Poetische Versuche in westfälischer Mundart/Dat Beer

(Melodie: „Hier sitz' ich auf Rasen.“

   :,: Hier sitt wi, hier sitt wi
Bi't schümende Beer!“ :,:
:,: Nu will wi es singen, :,:
Dat Singen, dat Singen, dat mäck uss Pläseer.

   :,: De Giäste, de Giäste
Wie hävvt se verbaut, :,:
:,: Wi hävvet se duorsken, :,:
De Wärd dann, de Wärd dann, hävv't Beer der ut braut.

   :,: Nu drink wi, nu drink wi
Den smackligen Saft, :,:
:,: Denn mäötig genuoten, :,:
Dann mäck he uss kriegel, dann giff he uss Kraft,

   :,: Un saih wi wir Giäste,
Wi doht't met Pläseer, :,:
:,: Wi will't se behiägen, :,:
Je biäter de Giäste, je biäter dat Beer.