Pitla Storia bibia/N34

←N33

Pitla Storia bibia Gejù cumparësc a si sculeies y nstituësc l sacramënt dla penetënza

N35→

Gejù cumparësc a si sculeies y nstituësc l sacramënt dla penetënza.

N chëla medema sëira fova i apostuli y d'autri sculeies de Gejù adum a Gerusalem te na sala. Jache i se temova dai Giudieres, ovi sarà la portes. Te n iede ie stat Gejù danter ëi ite y à dit: "Pesc a vo! Son ie, no ve temëde!" I apostuli y i sculeies de Gejù ova legrëza a udëi l Seniëur.

Po' à Gejù inò rujenà y à dit: "Pesc a vo! Sche l pere me à mandà mé, nscila ve mandi ie vo." Śën i à ël suflà ados y à dit: "Recevëde l Spirt sant. A chi che Vo lascerëis do i picëi, a chëi ti iesi lascei do; y a chi che vo ne lascerëis do i picëi, a chëi ne iesi nia lascei do."

Y Gejù ie inò scumparì.