Page:Ичкиздень масторхня (А. П. Гайдар, 1933).pdf/55

From Wikisource
Jump to navigation Jump to search
This page has been proofread.


Тяни шархкоць сон, што Алёшинась аф керьши пяли эздонза, кода сон думондась, а види пяля, и што сенемя озерась аф инголенза-ни, а фталонза.

И аньцек тя тяфта лиссь, вирсь няевсь теенза содаф, сяс мес сембя путондаф палянатьня, шяйнясь и овракня кода и валда кемоста и кулхцондозь мадонцть эсь вастозост.

Курок сон содазя, коса сон ащи. Тя улсь ненгя ичкизя раз’езтть эзда, но аф пяк ичкизя кинять эзда, конац молсь Алёшинаста раз’езду. Сон кенянць, комоць воображаемай алашанць ланкс и эзк лоткась и стяфтозень пилензон кулхцонды.

Пяк аф ичкизя сон кулсь мора. Те улсь кодама-бди страннай морось, бессмысленнай, глухой и стака. И Петькать аф мялезонза тяфтама морось. И Петькась лоткась, ванонды и учи цёбярь минута, штоба максомс алашанцти шпорат и тумось ардозь шовдать и аф цебярь вирть эзда, страннай мороть эзда содаф киняти, раз’езду, куду.


11.

Ненгя изь пачкодь раз’езть тейс, Алёшинаста сай Иван Михайловичсь и Васькась кульсть жалф и галдордома.

Кепцть лажбинть эзда, синь няезь, што сембя тупиксь заняф товарнай вагоннца и платформаса. Аф ичкизя сяда тола улсь ацаф целай куроня серай палаткада. Палсть толнят, молсь качам килангонь пидемать эзда, леборцть толнятынень вельксса катёлхня. Алашатьня мыйнясть. Лакасть рабочайхня, ёрясть шочкт, доскат, эщект и усксесть платформа ланкса повозкат, збруйхть и мяшокт.

Лакасть, лакасть работахнень ёткса, варчсезь алашатьнень, ванонць ваготнень потмос и палаткатьнень потмос и мянь ки-лангонь пидемать тейс яцекшнесь, Васькась тусь Петькать вешендема, штоба кизефнемс сонь, мзярда састь рабочайхня, кода улсь тевсь и мес тяфта Серёжкась шары палаткатьнень тейса канни кархчт толнянь уштомс, и кигава сонь аф ювачнесы и аф паньцазь.

Но ки ланга васець уторозонза Петькать мамац кяжиста пшкяць теенза «тя идолсь» тусь ненгя кунара ковбди и обедама куду изь сашенд.

4*
51