ಈ ಅಂಶದ ಬಳಕೆ ತೋಜುಜಿ, ಬುಧಾನಂದೆರ್ ಹೃಸ್ವ ಸ್ವರ ಬಳಕೆಗ್ "ಚಿಹ್ನೆನ್ ಬಳಕೆ ಮಲ್ತ್‌ದೆರ್. ಪಣಿಯಾಡಿ-ತುಳು ನಿಘಂಟು ಪದ್ಧತಿಡ್ "ಗೆ್" ಇನ್‌ಪಿನವುಲ್ ಬದಲಾದ್ ಬುಧಾನಂದೆರೆ ಸೂಚಿತ ಗೆ ಇಂದ್ ಮುಲ್ಪ ಬಳಕೆ ಮಲ್ತ್‌ದ್ಂಡ್. ಹೃಸ್ವ ಸ್ವರೊಲು ಮಾಜಿದ್‌ ಪೋತಿನ ಅನುನಾಸಿಕೋಚ್ಛಾರೊಲು ಇನ್ನಿನ ಬುಧಾನಂದೆರೆ ಅಭಿಪ್ರಾಯೊದ ಹಿನ್ನೆಲೆಡ್ ಬಳಕೆ ಎಚ್ಚ ಸಮಂಜಸ ಇಂದ್ ತೋಜುಂಡು. ಉಂದೆನ್ ಒಂಜಿ ಪರ್ಯಾಯ ಚಿಂತನೆ ಇಂದ್ ಓದುಗೆ‌ರ್ ಗೆತೊಣೊಡು ಅತ್ತಾಂದೆ, ಉಂದು ಪಣಿಯಾಡಿ-ತುಳು ನಿಘಂಟು ಪದ್ಧತಿದ ಅಗೌರವ ಸೂಚಕವತ್ತ್ ಇಂದ್ ಯಾನ್ ಬಿನ್ನಹ ಮಲ್ತೊಣುವೆ. ಹೃಸ್ವಸ್ವರ ಸೂಚನೆಗ್ ಬುಧಾನಂದೆರ್ ಹಸ್ತಪ್ರತಿಟ್ 'ಗೆ' ತ ತರೆಕೊಂಬುನು ಒಂಜೆತ ಮಿತ್ತ್ ಒಂಜಾದ್ ರಡ್ಡ್ ತರೆಕೊಂಬು ಕೊರ್ಪಿನೆನ್ ಸೂಚಿಸಾದೆರ್‌. ಆಂಡಾ ಈ ಸೂಚನೆ ಗಣಕ ಅಕ್ಷರ ಸಂಯೋಜನೆಗ್ ಒಂಬುಜಿ. ಅಯಿಕಾತ್ರನೇ ವಿಶೇಷ ಅಕ್ಷರರಿಕೆ ಮಲ್ಪೊಡಾಪುಂಡು. ಬದಲಾದ್"ಗೆ" ಇಂದ್ ಸಂಯೋಜನೆ ಮಲ್ಪೊಲಿ. ಆಂಡ ಏಕರೂಪ ಸಾಧಿಸಾವುನ ದೃಷ್ಟಿಡ್ ಮಾಜಿದಿನ ಅನುಸ್ವಾರ ಸೂಚಕ "ಚಿಹ್ನೆನ್ ಒರಿಪಾವೊಂದೆ".
ಬುಧಾನಂದ ಶಿವಳ್ಳಿಯೆರ್ ತುಳುಲಿಪಿ ಬಳಕೆಗ್ ಒಂಜಿ ಸಲಹೆ ಕೊರ್ತೆರ್:ದಾದ ಇನ್ನಗ ವ್ಯಂಜನೊಲು ಸ್ವರ ಸೇರ್ಂಡ ಮಾತ್ರಾ ಕಗಚಜಪತ ಇತ್ಯಾದಿ ಆಪ. ಸ್ವರಾಂತವಾವಂದಿನ ವ್ಯಂಜನೊಲೆಗ್ - ಕ್,ಗ್,ಚ್,ಪ್,ತ್ ಇತ್ಯಾದಿಯಾದ್ - ಅರ್ಧಸುರುಳಿ "್" ಕೊರ್ಪಿನ ಅಗತ್ಯದಾನೆ? "್" ವ್ಯಂಜನದ ಮೂಲಭೂತ ಭಾಗ ಅತ್ತ್, ಅತ್ತೆ? ಅಂಚಾಂಡ ಅವು "್" ದಾಂತೆನೆ ಬರೆಂಡ, ಮುದ್ರಣ ಮಲ್ತ್ಂಡ. ನಂಮ ಬರವಣಿಗೆ ಸರಳವಾಪುಜಾ? ತುಳುನು ಬರೆವರೆ ಓದರೆ ಸರಳ ಮಲ್ಪುನ ದಿಕ್ಕ್‌ಡ್ ಉಂದು ಒಂಜಿ ಮುಖ್ಯಸಾದಿ ಇಂದ್ ತೋಜುಂಡು, ತುಳುಟು ವ್ಯಂಜನಾಂತ ಶಬ್ಧೊಲು ಎಚ್ಚವಿತ್ತಿನೆಟಾತ್ರ, " " ಬುಡ್ದ್ ಬರೆಯಡ, ನಂಕ್‌ವೇಗೊಡು ಬರೆವರೆ ಸುಲಭವಾಪುಂಡು, ಬೇಲೆ ಕಡಿಮೆ ಆಪುಂಡು. ಉಂದೇ ಪ್ಯಾರೊನು ಈತಿರ್ತ್ ಪೊಸಶೈಲಿಡ್ ಬರೆತಿನೆನ್ ತೂಲೆ.
ಮಿತ್ತ್ ದ ಉದಾಹರಣೆಡ್ ಫೋಟೊಶಾಪ್ ತಂತ್ರಾಂಶ ಬಳಕೆಮಲ್ತ್‌ದ್, ಪೊಸ ಶೈಲಿದ ಬರವಣಿಗೆದ ಲೆಕ್ಕ ತೋಜರೆ ಕಲಾತ್ಮಕ ಬದಲಾವಣೆಲೆನ್ ಮಲ್ತ್‌ದೆ. ಈ
