Pitla Storia bibia/8

←7

Pitla Storia bibia L deluvio.

9→

L deluvio.

Chël Bel Die à po' dit a Noé: "Va tl'arca! Ie lasceré pluvëi caranta dis y caranta nuetes alalongia. Dut chël che viv, dëssa unì desdrù dala tiera."

Noé ie jit tl'arca; dlonch ël iel po' jit ite si fëna, si trëi fions y la fenans de si fions y ënghe i tieres, co che Chël Bel Die ova cumandà. Idie à po' dedora sarà pro l'arca.

Śën àl scumencià dlonch a rumpì ca la funtanes da insom la tiera ora y l à pluët caranta dis y caranta nuetes alalongia. L'eghes chersciova for plu y plu y auzova l'arca tl aier sëura la tiera. Sëura i monc plu auc s'ova auzà la gran eghes mo de chindesc cubiti. Ma l'arca nudova sëura l'ega via.

Dut chël che respirova y vivova sula tiera, ie unì desdrù dal uomo nchina ala bestia, dal ucel tl'aria nchina al ierm sula tiera. Menadrë Noé ie restà y dut chël che fova pra d'ël tl'arca.

"Beat l uomo, che tëm l Seniëur."