Pitla Storia bibia/N32

←N31

Pitla Storia bibia L corp de Gejù vën suplì

N33→

L corp de Gejù vën suplì.

Sula sëira à un di saudeies tëut ca na lancia y à furà tres s la pert drëta dl piet a Gejù. Subit iel unit ora sanch y ega. Po' à doi uemes dl sinedrio, doi uemes de gran stima,"Ujep d'Arimatea y Nicodemo tëut ju dla crëusc l corp de Gejù. Ëi l à fat ite cun n linzuel de lin bel blanch y l à metù te n sepolcher nuef, che fova fat te n crëp. Dan porta dl sepolcher ai balanzà na gran plata de sas. L auter di iel mo unii i majeri prevesc, à metù su guardies dan sepolcher y ëi à pacerà pro l sas. Ëi se temova, che i apostuli jisse a rubé l corp de Gejù y dijësse po': "Gejù ie ressuscità da mort."