ಆರ್ ಉಪ್ಪುನಮುಟ್ಟ ಪುಸ್ತಕ ಮುದ್ರಣವಾಯಿಜಿ, ಅಮ್ಮೆರ್ ೨೮-೧೨-೧೯೮೨ ದಾನಿ ಮೈಸೂರುಡು ತೀರ್ದ್ ಪೋಯೆರ್. ಅಯಿಡ್ದ್ ಬೊಕ ಈ ಹಸ್ತಪ್ರತಿ ತಿಕ್ಕಂದೆ ಮುದ್ರಣ ಪ್ರಕಟಣೆದ ಬೇಲೆ ಅಂಚನೇ ಬಾಕಿ ಓರಿಂಡ್‌.
ಕರಿನ ವರ್ಷ ಪುಣ್ಯೊಗು ಎನ್ನ ಮೆಗ್ಯನ ಸಂಗ್ರಹೊಡು ಈ ಹಸ್ತಪ್ರತಿ ತಿಕ್ಕಂಡ್. ತುಳು ಜನಸಮುದಾಯೊಗು ಸಂದೊಡಾಯಿನ ಈ ಅಮೂಲ್ಯ ಆಸ್ತಿನ್, ಮುದ್ರಣಮಲ್ಪುನ ನಿರ್ಧಾರಮಲ್ತ್ ದ್ ಯಾನ್, ಎನ್ನ ಕಂಪ್ಯೂಟರ್ಡ್, ಕನ್ನಡದ ತಂತ್ರಾಂಶ ಬರಹ ೫.೦ ಉಪಯೋಗಿಸಾದ್, ಅಕ್ಷರಸಂಯೋಜನೆ ಮಲ್ತುದ್, ಗಣಕಪ್ರತಿ ತಯಾರ್ ಮಲ್ತ್ ದ್ ತುಳು-ಕನ್ನಡ ಅಧ್ಯಯನೊಲೆಡ್ ಹಿರಿಯೆರ್ ಆಯಿನ ಡಾ| ಬಿ. ಎ. ವಿವೇಕ ರೈ ಕುಲೆಡೆ ಪೋಯೆ. ಆರ್ ಬರೆತಿನ ಮುನ್ನುಡಿ ಓದುಲೆ.
ತುಳುಕು ಸ್ವಂತ ಅಪಿ ಇಜ್ಜಿಂದ್ ಬುಲಿಪುನೆಟ್ ಅರ್ಥವಿಜ್ಜಿ. ಜಗತ್ತ್ ದ ಭಾಷೆಲೆಡ್ ಒವುಲಾ ಸ್ವಂತದವು, pure, original ಇಂದ್ ದಾಲಾ ಇಜ್ಜಿ. ಮಾತಾ ಭಾಷೆಲು ಶಬ್ದಲೆನ್ ಬೇತೆ ಭಾಷೆಲೆಡ್ದ್ ಕಡ ಗೆತೊಂದು ಬೊಕ ಸ್ವಂತದ ಲೆಕ್ಕನೇ ಒರಿಪಾವೊಂದು ಬುಳೇದಿನಂಚನೇ, ಪ್ರತಿಯೊಂಜಿ ಲಿಪಿಲಾ ಬೇತೆ ಲಿಪಿಕುಲೆಡ್ದ್ ಪ್ರಭಾವಿತವಾದ್, ತನ್ನ ಅನುಕೂಲೊಗು ಬೋಡಾಯಿಲೆಕ್ಕ ವಿಕಾಸವಾದ್‌ ಬೈದಾ. ತೂಲೆ: ಖರೋಷ್ಠಿ, ಲಿಪಿಡ್ದ್ ಬ್ರಾಹ್ಮಿಲಿಪಿ ಬುಲೇಂಡ್, ಬ್ರಾಹ್ಮಿಡ್ದ್ ಕನ್ನಡ,ತಮಿಳು, ಶ್ರೀಲಂಕಾ ಇತ್ಯಾದಿ ಲಿಪಿಕುಲು ವಿಕಾಸವಾಂಡ್, ಅಂಚನೇ ತೂಲೆ, ಕನ್ನಡದ ರಾಜೆ ಚಾಲುಕ್ಯೆರ್, ಆಂಧ್ರೊನು ಆ‌ಳ್ ನಗ, ಅವುಲು ತೆಲುಗು ಭಾಷೆಗ್ ಪ್ರೋತ್ಸಾಹ ಕೊರಿಯೆ‌ರ್, ಅಂಡಾ, ಬರೆವರೆ ಅದಗ ಇತ್ತಿನ ಪರಕನ್ನಡ ಲಿಪಿನ್ ತೆಲುಗೆರೆಗ್ ಪರಿಚಯ ಮಳ್ತೆರ್, ಅಂಚ ಬುಳೆಯಿನ ತೆಲುಗು ಲಿಪಿ ಇನಿ ಸ್ವತಂತ್ರ ಇಂದ್ ಪಣ್ಂಡಲಾ, ಕನ್ನಡಲಿಪಿತ ಛಾಯೆನ್ ಒರಿಪಾವೊಂದಿನೆನ್ ತೂವೊಲಿ.
ಚರಿತ್ರೆದ ಸಾದಿಡ್ ಕನ್ನಡೊಗು ರಾಜಾಶ್ರಯ, ಜನಬಾಹುಳ್ಯ ತಿಕ್ಕಂಡಾ, ಅಂಚಿನವು ತುಳುಕು ತಿಕ್ಕ್ ಜಿ. ತುಳುರಾಜೆರೆಗ್ ಆಲುಪೆರೆಗ್ ತುಳುಭಾಷೆದ ಬರವಣಿಗೆ, ಸಾಹಿತ್ಯ ಬುಳಪಾವುನಾತ್‌ ಪುರುಸೊತ್‌ ಇತ್ತ್ ಜಾ ಇಂದ್ ಇನಿ ತುಳು ಅಭಿಮಾನಿಲೆಗ್ ಕೋಪಬರ್ಪಿನ ಸಹಜ. ರಡ್ಡ್ ಸಾವಿರವರ್ಷೊಡ್ದ್ ಎಚ್ಚ ಪಿರಾಕ್‌ದ ಚರಿತ್ರೆ ಉಪ್ಪುನ, ತುಳು, ತನ್ನ ಶ್ರೀಮಂತ ಭಾಷೆ-ಸಾಹಿತ್ಯ-ಸಂಸ್ಕೃತಿಲೆನ್, ತುಳು ಜನಸಾಮಾನ್ಯರೆಡ್ದ್ ಒರಿದ್ ಬೈದ್ಂಡ್ ಇನ್ಪಿನ ಸತ್ಯ. ಅಕಲೆಗ್ ನಂಮ ದೀರ್ಘದಂಡ ನಮಸ್ಕಾರ ಸಲ್ಲುಂಡು.
ಅಂಚ ತೂವನಗ, ಪರತುಳುಲಾ ಪರಕನ್ನಡಲಾ ಒಟ್ಟುಗೇ ಬುಳೆದ್ ಬತ್ತಿನ ಭಾಷೆಲು, ಆಯಿನೆಟಾತ್ರ, ತುಳು ಬರೆವರೆಗ್ ಕನ್ನಡ ಲಿಪಿ ಉಪಯೋಗಿಸಾವರೆ ನಮ ಜಾಕಿನ ಮಳ್ಪುನು ಬೊಡ್ಚಿ. ಕನ್ನಡ ಲಿಪಿನ್ ನಂಮ ಭಾಷೆಗ್ ಬೊಡಾಯಿಲೆಕ್ಕ ವಿಕಾಸಮಲ್ತೊಣುನು ನಂಮ ಕೈಟ್ ಉಂಡು. ಈ ದಿಶೆಟ್‌ ಕೆಲವು ಬದಲಾವಣೆಲೆನ್ ಎಸ್.ಯು.ಪಣಿಯಾಡಿ ೧೯೩೨ಡೆ ಪಣ್ತೆರ್. ತುಳುಟು ರಡ್ಡ್ ಸ್ವರಕುಲು ಎಚ್ಚ ಉಪ್ಪುನು ಒಂಜಿ ವಿಶೇಷ. ಎಚ್ಚ ಇತ್ತಿನ ಅ್,ಎ್ ಕುಲೆಗ್ " ್" ಸೇರ್ಸಾವುನ ಕ್ರಮೊನು (ಅ, ಎ) ಆರ್ ಬಳಕೆ ಮಲ್ತೆರ್. ಈ ಪದ್ಧತಿನ್ ತುಳು ನಿಘಂಟುಲಾ ಉಪಯೋಗ ಮಳ್ತ್ ದ್ಂಡ್. ಆಂಡಾ ತುಳು ಕಾದಂಬರಿ,ನಾಟಕ,ಬರವಣಿಗೆಲೆಡ್
5
ಬುಧಾನಂದ ಶಿವಳ್ಳಿ
