DY WYMYSÖJER ŚMIERGÜŚNIKA

From Wikisource
Jump to navigation Jump to search
DY WYMYSÖJER ŚMIERGÜŚNIKA by Józef Gara
Zbiór wierszy o wilamowskich obrzędach i obyczajach oraz Słownik języka wilamowskiego

[ 030 ]

DY WYMYSÖJER ŚMIERGÜŚNIKA


YM USTERZUNTAOG YM ÖWYT
KUMA DY BÜWA CYZOMA
IDER HÖT A ŚMIERGÜŚNIK OCUG MYT
DER HARMONIST EJ SIUN GYKUMA

DY ŚMIERGÜŚNIKA GEJN
FUR HYT CY HYT CY OŁA MAKIA
DÜT KRIGIA ZY PŁOC AN WAJN
NY ANER WYT ZICH FU DAOM FRAJYN

ZY GEJN CYN MAKIA DY GAONCY NAOCHT
DY MAKIA HIÖRA SIUN UF DOS
ZY ŚPEJŁA AN ZY ŚRAJN FUR GAONCA MAOCHT
DY MAKIA ZAJN FUM BYGISA GAONC NOSS

DY ŚMIERGÜŚNIKA MÜSA WYSA AN DENKIA
DO ZY KA HYT WU MAKIA ZAJN NY AOJSŁÖEN
ZY WIYN MYT DAOM DY MAKIA BYŁAJDIKIA
S EJ YN ŚMIERGÜŚNIKA NY FEJŁ CY GŁÖEN

MYT MÜZIK AN MYT AM GRUSA KEKIA
GEJN ZY UFA ŚTRÖSA
ANA BYGISA DY MAKIA
DY AONDYN WEŁA DY MAKIA PÖSSA

A GAONCA USTERMÖNTAOG
CIN DY ŚMIERGÜŚNIKA HEJN AN HAOR
UFUM RYNK MAOCHA ZY A ŚPEKTAOKL
ANA FŁIGIA RYM, DY ŚWAOCHA ZYCA YM KRACIUM





CC SomeRightsReserved.png
Cc-by white.svgCc-sa white.svg