Васенцэ аськолкс (1925)/Кафта кива/2
| ←Васенцэ лисемась | Васенцэ аськолкс. Мокшонь пьессат, эрзянь кэльста ётафтозень И. Бондяков. (1925) , translated by Бондяков, Иван Яковлевич Кафта кива, Омбоцэ лисемась by Окин, Ефим Сергеевич, Чесноков, Фёдор Маркелович |
Колмоцэ лисемась→ |
| Васенцэ аськолкс. Мокшонь пьессат. Эрзэнь кэльста ётафтозень И. Бондяков. — Москва: Центральное издательство народов СССР, 1925. — с. 18—25 Эрзянь кяльса: Кавто киява (Эрзянь эрямосто), Омбоце действия (газета «Якстере теште», № 3, 11 февраля 1924 г.) |
| Омбо̆цэ лисемась. |
(Тевсь Уральскай обласца, казако̆нь станцяса. Казако̆нь куца. Куца кафта моркшт, моркшнень лангса гаго̆тт, кой кодама книгат. Кутть эса штаб-полкась. Моркш ваксса ащи полковой писарь — Учаев. Мезэ бы̆ди сёрмады илэть).
Учаю. (Ёрдасы кэжиста ручканц, ко̆ԗтай ськамо̆нза). Сай ды̆ сай стама врема, стане-жа, кода Рассеяса нят своло̆чнень ёрдасазь, анцяк пуль кармай мольма. Ворьгодян ётксто̆ст, ворьгодян... Якстеԗнень шири меки. Вестовой! (Сувай вестовойсь — Крюков). А разди тэчи тон вестовойкс танга?
Крюков. Мон монць тяза анань прэ кучемс.
Учаю. Мзярда тяса вестовойкс ащи казак, ащемс васта эстеень аф муян... Пачк сэзӗлие-ба! Мезевок аф маряви?
Крюков. Исяк минь ротастонок казакнэ синць коԗтасть, бы̆та колма ротат ладнек салдатта тусть якстеԗьнень пэли. Киво̆к аф кульсамазь?
Учаю. Кие? Тяса анцяк минь кафо̆ннек мокшо̆там. Урадмась сэво̆ԕьцӗнь! Кода мерьгат, ворьгоденьдэрятам якстеԗьнень шири, аф тиихть мезево̆к-шта цёлак тейнек?
[ 19 ]Крюков. Аф содаса, ялгай. Мэрьган — мезэ ули, рас казакнэ синць ротаса-ротаса тяста ворьго̆дихть!
Учаю. Эрь, повмэ! Эсь ширезт пелят ворьго̆дьмацень... Станэ, цёра. Мезенкса тэни минь тюԗтяма? Коданга аф шаԗкодян!
Крюков. Монь фатямазь пленц и кошардыхть эсо̆н тюрьма. Аф тюрян — пондасамазь. (Сувай полковнексь, нят кафо̆ннест максыхть теенза честь).
Пелковнексь. Здорово, Учаев!
Учаю ды̆ Крюковсь. Здравие желаю вашсокородие!
Полковнексь. Вот что, братец, напиши скорее начальнику хозяйственной части приказание, чтобы он с обозом двигался дальше.
Учаю. Слушаюсь, ваш сокродь. (Уйфти сёрмадма).
Полковниксь. А ты здесь что торчишь, болван?
Крюков. Вестовой ваш сокбродь.
(Полковнексь лиси).
Учаю. Танга потатама... Ну, цэ вога тэ гаго̆дкэть, ласьфтьк камандав. Мэрьк куро̆ко̆нэ ластэ ломань кучӗԕть уско̆мо̆нза абозу, начальнекти. (Крюковсь сэвсы канвертть и туй. Сувай поручик Звонарев).
Звонарев. Здорово, Учаев!
Учаю. Здравие желаю ваше благородие!
Звонарев. Нового ничего нет?
Учаю. Никак нет, ваше благородие.
Звонарев. (Куфксты). Уф, устал. И курить чертовски хочется. Нет-ли у тебя махорочки, Учаев?
[ 20 ]Учаю. Махорка есть, ваше благородие. (Таргасы киседо̆нц и макссы поручекти).
Звонарев. А ты от куда, Учаев?
Учаю. Я из Орловки, не подалеко от Куриловки, Самарской губернии.
Звонарев. Да, мы с тобой земляки. Я из Куриловки... Ты не мордвин?
Учаю. Мордвин, вашбродь...
Звонарев. Тон кода тяза повоть?
Учаю. Улень уральскай чугуннай кить лангса, работань. Казакнэ мобилизовандамазь.
Звонарев. Куца кунара ашӗлеть?
Учаю. Омбо̆це кизо̆сь. А тон кода сей повоть?
Звонарев. Мон.., монць ворьго̆день тэ боку.
Учаю. Эста, лисӗнди, тово̆ла пэк цёлак эряфсь?
Звонарев. Сон... кода мэрьго̆мс? Кы̆ԗтапатнэ пэк бунтавандахть... Сэво̆зь властть эсь кэдӗзо̆ст, ну и грабы̆ндахть сембо̆нь эса.
Учаю. А кинь эса сембо̆нь эса грабы̆ндахть?
Звонарев. Помещеко̆нь имениетнень, баяԗнень — сембэ козэтнень.
Учаю. Сэ аф цё... Эста тоса власць наротть кэца? Сянгса пэк дружнаста тюрихть.
Звонарев. Тоса сембэ пачти доброволецть.
Учаю. Сянгса пленцка фкаво̆к аф максы прэ. Аф казакнень лаца, ротаса-ротаса минь ширӗзнок аф ётахть. Те венэ, азо̆нцазь, минь полксто̆нок комсь ломань ворьго̆ць якстеԗьнень шири.
Звонарев. Наротть мэлӗц молсь, куду сембэ ворьгоди. Нароць сволочь, сонь эряви цёбэрь кы̆рмы̆зс кы̆рмы̆штамс. Ды̆ ваймама ётко̆вок теенза аф максо̆мс.
[ 21 ]Учаю. Аф содаса кода мэрьго̆мс... А наротть кодама кы̆рмы̆зс тяк кы̆рмы̆шта, а сон эсь волянц сэвсы, кода тяк кы̆рьдэ, аф кы̆рьдӗви. Казакнево̆к и то вона аф кы̆рьдевихть... Синць пленц ворьго̆дихть, а пови те боку красноармиец — ваныхть ланго̆зонза зверькс Монь мэльсо̆н, повсь ломанць пленц, аф эряви сонь токсемс.
Звонарев. Ужэльдемс-ка аф эряви.
Учаю. Сон аф эряви, ды̆ сяко̆нь ватт минць тоза пофтама. Кода мэрьгат, эста синць-кэ минь ужэльцамазь?
Звонарев. Мес?
Учаю. Пэк лац-ни минь тиенттяма! Кулендеть — миньдедно̆к башка косо̆нга нингэ лацо̆нок тиендихть? Минь дикарьдэ кальдявста тиенттяма...
Звонарев. Тон, мокша, цютькэ ланга туть. (Варжаксты пагоннзо̆н лангс). Эряват кирьфтамс. (Стэй).
Учаю. Ды̆ мон, ваше благородие тонь маԗтот коԗтан, кода эсь ломаннь маԗта, кода мокша маԗта.
Звонарев. Я пошел. (Лиси).
Учаю. Эка, алэ!.. Конаньчка поко̆лсь, мэрьгат... Колма шинь прапор. Алэ, якась сембэ карьса, ату пондасть лафту лангозо̆нза паготт. Шава прэ!... (Сувай веставойсь).
Крюков. Танга колма пленнахть вэтихть.
Учаю. Лэцьсазь танга инэ-кухьнэ.... Эх, Крюков, сельменэвок тэԕть ван ланго̆зо̆ст.
(Ушо̆ста кульви шум, палковнексь наругай: «разойдись бараны». Сувай [ 22 ]полковнексь, мельганза казакт, вэтихть колма пленны якстере-армеецт, ётксост Петэ).
Полковниксь. А ну, сволочи, послушаем что будете говорить! (Шашты малав...) Ухх... рожи краснопузые... Земли захотели! Революцию делать, бунтовать, сукины дети!.. (Петэнь лазсы щёка ланга). Где их захватили?
Фкэ казаксь. Разведчики, ваш сокродие. Долго не сдавались. Семь человек наших убили!
Полковниксь. Бабы, а не казаки! Троих не могли взять без урона! (Пленнахненди). Какого полка? (Петэнди). Коммунист, мерзавец? (Лазсы щёка ланга). Обыскать их! (Фкэ казаксь щупай эсо̆ст. Петэнь зепсто̆нза таргасыень документо̆нзо̆н. Полковниксь сэвсыень и морафты эсо̆ст). Российская Коммунистическая... Ух, рожи краснопузые!.. Разведчики... Коммунисты... Куриловцы... Пятьдесят розог! (Петэнь сэвсазь шавмо̆с). Учаев, запиши его документы. (ёрдасыень гаготнень моркш лангу).
Омбоцэ пленнайсь. Я мобилизованный, ваше высоко-господин полковник.
Полковниксь. Куриловцы? Бандиты! Тоже пятьдесят! (Ушо̆са кульви, кода шавихть розгаса. Кульви Петэнь вайгелец: «Звери убивайте лучше». Полковниксь паньчсы кеньчксть и ивади): сильней, сильней! (Колмо̆цэ пленнайти): Сколько орудий в вашем полку?
Колмо̆цэ пленнайсь. Скоро сам узнаеш, господин полковник.
Полковниксь. Сто... сто штук этому мерзавцу. (Паньчсы кеньчксть и ивади): Раздеть их до [ 23 ]гола!... Сильней!... Чтобы кровь брызнула!... (Сувай казак).
Казаксь. Ваше высокобродие, из заставы передают — красные наступают.
Полковниксь. Позови поручика Звонарева. (Казаксь лиси). Учаев, собирай канцелярию. (Сувай Звонарев). Этих мерзавцев пустить в расход, сей-час-же!...
Звонарев. Слушаюсь, господин полковник. В сию минуту. (Лиси полковнекть маԗта).
Учаю. (Ськамонза). Звеԗть... Инэ-кухть... (Кэцо̆нза Петэнь документо̆нза). Кода азмо̆с? Миньцӗнь ширӗнь ломатнэ. (Моли кеньчксть тейс). Тязк нингэ полковниксь... Кода азмо̆с? Сонцень велестонза ломатнэ. Фкэсь сонь продещасо̆нза, Звонарев-жа... (Паньчсы кеньчксть). Сэво̆зь. арафто̆зь-ни... Куро̆к лэцьсазь... Азмос кода... Пандэ.., туян тяста, ётксто̆ст... Инэ-кухнень ёткс пово̆нь... Вестовой! Тяда венэ ворьго̆дян... (Сувай Крюковсь). Содасак нят миньцень ломатнэ, мокшо̆т. Фкэсь Звонаревть радняц. Сон шовдаса аф нэйсы, лэцьсы... Азмо̆с эряви. Аԗт азк теенза.
Крюков. Кода азса? Пелян...
Учаю. Аԗт, тяза тертьк, мон азса. (Вестовойсь лиси эзт-кигэ кульви Звонаревть вайгэлӗц: «по бандитам... пальба... шеренгой... шеренга...) Лэцьсазь-ы̆лэ, вай лэцьсазь... (Кафта кэца кундай прязо̆нза. Ушо̆ста кульви: «пли!», залп). Лэцӗзь!!! Юмасть ломатнэ... (Сувай вестовойсь).
Крюков. Изӗнь кенӗрь, лэцьфтезӗнь.
[ 24 ]Учаю. Подлец! (Озай, кундасы прянц. Сувай Звонарев).
Звонарев. Готово... сразу на повал. Ну, фсётаки ломатть. Конац-ка фкавок сельмэ ведь изь прафта.
Учаев. Да, синь содасазь мезенкса куло̆сть. А минь? Содасаськ минь мезенкса тюԗтяма? Помещекнень ды̆ козэтнень инкса шаво̆нттама эсь прэнӗко̆нь эса, эсь браднеко̆нь эса! Эх, поручик! Тинь зверьдэ хужатад!... Косонга лацонтт звеԗть аяш!...
Звонарев. (Кэжиста). Ты арестован! (Таргай револьверо̆нц эса). Вестовой! Два человека казаков сюда. (Вестовойсь лиси).
Учаев. Арестован... Сай сэ времась, мзярда эстеентть-кэ казако̆ннтэ мэргихть тяфта. Пандяда шавондо̆мо̆да эсо̆но̆к! Тон содасак кинь лэцийть? Эсь братнӗнь.
Звонарев. (Кэжиста ивади). Замолчать!... бунтарь!...
Учаев. Эсь братно̆нь лэцийть... стамажа сокай-инзахьнень, кодамать и тонць, кодама алэцэ...
Звонарев. Ванат, тязо̆нга пачко̆ць заразась, ды̆ коза!... Полковой канцелярияв! Лифцаськ, машфцаськ кореннек таргасаськ!...
Учаю. (Сэвсыень моркшть лангста Петэнь документо̆нзо̆н и макссыень Звонаревти). Морафтк, подлец... Морафтк, кинь лэцийть! Эсь братцӗнь!
Звонарев. (Кэжиста сэвсыень гаго̆тнӗнь и морафты). Российская Коммунистическая Партия... Петр Карпович Звонарев... (Амбаскады, эво̆ди). Сон... Петэ... (Нингэ весть морафцы). Петэ... Кода мон изӗнь фатэ?.. Кода мон изие сода?... [ 25 ]Шовдаль... Эсь брадо̆зень лэцие!... (Прахть кэцто̆нза гаго̆тнэ).
Учаю. Эх, сволочь! Сембэ тоса браднекэ... А тяса анцяк инэ-кухть. Мзяра верда пэерьдӗдэ... Мзяра сельмэ ведь шудефттяда! Мерзавецт!...
Звонарев. (Аф содасы мезэ тимо̆с, кундасы прянц). Мезэ мон тиень? Мезэ тиень? Радной брадо̆зӗнь лэцие!... (Сувахть кафта казакт). Убирайтесь, не нужны вы!... Мезӗнкса лэцие?... Лэцие Петэнь... Мезэ тэни тиян???.. (Аварьгады).
Занавес.