YNZER SIEJNY WYMYSÖJER JEW!
| ←SIUN NÖ AM JÜR FUR ONDAOCHT FU YNZUM GYZANTA | YNZER SIEJNY WYMYSÖJER JEW! by Zbiór wierszy o wilamowskich obrzędach i obyczajach oraz Słownik języka wilamowskiego |
WYMYSÖJER FAODYNŚŁAJSA→ |
MAOCH UF DY FAONSTYN WAJT
DY ZUN DI SIAJNT ZU SIEJN
FELAJCHT ZAO YCH ZY HAOJT
NÖ AMÖŁ UNTERGEJN
YCH GEJ CYM FAONSTER NYNDER
DÜT ZAO YCH YNZER SIEJNY RUTY KÜ
WI SIEJN EJ DY WEŁT WEJDER
BAOŁT BŁIT DER KŁEJ, WIR HON KA RÜ
YCH HAOŁT A FŁÜG MYT ŚTIÖKIA HENDA
MAJ FAOD DOS GEJT YM GŁAJCHA ŚREJT
DER FŁÜG RAJST UF DY AOT, YCH WYŁ BAOŁT ENDA
ŁAJCHT GEJT DOS JEN, WENS FAOD MUNTER GEJT
DÜ FIEST MYTA EGIA DÜCHS FALD
AN ŚTREST ZY GYTRAD YM GÖTYSNOMA
DAJ GYBAOT GEJT BYS CYM HYMUŁ BAOŁT
ES EJ DIR ŁAJCHTER, DER GÖT HYŁFT MYT DIR CYZOMA
YCH BEJ MYT DER AOT FERBUNDA
YCH BŁAJ JER TRAOJ BYS CYM TUT
DER GÖT GYT YNS Z ŁAOWA AN GYZUNDA
WIR WAON DY AOT ŁÖWA, ZEJ GYT YNS BRUT
DY AOT HÖT A GRUSYS RACHT
ZY RIFT: DÜ BYST MAJ TRAOJER DINER
ZY BAOT MEJCH, AN ZY ŚPRYCHT
KUM CY MIR Y DY YWIKKAJT ŁIWER
  
|
This work is licensed under the Creative Commons Attribution-ShareAlike 3.0 Unported license.
| ||
| |||
