Ичкиздень масторхня/05
[ 27 ]
| 5.
|
Ветня улсть ненгя кельмот, но Васькась сявозя ташта ватань адиялать да авцинань тулупть лядыксонзон, ётась удома тишень вачкама васц.
Ненгя илять синь корхтасть Петькать мархта, што Петькась стяфцы сонь сяда рананя и синь туйхть сукс лавкс платвань кундама.
Но, мзярда сон оргозсь, улсь-ни позна, — вехсошка част, а Петькась ашель. Кода няемсь Петькась сонцкя удось.
Васькась зафтыркась шурхкя мархта рястаф модамарьда, навась зепозонза суском кшя почетф сахоронь почфса и тусь Петькати, штоба ювачнемс сонь удыкс и лодорькс. Сембя сяка Петькась ашель куца. Васькась сувась калдазонь лапазти — удилищанза улсть тяса. Но, Васькась пяк дивандась мес синь исть [ 28 ]ащя ужеть эса, васцост, а кода-бта кенордазь ёрдафт, кой-кода ащесть лапазть кучкаса.
Тоса лиссь Васькась улцяв, штоба кизефнемс аф оцю тетьмакнень, изезь няй-ли синь Петькать.
Ульцяса сон васьфтезя аньцек ниля кизонь Припригинонь Павликть, конац пяк вешсь ластя озамода оцю рыжай пиня ланкс, Кудлахть ланкс. Но аньцек сон стака ваймонь таргазь кепсезя пильгонц, штоба седландамс сонь, Кудлахась шаронць, и вяри пект мадозь ноласта яфиязя пулонць, сяряфнеси Павликть эсь кели, аф сураду лапасонза.
Припрыгин Павликсь азозя, што Петькатъ сон исця няй, и тердезя Васькать лездома, што-ба куцфтемс сонь Кудлахть ланкс.
Но Васькати аф сянди сашенць. Думондазь, ков Петькась юмась, сон тусь сяда тов и курок повсь сельмя ннголенза Иван Михайловичсь, ащи завалина ланкса и морафты газета.
Иван Михайловичскя исця няй Петькать. Васькась обижавсь и озась вакксозонза.
— Мезень колга тяфта, Иван Михайлович морафтат? — кизефтезя сон, сонць ваны лафтунц вельф. — Тон морафтат, а тонць пеедят. История штоли кодама-нябуть?
— Миннь вастонеконь колга морафтан. Тяса, Васька, брат, сёрматф што ёрайхть тиймода минь раз’ездонеськонь тейса завод. Пяк оцю завод. Алюминий — тяфтама металл — севоньста кармайхть сатнема. Сёрмадыйхть, козя васц, миннь алюминть колга. А минь эрятам — севонць, думондатам. Вов тейть и севонь.
И кодак Васькась кулезя тянь колга, сон эзк комоць завалинать ланкста, штоба ласькомс Петькати и васенькавак азомс теенза тя удивительнай новостть. Но, ляць мялезонза, што Петькась ковбди юмась, сон озась танга, кизефнесы Иван Михайловичть сянь колга, кода кармайхть строендама, кодама васца и серийхть ли улийхть заводонь трубатьня.
Коса кармайхть строендама, Иван Михалычсь ненгя сонць исця сода, но трубатьнень колга сон азондозя, што трубат вохси аф улийхть, сяс мес завоць кармай работама электричестваса. Тянди вешийхть тиймода платина Тихай ляйть туркс. Стяфтыйхть тяфтама трубат, конат кармайхть шарма ведень вийса и кармайхть [ 29 ]шарфтома динамомашинат, а нят динамомашинатнень эзда кармай провотнень эзга мольма электрическай ток.
Кулезя, што и Тихай ляйть вешсазь пирьмода, изумленай Васькась одукс комоць, но танга ляць мялезонза, што Петькась аш, кяжиясь лангозонза прокс.
— И кодама дурак! Тяса тяфтама тефт, а сон усксеви.
Велеть песа сон няйсь аф оцю праворнай стирня Шарапоф Валькать, конац вовни несколька минут комотьнесь фкя пильгя ланкса эши струпть перьф. Сон вешсь мольмода теезонза и кизефтемс, исця няй-ли сон Петькать, но сонь кирдезя Иван Михайловичсь.
— Тинь мзярда цёрат ласькондедя Алёшинав? Субботаста или пяденцяста?
— Субботаста, — ляць мялезонза Васькать. Субботаста, сяс мес минь ся илядня баня ушнесть.
— Субботаста. Недяля-ни ётась. Мес тяфта Егор Михайловичсь ширезон аф сувси?
— Егорсь? Да сон, Иван Михайлович, кода-бта исяк ошу тусь. Миннь ширесонок илять алёшинскай Серафим дядязя чейда симсь и азондозя, што Егорсь тусь-ни.
— Мес сон тяфта изь сува? — дасадаста пшкяць Иван Михайловичсь. — Вешсь сувамода и изь сува. А мон вешинь эняльгадмода, штоба сон ошса теень трупка рамаль.
Иван Михайловичсь мяндезя газетать и сувась куду, а Васькась тусь Валькать тейсь, Петькать кизефнема.
Но сон юкстазя сянь, што аньцек исяк сонь мезенкса-бди шавозя и сянкса сон пяк дивандась, мзярда няезя сонь бойка Валькась няфтезя теенза кяленц и мезя вийса тусь ласькозь куцнон шири.
Ся пингоня Петькась ульсь аф пяк ичкизя.
Мзярс Васькась якась, думондась, ков молсь сонь ялгац, Петькась ащесь кальхнень потмоса перя фтала, и пяк учсь, мзярда Васькась туй эсь калдазозост.
Сон изь вешь тяни васедьмода Васькать мархта, сяс мес тя шудаваня лиссь мархтонза страннай и пожалай, мянь аф ладна случай.
[ 30 ]Сргозсь рана, кода и лацсесть, но сявозень калонь кунцеманзон и тусь Васькать стяфтома. Но аньцек кенерс воратанява лисема, няезя Серёжкать.
Ашель кодамова сомнения тяса, што Серёжкась молсь ляйть шири нерятанятьнень ванондома. Исця сода, што Петькась мельганза ванонды, сон молсь перетьнень вакска киняти, мольмоста ашкорясы пикскять кшнинь кячказть эзда. Петькась мрдась калдазу ёрдазонь масторты калонь кунцеманзон и тусь ласькома Серёжкать меля, конац кяшевсь-ни кальхнень потмос.
Серёжкась молсь, весяласта вяшконць эсь тийф шуфтонь вяшкомса. И тя улсь Петькати кядь лад, сяс мес сон тяни кармай мольма сяда ичкизя Серёжкать эзда, аф пичеди, што няйсы и шавсы.
Шудавась улсь мани, гомонливай. Везде лопачнесть почкатьня. Модать алда сидеста лисенць нарсь. Марявсь расань келу соконь шиня, и тюжя панжи ивань лангса дружнаста быйнясть лисфь дабычань вешенди мешня.
Сянькса, што шудавась улсь тяфтама цебярь, и сянкса, што сон тяфта удачнайста ванозя Серёжкать Петькати улсь весяла, и сон тёждяста и аф пелезь молсь кичкора тяйня кинява.
Тафта ётась пяля частшка, и синь пачкочнесть ся вастти, коса Тихай ляйсь, тиенди крута шаркстома, тушенць овракненди.
«Ичкизи яци... хитрайсь», думондай Петькась, ненгя инголя кенянчни эсь пачканза сянь колга, кода, сацазь «кячказть», ласькийхть синь Васькать мархта ляйть шири, кундасазь и эсь, и Серёжкать нерятаняснон ёрдасазь синь тяфтама васц, коста Серёжкась век аф мусыень.
Шуфтонь вяшкомть морамац кати мес лоткась. Петькась тусь сяда вишкста молма. Ётась аф лама минута — танга аф кулеви мезева.
Эста, пичедезь, и аф жалнязь, сон тусь ласькозь, пачкоць шарксть тейс, лифтезя кальхнень фталда прянц. Серёжкась тоса ашель.
Тяса ляць мялезонза Петькать, што аф ламода инголя бокс молсь аф оцю киня, конац молсь ся вастти, коса Филькать шюдерьксоц пракшнесь Тихай ляйти. Сон мрдась шюдерксть устьяс, но тосонга ашель Серёжкась.
Наругасы эсь прянц ротозействанкса и недоумениянкса, ков [ 31 ]тяфта юмась Серёжкась, ляць мялезонза и ся, што сяда вяря Филькать шюдерьксонц шюдема ширеса ули аф оцю прудня.
И хоть сон мзярдонга исця куль, што-ба ся прутть эса целхть калхт, но сембя сяка тусь тов, сяс мес кия сонь содасы. Сон тяфтама хитрай, што мусь мезя нябуть тосонга.
Сонь думондаманц каршос пруць, кода няемс, аф пяк маласоль.
Сон улсь пяк ёмбла, сон уйфць панжема пезькса (тинаса) и, лягада башка эсонза мезегя лия ашель. Серёжкась тясонга ашель.
Петькась шашц Филькать шюдерьксонц тейс, симсь ветта, тяфтама кельмода, што фкя копоркста лама апак ваймак аш кода улсь тиймос, и вешсь тумода меки.
Васькась тяни-ни сргозсь. Кда аф азондомс Васькати, мезенкса сонь изия стяфт, то кяжияй Васькась. А кда азомс, эста Васькась кармай рахсема:
— Эх тон, изийть ван. Вов мон-ба... Вов монь эздодон-ба... и стак тов.
И вдрук Петькась няйсь аф лия мезя, шта юкстазень сон и Серёжкать и нерятатьнень, и Васькать.
Види кядь пяля, аф ичкизя сядошка метра эздонза, кальхнень фталда няевсь оржа брезентонь палаткань вышка. И сойнь велькксонза кепсесь тяйня шура качамонь пласаня толть эзда.