкать мархта озафнесть молотокт рукояткатненди, обетта инголя Васькась кармась эшлема.
Но тусь тийсь кинять эзга няезя Петькать. Петькась молсь [ 71 ]инголя, сидеста лотксесь и варчсесь фталу, кода бта пелсь киегя дялхця няй.
И Васькась кармась ванма мельганца, ков моли салаваня тя шальной и страннай ломанць.
Яфоць пси варма. Вирсь жалнась. Аф пелезь цяторфта эсь пильгя алдонза Васькась шаркстась кинять эзда и тусь вирть потмова Петькать меля.
Петькась молсь аф ровнаста, то бта сявондь вий ласькозь ласьксь и ласьксь вишкста и куваць, станя што, Васькась, конанцты эрявсь тиемс кичкоркс, вихца кенерсь мельганза, то сон лотксесь, уйфнесь пелезь ванондома ширева, а сяда меля молсь валом, пцти вихца, бта кие бди фтала сонь панезя и сон изь вешь мольмода.
— «Ков сон тяфта моли?» — арсесь Васькась, конанди кармась ётнома Петькать эзда возбуждениясь.
Вдруг Петькась лоткась. Сон ащесь куваць, сельмосонза пиндолгоцть сельмя ветьня. Сяда меля сон нолдазя нярнць алу и валомня тусь меки. Но, ётась тийсь несколька аськолкс, танга лоткась, шюкадезя прянц, крутаста шаркстась вири, и тусь видеста Васькать лангс.
Эвотьфста и апак учть Васькась арась шуфтнень фталу, но улсь ни позна. Петькась няймать исця няй Васькать, но марязя моцорфть. Сон юваць и комоць кинять шири.
Кда Васькась молсь кинять лангс, сонь ланксонза кигава ни ашель.
Иляць сашонць, но шись ненгя улсь пси.
Менелть эзга лийсть стака туцят, но исть пуромшня оцю туцяс, синь ётность тифтеннь-тифтеннь, шить апак токсек и апак кяшентть.
Смутнай, аф яснай тревогась ков мезя сяда кемоста сявозя Васькать, и жалнай вирсь, ся самайсь, конаннь эзда мес бди пелсь Петькась, вдруг арась Васькати враждебнайкс и чужойкс.
Сон кармась мольма вишкста и курокста пачкоць Тихай ляйти.
Вирнь таратнень кучкаса ащесь песчаннай ляйнь тырвас. [ 72 ]Инголя Васькась тяса валда эшлекшнесь. Вець тяса улсь сетьмя, потмакссь кемя и ровнай.
Но тяни, сась тийсь сяда малас сон няезя, што вець кепоць и улсь мутнай.
Од щепканнь сускепт, досканнь пялькст, синнеф байдек пялькст уйсть аф спокойнаста, тостиясть, явожнесть и шумфтома шарнцть оржа, пелькс воронкатнень тейга, конат то лисенцть то меки юмсесть шову ветть лангса.
Няйф, алула плотинать тиеманц васца, кармасть путнома перемичкат.
Сон каязя щамнц, но изь комоть кода инголя, изь карма бризксема, кода инголя.
Валомня сувась тийсь беректь эзга ляйти, сонць пильксонза варчсезя тяни ни аф знакомай потмаксть и кирьц кафцкя кяцонза шуфтоннь илихненди, сон кафксть-колмоксть жопафць, лиссь ветть эзда и валомня тусь куду.
Куца сон улсь аф весяла. Осалста ярхцась, апак стряндак пяярдезя кеченяста ветть и моркш вакста стясь апак корхтак и кяжиста.
Сон тусь Серёжкати, а Серёжкась сонць улсь кяжи, сяс мес керезя кяднц стамескаса и вадезь сонь кяднц иодаса.
Сон тусь Иван Михайловичти, но исця сат сонь куцта: эстони сон мрдась меки куду и путозя эсь инголенза мадомс сяда рананя.
Сон мац, но танга изь уда. Сон лятфтазя ётаф, кизоннь шитнень. И, няйф, сяс мес тячинь шись улсь аф удачнай, сон арсесь, што мелямба кизбс улсь сяда цебярь, шитьня лямбот и цебярхть.
Вдруг тайнза арась жалка ся полянась, конанц щувондозя экскаваторсь, и Тихай ляйсь конаннь эса вець улсь тяфтама валда и сятяв; и Петкась, конаннь мархта синь ётафнезь стама цебярьста эсь весяла шиснон и даже Иван Ивановичсь кемоста ярхцай катоц, конац, кода тапазь тиезь синнь сиря будкаснон мес бди кармась пичедьма и тусь аф содаф кона пяли раз’езтть эзда.
Стане жа аф содаф ков лийкстась кувалдать стукса эйфтьф кукунясь, конаннь цингорды кукаманц ала матодовшнесь Васькась тишетнень лангс и няйсь кельгома и содаф отт.
[ 73 ]Эста сон куфкстась, коннезнь сельмонзон и кармась матодовма.
Он няйсь од, аф знакомай. Васенда мутнай туцятнень пачк и сонць туця шири шави уйсь оржа пей золота лаца карась. Сон уйсь видеста Васькать нерятас, но нерятась улсь тяфтама аф оцюня, а калсь оцю — и Васькась эводьма пачк юваць: «Цёранят!.. Цёранят! Кандода сяда курок оцю бредня, а то сон сязсы нератать и орьгоди». «Ладна» — мярьксть цёрантьня — «минь тени-кие кантам, но инголя минь вачкоцайнак, оцю пайкнень».
И синь кармаст гайфтема... Дон!.. дон!.. дон!.. дон!..
И мзярс синь вишкста гайфтозь, вирть фталда Алёшинаса кепоць толнь и качамнь мар. А сембя ломатьня корхтазевсть и ювацть:
— Пожар... Тя пожар. Тя пяк оцю пожар.
Эста Васькать мамац мерьксь тейнза.
— Стяк Васька.
И сяс мес маманц вайгелец улсь пяк вишкя и кяжи, то Васькась шярьхкоць, што тя аф он, а афкукс пожар.
Сон панжознь сельмонзон. Улсь шовда. Коста бди ичкиздя марявсь вишкста пайгоннь гайфтема.
— Стяк Васька — мярьксь мамац омбоцеда. — Куцть кудпряв и варжак. Няйф, Алёшинась палы.
Васькась курокста щазнь понгсонзон и крутой леснецетнень эзга куцссь сяда курок кудпряв. Шовда потмоть эзга, сон вихца эцесь вальмять тейс и лифтезь прянц каркс видева.
Венелсь улсь шовда. Заводонь площадкать тейса, склатнень ваксса быльнясть фанарнь толхня, види и кершь ширеса валцта сувама и тума симофорть эса палсть якстеря сигналхня. Инголя цюткня валдомшнесь Тихай ляйть эса аф оцю веднясь.
Но ся ширеть эса, ляйть омба ширеса, шовда вирть омба ширесонза, тоса, коса улсь Алёшинась, ашель аф тол, аф качам, ашель кожфть эзга лиенди искрат. Тоса ащесь эчкя шовдась, конаннь эзда марявсь пайкть вайгялец.