Ичкиздень масторхня/10

From Wikisource
Jump to navigation Jump to search
Ичкиздень масторхня  (1933)  by Гайдар, Аркадий Петрович, edited by Кочетков А., translated by Аф содаф (аноним)
10-це главась
Арк. Гайдар. Ичкиздень масторхня. — ОГИЗ Молодая гвардия, Москва, 1933. — стр. 48—51

[ 48 ]

10.

Гайда гай! Гоп-гоп! Цебярь эряфсь! Василий Иванович — цебярь! Палатка — цебярь! Завод — цебярь! Сембя цебярь! Стоп!

И Петькась, сон-жа алаша, сон-жа ластя, мезя вийхть келемсь нарть ланкс, повсь пильгоц лисф корянц.

— У, чорт, прань — ювачнезя Петька-ластясь — Петька-алашать. — Кда эжття нагайкаса, эста аф кармат пракшнема.

Сон стясь, нардазя кяденц, конац повсь шюдерксс и варжаксць.

Вирсь улсь туста и сери. Пяк оцю спокойнай сиря келуфня пиндольцть вярьгя мази свежа пижеса. Алула улсь кельмоня и сумрачна. Дикай мешня и фкя вайгяльса быйнясть и шарсть пялес наксада коренть вельккса, таватф погонь касыксса. Марявсь

[ 49 ]
Ичкиздень масторхня (А. П. Гайдар, 1933) p53.jpg
пангонь шиня, наксада лопань и начка аф ичкиздень шяйть эзда.

— Гайда, гай! — кяжиста юваць Петька-ласьтясь — Петька-алашать ланкс. — Аф тов, повоть!

И ускозя кержи повотть сон тусь ласькома бокс, вяри пант.

«Цебярь эряфсь, — думондась ардомста Петькась. — И тянингя цебярь. А касан — ули ненгя сяда цебярь. Касан озан настоящай алаша ланкс, катк арды. Касан — озань аэроплан [ 50 ]ланкс, катк лии. Касан — аран машына тейс, катк галдорды. Сембя ичкиздень масторхнень арнесаень и лиенцаень. Вайнаса улян клёк командирсь. Вяря — улян клёк лётчексь. Машинать тейса улян клёк машинисць. Гайда, гай! Гоп-гоп! Стоп!»

Видеста пильгалонза пиндолц валда-тюжя кукшинякс тяйня начка полянась. Думондай Петькать ляць мялезонза, што кодамова тяфтама паляна сонь кисонза ашель, и што, кода няемс, сюдоф алашась кандозя аф тов, ков эряви.

Сон шаркстозя шяйнять и эводезь тусь воломня, цебярьняста ванонцы и сотцесы, ков сон тяфта повсь. И ков сон сяда тов моли, теенза сяда няеви, што сон эрьгоць. И тянь эзда эрь аськолмась теенза няеви, што эряфсь няеви печальнай и мрачнай.

Ненгя аф лама шарсь, тоса лоткась, аф содасы ков мольмос, ну тяса ляць сонь мялезонза ся, што компазть вельдя моряса уендихня и ялга якайхня (путешественникня) валда мушенцазь эсь киснон. Сон таргазя кепкастонза компазть, люпштазя бокстон пувнять, и нолдаф стрелкась равжа песонза няфтезя ся ширеть, ков Петькась пцти изь вешь мольмода. Сон шюкадезя компазть, но стрелкась сембя сяка няфнезя ся ширеть.

Эста Петькась тусь, думондазь, што композти сяда няеви, но курок пачкоць тяфтама сидя касыкс пою ёткс, што-ба ётамс пачканза, и аф сязмос щамцень, улсь аш кода.

Сон тусь шаркстамонза тя налть и танга варжакссь компазть ланкс. Но мзяра сон изь шар, стрелкась аф смысленнай упрямстванць мархта, сяряфнезя сонь или шяйс или сидя касыкснень ланкс, или ненгя ков-нябудь аф цебярь стака ётама вастненди.

Эста кяжи и эвотьф Петькась навазя компазть кепказонза и тусь сяда тов проста козя сельмоц няи, пяк сон изь веронда, што сембя моря ланга уйндихня и ялга якайхня кунара юмальхть-ба, кдаба валда синь молелхть ся кить эзга, коза няфнесы компазть равжа оржа стрелкаць.

Сон молсь куваць и думондась тиймос ненгя фкя лисема ки, вишкста аварьгадмос, но тяса валдашкять эзда сон няезя алня, валги шинять.

И эзк сембя вирьсь кода-бта шаркстась теенза лиякс, сяда пяк содавикс ширесонза. Кода няемс, тя лиссь сяс, што ляць сонь мялезонза, кода озай шинять фонца (жильфса) валда цебярьста лисенцть алёшинскай церькуть крестоц и пряць.

[ 51 ]Тяни шархкоць сон, што Алёшинась аф керьши пяли эздонза, кода сон думондась, а види пяля, и што сенемя озерась аф инголенза-ни, а фталонза.

И аньцек тя тяфта лиссь, вирсь няевсь теенза содаф, сяс мес сембя путондаф палянатьня, шяйнясь и овракня кода и валда кемоста и кулхцондозь мадонцть эсь вастозост.

Курок сон содазя, коса сон ащи. Тя улсь ненгя ичкизя раз’езтть эзда, но аф пяк ичкизя кинять эзда, конац молсь Алёшинаста раз’езду. Сон кенянць, комоць воображаемай алашанць ланкс и эзк лоткась и стяфтозень пилензон кулхцонды.

Пяк аф ичкизя сон кулсь мора. Те улсь кодама-бди страннай морось, бессмысленнай, глухой и стака. И Петькать аф мялезонза тяфтама морось. И Петькась лоткась, ванонды и учи цёбярь минута, штоба максомс алашанцти шпорат и тумось ардозь шовдать и аф цебярь вирть эзда, страннай мороть эзда содаф киняти, раз’езду, куду.