Pitla Storia bibia/7

←6

Pitla Storia bibia Noé frabica l'arca

8→

Noé frabica l'arca.

Adam y Dieva ova mo giatà truep mutons y mutans. For plu y plu grand univa l numer dla jënt. Ma nce la malizia dla jënt univa for majera. Per chësc à po' dit Chël Bel die: "Ie vue desdrujer l uomo dala tiera."

Ma danter la jënt zënza Die vivovel nce n uem devot y giust. Chësc ova inuem Noé. A chësc à dit Chël Bel Die: "Fabrichea n'arca de lën y straichela ju dedite y dedora cun reja. Su aut féi na funestra al'arca y da na pert na porta. Cëla, ie ue lascé unì la gran eghes, l deluvio sula tiera. Dut chël che ie sula tiera, dëssa jì n malora. Ma tu cui tiei dësses jì tl'arca. Tue ënghe ite cun té d'uni sort de tieres n pèr y nce da maië per té y per i tieres."

Noé à fat dut cant, chël che Idie i à cumandà. Plu ani alalongia àl laurà a fé l'arca y à nce perdicà la penetënza. Ma la jënt n'abadova y ne scutova nia su. La maiova ntant y buova y fajova noza.

"Se i piciadëures te binca, no i jì do ad ëi!"