WYMYSÖJER FAODYNŚŁAJSA
| ←YNZER SIEJNY WYMYSÖJER JEW! | WYMYSÖJER FAODYNŚŁAJSA by Zbiór wierszy o wilamowskich obrzędach i obyczajach oraz Słownik języka wilamowskiego |
DY WYMYSÖJER ŚMIERGÜŚNIKA→ |
JUNGY MAKIA ŚŁAJSTA FAODYN
DY FAODYN FIR IR CÜDEKBET
WAJŁ ZY GAON AMÖŁ IDYN
FRAJMAON CYR TRAOJ AJGYŁAODA HET
ZY RIÜTA ZICH NY FEJŁ BYM ŚŁAJSA
ZY HIŁDA GIÖ A ÖDUM CYRYK
FERCYŁTA ŚWOCA DI ZY HIÜTA DESA
WI A BOW YS WOSER ŚPRUNG FUR BRYK
DY BÜWA ŚTEJN DESA UNDYN WENDA
ZY ZAJN UFGYREKT AN ZY HON KA GIEŁD
ZY WEŁA DO DY MAKIA BAOŁD ENDA
DER MÜZIKAONT EJ SIUN BYŚTEŁT
DER FRAONA HÖT MICH ŁIW
ŚPRYCHT ANY CYR AONDER
MIR GYT DY MÜTER DOS HOŁWY JEW
MEJCH HÖT DER MIRA ŁIW, DOS EJ KA WUNDER
DEJCH WYŁ DER MIRA GIÖ NY NAOMA
DÜ HÖST KRUMY FIS AN A GRUSY NOOS
MEJCH NYMT BYŚTYMT DER FRAONA
YCH HO JA ŁIW FIR DOS
ES KOM CY AM GRUSA ŚTRAJT
ANY NOM A BAOZUM Y DY HAOND
AN ZY WIÖE CYM ŚŁÖN BYRAT
DY AONDER WIÖE FYFIG ZY ŚTUS ZY UF DY WAOND
DY FAODYN FŁUGA Y DY ŁÖFT
WI ZIR ZICH DY MAKIA SIUŁDA
AS WIÖ BYKROCT ODER EJS HÖFT
DOS ZICH DER CÜN BAOŁD WYT ENDA
  
|
This work is licensed under the Creative Commons Attribution-ShareAlike 3.0 Unported license.
| ||
| |||
